|
اقتباس:
والله طاح وجهي وانا اقرا كلامك والله اني اشيل همك بكل مواضيعي واستحي من ردودك ونصايحك لي واستحي اني مقدر انفذ نصايحك استحي استحي والله عالم صدقيني كل الي يصير لي غصب عني صدقيني اتمنى الموت ولا اعيش الي اعيشه الاحلام اذبحتني يام سلطان اليوم العصر غفت عيني واتحلم نفس الحلم المخيس وبعدين حلمت ابو زوجي الله يرحمه يقولي تروشي بروق السدر ولله يام سلطان احلام لو اقولك عنها يوقف شعر راسك ياحبيبتي نفسي اموت ولا اظلم احد لا بشكي ولا بوسواسي انا احب اختي هي وحيدتي اليوم دخلت علي مسنجر وتقوووولي وحشتيني وتقوللي ابيك تجيبين لي هدية من السعودية قلت لها وانا وجهي مكشر وش تبين؟ :( قالت ابيك تجيبين لي موية زمزم وقسم بالله اكتب لك وابكي وبعدين هجمت عليها بالكلام قلت انتي اصلا ماتقولي اني وحشتك الا وتبين مني مصلحة يالمصلحجية قالت عشان قلت لك زمزم صرت مصلحجية؟ واهي قبل هالاحلام لو تطلب عيوني اعطيها بس اتاثر واتعب انا عارفة يام سلطان انج بتقولين لي احلام وافصلي الحلم عن الواقع اقولج صح بس تراني اتاثرررر وايد وااثار الاحلام تتحول عندي الي شك ادعيلي يام سلطان انتي قلبك طاهر ادعيلي دعوة يمكن تصيبني واحتسبي اجرك معي عند الله |
اقتباس:
ياختي انا كنت فعلا شاغلة نفسي عند اهلي وسبحان تمر علي ايام واعيش في استقرار وطمئنينة شوي اذا حملت ترجع لي الوساويس ولشك ويمسكون معي خط دعواتك |
حبيبتي إن من غايات إبليس الخبيثة
هو الافساد ما بين الزوجين فيلقي على الزوج و الزوجة وساوس و شكوك وإن لم نواجه الامر بعقل وحكمة وقعت الخلافات و الشجارات على اسباب قد تعد تافهة حبيبتي لا تدعي للشيطان مجالا ليتلاعب بك وأحسني الظن بزوجك |
والله مو عارفه أيش أقول لأني جد مصدومه ! حطي هالشي ببالك لو قعدتي على هالحال أنتي الخسرانه بتخسرين أول واحد زوجك وأهلك وبتخسرين نفسك كمان ! لأن الوسواس هذا بيوصلك للجنون ! لازم لك دكتور نفسي ياصابره أللي أنتي فيه موطبيعي أبد ماتوقعت أنه واصل للدرجه هذي !! تشكين بأختك ياصابره! والله العظيم كسرت خاطري لما قريت المحادثه الي بينك وبينها لو قعدتي كذا عمرك ماراح تعيشين براحه وسعاده ياصابره أرقي نفسك يومياً وشغلي سورة البقره بالبيت يومياً والله يشفيك ويريح بالك |
اقتباس:
واعوذ بالله من الوسواس الخناس انا سجدت لربي الان وبللت سجادتي بدموعي الحارة خلاص انا اقنعت نفسي حتى لو اوسوس ماراح اسال زوجي ولا اضيق على احد ان شاء الله اخبط راسي بالجدار مابي ازعل احد ولا اشيل وزر احد ربي لا تحملني مالا طاقة لي به واعفوا عني وارحمني |
اقتباس:
وعشان أللي حولك مايحسون حطي ببالك أي شك يخطر ببالك أنتبهي تصارحين زوجك فيه أو أي أحد على طول تذكري أن هالشي من الشيطان أللي يبغى يخرب عليك حياتك وتعوذي منه وروحي توظي وصليلك ركعتين وأستغفري 100 مره وشوفي كيف تهدين بعدها وتخف عنك هالوساوس |
اقتباس:
يعني انا اسوي هالاشياء بارادتي ولا غصب عني وقسم بالله انك لما قلتي تشكي باختك حسيت اني ابغى اموت شى مب سهل ترى انا عقلي النظيف ويقين بداخلي يقولي انه لايمكن اختي تسوي كذا ولا زوجي يسوي كذا هذه اعراض الي يجيني يا بنت الناس ترى شى يرفعني فووق سابع سما ما اصير هي صابرة لي تعرفينها الحين اصير انسانة دمار وحطام كلي انا كلمت امي بذا الموضوع وصرت ابكي وامي تقولي مستحيييييييييييل الي تفكرين فيه وقالت لا قدر الله في ذرة شك ترى بذبحها واعلقها عند باب البيت وتكلمت مع اختي بذا الموضوع وطلعنا انا وهي وقلت