|
سؤال
هل تتمنى تقتنع زوجتك بالزواج الثاني؟ |
ياحبيبي انت
والله شوشت نفسك وخربطة تفكيرك الله يسامح ولد عمك مفروض مايسوي هالحركه ويحطك في خانه ضيقه مع عمك وبنته اخي الفاضل احمد دام ان زوجتك رجعت لك وانت تحب زوجتك عليك تسوي الآتي :- - تتصل على عمك وتقوله انك تبي تروح له في موضوع مهم - تشتري من الذهب عقد يكون شكله حلو وبنفس الوقت فخم بس لاتتكلف . - تقول لعمك الموضوع 1 , 2 , 3 وانك ماتبي تظلم بنت عمك لانك تحب زوجتك وماتقدر تتزوجها . - تهدي العقد لبنت عمك وتقول مافي نصيب والله يصلح الحال . اخي الفاضل لاتورط نفسك في زواج ثاني وانت لاتحب بنت عمك ولا تميل لها وتظلمها معاك تنحرج من عمك الحين ولا تنحرج منه بعدين وتكبر السالفه ويمكن توصل للطلاق حاول انك ماتزعل عمك ولا تخسره عشان موضوع بنته وقوله انا تحت أمرك من يدك هذي ليدك هذي واللي تبيه انا حاضر انت توك عريس لاتشوش نفسك ولا تبداء حياتك غلط عشان ماتتعب نفسياً ولا تحس بالذنب من الشي اللي سويته طبيعي اي زوجين في بداية حياتهم يكونو كذا لازم من المشاكل ولكن مع العشره تنحل وتاخذ على طبعك وتاخذ على طبعها أسال الله العلي العظيم أن يصلح زوجتك ويهديها وينور قلبها يارب |
يااخوي بداية حل امورك هي
تتصل بولد عمك وتعتذر منه دامه هو اللي توسط وجابك لااهله فاانت كلمه وقول له وقول مافي نصيب انا استخرت وماارتحت .....وانتهى يبون يزعلون خلهم من نفسهم بيرضون ... زعلوا يوم زواجك وهم رضوا ...والان خلهم يزعلون لاتقول استحي من عمي ...! وزوجتك انت تحبها .... وزوجتك متعبه من هلموضوع وانت وجدت ورئيت كيف تعبت ؟ ....الاهم والاهم تأخذ اي احد زوجتك تقدر تفضفض له وتقول هي وش سبب حزنها سوى امهااااااااااا اختهاااااااااا او من اخواتك اذا هم صديقاتها ,,,الاهم تتحاور معك ع الاقل مايصلح السكووووووت انت معليه اصبر وادع الله سبحانه ان يفتح قلبها وتحبك كما تحبها بارب اكثر الاستغفار اخي وباذن الله ينفرج همك واعمل بلاسباب روح لها بوقت مناسب واجلس معها ومعك ورقه وقلم وقول لها هذه ورقه وقلم اكتبي اللي بقلبك اي اي كلالالام اي عتاب اي شيء اي شيء ولكن ماتسكتين كل شيء بصراحه وانا والله مابناقشك باامر هلورقه ابدا الاهم اعرف مابقلبك من زعل من عتاب اي شيء وحطيها لي بلمكان الفلاني واعطها خبر قول انا مابتزوج ولاني بخااطب ولا شيء انا ابيك انتي بس واخرج وانتظر لعلها تكتب يارب . واتوقع بتكتب او اكتب انت كم سطر كم كلمه حلوه كم ذكرى حلوه وحطها لها ومنها تطلبها بانها تكتب ومنها قولانا زوجك وحبيك لازم اعرف زوجتي وش تبي اكسبي فيني اجر واكتبي ....ويارب تكتب اللي بقلبها وتفضفض يارب لاتنسى الدعاء والاستغفار لربك وهو الاعلم وهو مفرج الهموم ادع بسجودك وبلوتر وبين الاذان والاقامه . اسال الله ان يحببكم لبعض ويحنن قلب زوجتك عليك يارب العالمين . انا مع كلام الاختين ليه الغرور ؟ والاخت مشتاقه 2 ... زوجتك افعااالها الان غييييييير رفضت الذهاب لااهلها _تبكي بعد معرفتها بخطبتك وتعبت ايضا _ورجعت لك بعد ان طلبت الطلاق _ هلامور يوم قرئتها ارتحت قليلا وقلت لو انه تكرهك ؟؟! ماسبب جلوسها ببيتك بعد معرفتها بأمر خطبتك ؟؟ ليه ماراحت بيت اهلها واصرت ع الطلاق؟ ليه مصدومه وتبكي وتعبت ايضا ؟ اخي لايعقل انها تكرهك للان ..نفرض انها تكرهك ! لكان قالت الحمدلله جت منه وطفش مني ومن تصرفات كرهي له والله يعوضني ورجعت لااهلها وهي مرتاحه نفسيا لان ربي فكها من شخص لاتحبه (مع احترامي لك ) .ولكن اتوقع انها اقتنعت باابتعادها عنك فتره ببيت اهلها وطلبها للطلاق جعلتها الايام تفككككككككر بحياتكم وبأذن الله صرفت النظر عن الطلاق وندمت وفكرت كثيييييير واكيد انها هي اشتاقت لك ع الاقل تودك تحبك اي شيء الاهم توجد مشاعر اتجهك والدليل لانها رجعت لك ولا اتوقع اهلها يجبرونها ع الرجوع وهي لاتريد العيش معك ؟ ولكن انت هداك الله صدمتها والامت قلبها بخطبتك ...؟وللالالالالان تقول اخجل من عمي .؟حرام عليك لاتجبر نفسك وتستمر بحجة اخجل من عمي لا لانك بتلعب ع الزوجه ال2 وهي بنت عمك ..وتهدم بيتك الان .فااقصر السالفه واعتذر عن الموعد بلاسبوع القادم بئي عذرولا تحضر بذاكاليوم اعتذر وبعد اياااام قول لااخيها رئيك . |
أعانك الله وفرج همك وأصلح زوجك
بصراحه أنت وضعت نفسك بموقف لاتحسد عليه بسبب المجامله لكن كل شي مكتوب ومقدر وشيء جميل إنك فكرت بالابتعاد الآن قبل يصير بينكم ملكه وزواج أخي الكريم اتصل على عمك وخذ منه موعد واجلس معه وقل له والله ياعم مدري وين أودي وجهي قدامك أنا تقدمت للبنت وأنا ما اقتنعت بالزواج حاليا جاملت ولدك وبصراحه حاس إني ظلمت نفسي قبل أظلم بنتك بالي وفكري مشغول بحل مشكلتي مع زوجتي وأنا غير مستعد للزواج لانفسيا ولا ماليا وما أخفيك ياعم استخرت ولا ارتحت للزواج ففضلت إني أنسحب اليوم دامي على بر قبل أظلم البنت بكرى ويحصل اللي ما أبغاه ولا تبغاه وهذي هديه للبنت ترضيه والله يرزقه اللي يصونه ويسعده و توته توته انتهت الحوته :d وانتبه تجامل على حساب نفسك :24: |
ممكن تكون في نفس عمك وبنته عشان كذا زوجتك ماحبتك ليش ماتخذها تقراء وتجيب لها غسول من عمك وبنته
|
اعانك الله وجمع الله بينكما على خير
الصراحة موضوعك مؤلم ومتداخل كيف سمحت لنفسك بخطبة فتاة وانت لم تنتهي من ازمتك اولا اعتذر من عمك وانهى عملية الخطبة بأنك مشغول جدا نفسيا ولاتريد الزواج حتى تنتهي من ازمتك وخاصة عدم من عدم ارتحايك لها فلا تظلمها زوجتك وانت تحتاجون الى رقية فهي تحس بكتمة وضيق بالصدر ودائما تلزم الصمت وهذا من خلال قراءة ماكتبته (ع-ق)واحساس كبير انها زوجتك لذالك واضح انكما تحتاجون الى رقية معا ولاتنس الدعااء والصدقة اذهب اليها وخبرها بما في قلبك وماتحس به وانك انهيت امر خطبتك من ابنة عمك وعزمك معا على الرقية |
اقتباس:
ايه لكن للآن ماتدري أني قرأت موضوعها أخاف تزداد حالتها سوووء اقتباس:
