|
اقتباس:
صح القط الشيرازي وبره يتناثر في كل مكان بس هذه القطه غير وماأنكر أن كلامك خوفني اللهم أحفظ بناتي من كل شر ياكريم |
اقتباس:
شوفي هي عمرها تقريبا ثلاث شهور وأكلتها بس دجاج مسلوق منتف لأن زوجي سأل واحد يبيع طعام قطط وقاله هذا أفضل أكل للقطط الي توها مابلغت لأن الاكل المعلب يمكن يجيب لها أسهال أعزك الله وبصراحه هذه القطه دمها خفيف وحلوه ووده طول الوقت تلاعبيها وبناتي مايقصروا بس لأنهم صغار وحده خمس سنوات والثانيه أربع فأنا خايفه يمرضوا خصوصا يقولوا أنها تجيب الثعلبه وهذا الي مخوفني فقط أما شي ثاني فهي أحسها ماتتعب بالعكس مسليه سؤالي أذا ماطعمتها مثلا وش بيصير زوجي يقول ياكم ربيت قطط وأنا صغير ولا كانوا يتطعموا ولاشي ومافيني الا العافيه شي ثاني لو مسكتها وماغسلت أيدي على طول ممكن ينتقل لي مرض مثلا خصوصا أني لما جبتها حممتها وفركت جسمها بمعقم اليدين ال مثل الماء :d واشي الثالث في الليل أحطها في البلكونه عملت لها بيت صغير بس أحيانا أقول مسكينه الله يعينها على الحر تتوقعي تحتر البسه مثلنا؟؟؟ وألف شكر لك ردك طمني أحيانا أقول أن شاء الله ماتجيب أمراض ياكم الناس الي عايشه مع قطط وتنام عند راسهم كمان وأحيانا أخاف وأقول يمكن هم على طول مودينها عيادات ومطمنين أنها ماتعديهم بأي مرض |
اقتباس:
|
اقتباس:
معلوماتي ضئيلة عن القطط , ولكن حسب ما أسمع أنها تسبب ثعلبة , وحساسية , وإجهاض للحامل فضلاً عن أنها روح وقد تموت لو أهملت . عسى الله يقدرنا على تربية أطفالنا لكي نفكر بتربية قطط . |
يا ندى يا قلبو والله والله القطط مو زي ماتسمعين عنها
الناس موسوسة زياااااادة ، ولعلمك الانسان امراضه اكثر من القطط و حتي لو ما تاخذ تطعيمات مالها ضرر بس للاحتياط نفحصها ..! من وانا صغيرة وأنا عندي بسه وأخواتي حوامل ويولدون ولا تضرروا منها ..! والي الان وانا عندي بسه ^_^ و لا افحصها بس ابويا هو الي يصر علي فحصها احيانا يكفينا قول الرسول عليه الصلاة والسلام انها طاهرة ..! و لو فيها ضرر او مرض ما قال عنها كذا و علي فكرة اول بسه جبتها من الشارع و كنت اكلها بيدي و امشط شعرها و تولد تحت سريري ^_^ واشيل أولادها والحمد لله ما فيني شي..! بلا وسوسة زائدة ..! ------- الاخت الي تسال عن الاهتمام بالقطط : القطة ما تحتاج عناية كبيرة جدا زي ما يقول البعض يكفي ان تاخذ تطعيماتها للاحتياط ، والاهتمام بأكلها حسب سنها والعناية بنظافتها من استحمام وتنظيف الأسنان وقص الشعر الزائد في موسم الحر وتقليم أظافرها عند بيطري .. والاهتمام بلعبها ان كانت صغيرة وبفترة تزاوجها ..! ------ والي تقول القطة تحتر : ايوه تحتر ولازم تجلس بمكان بارد نوعا ما ..! وان كانت من نوع الهمالايا والشيرازي لازم يقص شعرها في الحر .. |
يا اختي لا تعلبة و لا غيرة و لا خرابيط ان شاء الله
انا عندي 3 بسس و كل وحده تنام معايا في مكان ما على السرير و الحمد لله ما فينا انا و زوجي شي و لا توسوسي حتى احيانا تاكل من نفس صحني و اكمل منه عادي و يشربو من نفس كاس الموية خصوصا في الحر و عادي اشرب بعدهم ولا اقرف و ساعات ياكلو من ايدي و يلحسوها عاااااااادي بس ما اعمل كذا قدام الناس عشان لا يقولو كلام انا في غنى عن سماعه يموتو الناس في الفلسفة و الثعلبة مرض نفسي و اسالي اي واحد عنده ثعلبة الشي الوحيد اللي ممكن اصدق ان القطط تحفزه و ما تسببه و لكن لو كان في الشخص قابلية له ممكن تحفزه و هي الحساسية يعني يعطس كثيييييييييير لما يقرب من القطط او احمرار العين لان في بعض الناس عندهم قابلية لها و بس و خليكي مرتاحة و مافي داعي تشيلي همها فهي من اهل البيت انا اعتبرها و بالنسبة لحبسها في البلكونة انا اشوف بصراحة ماله داعي حرام برا حرررررررررررر و طبعا يحترو من الحر و ممكن تجيها فطريات و يطيح شعرها و افضل تبعدي عيالك عنها مو لانها ممكن تاذي الاولاد و لكن خوفا عليها لا تتعذب و انتي تاخذي ذنب تعذيبها ابحثي في النت عن منتدى محبي الحيوانات الاليفة ourpetclub و راح تستفيدي مرة كثير و اعطيها من طعام القطط المصنوع على شكل بسكويت قطط و احسن ماركة هي رويال كانن في محلات القطط بس اختاري اللي يناسبها لانها صغيرى انا بساسي مرررررررررة وحشوني انا مسافرة و تاركتهم عند صاحبتي و موضوعك ذكرني فيهم |
سوري حبيباتي لو كثرت اسئله.. هي مثلآ لما تلعب على الكنبه ولآ السرير شعرها ماينتشر بالمكان؟؟؟
وهل فيه نوعيه من البسس شعرها ما يتساقط كثير؟؟ ( |
جزاك الله خيرا أخي أبو حكيم
نعم الله يقدرنا على تربية أبنائنا التربية السليمة غاليتي شهرزاد شكرا على تطمينك لي أنتي ماتدري كيف كانت بنتي ذات الاربع سنوات كل ماتشوف قطة تقول خلي بابا يجيب لي وحده صغيره لدرجة أحيانا توصل للبكاء وسبحان الله الي سخر هذه القطة في طريقنا غاليتي دودي دبدوبي من كلامك مافي خوف أبدا منها بأذن الله وفعلا مرض الثعلبه كثييييييير أسمع أنه أما وراثي أو نفسي بالنسبة لبناتي يحبوها كثير وأبدا مايأذوها بالعكس حتى هي صارت تحبهم فاسبحاااااان الله وفعلا زوجي كان ناوي يجيب من البسكوت الي قلتي عنه غاليتي أصعب حكاية القطة الي عندي مافي عليها وبر كثير علشان كذا ماألاحظ أنه يطاير أو يتساقط |
| الساعة الآن 02:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©