|
بس المفروض ترجع لبيتها ..هي مااعطت نفسها فرصه على التعود على حياتها الجديده..
ماادري اذا تقدر تغير البيت افضلكم..خذ رايها في تغيير البيت |
اقتباس:
يعني لازم فترة الملكه تطول سنتين عشان تتعود عليه اغلبنا تزوج في فترة ملكه بسيطه والحمدلله الامور تمام ..يعني المفروض الواحد يغصب نفسه الى مايعودها على الجو الجديد مو يجري ورا رغباته .. وامهاتنا وجداتنا ماشافوا ازواجهم الا في الدخله..واعرف كثير خطبه وملكه وزواج في شهرين..وماشاء خلفوا ومبسوطين واضح عليهم الاستقرار والراحه الصعوبه في التاقلم مع الحياه الجديده والبيت..بس برضه مايبيلها وقت طويل عشان تتعود على حياتها الجديد..على حسب تعلق البنت في اهلها..ومثل ماقلت هي مااعطت نفسها فرصه وطاوعت نفسهاو رغبتها..يعني لوتغصب نفسها..تجي عندك وتستمرون على الرقيه افضل لكم.. وموضوع الرقيه يااخ احمد استمر عليه..انا متاكده البلا فيك انت مو فيها.. |
الصراحة هي من فرطت فيك وارتباطها بأهلها الشديد
تحتاج هي قرصت اذن وانت عهليك بالرقية مرة اخرى |
أحترم رأيك يا روح ... انت عارفه :)
لكن ما أحب الاراء اللي تحرض أحد الشريكين على الانفصال لانه لما يوصل لمرحلة معينة راح ينفصل حتى لو حاولنا نقنعه بالعكس .. فأحب أترك هذا الخيار لصاحب المشكلة بدون ما يكون لي فيه أي تأثير .. وكمان لانه أحيانا يغفل عن ذكر بعض التفاصيل وهذه التفاصيل هي سبب صبره للحين ولاننا ما نعرفها نستعجل ونستغرب سبب عدم الانفصال للان . تذكري انه دائما لابد وأن هناك نقطة أو نقاط لم يذكرها صاحب المشكلة من يقول بأنها لم تجبر نفسها ولم تحاول فأذكره بأنها كتمت ولم تقول شيء لزوجها عن سبب ضيقها بل أجبرت نفسها على البقاء ومحاولة التقبل لدرجة أن نحل جسمها بشهادة زوجها ولدرجة انها وصلت المستشفى .. وما أظن انها كانت تمثل المرض وبرضه بشهادة زوجها ... يعني ما في أحد يقدر يقول انها ما حاولت تتأقلم وانها من النوع كثير الشكوى . رجاءا راعوا نفسية الأخ أحمد تجاه زوجته ولا تزيدوا الطين بله. كان ممكن تكون مثل الكثيرات ممن تزوجن دون سابق معرفة ومثل أمهاتنا ممن لم تر زوجها الا ليلة الدخلة ومرت بمرحلة صعبة ببداية حياتها وهي تحاول التأقلم ثم مشت الامور عادية ... لكن استعجالها واستعجاله في الوصول لحالة وفاق وحب وعدم تقبلهم لوجود المرحلة الانتقالية هذه وبأنها مرحلة وتمر ربما زاد من المشكلة وسلط عليها أنظارهم . وما زلت عند رأيي بأن للرقية دورها بدليل انه الأخ أحمد يقول بأنه تعب ببداية الرقية . مع الرأي بأنهم مفروض يجتمعوا ببيتهم ووقتها بتتعود على بيتها الجديد لكن مو مع من يلومها لاني أشوفها بذلت جهدها مثل الأخ أحمد تماما . وان شاء الله بمجهودهم الاثنين يوصلوا لحياة سعيدة باذن الله . |
لا أعلم هل اهانة النفس لأجل ارجاع الزوجة مطلوب .. يا أخي احتفظ بما بقي من كرامتك , ما في شي بالقوه ..
