|
السلام عليكم ورحمة الله وبركاته
أولا أسأل الله عز وجل بأن يسلط على الغرب كل بلاء ماعاد خلو شئ إلا وإخترعوه حتى أفواه العالم بيسدونها عن الكلام ما عاد يبغون أحد يتكلم بسبة هالإختراعات وأنا أشوف إن أجهزة البلاك بيري فيها فائده واحده بس وهي إختراع جميل لفئات الصم والبكم وتصلح يتعاملون بها مع من حولهم لاكنها في مجتمعنا بسبب سؤ إستخدامها صاروا الأجيال مصابين بالخرس الله يعين بس على هالحال ثانيا أخي الكريم العبد الصبور أتمنى إن يكون لك من معرفك نصيب وإن شاء الله تعالى إنك صبور وتتحلى بمعنى الصبر ياأخي لم يمضي على زواجك سوى 4أشهر وأشوف إنها مده ليست بكافيه للحكم على طبايع زوجتك قيس على ذلك بإنها ماتعرفت عليك مدة طويله في فترة الملكه ويمكن زيارتك لها كانت محدوده وما أخذتوا وقت كافي حتى تتعرفون على بعضكم أ كثر بسبب قصر المده بين الملكه و حفل الزواج وكمان يمكن زوجتك تربت على كذا منذ الصغر إن البنت عيب تتكلم وتضحك مع الرجل والبنت ترصخ هاذا المفهوم في عقلها بسبب المجتمع إللي حولها وأنا بسألك عن علاقتها بأبوها وإخوانها الذكور هل هي طبيعيه تسولف وتمز ح معاهم وتناقشهم عادي ولا تتعامل معاهم بنفس الطريقه إللي تتعامل فيها معاك وبعدين يا أخي إصبر عليها شوي ترى أنت إنسان عاقل ومتعلم ومثقف مايحتاج تفكر بالطلاق بهاذي السرعه وعلشان هاذا السبب ياما حريم تزوجو وهم ماتسمع حس الوحده منهم لاكن عقب سنة ولاسنتين و بعد الخلفه ترجع الوحده تقابلك هذرتها عند الباب وتقول ياليتها تسكت وزوجتك باين عليها إنها تحبك مادام إنها متمسكة فيك لهاذي الدرجه بس مو عارفه كيف تكسر حاجز الصمت إللي بينكم وتتكلم معاك وتعبر لك عن مايدور بداخلها ويمكن إنها تستحي منك ومو عارفه ترد على نقاشاتك أو تسولف معاك بللي عندها ومحتاره ماتدري كيف تغير هالطبايع فيها وكمان طريقتك بالضغط عليها بأسلوبك وتهديدك لها بالطلاق هاذا راح يزيدها تعقيد وربكه في نفسيتها وماعاد تحسن التصرف تصير مثل الطفل لما تشيل العصا بيدك وتقول له إحفظ وإلا ضربتك بالعصا يصير فكره متشتت ولايستطيع الحفظ بسبب الخوف إللي داخله من التهديدات بالضرب فأنت حاول معها بالطيب و ادخل لها عن طريق الأشياء إللي هيه تحبها وشاركها فيها وقبل كل هاذا عليك إنت إنك تقتنع من نفسك وفي داخلك بأنها ستتغير مع مضي الوقت وإن مشكلتك رايحه تنحل بإذن الله تعالى وإنت إزرع فيها الثقه بالنفس وحب الحوار والنقاش في أموركم الحياتيه وإسألها عن آرائها وهواياتها ورغباتها وبالتدريج رايح تجني مازرعته في هاذي الحوارات والنقاشات معاها والبنت توها عروس ما تأقلمت على الحياة الجديده