|
والله يااختي مدري ايش اقول لك
لكن الموضوع مادخل مزاجي مرررررة كذا قصة قرأتها هنا في المنتدى بدايتها خير ونهايتها عشق وحب والشيطان شاطر واذا زوجك يبغ يسوي خير عنده الجمعيات ولا يكلم رجال ويساعدهم ولا سبحان الله المساعدة لازم من الحريم شوفي زوجك في مرحلة صعبة وفي ازمة واتعود عليهم وعلى قولك علاقة سنين فسانديه وحاولي يطلع من العلاقة ويرجع لك الموضوع صعب لكن بالدعاء والاستغفار والضدقة والنصيحة ان شاء الله ربي بيسرلك لكن لا تمشي عليك انه يبغ ينصحهم ويساعدهم لا .. وصدقيني الاثم ماحاك في نفسك وكرهت ان يطلع عليه الناس لو هو في السليم يفتح جواله ويكلهمهم ويرسل لهم قدامك او عن طريقك هذا المفروض ...انتي اللي تتواصلي معاهم مو هو وهذا مدخل من مداخل ابليس لزوجك . والحلال بين والحرام بين |
(اختي حبيبتي شكل زوجك مسوي نفسه الأخصائي الإجتماعي حقها يسمع منها ويواسيها ومو بس مساعده لها وعلشان كذا مايبيك تتطلعين على المكالمات والرسائل بس لا تبينين له انك حاسه )
فعلا هذا هو السبب وممكن تكون مع مرور السنبن طايحه الكلفه بينهم وخايف مايعجبني اسلوبهم بالكلام او انه خايف لاتزيد غيرتي اكثر وقت سماعي له يكلمها انا مادري هي كم مره تتصل عليه او كم مره يكلمها بس الظاهر انه كثير لان رسايله لها كثيره نفسي اعرف مدى العلاقة والاسلوب عشان ارتاح واعرف اتصرف بس هو ماراح يفيدني ورافض الكلام بالموضوع بس راح احاول ارسله رساله لعلها تجدي معاه هو يسئلني الثقة فيه بدون مايصير اي حوار بيننا على الموضوع ابدا ابدا |
واسجل شكري لكل من يرد على موضوعي
وسامحوني وقتي لايسمح بالرد على تعليق لاني مشغوله جدا يادوب ادخل اشوف ردودكم واتصبر فيها وافكر والله يهون عليه وعليكم مصائب الدنيا |
هو مو يبغى الاجر نسي انه حرام يكلم حرمه ماهي من محارمه وغريبه عنه
طيب يبغى الاجر ماقلنا شي لكن يكلم ولدها يكلم اخوها ابوها زوجها اي احد قولي خلني ادخل معكم في الاجر واساعد انا الحريم وانت تساعد الرجال والعجايز والمعاقين و.....الخ.... يعني ماوقف الاجر على الارامل وصنف الحريم وليه جواله ممنوع اللمس ؟؟ وش حاط فيه ؟؟ على العموم خليه زي مايبغى وش بيدك اصبري عشان عيالك وبيتك والله الرجال هذولا امرهم عجيب مايبغونا نشك وفي نفس الوقت جواله ممنوع المسه ولاتنكدي عيشتي ابقلك على شي اذا بيكلم بنات او بيتزوج مو انتي اللي بتمنعينه واذاشفتي جواله وفصفصتي كل شي يقدر يطلع جوال من ورى ظهرك بس مافي الا انك تعيشين بالوضع هذا دامه ماينام الا في حضنك ومسعدك ومسعد عيالك وش تبغين اكثر من كذا توكلي على الله ودايم ادعي اخر الليل والله يكتب اللي فيه الخير |
طلع زوحي مايساعد من تحتاج مساعدة لي موضوع سابق ادخلوا
http://www.66n.com/forums/showthread.php?t=222212
هذا موضوعي السابق طلعت مغفله زوجي يكلمهم ومتعلق فيهم وانواع الغزل والعلاقات المحرمه معاهم ويوصلها مشاويرها الخاصه كيف عرفت تجسست على مكالماته بالسياره بطريقتي وسمعت كل شي كيف اواجهه اليوم الله يخليكم كرهته واحتقره ماتتخيلون ؟ ابي نصايحكم ودعواتكم الله يكفيكم شر ماجرى لي ابي الطلاق |
اقتباس:
الله يعينك ويصبرك ويلهمك الرشاد ... فكري وهدي اعصابك واستخيري قبل ما تتصرفي .. |
حبيبتي اولا هدي اعصابج لإنج ماراح تقدرين تلقين حل وانتي متنرفزة
ثانيا وريه انج مو مغفلة بس حبة حبة يعني جيبيله قصص عن الخيانات وكيف ان في بعض الحريم يستنزفون الريال ماديا وآخر شي يرمونه رمية الكلب عزج الله وضحكي وقوليله مسكين هالريال عباله ان هو يلعب عليها اثاريها هي اللي تلعب عليه بس حطي بالج تواجهينه لعبي عليه بنار هادية جدا والله ييسر امرج |
ابتعدي عن البيت لفترة وفكري بخياراتك بتملّي, لا تجعلي قلبك الحكم ولا تغفليه في المقارنات بين خياراتك في الإيجابيات والسلبيات، لا يعمي عينيكِ الحب ولا تعمي عينيك الغيرة فكلاهما قلبك.. بعد ذلك ضعي الخيارات امامه ليختار ما يناسب حياتكما معاً.
