|
الله يهديك بس عارفه موقفك صعب وانا مريت بمثله واصعب لكن ايضا حركتهم بايخة ماتليق
بس قولي اللهم اجرني في مصيبتي انتي حتى عملك تبين تتركينه وش هالقووول تبين يتشمت فيج القاصي والداني ادعي ربك يفرغ عليك صبر ياكثر اللي تزوجوا خواتهم قبلهم بس ماضعفوا انا ايضا خواتي اللي اصغر مني تزوجوا لا ولما الحرمة كانت تخطب لأختي الصغيرة فكرت انها تقصدني لأنه واضح موضوع خطبه من التليفون لا وكنت اقول لأمي وخاصة اني كنت بوعكة صحية اقول لامي بس اتعافي واوافق بس بعدين عرفت انه مو لي على علمكك انت تبين الناس يقولون مسكينه ومن هالكلام خليك عادي لو انك محروقه من داخلج لكن تظاهري عادي عشان ماتدري ممكن تلفتين انتباه احد من الحضور في خطبتها وترى الزواج رزق انتي وتوظفتي ماشاء الله في غيرك له سنينين ومتخرج قبلك وماوجدها تخيلي لو جاتك وحدك وتخاصمك وتقول ليه وافقتي على الوظيفه انا متخرجه قبلك حتى لو انها اختك وش شعورك هذا ايضا رزق الوظيفه رزقك والزواج رزق ولعل اختك خايفه من ردة فعلك وايضا بينكم حزازيات زاد الموقف ارضى بقضاء الله انا خواتي اللي دوني ماشاء الله تبارك متزوجات من سنين وعندهم عيال الله يوفقني نصيحة ارجوك ارجوك لاتتركين عملك والله راح تتعبين وتشمتين فيج الخلق وارضي لعل الله يكرمك بزوج احسن وايد من زوجها |
عآد ايش تسوين ياقلبي هذا امر الله ومابيدك شي غير انك تدعي ربنا
وكل تأخيره وفيها خيره تأملي قول الله عزوجل في هذه الآيه الكريمه (وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون ) شعور صعب صراحه وافتكر نزلت موضوع عاد ماادري هنا ولافي منتدى ثاني مقارب لموضوعك والكل قام ينتقدني كويس بعد انهم ماسبوني انتي ماتبغى الخير لاختك ومن هالكلام وانا والله احبها واتمنى لها كل خير عكسها طبعا اختي الغاليه احمدي ربك ليل ونهار ان ربي رزقك وظيفه تقدري تهربي لها وتنشغلي فيها لكن انا ولله الحمد على كل حال ماعندي وظيفة ومااقدر اتهرب في هالمواقف حتى غرفت نومي مشتركه مع اختي وسامحينى حابه افضفض عن مشكلتي بموضوعك لاني حسيت انك زيي بس الفرق انه انا ماابين لأهلي وخواتي واسوي نفسي مبسوطه مرررره واهلى متجاهليني لابعد درجه لدرجة حسيت نفسي ولد مو بنت ومو مهم يهتمو لامر زواجي كثير بس ربي هو الوحيد الي كان حاس فيه حنا في جماعتنا ماقد صار انو وحده تنخطب وتتزوج قبل اختها الكبيرة وان تزوجت انحكم على اختها الي اكبر منها بالعنوسه حتى لو كانت ملكة جمال وادب واخلاق هذي نظرة جماعتنا واهلي عارفين بهشي قبل سنه لما كان عمري 26 عائلة طلبت من امي انو يخطبو اختى الي اصغر مني بسنتين وهالعائله بالذات مانقدر نرتبط فيهم المهم امي وخواتي يقنعو اختي والي استغربته ترددها بالموضوع انا انصدمت بيني وبين نفسي وعارفه ومتأكده انو في قرارة نفسها ماتبغاه بس احسها من تشجيع امي وخواتي لها تبغى توافق + انه انا وياها في ذيك الفتره كنا متخاصمين واعرف تفكير اختي فهالمواضيع ممكن تقهرني وحتى على حساب نفسها +وكمان استغربت من اهلي انو مااهتمو للموضوع الي لو اختي تزوجت هالشخص مع مرور الايام ممكن بتصير فضيحه بسيطه المهم هي اختي اسم الله عليها مافيها شي الله يحفظها من كل شر لكن لو انكشف شي للشخص هذا لو تزوجها احس ماتقدر ترفع راسها بعدين لذنب هي ماسوته + انو هالعائله فيها قريبه لنا بيننا وبينها مشاكل ومقاطعين بعض وصلت بها انها توافق وامي فرحانه ونفس الشي خواتي انا صراحه بكيت بيني وبين نفسي وجلست ادعي يارب ان كان هدفها بس تتزوج قبلي علشان تقهرني فيارب لاتكتب