انا اللي كل الناس ترتاح لي,, زوجتي ماأرتاحت لي ولاحبتني شفت الحظ يابومريم وتقول أن دلعي الزايد لها مضايقها لكن موسبب في نفورها مني,, أيضا" مزحي الزايد ومقالبي موعاجبتها وش اسوي فيها أقطعها وأحطها بكيس نايلون وأرسلها لأهلها:26:>>>>>والله مزحه جد والله ياأخي أبومريم ساعدني في حل أنا انسان أعشق هذي الإنسانه ماأقدر أطلقها وبنفس الوقت متضايق وحزييين على وضعها والمشكله أنها للآن ماتاكل ولاتشرب حتى الماء,, بديت أشك انها ضب:23:>>>لوتدري أني قايل عنها ضب كان تنتحر ههههه قلت لها فقط أكلي أي شئ ومايصير إلا الخير ولكن لاحياة لمن تنادي حتى احراج لوبوديها مستشفى بيستغربون حالة الجوع اللي هي فيه أنا بديت أخاف أنها تموت عندي وش يفكني من أهلها:30: اقتباس:
أوعدم حبها لكن أنصدمت أني نايم بالعسل وتضايقت لأنها تعيش وضع بدون ماتخبرني أشاركها فيه واساعدها يعني أنا انسان متفهم وطيب وحنون معها وش بيصير لوفاتحتني أو وضحت أولمحت ولوبشئ بسيط مما بداخلها ,,ليش التمثيل والخداع وإلى الآن ماذكرت شئ عن عدم حبها أوضيقها مني يعني لولا الكف اللي جاها كان ماقالت أنا مومرتاحه معك اقتباس:
اقتباس:
اقتباس:
بعدين أحب زوجتي حتى لوحصل لاسمح الله بيننا انفصال ماتوقع أبد أحب غيرها اقتباس:
لكن قلبها ونفورها نفسيتها موبيدي اغيرها اقتباس:
اقتباس:
|
اقتباس:
لكن أنها تتكلم مع أحد فما أظن انا ماعندي خوات أما بالنسبه لأهلها فما ادري هي اساسا الآن ماترد على أحد وكتومه لأبعد حد يعني حتى ضربتي لها ماخبرت أهلها أنا اللي قلت لأبوها عن اللي حصل ولاناقشها بالموضوع ولاهي عرفت اني خبرته وأنا الليلة كلمت أمها قلت لها البنت ماتاكل سألتني عن السبب قلت مشكله بيننا قالت إذا جاعت بتاكل:29:!!!!!!!!!!!!!!!!!!!! |
تقريباً عرفت الموضوع سبق وقريته وقريته ألحين كامل مره ثانيه
وسبحان الله كلكم واضح عليكم ناس طيبين ولايقين على بعض ماشاء الله بس اموت واعرف ليش ماحبتك وأنت فيك كل المقومات اللي تخلي الزوجه مو تحب ألا تعشق زوجها لكن سبحان الله ماأقول غير الله يعينكم ويحببها فيك مثل ماأنت تحبها وأكثر لاتكون البنت حامل وانت ماتدري ومتوحمه فيك أو فيها عين أو حسد أو سحر سبحان الله مره مقهوره عليكم مالك ألا الدعاء بس لفت انتباهي شي زعلها لما قلت لها أنك خطبت هذا أن دل على شي فهو أنها تحبك ولا ماكان زعلت وكان أخذته سبب تزعل وتروح لبيت أهلها وتطلب الطلاق بس جد حالتكم غريبه وبنت عمك أذا ماتبغاها نصيحه لاتتورط وتورط البنت معاك خلاص أنه الموضوع تنصدم ألحين ولابعدين لأنه واضح مالك رغبه فيها ابد والله يعوضها بالزوج اللي يسعدها ويصلح حالك وحال زوجتك ويسعدكم ويوفقك فيما بينكم |
يمكن اللي حصل خير لكم إنتم الإثنين ..
علشان زوجتك تعرف قيمة المحبة و الود و الدلع و المزح و اللي كانت تشتكي منه و تتحسن حياتكم للأفضل ، إذا هي شعرت إنها ممكن تخسرك بأي وقت ؟ و صح إنه اللي بنت عمك مالها ذنب في الموضوع ، بس الحمد لله إنه ما صار شئ أكثر من الشوفة .. و بعد إذن الأخ البليغ ، بأنسخ رده هنا اللي رد فيه على زوجتك و كان يتمنى إيصاله لك .. اقتباس:
تشكي من كثرة مزاحه و مقالبه و رومانسيته و إنها ترغب بشئ من الجدية قليلا و بالتوفيق لكم انتم الإثنين |
| الساعة الآن 10:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©