|
أبلة جرين حبيبتي
ليه التشاؤم و الإحباط ..؟؟؟ إنت أكثر وحدة لازم نتعلم منها ;) و ولدك حسن ، بس فترة إن شاء الله و بيرجع لك أحسن من قبل ^_^ ................................... عطر الحياة عملت نفس الطريقة اللي قلتي عنها ،. حتى إني أعارض الضرب و أدور عن أي عقاب يناسب ( الفعل ) بشرط إنه يكون فاهم ( إيش الغلط اللي غلطه ؟ ) أول مرة أفهمه و أشرح له .. لا تعمل كذا ، عشان كذا و كذا و أشرح له حبة حبة على قد سنه .. ثاني مرة ، أناديه و أخليه يشوف إيش عمل .. و أقول له ( شوف إيش عملت ؟؟؟ عشانك ماسمعت كلامي و أنا مو قلت لك قبل شوي ... إلخ ) فينزل راسه و يبتسم ابتسامة خبيثة ( يعني عارف نفسه غلطان ) ثالث مرة ، أعطيه ضربة على يده أو كتفه أو أقرصه بشوييييش ( بس تراه مو ضرب و لا قرص ) مو عشان كذا زوجي يقول ( ما بيسمع كلامك لإنك ما تضربيه ضرب حقيقي ) . . و هذاك اليوم خليته يجمع القطع الكبيرة للخبز - زي ما قلتي - بس قمت و عملت نفسي أساعده لإنها كانت مرة كثيرة ، و ما عطيته العصير إلا بعد ما خلصنا بس شفتي كيف ؟ بعد ما جبت المكنسة و كنست الفتافيت الباقية و اللي صعب تتجمع .. رجع فتفت العيش فوق سريره :( عشان كذا أكل ( ضربة ) من جدددددد .. و ترى كنت مثلك قبل ، ضد الضرب و حتى أولاد أخواتي و أخواني يحبوني مرة و بزورة أهل زوجي بس كانت أختي تقول : يوم ولدك يكبر .. بيتغير الشئ هذا عشان كذا أمسك نفسي دايما و أعد مليون مرة قبل لا أعاقبه .. وحدة من أخواتي انفجعت يوم شفتها كيف تعاقب أولادها ؟؟؟ تضربهم بالسلك و لا كف من قلب قلبها و من غير ما تتفاهم معهم ، مين الغلطان أو أي شئ و الثانية من أخواتي ، تدلعهم دلعععععععععععععع مو طبيعي و ببس يقولوا ( اه ) على طوووول تجري و تعمل لهم اللي يبغوه و دحين ولدها الكبير صار يرد عليها و تسكت له :( . . هذا اللي مزعلني في ولدي .. مو عارف قيمة اللي أعمله عشانه و قلت استفيد منكم .. و أخاف عليه من نفسي ، إني أبدأ أقسى عليه و أتغير معاه من غير ما أحس كل شئئئئئئئ تتخيليه ، عملت له و إذا من دحين بدأ يعاند ، كيف إذا كبر شوي :( سجلته في حضانة و أبوه كان رافض ، و بأدفع له مبالغ عشان بس يستفيد و يتعلم و تتطور مواهبه و أسجله في أنشطة كل شوي عشان يعتمد على نفسه من صغره .. جهزت له غرفته من كل شئ و أبوه يقول لي ( ما كان لازم ) .. أفضي حالي مرات عشانه و أحضنه و أكلمه و أجلسه على حضني .. و وحدة من أخوات زوجي تقول ( عمري ما حضنت بنتي و لا بستها ) .. |
الضرب اسلوب غير صحيح للتربية..طبعا اقصد الضرب المؤلم
وحتى الكف الخفيف..له مضار كبيرة في شخصية الطفل قد تظهر في المستقبل اذا تبين ولدج ينشأ تنشئة سليمة ومهذبة..الجإي لطريقة التربية النبوية وعلمي الطفل بالتدريج..اذا مثلا ما سمع الكلام لاتعاقبينه على طول اسإليه ليش سوى جذي..وقولي له هذي المرة بأعطيك فرصة..بس اذا كررتها راح اعاقبك في عدة انواع للعقاب..تحرمينه من شي يحبه..مثل مايشوف كرتون او ما يلعب جيم مدة معينة تحددينها الله يصلحه ويرزقكم بره |
اقتباس:
|
اقتباس:
لا بجد .. بس أنا بالفعل لا أضرب إلا لسبب .. وربما لذلك لا أشعر بتأنيب الضمير .. ولكن رغم ذلك يؤلمني بشدة أن يضربه والده وأكاد وقتها أبكي! روح حبيبتي.. اتفقنا أن الضرب يكون لسبب يستحق هذا الشكل من أشكال العقاب .. وأضيف نقطة نبهتني لها العزيزة ندى في سياق كلامها .. وهو ألا يكون الضرب أمام أحد على الإطلاق .. على الإطلاق .. وشخصياً لم أضرب ابني أمام أحد أبداً أبداً .. حتى أمام والده .. وحتى لو كنا نجلس مع الأهل مثلاً وفعل أمراً يستحق معه الضرب أو حتى التعنيف فإنني أخذه للغرفة المجاورة وأغلق الباب .. وأستلمه ;) |
اقتباس:
أما إذا كرر الغلطة أكثر من مرة فاضربه على يده أو على مؤخرته ضربة محترمة .. وباحرمه من الورقة والقلم فترة أطول .. وطبعاً باقول له أنا ليش ضربته وليش حرمته من الورقة والقلم. |