نصيبها الحين قبلي دعيت كذا لاني اعرف تفكير اختي و لان بيني وبينها مشاكل واحسها ماطيقني واحيان كثيره احسها مو اختي وغيووره جدا في حين هي تملك اشياء حلوه بشكلها وجسمها انا لااملكها والحمدلله تفركش الموضوع منها بعد لأنو امي كل يوم فوق راسها لين اختي قالت والله مااتزوج وامي دايم تحب تاخذها الاعراس معاها واختي المتزوجه تتصل عليها وتقولها على قائمة الاعراس لصيفيه عام 2011 وتشجعها على الحظور وكمان تتصل على اختي الي اصغر من اختي هذي وتقولها حاولي من الحين تسوي ريجيم وتهتمي بنفسك وفي زواج لعائلة فلان بن فلان لازم تحضري علشان يشوفنك وانا لاتدق علي ولاشي ولاكأني اختها بس تدق علي لو بغت تفضفض عن مشاكلها لا وبعد ان مالقت لاامي ولاوحده من خواتي تجي تلجأ لي! اختي المتزوجه لها فوق الشهر ماتكلمني وان دقيت عليها وبغيت اسولف تسولف معي ببرود تام وكلمه ورد غطاه عكس خواتي الباقيات لدرجة اني اتضايق منها واقولها يلا مع السلامه وتتصل بعد شوي وانواع التهزيء والسب انتي ماتعرفي انو زوجي جنبي وامااقدر اتكلم معاك وكلامك كله يفشل ورجاء لاعاد تدقين علي بالذات انا تضايق مني لو دقيت !!؟ الله يرزقك ياصاحبة المشكله ويرزقني ويرزق جميع البنات الي يبغو يتزوجو الزوج الصالح الي يخاف الله فينا ويرزقنا الذريه الصالحه ياااااااااااااااارب عاجلا غير آجل يالله |
ليكى حق يا يمامه
بس الامر مش بادينا والدنيا مش حاتقف اختك مالهاش ذنب ومالهاش غيرك اقفى جنبها فى فرحها وربنا حايقف جنبك فى محنتك فرجه قريب |
مسك 2009
ورب البيت وم قريت حالتك ضحكت كنك تتكلمين عني مو عنك بس انتي ارحم ماعندك زوجات اخوان تدرين مره زوجة اخوي قالت بوجهي وقدام امي شوفي بنت هذي كم صار عمرها يمين بالله ما اكذب عليكم حسيت مويه حااره انكبت علي ماعرفت ارد انخرست واللي مزود علي مصيبتي هن اول ناس بتتشمت فيني وبالنسبه لخواتك والله نفس حالتي يعاملون اللي اصغر مني احسن معامله انواع الوصفات الرشاقه الجمال حتى اذا جو زياره كل الهدايا تكون لهم وانا يادوب هديه ومانين بها علي بعد حتى الوالده الله يسامحها كانت اي شي تبغاه تلبيه لها وانا لا شلوون تبوني اكتم واتحمل والله ما اقدر انا من النووع اللي دمعته قريبه ما اتحمل يعني بكره لو جت معلمه وباركت لي على خطبة اختي متاكده مليون بالميه ببكي شوفوا عاد نظرتهم وكلامهم ساعتها عرفتوا ليه بترك الوظيفه وبترك الدنيا كلها والله اللي احس به هذا مو انانيه لا والله العظيم ياعالم ماحد بجماعتنا ولا بصديقاتي صار معها مثلي كلهم متزوجات مابقى غيري والله كل البنات اللي كبري تزوجن بس ماحد تزوجت اخته الصغيره قبله الا انا عشان كذا بكره بصير فاكهه المجالس ياربي رحمتك مشكورين على كلامكم ومشاركاتكم وجعل كل حرف كتبتوه حسناات لكم |
اقتباس:
واحد ثاني في المستشفى يشتغل في الاستقبال عارفه اختي والله تكلم الخطابه وتتمدح في اختي اللي اصغر مني وهم كلهم لي تريدني اتخير راحت اختي والله ماانسى تأخذ المواصفات وتكلم اختي اللي اصغر مني تقول الدكتور لج وانتي عل اللي في الرسبشن والله انقهرت وايد وااااايد كيف تقسمين بالرغم اختي كانت دون ال25 وانا قربت ال30 بس الحمدلله الحمدلله والله حتى اشياء كثيرة مايعلموني على الاقل يتصلون عليك انا حتى اتصال ماتتصل الا لو شيء تخيلي الا اكبر مني كانت حامل وماشاء الله الكرشه كبرت والله ماقالت لي كأني حاسدتها بالرغم اللي اصغر مني من بدايه حملها قالت لي لأنها عارفتني زين وماقالت ماتزوجت ترى الحمدلله اعاني من البيت كل بس لابد الصبر واحضري الزواج واقلبي الطاوله عليهم قووووووولي اللي امه داعيه له جاي بالطريج وعادي ياما الصغار قبل الكبار تزوجوا وهذا رزق وقولي الحمدلله انا لاهيه في وظيفتي حتى لو انج محروقه ابدا لاتبيني لاتخلين عقربه تضحك عليك |