لها بقولك شى ولا تعلمين احد وصرحت لها باللي بداخلي وقالت لو اخونك الله يخوني يحرمني متعة النظر وهي تعرف اني من اكلمها كذا اكيد اكون حلمت شى اهلي يقلون عين ولا سحر انا وضح لي بالحلم كل شى ابو زوجي قالي بصريح العبارة ان ولده معيون وقالي انتي ضحيته وطلب مني اتروش بورق السدر وزوجي مرة حلم وحدة عبدة سودة تقوله زوجتك مريضة قالها ايت فيهم قالت له الثانية يعني تقصدني انا قالت له خليها تتروش بورق سدر الي يصير معي ياحبيبتي ماهو طبيعي ولا عمري عشت هالحالة قبل بالعكس كنت زي الهبلة اصدق اي شى وكل شى انا انقص علي كثير بحياتي من كثر ما صدق ومن كثر طيبة قلبي وهذا دليل على انه كانت عندي ثقة بالناس ولا اشكك فيهم الحين خير شر ماثق باحد عباتي واشك فيها ممكن تخذلني |
اقتباس:
انا كمان زوجة ثانية عانيت اكثر منك ندمت لاني تزوجتو تزوج علي جاني انهيار عصبي تعلمين اشتم واكسر واضرب زوجي والله صرت وحش كاسر كل ما ييجي عندي يلقا مشاكل كره نفسو لانو تزوجني لما طلق الثالثة صرت احسن من السابق لكن الشكوك والوساويس ما تروح من دهني والغيرة اااااااه من الغيرة والله اغار حتى من ابني ادا لاعبو ابوه وبوسو مكنتش طبيعية لكن مللت ثم مللث تعودت بالله من الشيطان الرجيم وعدت نفسي وزوجي ان افتح صفحة جديدة قلت يا رب انت وكيلي قرأت دعاء ساكتبه لكم والله ارتحت صرت رومنسية ييجي زوجي مأخر استقبلو بالابتسامة ولا اسأله وين كنت؟؟ صار يجيني طاااااااير قبل وقتو نسيت ضرتي طلبت منو ما يحكيلي عنها لا بالسوء ولا بالخير اوهمت نفسي اني انا زوجتو وبس لما ميكونش يومي اقول هو في الشغل خارج المدينة طلبت منو ما يجيب جوالو لبيتي عشان ما اشوف رسائل او مكالمات منها وهدا الي صار الحمد لله يا رب تغيرت حياتي وكمان عم بحفظ قران كريم وبحاول اتعلم طبخ وحلويات لاني كسولة شويا هههه وكمان امارس رياضة في بيتي وارقص ولما يجي زوجي ارقصلو + كلام معسوووول = نتيجة رهيبة حبيبتي ابدئي صفحة جديدة وخبرينا كل جديدك اختك ام نور |
اقتباس:
شوفي الصباح شاركت بموضوع لمنى الشوق حق المصباح السحري وكنت مبسوطة وقلت بقوم انظف بيتي وارتب اغراضي واشغل نفسي بغياب زوجي غفت عيني ياحبيبتي لاني امس زوجي ماجاه النوم واضطريت اصحى معه وطلع بدري وقمت بعده العصر جاني نوم حلمت وقمت زي المجنونة بعدها راح النور بالعمارة كلها وقسم بالله حسيت بخوف وكلمت زوجي قلت له خايفة قالي لا تخافين الحين بيرجع النور ورجع بس حالتي من بعد الحلم دمار حبيبتي احس ان الشيطان الي فيني حرمة احسها شيطانة تعشق زوجي وتبي تفرق بيني وبينه لانه لو شيطان رجل استحى على وجهه وتركني اعيش بسلام حبيتي وشرايك اسكر الموضوع ؟ |
اقتباس:
والله ماكان قصدي أضايقك بس حسيت من ردك أنه ضايقك وأنتي موناقصه حبيبتي طيب جربي يومياً شغلي سورة البقره بالبيت كامله بالمغرب والفجر ووقت النوم وشوفي كيف تتغير حياتك من واقع تجربه أكلمك والله ماتتصورين قد ايش تغيرت حياتي بعد ماأستمريت عليها ماشاء الله والحمد لله وأستمري على الرقيه الشرعيه أسأل الله العلي القدير ان يشفيك مما أنتي فيه ويريح بالك ويزيح غمك بالنسبه لتسكير الموضوع اللي يريحك حبيبتي لو حسيتي أن فتح الموضوع والردود زادت ضيقتك أبشري باللي يرضيك ومثل ماقلتلك كل ماحسيتي بالوسواس صلي واستغفري وزوجك أنتبهي تحكيله عن وساوسك وتسوين مشاكل عشان ماتخسرينه بس لأني عارفه أنه ماودك هالشي يصير |
| الساعة الآن 06:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©