تصرفك صح سواء كانت القصة صحيحة او هو مألفها
لانك لو بينتي زعلك كان رح يندم وماعاد يحكيلك اي شي بصير معه
انا من يومين كنت بالسيرة وزوجي حبيبي واقف عندي جهتي وفاتحة الشباك منتظر يخلص الاكل من المطعم وكان في جنبنا سيارة وفيها بنات ولا وحدة طلعت ووقفت شوي وبعدين قالت لزوجي هاااي انا استغربت وماكنت متأكدة تكلمه ولالا بعدين قالتله هيي انت يااسمر ياحلو تخيليييييييي
انا ماتحملت فتحت شباك زوجي وقلتلها عمى في عينك يا قليله الادب
زوجي صار يضحك ويقول شوفي زوجك كيف المعجبات حوليه انا من داخلي بمووووووووووت
بس دايما يصير مواقف متل هيك او يجي يقول في وحده قالتلي او سوتلي كذا وانا احسسه اني فخورة فيه انو ماعطاها وجه وقالي ايش صار
لاني متاكدة لو سويت العكس عمره مارح يقلي شي
بس صراحة شي يقهر
احس اني انقهرت لما تذكرت الموضوع
:D

الحمدالله يا أختي إن زوجك إنسان صريح وما يخفي عنك شئ وهاذي ميزه حلوه في بعض الأزواج وأنا أعتبرها رمز للوفاء والإخلاص لزوجته لأن الزو ج الوفي والمخلص لزوجته لايخفي عنها شيئا وكمان إنت زوجه عاقله وفاهمه و تصرفاتك غير متهوره لأن زوجك لوماكان يثق في تفهمك لمثل تلك الأمور ونتيجة ردة فعلك ما كان قال لك شئ
يعني الزوج إذا وجد زوجته إنسانه فاهمه وعاقله وواثقه فيه وفي تصرفاته فهاذا شئ أكيد بيقول لها كل شئ في حياته لاكن إذا كانت متهوره بتصرفاتها و غيوره وشكاكه فمستحيل يقول لها عن مثل تلك الأشياء ليش لأنها ماراح تصبر وراح تحرق الأخضر واليابس و بتحمله كافة المسؤليه
حتى لو هو المسكين ماله بالسالفه لاناقة ولاجمل بس وحده من البنات ذ و لي تحركشت فيه وهي نفذت بجلدها والرجل أ كلها من هاذي الزوجه وبعدها الله يعينه على مايجيه .
أنا سبق وكان فيه بنت تدق على تلفون بيتنا و كنت مدخله فيه خدمة كاشف الرقم كان لما أنا أ رد عليها ماتتكم تجلس فاتحه الخط بدون ما تتكلم أقول ألو ألو إنشق حلقي وأنا أقول ألو وهي ماترد عليه فأنا شكيت في نفسي قلت يمكن هاذا رجل ومايبغى يتكلم و بيسجل صوتي
و قلت لزوجي خذ السماعه رد أنت وأنا رحت مسكت السماعه الثانيه وأسمع زوجي قال بس ألو ويطلع ذاك الصوت تقول إيش ناعم وغنج ومياعه لآخر درجه هلا حبيببي أشلونك زوجي ردعليها من أنت قالت وحده معجبه فيك وتحبك وتموت فيك قال لها زوجي طيب من و ين تعرفيني علشان تحبيني قالت له مو ضروري تعرف أنا أحبك و بس قال لها زوجي يابنت خافي الله في نفسك قالت له أنت خاف الله فيه أنا جالسه أتعذب في حبك
وأنت ولاهمك فيه والله ذاك الساع لما أنا سمعت سوالفها
كذا بصراحه شكيت في زوجي إنه يعرفها ومن قهري بغيت أشيل التلفون وسماعته وعلى راسه و فين ماوصلت توصل معاه بس قلت يابنت تريضي شوي إن بعض الظن إثم وزوجي قال لها أتقي الله في نفسك وخافي من عذاب الله أنت إللي جالسه تسوينه غلط في غلط و بعدها زوجي سكر الخط بوجهها وشوي إلا و هيه تدق وأنا أرفع السماعه قلت ألو ردت على طول لو سمحتي أعطيني إللي جنبك رديت عليها شقوا جنبك بمشرط قولي آمين
ياقليلة الحياء يللي ماعندك ذرة كرامه إنقلعي قلعوا وجهك من مكانه وأقفل الخط بوجهها وأدور الكاشف وأسجل رقمها بورقه خارجيه و بعدها كان عندي إثنين أولاد نايمين بغرفتهم أرو ح أشيلهم وأحطهم جنب بعض عند أبوهم وقلت له قوم توضأ قال خير وش فيه قلت له قوم توضأ و لاتناقش أبد إذا بغيت هاليله تعدي على خير طبعا شاف الدنيا مشعلله قام توضأ و أنا رحت طلعت المصحف و قلت له طالع في أولادك زين ناظرهم أنت الحين عندك ولدين بس وماخلفناهم إلا بعد تعب ثمان سنين وحنا نستناهم والحين أنا الحمدالله عندي قناعه من رب العالمين والله لو يموتوا وأدفنهم بليله هاذي كلهم أحلف بالله ما أذرف دمعه عليهم إذا كنت تبغى تكذب عليه وتحلف يمين كذابه قال خير قلت قرب حط يدك على القرآن