سامحوني بأدخل بسرعة للمنتدى و أخرج ، أحس مرة دايخة مع الحمل و ماقدر أركز .. . . قولب ضحكتيني يوم توصفي طريقة ضرب أمك لكم .. تخيلت أشكالكم هههه أنا الحمد لله لإني الوسطانية ، فما انضربت من أمي و لا أبوي الله يرحمه .. الكبار هم اللي أكلوها من جد .. و اتطمنت و استفدت كمان كثير يوم قلتي : 1 - إنه مافي شئ علق في بالك من المواقف .. <- كنت خايفة من الشئ هذا .. 2 - إنه الضرب يكون على شئ يستاهل .. 3 - و معاك حق ، ضرب الأب مختلف مررررررة .. و أفتكر بس مرة وحدة أكلت علقة منه و زعلت منه وقتها مرررررة لإنه ما فهمني إيش هو غلطي ؟ و الصراحة ، نظرات أبوي كانت أقوى من كل شئ و لحد دحين أفتكرها .. :24: 4 - و أسلوب الحرمان أحسه لسى كبير على سن ولدي ؟؟؟ ما أحسه يفهم لسى .. : ( بس شكلي بأطبقها معاه المرة الجاية .. |
أهلين أبلة جرين من جديد .. أوووووووووووف ما تخيلتك شديدة كذا و تكسري عصي على ولدك .. :24: و إنت قلتي إنه البنات غير عن الأولاد .. يخافوا من العقاب .. بس تربية الولد متعبة .. أحس ما ينفع معهم أي شئ و متعبين في التربية و الله يعينني من دحين عليه لحد ما يكبر .. :( اقتباس:
. . يبغالي وقت أعاقبه على شئ ( يستاهل العقاب ) ..استخدم أسلوب الحرمان من جد زي ما قلتي .. قلبي كان يتقطع عليه الصراحة و كنت أخاف إني أبني حواجز بيننا .. دحين بأرجع ،. بأعمل ملوخية تفضلي معانا :22: |
مهرة يا عسل .. ما يحتاج ، أدري إنك من أنصار الضرب و افتكر قريت لك رد من قبل .. و أما حكاية الحبل ، من جد الله يضحك سنونك يا شيخة :d و ما أتخيل واحد من خيلاني أو أعمامي يمد يده علي .. بأحقد عليه .. :29: . . اقتباس:
معلومة مفيدة من جد و بأخليها حلقة في أذني ^_^ ولدي علمته مرات يقول ( سوري ) و دحين بأعلمه يقول ( اسف ) . . اقتباس:
معاك حق .. لإنه أمي صحيح ما كانت تضربنا ، بس ما كانت أبدا تمدحنا .. و هذا الشئ أحسه يأثر كثير .. عكس أبوي الله يرحمه كان دايم يرفع من معنوياتي و اللي من جد لحد دحين أشوف تأثير كلامه علي نقطة من جد مهمة لازم انتبه لها :) |
هلآ خيتو روح الطير,,
ما شااء الله على طوووووووووووول بآلك على ولدك.. لو مكانك انا كان معلقته بالجدآر,,:d من وجهة نظري,, الضرب وسيلة للتأديب , ووسيلة نااجحه جدآآ ,لأن اطفالنآ كذآ ما يمشو الا بالضرب خخخخخ, بس طبعا آخر حل يكون ,, وأنا يا اختي ما انضربت,, انا انجلـــــــــدت,, من الوالده الله يحفظها :d والسبب اني ما كنت ابغى اروح للمدرسة لأن المعلمه تضربنا بدون سبب, فكنت كل صبآح انضرب من امي ومن المعلمه,, وانا من الدلآخه ما قلت لأمي ان المعلمه تضربني لأني كنت اشاااغب شوي,,:26: انجلدت بالصف الاول والثاني الابتدائي,, لكن والله ما اثر في نفسيتي ولآ شي,,لأن الي يأثر بالنفسية الضرب على الوووجه, هذآ يحطم مو يأثر,, وانا الان اذكر امي بالسالفة ونضحك عليهآ ,,وكآنت ادوات الضرب المستخدمه :السلك-علآق الملآبس-العصاآ,,اي شي :21: وعندي اخت مدلعه عيالها لدرجه ان الواحد لو يحلم حلم مزعج مستعده تطير به لشيخ,,:26: وكلمتها مكسوورة ولآ يعدون كلمتها شي,,ويردون عليها الكلمه بعشرة .. وتعاملهم معي محترم جدآ لأني من البدايه حطيت لهم خطوط حمرااء,اي واحد يتعدهآ يطبق فيه حكم الأعدآم..:26: |
كل يوم افتح موضوعك وابا ارد وانشغل وماارد:11: بالنسبة ليا مره انضربت من والدي وانا صغيرة وللان اتذكر الموقف الوحيد الا انضربت فيه :29:كان لسه مشتري غرفة نوم جديدة ليا انا واخواتى واتزعلت مع واحده منهم كنا 4 اخوات وكل شوية مشاكل اطفال هههه الشي الوحيد الا اتركب وقتها دولايب الملابس وكانت كلها مرايات ولمن اتزعلت كانت في علبه حديد زي حقت الملك الثقيلة واشيلها واحدفها على اختي طبعا تشرد وتجي الخبطة على المراية:23: طبعا اتكسرت المراية بي طول الدولاب خرج على الصوت واكلت ضرب للان ماانساها جلست اسبوع يمكن مااتكلم معاه:24: طبعا الضرب ياثر على النفسية كثير خصوصا لو كان من القلب:d والله معاناه في الروضة عندي الاطفال بس يضربوا بعض ولمن نستفسر من الام عن سبب عنف ولدها نعرف انو بسب الاب او انها تضربوا اول مايشوف اي طفل لو في الشارع يطلع الشحناااااات انا عارفه الاطفال احيانا يرفعوا الضغط ويحتاجواا:29: بس قدر الممكن ابعدوا عنوو تسلمي على موضوعك |
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©