المشاركة الأصلية كتبت بواسطة مس ماربل (المشاركة 2586056)

الله يعينك وييسر لك حملك وولادتك
انا زيك افكر في السريلانكيات لانهم طيبات الصراحة
ما أعرف ليش أفكر أستقدم وحدة سريلانكية ؟ بس أختي تقول ما تضمني تتركي أي طفل معها ؟
و الشغالات من جد حظوظ أحسهم .. بس هناك مرات طباع تغلب على جنس معين ..
و ما أعرف عن السيريلانكيات غير النادر و النماذج السيئة ؟ عشان كذا قلت أسأل عنها ..

خالتي كانت عندها وحدة سنين من ايام ما كانت البنت الكبيرة عمرها 9 سنين ودحين البنت متزوجة
بس تعبت ومرضت ورجعت لبلدها وجابوا بنتها بس خالتي عندها شغلات اندوسيات غيرها
يعني لو اعتمدت عليها كان البيت راح في خبر كان واللي مصبرها عليها انها كانت امينة
ومن خلال عشرتها بالاندنوسيات اتعلمت كلامهم واكتشفت مؤامرة سحر لام زوج خالتي وبنتها المريضة....... هذه تجربة خالتي
يالطييييييييييييييييييييف من جد يخوفوا .. :24:
و الحمد لله شغالتي اندونيسية سافرت و دعيت ربي إني وكلتك أمري يارب ، و ما راح أفتشها لوجهك
و عشان لا أستضعفها .. بس إن كانت تنوي نية سيئة لا سمح الله مثل ما أسمع دايما ، فأنا واثقة
بربي .. و الحمد لله راحت بسلامتها و ربي يوفقها وين ما كانت ..

وحسب ما قرأت في النت انك تشترطي ع المكتب انها قد اشتغلت في الكويت او لبنان ع الاقل تكون
مفتحة شوي .. لا تجيبيها غشيمة لانها حتكون وسخة وحتتعبك نفسيا و جسديا
وغير انها حتتبكبك لكي من كثر ماهي مشتاقة لاهلها وبزورتها
شغالتي كانت ماشاء الله مخها مفتح و فاهمة الدنيا و تتكلم انجليزي و عربي و لفت الدنيا من قبل
و هذا اللي خلاها تجيني و هي كذا ، كأنه معها دكتوراة ماشاء الله في الذكاء ..

أتمنى وحدة على نياتها و قروية .. و ما عندي شغل كثير في البيت و مرة أريح الشغالات ..
بس إنه وحدة ائتمنها على بيتي و ولدي يوم أروح للجامعة إذا أخذتها معاي برة ..

الله ييسر لك ويسر لي بخدامات بنات حلال
امييييييييييييين يارب و تسلمي عالدعوة الحلوة مثلك ..

على فكرة انتي من الناس اللي تعجبني ردودهم و رجاحة عقولهم واحب اتابع ردودك
سامحيني طولت عليكي

المشاركة الأصلية كتبت بواسطة شاطئ المحبة (المشاركة 2586061)

الخادمة ستكون وفق ما تحبين وعلى الشروط التي ترغبين فيها لو أنك تفهمت معنى ( الإحسان للخدم ) ..
أخوي شاطئ المحبة ،، خليني أعطيك مثال بسيط ..
ما عمرك قرأت في المنتدى هذا ، عن رجل يشتكي من زوجته تطلب الطلاق و تسئ له
مع إنه يكرمها و يحسن لها ؟ أو العكس .. زوجة تشتكي من ظلم زوجها ؟

يعني مو دايما الإحسان للاخرين بيجيب نتيجة ..
و لا ما قالوا في الأمثال ، إن أنت أكرمت الكريم ملكته ... إلخ

و هذا المثل للأسف ، انطبق على شغالتي ..
بس أنا مسامحتها ، لإني بأفتكر ميزاتها و أفضالها علي مهما كان ..

