|
اقتباس:
والله انتي باردة يا اصيلة .. عيني عليك باردة ههههه أنا ما اقدر امسك روحي .. استشيط غضبا و اصيح و بآخر الأيام صرت أرد عليه لين انفجرنا و طلعت من الشقة .. يمكن فيني أنا جانب من الغلط اني ما كنت احتوي الموضوع و بالتالي يكبر .. لكن بعد ما ارضى على روحي بالشتيمة و المهانة .. ما ابغى تنحط حياتنا و نصير في اسفل سافلين .. حتى يجيني انفصام بالشخصية .. وقت ما يحبني يا حبيبتي و يا حياتي و احبك .. و وقت ما يعصب يا طوووط و يا طوووط .. ! ابيه لا يغلط علي و لا أغلط عليه .. و نظل محتفظين باحترامنا .. وش قيمة الحياة بدون احترام .. مابي حب .. طز بالحب بس على الأقل يحترمني .. و على سالفة انه يكابر .. مشكلتي اني بعد أكابر و عزيزة نفس .. و بالتالي أوضاعنا زي ماهي عليه و يمكن تسوء .. ترقبوا المستجدات بردي الأخير <<< مو مسلسل تركي هههه |
ذكرتيني ببداية زواجي ....!
بس انا كنت ما ابادله السب ولا اكون له ند ...! اذا فيه امكانية محد يعرف ..يكون احسن حلي المشكله بينج وبينه باعتبارها اول مشكلة لكم لانه امبين انه يخاااف من الفضيحه .. فلو سكتي وحليتيها بالسر يمكن تكبرين ف عينه ... وبعدين ... حااولي التركيز ع جانب الاحترام بينكم .. وكيف تقوون هالاساااس ...! غيري نظرتج فيه .. باااين انج من البداية ما بلعتيه .. اعجبي بشكله يااا اخي .. تخيليه مركز الدفء والحنااان .. الله يووفقج لكل خير وراحه ...بعدين من يبدا يخوورها ويتكلم سكتي عنه وطوفيها له ..لين يهدا ويتلوووم .. |
اقتباس:
ذكرى حبيبتي اشكرك على متابعتك لموضوعي .. أنا بالفعل كلمت أهلي يشوفوا لي حل معاه .. و اللحين أنا ببيت أهلي على هذا الأساس .. اسمع كثير يقولوا الحب يجي مع العشرة .. عاد الغريب يا ذكرى اني كنت احبه شوي أيام الملكة و كنت أمني النفس ان هذا الحب بيكبر بعد الزواج و بصير أموت فيه .. ما كنت اعتقد اني بوصل لهذي المرحلة اني كرهته و مالي خلقه .. ذكرى كوني قريبة |
اقتباس:
شوشوتي .. اسمك مميز صراحة هههه بس بسألك .. بحكم مرورك بالسنوات الأولى من الزواج .. عساك مرتاحة اللحين ؟؟ يعني في أمل ارتاح أنا بعد في حال لو كملت معاه ؟؟ |
اقتباس:
اي زين .. و انا اقول ترك الموضوع الاساسي و طب بالموسيقى هههههه والله يا اخوي أنا عارفة اني غلطانة باللي اسوية خصوصا الشخص اللي اكلمه .. بس ما بي ابرر لنفسي .. بس و الله زوجي هو اللي يحدني على هالشي .. لو هو يحتويني بحبه و حنانه و تفهمه لي .. ما كنت بكلم غيره .. بس وش اكثر من اني اقول له محتاجتك .. يقول يللا بسرعة قولي اللي عندك لأني ابي أنام .. حشا ما أحس أنا .. ! احس اني رجعت كلمته لأني انتقم من زوجي .. و اعرف اني بنفس الوقت انتقم من نفسي و ديني و حياتي الزوجية و كل شي .. بس ما اقدر اقول شي أنا انثى ما اعيش بدون حب <<< والله صدق مو عنوان مسلسل تركي ههههه لين زوجي يفهم بالضبط وش معنى الحب بالنسبة لي .. انا بغير اتجاهاتي امممم المفروض اقول اني راح اقطع علاقتي بهالشخص فورا و دون تأخير .. بس والله الصراحة ما اقدر ما افضفض لأحد يفهمني أحس بنفجر |
اقتباس:
ههههههههههههههههههه اي أهم شي رد جميل .. لأني ما بدق عليه و لا راح انزل من راسي له .. هو اللي المفروض يعتذر و يرجع مو أنا |
اقتباس:
حبيبتي نبض .. بجد زوجي و زوجك كثيييييييييير متشابهين .. والله نفس الاشياء اللي باطة مرارتي منه الله يديم عليكم السعادة و الهنا يارب .. كويس انك عرفتي له و عرفتي مفاتيحه أنا لسه مو قادرة أأقلم نفسي عليه .. لدرجة اني اقدر اقول أني مو قادرة أخليه يحبني .. مع انه على قولته يحبني .. و بنفس الوقت أنا مو قادرة أحبه و اعشقه .. و مثل ما قلت بالموضوع الاساسي .. لسه ارتباطنا ضعيف و هذا اللي يخلي فكرة الطلاق واردة كثير .. ردك راح احتفظ فيه لأني اكيد بحتاج له كثير .. لأن زوجك كوبي بيست من زوجي .. و على سالفة اني ما أطلع مشاكلنا لأهلي .. هي طلعت و خلصت و صارت فضيحة و الكل عرف ان العروسة بيت أهلها خخخخ يعني آردي انتهى الموضوع نبض بليز لا تحرميني تواجدك .. |
