|
اخوي انت حياتك زي حياتي حتى انا وضعي اسوء منك انت على اقل عندك ناس تكلمهم بين فترة وفترة
وعندك زملاء قليلين بالجامعة لكن انا واعوذ بالله من كلمة انا ليس لدي اي اصدقاء كان عندي صديقين لكنهم ملو مني وتركوني من 3 سنين والا الآن تخرجت ودخلت الجامعة ولا اكون لا اصدقاء ولا زملاء ولا اكلم احد بالجامعة حياتي هي اني اقوم اروح الجامعة ارجع البيت اتكلم قليل مع اهلي اقعد على النت ايام الخميس و الجمعة ,افرح و ازعل بنفس الوقت افرح اني برتاح من الجامعة و ازعل اني ماعني احد اكلمه يمرني و امره واطلع معه زي كل الشباب عمري وصل 23 سنة جوالي مافيه ولا رقم مخزن حتى سرت انحرج احد يشوفه بعد ماقالي اخوي الكبير ليش جوالك ماقد سمعته يدق , ورغم هذا كله ما اقعد في البيت يعني انا ساكن بالرياض اطلع اتمشه اروح الممشة امشي اروح نادي اسبح , يعني اقهر وحدتي قد ما اقدر , صح انه الطلعه مالها طعم بدون اخوية , لكن الاخوية لهم سلبيات زي مالهم منافع |
اخي غرييب حاول اخراااج نفسك قليلا
صدقيني الوحده لاتفيدك بل تظرك ماعندك ابنااء عم ابنااء خال بعمرك واخلالاقهم كوويسه احتك بالاقاارب وتوووسع شيئاا فشيئااا بس نصيييحه ابححث عن افظل خلق الله الي يعينك على طاااعته اخي انا عندما كنت بالثنووي كنت بطلووووع الروح اصادق البنات لدرجه يجوني بعظهم وتقول لي ممكن اصادقك:) هذا بثاااني ولما وصلت ثااالث حسيت اني شي غرييب مافيه صدقااات الا وحده وهي بنت عمتي غيرت من نفسي وكونت لي قرووب بلا مبالغه حدود 14 بنت من الفصل الي جنبا وفصلنا والحمدلله بعظهم الى الان وانا اتوااصل معهم حاليا انا كبرك بس قريب ابتخرج لاني داخله قبل عمري المفترض :) وصديقااتي المقربييين مني بالجامعه تقريبا 4 والزماله لاتعد ولاتحصى الزبده :) ابداء بنفسك وتحرك لاتنتظر الناس يجوك واذا حسيت انو فيه احد مقبل عليك يبي صداقتك (عطه وجهه ) :)<<افظل تعبير ذكرتني باااقرب صديقي ليه هي تؤااام روححي وتعيني عالخييير ولله الحمد لدرجه بعض الاحيان تقوم قياام ليل خاص عشان تدعي لي وكفلنا ايتام مع بعض وننصح بعض في اموور كثيييير ووو...غير وغيرر تعرف كيف تعرفت علي لما جلسنا نتذكر بدايتنا تقول كنت اجلس جمبك وكل مره اطلب منك منديل خخخخخخخ <<<لاني كنت صاااامته وماااعطي احد وجهه ابد فمالقت الا هالطريقه وشووي شووي صرت لما ادخل القاعه واشوفها اجلس جمبها وو.... الين صرنا اقرب من الاخواات تقريبا اغلب قسمي يعرف انو فلانه مع فلانه ولايمكن يتفرقوون ابحث عن صاحب الدين هو الي بيفيدك صدقيييني عارفه ان رديس مطول نوعا ما بس حيست بوضعي ساابقا ووضعي الحين فرق كبييييييييييييييييييييييييييييييييير وبلغنا بمستجداتك |
مشكورين ما قصرتوا |
ضايق وتعبان.. ساعدوني الله يجزاكم خير
بسم الله الرحمن الرحيم السلام عليكم ورحمة الله وبركاته مسائكم رضى وسعاده ...... احبابي اخواني واخواتي... انا اسمي: علي العمر: 21 من السعوديه الرياض انا صراحه عندي مشكله معقده ماني عارف احلها احس بالوحده القاتله يا احبابي ما عندي اصدقاء اطلع معهم يطلعون معي اشوفهم يشوفوني عندي اخوان كلهم يطلعون وانا صراحه اغار منهم عندي اخ اصغر مني ودايم مع اخوياه لما اقول لأخوي اللي اكبر مني بروح معك الاستراحه يقول لا ما يلصلحون لك