|
الله يفرجها عليك , ياحبيبتي أنت إن شاء الله مافيك شي ولاكنت السبب في إنحراافه , هوإنسان وقع في مستنقع الرذيلة وغاص لأبعد حد , ومن قبل لايرتبط بك وإنساان خاان أخوه من لحمه ودمه وبدل مايحافظ على عرضه أستحله , وخان الله قبل , أصبح الحراام في دمه مع إبليس سواء بسواء. والخادمة السريلانكية هذا مستواه والبعض عندهم إدماان الخادماات الله يعافيهم ولايبلانا , وحدة أعرفها حق المعرفة زوجها يخونها مع الخاادمات وهي الي تستقدمهم وتدفع رواتبهم وفي النهاية تسفرهم قبل لاتنتهي السنتين ,وجميع الجنسيات أستقدمت, والخاادمة الي تصده يستقعد لها , ومثلك طلعت من الأربعين والوضع عاادي , يناام في الصاالة قدام الخادمة وقداام الجميع , ودائما يطلعها حقوده , وشككها في نفسها وعملت عملية تجميل , ويهجرها بالشهور , والله إنها مثلك ,أول كانت تحبه, الآن تدعي عليه بالموت , وفكر بالزواج لكن ماأحد وافق عليه ,لولا بعض الإختلافاات لقلت أنها أنت. لكن ممكن خيره لو تزوج , الله قادر ياخذ حقك على يد غيرك , وفي النهااية الحلال أفضل من الحراام . تمسكي بوظيفتك وخلك واثقة من نفسك وعيشي حيااتك والله يعوضك في عيالك خير,وأدعي له بالهدااية وأدعي أن الله يستر ويحمى بنااتك من ذنب أبوهم. |
اقتباس:
صبر جميل وبالله المستعان لاتكترثي ، اجري التحليل تزيني ، مارسي حياتك الطبيعيه اعتبريه مسافرا ولم يعد بعد ! وان اراد ان يتزوج فلابد من سبب هذا يعني انه يرغب في اي انثى غيرك ! ابحثي عن السبب يااخيه حتى لو لم تقومي بكتابته لنا اسألي نفسك وان حصلتي على الجواب اوجدي الحل وقومي بحل المشكله بهدوء وعقلانيه فسمعة اطفالك متعلقه بأبيهم |
نورين اتمني ما غلطت بكتابت النك نيم والله ماله دور بحياتي ..حتي كلام ما يكلمني ما يشاركني همومي عايش لنفسه وبس لكن محتاجته يربي معاي العيال ...لوحدي مااقدر
في رجا الله ...فعلا نفس قصتي هالانسانه الظاهر ان الرجال الي من شاكلت زوجي تفكيرهم واحد وتصرفاتهم وحده لكن الفرق مستحيل اسوي عملية تجميل واغير من خلقتي علشان ارضيه واغضب ربي ..والله اني ادعي ربي وانا مدركه اني مذنبه الله يغفر لي لكن ان شاء الله مو ملعونه ومطروده من رحمة الله...ادعيلي الله يجزاكي الجنه الاخ الطيب...سألت نفسي هالسؤال ليه منجذب لها ...وتذكرت اني لقيت معاها جوال (خادمة امي هي الي قالتلي عنه)اخذته منها وفهمتها انها بتاخذه مني لما تسافر ولما فتشته شفت مقطع فيديو وصخ وعرفت انها قذره ..بس قلت باقيلها اشهر وتنقلع بلدها المفروض انها بنت والي اعرفه ان السيلانيات حتي لو مو مسلمه تحافظ علي عذريتها !!!المقطع يفسر لي ايش هي علاقتهم ...اعتقد......هو يعرف اني استقذر هالاشياء ...يمكن لقاها ماتمانع ....بس انه موخايف صاحب البيت يصيدهم لهالدرجه رخيصه سمعته يغامر فيها |
ياعمري وضعك جدا صعب ومخيف
كيف تضمني تعيشي مع رجل له علاقات والله اعلم ايش مسوي قبل وايش بيسوي مع السيلانية الي ماتخاف ربها يعني فاتح ابوابه لمرض الايدز هذا ماخاف الله في نفسه و تتوقعين بيخاف الله فيكم وفي سمعتكم من دق باب الناس دقو بابه فهميه هالكلام انتم عندك بنت الله يحفظها وعقاب الزاني بالدنيا والاخره واتمنى يكون عقابه بالدنيا يكون في نفسه مو في احد من محارمه ربي انعم عليك بالوظيفة يعني لو انفصلتي مابتشيلي هم مين بيصرف علي ولا على عيالي وإذا ماتبغى تتطلقي فياليت لو جآ جهتك ويبغى حقه ارفضيه وموافقتك خليها مشروطه انه يكشف على نفسه ليكون حامل ذآك المرض ويوهقك فيه اعوذبالله الله يكفيك ويكفي عيالك شره يارب |