اقتباس:
حسيت اني صرت في زاوية و أنت تصرخ علي .. والله يا بو جوري .. ما كنت ابي اكلم أحد و لا اقارن أحد بأحد .. بس هو اللي يحدني على كذا .. لو كان محتويني بحب و حنان .. و الله ما كنت كلمت غيره .. والدليل انه ببداية خطوبتنا كان مرررة حليوووو و نايس و لسانه ينقط بس عسل .. و الله اني ما صرت اشوف الا هو و ما اسمع غيره .. أما و قد تغير الحال بعد الزواج .. و زالت الأقنعة .. صرت ما لي خلق اشوف فيسه .. و مع اني اتكلم على شكله .. و الله يابو جوري .. اني بالفترة اللي كان نايس معاي و يحبني و احبه .. و قسم بالله اني كنت دايم اقنع نفسي ان ايش يجي الشكل قدام كل هالحب اللي انا فيه .. والله اني كنت استانس عليه بعد شرايك .. بس مدري وش جانا بعدين .. طايحين بس تجريح في بعض .. و مثل ما قلت لأصيلة .. احنا اثنينا الواضح ان كل واحد فينا عندة كبارة راس و عزة نفس .. يعني ما احد يتنازل .. و كل واحد يرد الصاع صاعين كأننا بحرب داحس و الغبراء .. و اللي صار ان لاحب و لا حنان .. و لا تفاهم .. مع انو ما صار لنا شي متزوجين فهو اللي دفعني للشي اللي انا قاعدة اسويه .. حتى ما يسأل عني ببيت أهلي .. و لا يحاول يرقق قلبي و لا يستميلني ناحيته مثل خلق الله .. بالله شلون تبيني احبه و أخلص له .. أخلص لجدار مثلا ؟ انا مرتاحة كذا .. و هو مرتاح .. ! |
اقتباس:
هههههه فساد علني تعالي علميه .. بس زوجي ترا انسان محترم ماله بهالخرابيط .. بشهادة الكل اللي معاه كانو يدرسون برا .. لكنه مو عاجبه الوضع من نواحي ثانية .. يعني التنظيم .. و القوانين .. و كمان بالشغل ما احد مقدره حتى مسماه الوظيفي ما عدلوه من رجع من برا و كمان بالدوام الناس يتلاعبون و خرابيط .. و بالمنطقة اللي احنا فيها بالمرة وسائل ترفيه ماكو غير بحر و بر و جو ههههه بس اتوقع مافي اكثر من كذا |
اقتباس:
ايوة بالضبط .. بس انا نسيت الباسوورد للمعرف القديم و كنت معتمدة على الايميل .. بس الايميل صارت عليه مشاكل و كنسلته .. عموما في امور كثيرة طرحتها سابقا و تم النقاش عليها .. و بصراحة أنا اخذت براي الأغلبية و كمان راي أهلي .. ان زوجي في من المواصفات الكويسة الكثير .. و مساوئه يمكن التغلب عليها بالحنكة و حسن التصرف .. و بالفعل بديت بتطبيق بعض الأفكار كان بعضها ناجح و هكذا كان .. و تممت الزواج و أنا مقتنعة لكن في أمور اكتشتفتها بصراحة بعد الزواج .. و كمان لقيت نفسي لا عندي حنكة و لا بطيخ يعني يجوز المشكلة فيني .. و هو ما يساعدني بعد .. كنت اتمنى اسمع رايك بالمشكلة الحالية .. احس اني متذبذبة شوي بين الرفض و القبول .. صحيح منرفزني منه و باط مرارتي .. بس لما آخذ بنصيحة البعض اللي قالوا لي ارجعي لمشاكل الناس في منتدى المتزوجين عشان تحطي زوجك بينهم .. اشوف زوجي افضل ألف مرة .. لا يشرب و لا يدخن و لا يكلم بنات و كريم .. هالنقاط اللي مضايقتني منه .. كانت موجودة قبل الزواج بشكل تلطيش .. كنت اعتقد ان هذا حده و كنت اعتقد اني اقدر اسيطر عليها .. لكن اكتشفت انه هذا جزء منها و القادم أعظم خخخ يمكن يكون زوجي مقرود .. لكني كنت خايفة من كوني مطلقة و خايفة انو ما يجيني اللي الا اقرد منه خوفي من الطلاق و ان كنت احسه أحيانا نهاية لمشاكلي .. مو قادرة اسيطر عليه و اتخذه كقرار لا قبل الزواج و لا بعد الزواج .. و لهذا السبب احس بالكآبة و أحس حياتي انتهت عند هذا الرجل .. مع انها لسه اصلا ما بدت |
| الساعة الآن 01:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©