وش تبي فيهم ادرس في الجامعه عندي بعض العلاقات في الجامعه لكن خارج الجامعه نا اعرف احد الا نادر مره مره بعض الأصدقاء يتصلون بس كل شهرونص شهرين بالتلفون بس لما اقولهم خلني اطلع انا وياك نوسع صدورنا يصرفني ويقول انا مشغول او ماني فاضي او وقت ثاني. اهلي احياناً يروحون لديرتنا يسلمون على جدي واخوالي في الويكند او العطله الطويله وانا الوحيد اللي اجلس عند ابوي المريض بالبيت لان ابوي ما يقدر يسافر بسبب مرضه وما يفكرون احد يجلس غيري الا انا انا اللي دايم اجيب لأهلي اغراضهم واوديهم ويحطون علي مسؤوليه أكبر من حجمي مع العلم ان عندي اخوان اكبر مني 2 وواحد اصغر مني بعد هو يسوق ومعاه سياره بس انا اللي دايم اخدمهم امي تحبني مره لاني دايم اجلس عندها واسولف وتقولي انت ولدي المحبوب عندي وهذا شي يسعدني وبعد ابوي يحبني ويقول انت اللي تعجبني من بين اخوانك ما تسهر برا البيت وما تعذبني مثل اخوانك بس انا اعاني من وحده تنزل دموع عيني . عندي برضه مشكله سامحوني بس بشرح لكم مشكلتي (انا احب البنات) احب اكلمهم واضحك معاهم ويضيق خلقي اذا ما كلمت بنات ما ادري وش مشكلتي بالظبط لكن صراحه في حياتي كلها ما قابلت بنت على الواقع مع ان البعض يطلبون مني بس انا في شي يمنعني اللي هو وازعي الديني احياناً يا اخواني اهلي يتهزون فيني ويقولون عني اني معقد ما عندي اصدقاء من تطلع من البيت ما عندك ا اصدقاء ليه ما تكون مثل اخوانك؟. يجيني ضيقه والله ما اقدر اتحملها احس اني بموت من الضيقه يمكن يجين ضغط من هالمشكله وهالهم ما ادري انا احس اني اميل للبنات اكثر واحب اسولف معاهم . انا صراحه عاطفي بقوه ما اتمنى اني كذا بس و ش اسوي غصب عني رومنسي لابعد الحدود وانا ما اتمنى اني كذا لان هالشي معقدني ومخليني وحداني مثل ما تعرفون الشباب وناسه وروحه وجيه وهبال وطلعات واستهبال بس انا ما احب هالحركات ما ادري ليه ولو اروح معاهم اجاملهم واسوي مثلهم وانا في داخلي مثل الخوف او الضيقه . اتمنى ازور طبيب نفسي بس انتم عارفين نظرة الأهل والمجتمع للي يروحون الطبيب النفسي . انا دايم جالس بالبيت عند التي في والنت والبلاك بيري ودراستي (احس اني بنت مو رجال) ما ادري وش اسوي ابييكم تساعدوني ( مع العلم اني مدمن العاده السريه ) ابي حلول ابي ناس ترفع معنوياتي ابي ناس تعطيني الحقيقه انا مو فاهم الدنيا) |
الظيقه الي تقولها اذا اجتمعت مع الناس لانك ماتعودت على هالاجواء
متعود انك تجلس بلحالك طيب اذا جلست مع اهلك اخوانك بتحس بالظيقه <<اكيد لا لانك متعود عليهم ماعندك اقارب من عمرك بالنسبه لانك تحب البنات هذا شي فطري بس الغلط طريقتك <<<قريت مشكلتك على عجاله بس اتمنى اني افدتك بهالجزئيه لي عوده اذا الله أراد |
الله يعافيك
اشكر لك مرورك وبنتظار عودتك |
انت مو غريب ولا شي