والله قهرررر تجيبي الخدامه بفلوسك ورواتبها عليك ويخونك معها
اي رجال هذا !!!! الخياااانه كاثره بسبب ضعف الدين والايمان مايخافون الله لاتغلطي غلطتي امسكي فلوسك لاياخذ منها شي |
كم طفل عندك؟؟وكم اعمارهم؟وكم سنه صارلك متزوجه؟؟
انا متأكده انك منتي مقصره معه لانك ذكرتي انه من اول ايام زواجكم وهو يخون ومن قبل زواجك منه طبعا اكيد كان على علاقه بزوجة اخوه..يعني من قبل لايتزوجك وهو قذر وخائن..وهذادليل على برائتك من التقصيرفي حقه وانتي دامك موظفه ..تقدرين تستأجرين بيت لحالك تقعدين فيه انتي وعيالك ومنتي مضطره لسكن مع اهلك...وصدقيني حتى لوقال باخذ عيالي منك ..مايقدر الحمدلله الحين القضاه صاروا متفهمين...ويحكمون للام حضانه اطفالها..لاتقولين محتاجته يري معي عيالي..تبينه يربيهم على ايش ولا ايش يعني انتي شايفته قاعد يربي تربيه سليمه ولا يربيهم على فعل الحرام..شوفي بنته شافته مع الشغاله في المخزن اكيد بترسخ في عقلها طول العمر..ايش استفدتي من تربيته وهو قاعد يسوي الحرام قدامهم..انتي بنفسك قلتي حاطني بس لتربية عياله يعني هو ماله اي دورفي التربيه انا مااحرضك على الطلاق...من فراغ...اذا وضعك هذا مايستدعي الانفصال ايش الي يستدعي اجل؟؟ ربي ماحلل الطلاق الا لمثل هذي الحالات خصوصا انه مايعطيك حقك الشرعي.. انتي تعبانه نفسيا...ارتاحي لايجيك مرض خبيث..من الضغط النفسي الي انتي فيه |
اقتباس:
ولاتنسون انه من قبل لايتزوج الاخت وهو كذا وكان على علاقه مع زوجة اخوه...فرجاء لااحد يتهمها بالتقصيرلان افعاله الدنيئه يمارسها من قبل الارتباط والزواج(انغشت فيه المسكينه) حسبي الله ونعم الوكيل |
توضيح هي ماعملت تجميل تغيير لخلق الله , لأنها تخااف الله وجميلة وشكلها أصغر من عمرها ومهتمة بنفسها بس هذا حظها , هي عملت عملية تجميل خااصة إن شاء الله فهمتي.
أنا أقدر شعورك أنك ماتقدري تربين عيالك من دون أبوهم خااصة المراهقين , الأب وجوده ضروري ويمكن زوجك رغم مساؤه له شخصية وهيبة عند أولاده ,أنت أكيد محافظة على صورة زوجك حلوة قدام عياله عشاان مايأثر على نفسيتهم ومن باب البر به لأن البر به وااجب مهما كان سيء. أنا أقترح عليك أنك تمتلكين شقة لو بالتقسيط وتستثمرينها وحتى لو قدر الله مااستمرت حيااتك مع زوجك فانت عندك ولد كبير ولاتحتاجين لأحد من النااس . الله يفرجها عليك ويصلح حال زوجك , وأكثري من قوله (ربنا هب لنا من أزواجنا وذرياتنا قرة أعين وأجعلنا للمتقين إيمانا). |
وهل سيترك أطفاله ومتابعة أمورهم ان أنت تطلقتي منه ؟؟
هل ترغبين بالطلاق ؟؟ لم يهمك امر زواجه بالثانية ان كنت تكرهينه وتقرفين منه لهذا الحد ؟؟ لا يلومك أحد ان كنت فعلا تكرهينه لكن نحن لسنا أنت ولا نعلم ما تعلمين ومن يده بالماء ليس كمن يده بالنار ... لهذا أسألك عن رغبتك وسننصحك بناءا على رغبتك .... هل تودين الطلاق أم تودين اصلاح الامور بينكما ومحاولة اصلاح حال زوجك ؟؟ |
اهلآآ بك اخيه
لي عوده باذن الله |
| الساعة الآن 12:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©