اكيد لا من سابع المستحيلات افكر بهالطريقة ولو فكرت بيوم هذه معناتها النهاية لانه نوع من هذه الحلول بتخلي في حواجز بينا الطرفين لما يرجعوا لبعض

أنا ياشقرديه من رأي إن الزوجه إللي يزعلها زوجها وماتروح بيت أهلها هاذي معناته إنها ماهي بحرمه <<<<<<<<<





















متهوره وماتحب أحد يتدخل بحياتها وتحل مشاكلها بنفسها وأناأشوفها إنها زوجه عاقله وحكيمه وروحتها لبيت أهلها ماتكون إلا في حال دافع قوي لهامن قبل العفندم ومنها إذا كان سكير أو يضربها ضرب مبرح في حينها ترجع بيت أهلها وهيه سليمه أحسن ماترجع وهيه معاقه من سبايب هاذا الزو ج
لاكن يا أختي أنا أحيانا أستعجب من بعض الأزواج هو مايتحمل زوجته ويقوم
يغصبها تروح لأهلها مثلا صار بينها وبينه خلاف مايسيطر على نفسه يقول لها يالله إطلعي من بيتي ولا جهزي شنطتك بوديك بيت أهلك و لايدق على أبوها أو أخوها يقول له تعال شيلوا بنتكم والبنت ماتبغى تترك بيتها بس زوجها هو يطالبها وبالقوه تطلع من بيته وإلا يعيشها في جحيم هاذي صعبه وماتنبلع أبد
فيه بعض الأزواج يسونها .

بالنسبه لي أنا الحمدالله ماعمره تزاعلنا أنا و ياه كثير أحيانا تصير خلافات بسيطه بيننا بس نتناقش فيها ونحلها ولو شفنا النقاش في وقته يوتر العلاقات المشتركه نأجله لوقت لاحق نتناقش فيه ومعاملتنا تكون لبعض رسميه يعني سؤال ورد غطاه إذا قال ضبطي قهوه أردعليه طيب حاف مو مثل قبل أبشر على خشمي إذا سألني عن شئ أقول له موجود وإلا مافيه بدون شر ح وتفصيل إذا جاب للبيت أغراض أقول له تسلم ومشكور بدل دعواتي إللي أطول من دعاء القنوت بعدين أنا زوجي من النوع إللي يمل بسرعه من هاذي الرسميات ومايحبها وأنا كمان أطفش وأحس إني بضيقه بالذات لو عندي كلام بقوله له أو شئ أبغى آخذ رأيه فيه بس ما أحب أرمي نفسي عليه والغلط منه حتى هو يجي يعتذر ويراضيني وأنا أصلن ما أصدق فيها بس ما أبين له وأنا أقول لزوجات يا أخواتي إقضبن بيوتكم أحسن لكم ونار الزو ج ولا جنة الأهل وبالصبر و الإحتساب والنصح والنقاش في الأوقات الحلوه والهادئه بإذن الله ستحل كل المشاكل اللتي تواجها الزوجه في حياتها وماراح تحتاج لا لشنطتها ولازوجها راح يحتاج لبطانيته ووسادته ويدور له مكان ينام فيه .

شقرديه موضوعك حلو صادوه
بس أنا مادخلت راسي السالفه لأني أعرف من هيه شقرديه من خلال مواضيعها ومشاركاتها
الله يحفظك ويسعدك ويبارك فيك ويخلي لك زوجك وعيالك ويديم محبتكم ومودتكم لبعضكم ولايغير عليكم يارب .