معاك أتمنا إنك تعطيها فرصه أطول علشان تتكيف مع الوضع الجديد بالنسبه للبلاك بيري ماعندك حل إلا إنك تسوي مثل ماقالت لك الأخت همس 2009 وشوف ترى هاذا الطبع في بعض البنات موجود عند الكثير منهم بس بدرجات متفاوته كلن حسب طبيعتها وتفكيرها فأنت حاول والله يعينك ويشرح صدرها لك ويسر أمرها ويحلل عقدة من لسانها وتستمع لك وتفقه قولك ورغبتك يارب . أخيرا نداء إلى إخواني وأخواتي الأعضاء الكرام إللي منكم قرأ موضوع في هاذا القسم قبل مده كان لشخص يشكي من صمت زوجته وإنطوائيتها وإنها ماتراسله ولا تعبر عن ما في نفسها وقال بأن مديره في العمل وزوجة مديره عرفوا سالفته وأعطاه المدير عدة خطوات يقوم فيها مع زوجته حتى أموره ضبطت وزوجة المدير زارت زوجته بالبيت ونصحتها وقامت تراسلها بالنصايح والمدير ينصح ويوجه الرجل صاحب الموضوع وربنا وفقه بنصح الإخوان الأعضاء بالمنتدى ووقفة مديره معاه فأرجو منكم إن إللي يعرف الرابط يحطه للأخ هنا لعلا وعسى يستفيد من الحلول إللي طرحوها الأعضاء في هاذا الموضوع وكمان يستفيد من تجربة صاحب الموضوع وأنا بصراحه ما أعرف أحط الرابط وكمان ناسيه عنوان الموضوع بس أذكر بعض من ما طر ح فيه فاالله يجزاه خير إللي يذكره يحطه له هنا ودمتم سالمين . |
حرام عليك...تطلق البنت عشانها مستحيه منك .حرام تضيع مستقبلها وتاخذ منها اعز شي وتتركها وهي في سن صغيره
.طيب الناس وش تقول عليها..اكيد يشكون فيها وانها مش كويسه..اساسا مين يصدق انه تطلقت بسبب انها صامته ماتتكلم تخيل يصير في اختك كذا..طلاق بسبب. قلة الكلام... اول شي...جرب تكون صااااامت...لاتتكلم ابد..اكيد هي بتستغرب وتبدا في الكلام..انت اعطيها فرصه تتكلم ويااخي البلا كل البلا...من البلاك بيري...ارميه في الزباله..قلها ماابيك تمسكين هاالجوال خصوصا انه فيه دردشه بين الجنسين.. والله اني اعرف بنات ثرثارات...بعد ماامتلكوا البلاك بيري..تحولوا الا اصنام..حتى لو الجهاز بعيد عنها تلقاها تفكر فيه لانها تعودت عليه.. وبالنسبه للنوم والطبخ هذي كلنا مرينا فيها..لاتضغط عليها لانها جديده على تحمل المسؤليات..وجاهله فيها..مع الوقت تفهم وتتعود وتصير منظمه وقتها.. |
:: نزولاً عند رغبة أختي الفاضلة بنت الحكمي ولأني سبق وقرأت الموضوع قبل تسجيلي بالمنتدى وفعلاً موضوع مؤثر وفيه عبرة ولم أنساه بحثت عنه وهاهو أمامك والله يكتب لك الفائدة منه http://www.66n.com/forums/showthread.php?t=220193 :: وجزاها الله خيراً لتذكيرنا به *تدخل المدير وزوجته في صفحة رقم 10:: |
سيدة الموقف الله يجزاك الجنة وربنا يبارك فيك وفي أعمالك ومشكوره على وضع الرابط وتسلمين .