هي صحيح ما أذتني مثل ما أسمع من قصص و غيره ، بس تكبرت علي و تشوفني مجبرة على كل
تعامل حسن مني ..:24:

حتى إنها دحين رجعت بلدها و فتحت لها فيس بوك و ضافتني ..
و يوم أرسل لها سلام ،، تطنشنيييييييي و خاسرتني .. :25:

و تقول لي اتصلي علي كل يوم على اندونيسيا عشان أكلم ولدك ، و إنه ما عندها فلوس تتصل
و أسمع من جيراني الإنجليز ، إنها متصلة عليهم من اندونيسيا على بريطانيا و تتطمن عليهم :27:

بكيفها ..
هي الخسرانة .. :d
يكفي إني أرضيت ربي قد ما أقدر ، ثم ضميري .. لدرجة إنه زوجي دايما كان يقولي ليه تخافي منها ؟
بس مو خوف ، قد ما إنه رحمة فقط ..


ما الذي يدفع الخادمة لأن تبطش بأهل مكفوليها إلا على سبيل الرد والانتقام ممن أساء لها وفتك بها
ولم يراع الله في حقها كإنسانة لها عرضها وكرامتها التي لا بد أن تحفظ وليس لأحد المساس بها مهما
كان هناك من مبررات ..

أحسني للخادمة ، وأطعميها مما تطعمين ، وتجاوزي عن تقصيرها ، وليس شرطا أن نعاقب الخادمة
على كل تقصير بالضرب أو السب أو التجريح ..

جربوا أن تكافئوا الخدم على تقصيرهم ، وأن تقابلوا إساءتهم بإحسان ، فوالله إنهم سيقدرون لكم ذلك ،
وسيخدمونكم ( بعيونهم ) ..

جربت و ما نفع معها .. تشوفه غصب عني .. :25:
فتعلمت إني أتعامل معهم برسمية .. مثل المدير في الشركة مع موظفيه ، من غير ظلم و لا جبروت ..

لدي خادمة ( متخلفة لنظام الإقامة ) لكن لا تريد الخروج من عندنا ، ولها ما يقارب العامين ، يحبها ابني
كثيرا وهي أيضا تحبه وتشتاق له إن غاب عنها بل وتراه في المنام !!

هذه كانت أهم ميزة فيها الصراحة ، تهتم في ولدي و تحبه أكثر من حبها لأي شئ

تقصر أحيانا في العمل لكن لم نهزئها يوما أو نوبخها بل كان ديدننا في التعامل معها كما كان ديدن الرسول - صلى الله عليه وسلم - في تعامله مع أنس ، فلم يقل له لشيء فعله لم فعلته، ولا لشيء لم يفعله لم لم تفعله !!

أخوي شاطئ المحبة ، بس خليني أوضح نقطة ..
أنا كنت مثلك أقتدي بتعامل النبي صلى الله عليه و سلم مع أنس بن مالك ..

بس لاحظ الفرق ، بإنه ( عبد و مملوك ) بينما العاملة المنزلية ،، تأتي ( بعقد عمل و فيه شروط )
يعني كأنها ( موظفة ) عندي و تعمل بوظيفة .. فأتعامل معها كمعاملة المدير لموظفيه .. :)

عمري ما هزأتها لحد ما صارت هي تستهزئ فيني :d
و الكل يعرفني كيف إذا عصبت أنسى نفسي و أصير بركان من جد ، بس معها مررررة أمسك نفسي

بس في الأخير الحمد لله إنها لزمت حدودها و صارت تمشي كويس
بس بعد ما أعطيتها محاضرة قوييييييييييية و صبرت كم مرة على تصرفاتها

عذرا أن أطلت عليك ، وأعلم أنك ممن يخاف الله في الخدم ، حتى أذكر أن هناك موضوعا اتهمت فيه صاحبة الموضوع خادمتها بسرقة المال فقمت بتسجيل دخول خاص لتنهي صاحبة الموضوع عن اتهام الخادمة دون وجه جق ، فبارك الله فيك .

لإنهم مثلهم مثلنا ..
و ما يصير نسيئ الظن فيهم فقط لإنهم ( خدم ) ..