يااابعد قلبي يا انثى
صاابره لا اله الا الله علييييك والله حسيت بشي غريب يوم قريت ردك حسيت بقوه داخليه يارب امسح على قلبي بالصبر والاحتساااب والله يرزقنا جميييع بالازواج الصالحييين <<ادري كل من قرا موضوعي قال ذي مشفووحه ع الزوااج خخخخخخخخخخ والله ماطقيت له خبر لولا اوضاعي في البيت ولا ما فكرت بهالسالفه 1% اقولكم شي يضحك مدري يبكي تدرون ليه حولوا على اختي الاصغر مني لان العريس قصير وانا طويله وهو يبي بنت جريئه وانا معروف عني بالعايله اني خجوله واستحي من كل شي بذمتكم هذا عذر وربي مدري اضحك ولا ابكي كل شوي يقوون لي شي بالقطاره كني باكلهم ولا بسويلهم شي وافركش الخطوبه والله حاسه انهم مو اهلي وانا مو بنتم يارب عفوك ورحمتك ورضااك |
اختي العزيزه اليمامه لا تضايقي ووكلي امرك لله جل في علاه انا كنت في مثل حالتك انخطبت اختي الصغرى وتزوجت وانا الكبيره ورزقت بمولودتين وانا لم اتزوج وانا معلمه نعم احس بما انتي فيه ولكن الصبر اختي واحمدي الله على كل حال فانتي لا تعلمين الخير اين فبعد اربع سنوات من زواج اختي تزوجت وانجبت والان انا مطلقه والحمد لله على كل حال عيشي حياتك ونصيبك سياتيك لا محاله نصيحتي لك لا تتركي وظيفتك فهي امانك بعد الله سبحانه وتعالى اصبري اصبري
|
اللهم لك الحمد ولك الشكر على كل حاال
والله يصبر قلبي ويعيني على هالمصيبه الف شكر على ردودكم وتفاعلكم الله ينور دربكم ويفرج همكم ويرزقكم من حيث لا تحتسبوا |
حبيبتي رح نتوقف عن الكلام عن اخت رح نبدا كيف نوقف الدموع للي رح تنزل من عيونك امام اي شخص
لاني مثلك ما في اسرع من دمعتي فرح عزا ابكي ولو كان لقريب او غريب حتى الحجاج كنت اطلع المطار وابي فرحه لهم مع انو ما اعرف ولا حدا مسافر معهم يقرب لي انما شوق للحج بتصدقي انو غدا رايحه فرح لفتاة تتزوج قبل اختها اللي اكبر منها عنا شي طبيعي نعود لموضوعنا قفي اما المرآة وتكلمي مع نفسك واضحي وابتسمي تنشوف اخوات الاعضاء كيف يساعدوكي لتوقف الدموع هذا كل ما في الامر والباقي امره سهل |
الف مبرووك خطوبة اختك و عقبالك ..
اختي امر الله اذا جاء ما يرده شي لا حزن و لا زعل انا مثلك بنفس الشهر اللي ملكت فيه اختي و قبلها بكم اسبوع انفسخت خطوبتي و تدهورت نفسيتي و لأن الامرين كانوا بنفس الوقت لقيت الكل ملتف حوالين اختي و يبارك لها و الفرحه على وجوههم تمنيت احد يوفق معاي و يساندني لكن ما سمعت غير كلمة الله يعوضك ما تتصوري كيف كان استعدادي و تجهيزي كل شي انتهى في لحظة و كل اللي حضروا الملكة احس ان نظراتهم تلاحقني ليش فسخت خطوبتها حزنت .. بكيت .. دعيت كل شي سويته لكن القضاء ما يرده شي كل يوم افتح الدولاب و اشوف ملابسي و تجهيزاتي تدمع عيوني تلقائيا احس ان فرحتي جات بعد صبر طويل و ضاعت في يوم واحد و الحمد لله على كل حال اسأل الله ان يرزقك الزوج الصالح لا تحزني ربما زواج اختك فاتحة خير عليك ممكن في ملكتها او زواجها تشوفك وحده من الحضور و تعجب فيك و تطلبك لولدها ادعي ربك ما راح اكون مثاليه و اقول لك انسي الموضوع و طنشي لأني مريت بحالتك و يمكن اسوأ لكن ( تناسي ) الموضوع و الله عز و جل لم و لن ينسى عبادهـ من رحمته و واسع فضله |
| الساعة الآن 01:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©