|
اخوي الكريم
لو انك يوم راحت زوجتك لغرفة النوم قبلك ولم تقول لك... ذهبت للغرفه وقلت لها ..افااااااا ليه ماقلتي لي بتنامين ولا مايهمك اكون معك .؟ ترى ابزعل ان رحتي نمتي وخليتني ... انسي العزوبيه ...الان حنا زوجين . وشد بلكلام وبكذا بتتعلم ومابتنسى . انت عالج الامور بوقتها ...4 شهور بلزواج هذه فترة تعلم تعارف . |
اقتباس:
أوافقك أن الطلاق ليس أمرا سهلا .. لكن هنالك شيء اسمه الطلاق العاطفي ... وأنا وهي نعاني منه بسبب حاجز الصمت الذي صنعته هي... أربع أشهر ولم تتغير بل ليس هنالك بوادر للتغير ... أليست هذه المدة كافية لإذابة جليد الحياء بين الزوجين ؟! أليس الزوجان يطرحان الحياء ويمتزجان حين الوصال الجسدي بحيث يصبحان كالجسد الواحد؟ أليس هذا كفيل بتكسير حاجز الصمت والحياء ؟ |
اقتباس:
قد أخالفك الرأي في توصيفك لمشكلة ( الصمت بين الزوجين) من طرف واحد بأنها مشكلة صغيرة، بل هي مشكلة كبيرة وقد تسبب الطلاق، وأنا عندي شواهد على ذلك من الأقرباء ، الأول طلق زوجته بعد سنوات من الزواج وبعدما أنجبت له ثلاثة أولاد والسبب بحسب وصفه أنها ( ساكته ما تتكلم ) ، والقريب الثاني تزوج على زوجته ( الساكتة) والمعروفة بصمتها المطبق حتى مع النساء ، ولم يطلقها خوفا على الأبناء فقط، لكنه لا يحتك بها. المشكلة الكبرى أختي الفاضلة أن يكون أحد الطرفين اجتماعي فيقع حظه على زوج أو زوجة غير اجتماعي أو اجتماعية ... وهنا يستحيل بالعقل والمنطق أن يستمر الزواج .. هذه مسألة محسومة عند أهل الاختصاص. |
اقتباس:
نفذته حرفيا ... وطلبت منها أن لا أرى البلاك بيري أمامي طول ما أنا جالس معها ، فاستجابت لهذا الأمر عدة أيام ولم ألاحظ أي تغير في صمتها، فهي صبورة على الصمت بشكل غريب جدا ، لك أن تتخيلي أننا بشكل شبه أسبوعي ( نمسك خط سفر طويل مدته سبع ساعات ما تتكلم أبدا مع أنها ما تشتغل بالبلاك بيري أثناء الطريق ) سبع ساعات صامتة ، حتى أني مرة من المرات حاولت اختبارها هل راح تطفش من السكوت أولا ، فقررت أننا نمسك الخط الطويل بدون ما أتكلم أنا ولا كلمة ولا حرف ، وقطعت عادة الحديث معها ، فماذا كان الحال؟؟؟ !!! ظلت زوجتي صامتة طول الطريق بشكل عجيب حتى إنها لا تطلب التوقف عند دورات المياه في الطريق مع أنها تكون محتاجة واكتشف أنا ذلك حين أتوقف ؟؟؟ الحل الثاني: أظن أنه يجرح كرامتي ، لأن طلبي من أمها أو أبيها أن يضغطوا على ابنتهم للحديث معي طلب غير معقول، (السوالف مع أي طرف ما تجي بالغصب) |
يالله معقوله في رجال كذا طب ايش رايك ان كل ماتريده والله فيني ورغم ذلك مو عاجبه زوجي لإنه يبغاني زي زوجتك برغم اني والله مو ثرثاره عجب لإمر الرجال محد راضي بحاله ذكرتني بالسفرمعاه كنت اتكلم وانكت واسولف وهو يسكت يقول ماحب اذا مسكت الطاره حق السياره بسفر اتكلم نقضي 7 ساعات سكوت الله يغير حالها ويزينهابعينك وانا اتفق مع الاخ الثنيان ان المشكله انك رسمت لها بصوره فبالك والواقع عكس
|
أخوي إنت تزوجتها عشان ( تعجنها و تشكلها على كيفك ) ..
و تنازلت عن بقية الشروط عشان الفكرة هذه جاتك الفرصة ، فاصبر لحد ما تعجنها على كفك و الشئ هذا ما بيصير بين يوم و ليلة |
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©