وأحلف بالله العظيم وبكتابه الكريم وإن الله يحرمك أولادك وصحتك وماملكت يمينك إن البنت هاذي أتصلت على التلفون إن مالك فيها علاقه ولاتعرفها ولاتدري عنها قال طيب وأخذ المصحف وحلف يمين بأنه مايعرفها ولايدري عنها وأقسم بالله العظيم إنه مايعرف من النساء إلا أنا في حياته وماعمره فكر في أي إمرأه أخرى وآخر شئ قال لي أعاهدك بكتاب الله إن رايح أكون لك الزوج الوفي والمخلص وماراح أفكر بأي إنسانه غيرك في يوم من الأيام وأحلف بالله ماتذوقي الظيم بإذن الله وأنا عايش .
طبعا هاذا الموقف صار زمان تقريبا قبل عشر سنوات وبعد ماحلف صدقته وفي اليوم الثاني خذت رقم التلفون حق البنت وأتصلت عليه وسبحان الله دقيت الساعه تقريبا 1الظهر ورد عليه رجل صوته رجال كبير وكان زوجي عندي قلت السلام عليكم رد السلام الرجل وبعدها قلت له ياخوي أنا أتصلت داخلة على الله ثم عليك قال خير يا أختي إن شاء الله قلت له ياخوي تلفو نكم هاذا أزعجنا لا خلا لنا ليل و لانهار
نرتاح فيه وتتصل علينا بنت من عندكم مزعجتنا إذا كلمتها أنا ماترد عليه وإذا رد عليها زوجي ترد عليه
وتجلس تسولف معاه فيا أخي فكنا شر هالبنت الله يرضى عليك قال أبشري لك عليه ماعاد تدق على رقم بيتكم أبد
وبعدها قفلت الخط و أقسم بالله من ساعتها إن رقم تلفونها ماعاد دق علينا أبد
والحمدالله أرتحنا من إزعاجها وأنا كان هاذا الموقف أول موقف لي في حياتي مع زوجي وبعد ماحلف لي زوجي صدقته وماعمري دققت عليه بعدها في شئ وواثقه فيه لأبعد الحدود و الحمدالله زوجي صريح جدا معاي وماعمره أخفى عني شئ أبد حتى لوأتصلت عليه إمرأة يرد على جواله وأول
مايرد يسمع صوت إ مرأه إذا كان لحاله يقفل الخط و إذا كنت أنا عنده يعطيني الجوال أرد عليها إذا كانت غلطانه تعتذر وتسكر وإذا كانت مدلعه أغسل شراعها وأ كرشها و أقفل الخط وما أرد عليها حتى تبطل تدق مرة ثانيه .
أختي أنا أطلت عليك وحبيت اقول لك هاذي السالفه إللي من واقعي و أنا أنصح الحريم إن الوحده لوجاء زوجها وقال لها عن شئ من مثل هالسوالف أول شئ لاتنفعل
ولاتعصب عليه و تخليه حتى يكمل سالفته لها و بعدها تبتدي في مدحه و الثناء عليه و إخباره بأنه أهل للثقه و إنه إنسان محترم و يخاف الله و إنها معجبه بتصرفاته وإن ما أخبرها بذلك إلا دليل على حبه لها و إحترامه و تقديره لها و لابأس بإخراج قليل من العتب و الغيره عليه بس بشكل خفيف و غير مؤ ثر
حتى يحس إنك تحبينه و تغاري عليه .
أسأل الله لك السعادة و التوفيق في حياتك الزوجية .

بنت الحكمي ، سوالفك تجنننننننن
و تعليقاتك من جد تضحكني مرات :D


لوووف أوف لايف

إيوة ، مرات أحكي لزوجي بطريقة تشبه طريقة زوجك بس قصص مختلفة
و تكون صحيح حصلت بس كانت مزحة مع زميلتي و كذا
بس أجيبها لزوجي بطريقة ثانية عشان أشوف يغار و لا لأ و انبسط ؟

في البداية كان يطنشني و ما يهتم أبداااااااااااااا و أبرد ما عنده و انقهر بداخلي
بس بعد كذا بديت أحسه من جد ينقهر و انبسط منه ، بس يرد علي ..
أصلا واثق فيك أكثر من ثقتي بنفسي ..


و صدقيني ، دام إنه حكى لك ..
فتطمني من ناحيته :)

و قوليله ، صاحبك ( حاسدك ) لإنك مرتاح مع زوجتك و بيخرب عليك ;)
و امدحي في زوجك و إنك واثقة فيه و كذا