و أشكرك لحسن ظنك ..
بس شغالتي غيرتني و أعطتني دروس من جد .. أشكرها عليه .. :25:

وهنا تذكرين أن خادمتكم السابقة كانت تتأمر عليك ولم ألاحظ أنك قمت بنهرها أو توبيخها ولمست أنك تحترمينها لفارق العمر وهذا أمر تشكرين عليه وسيجازيك الله به خير الجزاء .

في الأخيييييير خاصمتها يوم زاد حالها مررررة و كل شوي تتمنن علي و تهددني و تعمل لي مشاكل
و تتريق قدامي على زوجي و كذا .. يعني ( سكتنا له .. دخل بحـ ... ) الله يعزك ..

بس ثاني يوم صارت تبكي و تقول ليه إنت متغيرة علي و قاسية ؟ شرحت لها الأسباب
و اتصافينا و زي كذا

لا أنصحك بالخادمة المسيحية ، خشية أن تنقل ثقافتها للأطفال ، ثم إن الفقراء من المسلمين هم الأولى بأن نمد لهم يد المساعدة وأن ندفع لهم أموالنا .
إن شاء الله .. و خاصة إني بأروح دولة غير مسلمة
إذا فكرت و قررت أخدها معاي ..


الخادمة الأندنوسية لا يعلى عليها ، تتميز بالأمانة والعطف على الصغار وحسن تدبير أمور المنزل .
مو كلهم .. و الله من جد مو كلهم ..
شغالة أمي تحتاج لشغالة من جد .. :29:و كسرت هذه القاعدة تماما

لا أعتقد أن هناك مشكلة في اصطحاب الخادمة لبلد الابتعاث ، وأعتقد أن هذا الحل أفضل من ترك
الأبناء في الحضانات ونحوها .
على حسب الدولة و كل دولة و شروطها و سياستها .. :(

راجعي مكتب باداوود للاستقدام واستفسري منهم وستجدين الإجابات الوافية إن شاء الله ..
إن شاء الله .. :22:

لكن لو تعرفين خادمة عند صديقة لك أو قريبة وأرادت أن تستغني عنها فبإمكانك استقدامها بعد أن تسافر ,,
فكرة مرة حلوة و ما خطرت على بالي ..

وفي هذه الحالة توفرين عليك رسوم المكتب ( 6000 ريال ) تقريبا ، ولا تدفعين إلا رسوم الخارجية ( 2000 ) ريال .

أسأل الله لكم التوفيق .

المشاركة الأصلية كتبت بواسطة noora (المشاركة 2586194)

روووح الله يعينيك حبيبتي

صراحة ماعندي اي معرفة بالعاملات

بس حابة اقولك لا تحصري الصالح بجنسية معينة

بكل مكان بتلاقي الصالح و الطالح

و استغربت لما قلتي الاندنوسيات مو كويسات
زمان كانوا كويسين ، بس دحين .. كل النماذج اللي أشوفهم مو قد كذا ..
اللي كانت عندي و اللي دحين عند أمي و غيرهم ، حقوديات و لسانهم طويل ..


كنت اعيش في احد الدول العربية و كان عندنا جارة رحمها الله عندها اطفال
و الشغالة هي اللي تربيهم و امهم ما تعرف مسؤليتهم بتاااتا غير بس تبوسهم :)
اما طبخ و اكل و شرب و تبديل و تنويم و اهتمام وقت المرض و ودي المدرسة و جيبي من المدرسة
حتى التعليم كانت الشغالة هي الي تجري بعدهم عشان يتعلموا
سبحان الله كانت زي الام لهم
شغالتي كانت كذا مع ولدي ، بس تستغل حاجتي لها في الخارج
و كل ما كنت طيبة معها أكثر ، كل ما كانت تزيد .. يعني عيشتي في قلق
و الوحدة تحب تعيش في هدوء ..