كل اللي ذكرته عادي ، انا كنت مثلك ماعندي صديقات الا بحدود المدرسة والجامعة اما في الحياة العامة مافيه ويوم تخرجت ماسألوا عني ولا سألت عنهم الفرق بيني وبينك انك عامل الموضوع ازمة ومشكلة اما انا فماااهمني كنت مستغنية بأهلي امي وابوي واخواني واخواتي وكمان بالنت لانه هواية عندي والتلفزيون فعااادي ماكنت احس انه مشكلة يمكن لاني بنت وطبيعي البنت تكون جالسة في البيت بس صدقني ياخوي اللي مثلك نااادر بهالزمان انت انسان بيتوتي وهذا الشي حلووو مو شرط لانك ولد انك تطلع اربع وعشرين ساعة اصلا الاهل يخافون عليك وزوجة المستقبل بتتضايق من جلستها لوحدها بالبيت وحكاية حب البنات فعندي وعندك خير كنت.. اقول كنت لاني تدينت والتزمت الحمدلله وتركت الخرابيط كنت زمان مالي صديقات بنات بس في المقابل عندي اصدقاء شباب كثييير وكنت ارتااح لما اكلمهم حتى وانا عارفة انه مقصدهم بعض الاحيان مو خير بس من البداية كنت احدد العلاقة انها صداقة مو اكثر من كذا وهذا طبيعي اخوي انه يحصل انجذاب للجنس الآخر لكن اللي مو طبيعي انه الانسان يترك نفسه على هواها لانه الاسلام يقول ما اختلا رجل بامرأة الا كان الشيطان ثالثهما فمااافي شي اسمه صداقة بين ولد وبنت عشان كذه غيرت حياتي وتركت كل الاصدقاء وجاهدت نفسي عشان اتوب لاجل رضا الله سبحانه وتعالى خفت اموت وانا اعصيه خفت اموت وانا اكلم خفت اموت وانا ادردش مع فلان وعلان بأي وجه اقابل ربي يوم القيامة وهو اللي اعطاني اهل وامن وامان ونعم كثير ناس يحلمون فيها ؟ على فكرة العلاقات ماتعدت حدود التلفون وكان اغلبها مسن وبعضها يوصل للتلفون ولما تزوجت احس اني اكتفيت بزوجي وماعاد ادور اصدقاء ولا صديقات ياخوي انت تتضايق لما ماتكلم بنات تدري ليش؟ لانه عندك فراغ روحي ماراح اقول فراغ عاطفي لا فراغ روحي بمعنى انه روحك خاوية تبغى اللي يمليها الروح لازم تشبع عشان الانسان يعيش حياته بتوازن انت اشبعت روحك عن طريق البنات مليت وقتك وعاطفتك وروحك وفراغك وكل شي بس المشكلة ياخوي انه الروح اذا ما اشبعتها بالشي الصحيح ماراح ترتاح بتجيك ايام تحس بضيقة زي الانسان لما يكون جيعااان وتعطيه حلى وايس كريم بيسد جوعه بس يظل جيعااان اشباع الروح ياخوي ما يكون الا عن طريق الايمااااان صدقني وانا جربت قبلك ماقدرت اترك الشباب والعلاقات الا لما استبدلتها بالقرآن كنت في اي وقت احس اني ابغى اكلم اقوم اتوضا واصلي ركعتين لله واقرا قرآآآآن لين احس اني ارتحت وروحي ارتاحت اصير انسانة ثانية انسانة سعييييدة مرتاااحة واطلع لاهلي وانا مبسوطة جرب اذا ما ارتحت ترى ماراح يضرك وتعال بشرنا |
طيب وش يمنعك من انك تروح لطبيب نفسي ...؟؟؟
تقول نظرة المجتمع..!! المجتمع وش يعرفه أذا رحت لطبيب نفسي انت رجال اركب سيارتك وأقلع للعياده ومحد بجايب خبرك مشكلتك مرح يحلها الاطبيب نفسي.. نظرة المجتمع موكل شي في الحياة بعدين خلاص الناس تطوروا وتفتحوا وراحت النظره السئيه للمريض النفسي بعدين المرض النفسي مثل المرض الجسدي مافيه فرق |
.
. . الاشراف: تم دمج الموضوعين لتكرار طرح نفس المشكله . |
مشكورين على تفاعلكم الله يعافيكم الدكتور النفسي ما راح اروح لأنه اخاف لو اروح يعطيني حبوب او يحسسني جد اني مريض نفسي انا بدأت بخطوه اللي هي ترك مكالمات مع البنات(الله يصبرني) لاني كل ما تركتهم ارجع لهم لاني اروح وافكر واقول كل واحد من الشباب عنده صديقه او حبيبه بس انا بصير غير بقطع علاقاتي مع البنات كلهم مع اني اعرف وحده منهم من سنتين كاملات بس ابشركم تهاوشت معها البارح ههههه طيب وش رايكم هالخطوه اللي خطيتها وقررتها تنفعني في حل مشكلتي؟؟ وبعدين وش اسوي بعدها..؟؟ ساعدوني |
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©