|
اولا لاكرامه بين الزوجين :)
ثانيا اخي جرب ان تفعل كما قال الاعضاء اطلب منها ان تاتي معك في الوقت المحدد ملاحضه انا بطبعي اذا خفت من شي اتهرب منه حتى لو كنت عارفه انو بهالطريقه الي جالسه اتهرب منها راح يزيد علي هالامر ويتعقد اكثثر واكثثر <<<<يمكن زوجتك مثلي بهالنقطه متخوفه من لقائك ومن الوضع ككل وتتهرب |
لا حول ولا قوة الا بالله
عليك بالدعاء وصلاة الاستخارة |
طمنا يااحمد عليكم
ان شاءالله يارب ان رديتوا حق بعض الله يسخركم لبعض ويردكم ردا جميلا ويسعدكم ويرزقكم الذريه الصالحه |
طمينا عليك وعلى اخبارك فنحن قلقون عليك ونتمنى لك الخير والسعادة وجمع شملكم
|
السلام عليكم ورحمة الله وبركاته
آسف تأخرت عليكم كثير اخي البليغ وبقية الأخوه والاخوات جزاكم الله خير اخي البليغ أغيب من التعب النفسي الذي أعيش فيه أصبحت مثل زوجتي أتقوقع على نفسي مريت عليها واتصلت فيها أمرتها بالخروج وعادت معي ذهبنا لشقة مفروشه لأني كرهت بيتي ولاأطيق العيش فيه والآن أبحث عن بيت آخر بقيت معي 3 ايام تقضيها بالصمت وآخر الليل بالبكاء تجبر نفسها وتجامل على كل شئ حتى على الأكل اشوف ان هذي الإنسانه تمرض عندي كأنها في سجن أو هم اللي يسألني عن أبوها ليش ماأتكلم معه أبوها ملاحظ عليه عصبي معهم ولاعاد دخلته بالموضوع لأني مابيه يعصب عليها وتزيد الضغوطات في نفسها وامها الله يسامحها ماني شايف اي تجاوب أومساعده لوبينها وبين البنت كأن هالبنت عايشه لحالها بعد 3 ايام قلت لها يابنت الناس انا مرضت من التوتر اللي عايشين فيه ومرضت يوم اشوفك تعبانه عندي صابني قلق ماعاد أنام وسألتها وتكلمت وقلت وقلت ماااااااافيه أي جواااااااااب فقط بكاء وديتها لأهلها ورحت لمكه 3 ايام خلالها أتصلت فيني مره وتقول أنا متضايقه وتبكي سألتها وش علتك عشان أساعدك وش اللي مضايقك مافيه اجابه قلت لها أنا ماأعلم الغيب ولاأدري وش في نفسك واللي تبينه آمريني تبين أطلقك بطلق تبين ترجعين برجع الآن لرياض تبين نسافر مع بعض تغيرين جو ماااافيه اجابه وبعدها ماعاد صار فيه أي تواصل بيننا رجعت لرياض جلست في فندق لأني أحاول أنسى كل شئ والطلاق يمر في بالي كثير ومرات أقول لا مابي أطلقها اشعر بتعب نفسي شديد انا بداخل دوامه من الهموم والأفكار أريد أن أنهي مشكلتي أريد أن أنهي ماانا فيه أسأل نفسي كثير لوطلقتها هل برتاح؟بخرج من الحزن اللي انا فيه؟بنساها ولاكأنها بيوم دخلت حياتي سكنت قلبي وذهبت بلاعوده؟ لا لا لا أعيش على أمل إصلاح الحال؟أو الفراق؟ ياليتني ماعرفتها وليتها رفضت الزواج لكن ليت ماتجدي نفعا" بحر العطاء لاعادي مافيه أي تأثير وأنا أخبرت أخوي بأن وضعي غير مستقر مع زوجتي وأخت زوجتي أكيد شايفه الوضع وأهلها أكيد حاطين الإحتمالات لكن الحمدلله مافيه مشكله وأن شاءالله حظ أخوي ووضعه يكون أفضل مني |
| الساعة الآن 07:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©