اخوك. |
لاحول ولا قوه إلا بالله .. بعض الرجال وكأنه يعبد أهوائه .. والشيطان شاطر مايجي بطريقه مباشره .. دخل عليه بمدخل الأجر والمساعدة ...و بيوصله للحرام ... اختي حبيبتي ... ما دام زوجك مايرضى يفتح مواضيع معاه تتفاهمين ومايرضى يتحاور و يقفل عليك طريق التفاهم .. قاعد يكابر ويتمادى بعد .... من رأيي اذا هو كذا ... شيلي اغراضك اللي تحتاجينهم واغراض عيالك واللي ماتحتاجينهم خليها في بيته واطلعي لبيت اهلك (اذا ظروف اهلك تناسب ) ولا تتكلمين معاه ولا كلمه ولا تعطينه خبر ولا تتهاوشين معاه ولا شيء .. ولا يدري إلا وهو داخل البيت ويدورك مايلاقيك ولا يلاقي عياله .. وطنشية ولا تردين عليه .. حطي في بالك انك بتجلسين عند اهلك وماراح ترجعين إلا والأمر متصلح وإلا مالك رجعه ابدا ..ليه تعيشين مقهوره وبغير وجهه حق ! .. تطلعين ولك العزه بعد واذا هو باعك علشانهم ... خليه يبيع بتراب الله يكرمك .. وانتي شاريه نفسك بأغلى ثمن من شروته لك .. و قولي مااضمنك واخاف تجيني امراض ماادري انا شفتك مشيت في طريق ماادري وش اخره و ماخليت وضوح في الأمر ..انا ما اقذفك ..لكن شفت علامات تخليني اخاف على نفسي منك وماراح انتظر لمن يطيح الفاس في راسي .. وقاعد تتمادى بعد ... واحمدي ربك انك موظفه.. ودوري على ارقام ومعارف الحريم اللي يعرفهم ... واذا كانوا يشتغلون اعرفي اماكن وظايفهم ... انا اعتبر الأمر وصل الخط الأحمر .. واذا ماتسنع ..سنعيه هو واياهم كلهم سوا ...عطيه في البدايه فرصه يصلح نفسه .. واذا مافاد قولي خلك على ماانت عليه انا نصحكتك بس التفاهم يكون بين الرجال وبين اولياء امورهم .. واستعيني بالصبر والصلاة .. وربي بينصرك على شيطانه وشياطينهم وهم من ورا شياطينهم يمشون ! للأسف الله يهديه ويهديهم .. ويهدي كل مسلم ويعفه عم الحرام وكل مدخل يودي له ... وكان الله في عونك ونصرتك .. |
لاحول ولا قوة إلا بالله.. حبيبتي .. الله يصبرك ويقويكِ .. وانتي مو لوحدك ربنا معاكي واحنا قاعدين ندعيلك كوني قوية .. انتي الحق معاكي .. وهو الغلطان أحترام آراء الأخوات.. بس زوجك لازم يوقف عند حده فكري يومين بتأني..واستخيري وأدعي وخططي لمواجهته مزبوط في استراتيجية تقول لابد من مواجهة الزوج الخائن واجهيه بصرامة.. ومعاكي كل الأدلة.. وهدديه انك تقولي لأهلك لاتعطيه مجال انه يغلطك بشي.. وإذا بدأ يقلب المشكلة عليكي ويهدد .. خليكي محتفظة بهدوءك ولا كأنه قال شي هادي الشخصيات مايبغالها غير كدا.. |
| الساعة الآن 05:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©