و بعدين خلاص تعبت و كبرت بالعمر و رجعت على اندونيسيا بس بقيت
على اتصال مع الاطفال و العائلة
تعرفي ايش صار ؟؟ جارتي توفت الله يرحمها و تركت اطفالها صغار ماحد فاضي لهم
ولما الشغالة درت ماقدرت تصبر عنهم .. قالت خلاص برجع اشتغل عندكم
والحين هي اللي تهتم فيهم بعد وفاة امهم الله يجزاها كل خيييير
وفعلا اذكرها زي الام حنونة و طيبة و دايما الحجاب على راسها و ماتسيب فرض
فيه عينات كويسة ، و هذه اللي كانت عندي كان الكل يمدح فيها هنا
بس أخدتها للخارج ( قلبت تماماً ) .. و أغلب اللي أعرفهم و أخذوا معهم العاملات
بيشتكوا من نفس الشئ ، إنها تتغير في الخارج ؟؟؟


فا الشغالات حظوووووظ زي البطيخة :) ياحمرا يا قرعة
بالضبط .. جبتيها


فا برايي اهتمي بالسؤال عن خلفيتها وين اشتغلت وليش تركت
و اعتقد الي اشتغلت من قبل تكون افضل لانها بتكون اتعودت عالغربة و بعد الاهل
و عارفة كيف النظام عندكم .. بس ضروري تستفسري ليش تركت و لو تقدري اتصلي
على اللي اشتغلت عندهم من قبل و اساليهم عنها

تكون متزوجة و عيالها كبار شوي .. عشان زي ماقلتي ما يقعد قلبها متعلق عندهم
وبنفس الوقت تكون عندها خبرة بالاطفال و تساعدك

تكون مسلمة.. يكفي البيئة الخارجية مسيحية .. و بعدين هي بتكون معاه كثير و تجاوب على اسئلته
فايفضل تجاوبه بما يناسب ديننا .. مو تقوله حرية شخصية :)

نفس مواصفات اللي كانت عندي .. :25:


و اخييييرا لا تنسي الدعاااااء و الاستخارة ..

و ان شاء الله ربي يوفقك بعاملة طيبة و حنونة ..

المشاركة الأصلية كتبت بواسطة سلطانة نفسها (المشاركة 2586249)

عندنا الان مشكله بالخدم واستقدامهم وصارت تاخذ وقت اكثر
من اللازم انا الاان بكمل ثلاث شهور من قدمت على خدامه اندونيسيه والمكتب يقول لسه قدامكم وقت
بعد...فانصيحتي لك اتخذي قرارك بسرعه وقدمي على خدامه ..
مادري إذا صحيح ولا لأ ؟ بإنه تم إيقاف الإستقدام من أندونيسيا

بالنسبه للجنسيات انا جربت السيرلنكيه مااااتنفع ابدااااا وجهة نظر شخصيه طبعا للاسف مايهتمون لا
بنظافتهم الشخصيه ولا بشؤن المنزل بطريقه مرضيه غير كذا لسانهم طويل بجد ومايعتمد
عليهم...الاندونيسيه تريحك من جميع النواحي بس التعامل معها لازم يكون حذر وبحساب....الفلبينيه
وخاصة المسيحيه برضو كويسه وعطيها شغلك وارتاحي بس انا ارفضهم بسبب ديانتهم خاصة ان عندي
اطفال صغار واخاف من تأثيرها عليهم ...عموما الخدم شر لابد منه الله يرزقنا الصالحات منهم ..

المشاركة الأصلية كتبت بواسطة زوج الصخرة (المشاركة 2586305)

ماسبق وان جربت الشغالات بحياتي الا من سنة تقريبا ..
طلبنا شغالة سريلانكية مسلمة سبق لها العمل بالسعودية وكبيرة ( بين 25-35 ) ومتزوجة ..
وهو ماحصل ومرتاحين معها بنسبة 99% ...


بالمناسبة وصراحة .. رغبتي في السرلنكية بالدرجة الأولى بسبب خوفي من فتنة الاندونيسيات ..



وبالنهاية التوفيق يعمل دوره بهالمسألة ..