|
مشكلتك اكثر الزوجات يشكون من ازواجهم
والعضوات قدمو لك اقتراحات وحلول قلت انك استخدمتها كلها ولم تنفع استمر في تجريب بعض الحلول التي لم تجربها لعل وعسى تكون هناك طريقه تكون هي مفتاح لنفسيه زوجتك وينفتح بها قلبها لتعبر لك عن حبها بها ساذكر لك طريقه مجربه وناجحه والحمد لله من زوجه لزوجها ولكن انت اعكسها لعلها تاتي ثمارها تقول زوجه انها ملت من شح الرومانسيه وكلمات العزل من زوجها فتحدته في شيء ما اما لعبه بلايستيشن او شطرنج او كيرم او اي لعبه شرط انها تكون متمرسه فيها حتى تضمن النجاح وحينما فازت شرطت عليه 200 قبله ( بوسه) على مدار 20 يوما كل يوم 10 قبلات موزعة 5 قبلات صباحا والخمس الاخرى مساء ( كانها دواء) وفي حاله عدم سداد الدين يتم سحب عن كل مره مبلغ من المال متفق عليه مسبقا فعلا وضعت الزوجه في غرفة النوم جدولا ومع مرور الوقت ومره بعد مره تعود الزوج هذه هذه العاده قبل النوم وقبل مغادره المنزل وهذا هو المرجو الاستمرار:17: اسال الله ان يوفقك ويجعلكما قرة عين لبعضكما ويرزقك ما تتمنى |
انت منت فاهمه هي تستحي تسوي حركات...تستحيييييي منك..
حتى لو تموت عليك دام انها تستحي ماتقدر تسويلك شي...صحيح 9 سناوت بس هي طبعها تستحي.. وش الفايده لو وحده تتدلع عليك وتسوي الي انت تبيه لكن في الحقيقه تمثل عليك وماتحبك بس تتمصلح عليك..؟ زوجتك تحبك بس تستحي منك؟؟لو ماتحبك كان نكدت عليك عيشتك..وماريحتك.. |
((صابر تسع سنين ومستعد اصبر العمر كلو لانها ببساطه تستاهل)) ماشاء الله تبارك الله أخي.. أبو عزوز هادي الجملة تستاهل جائزة..:17: ومدامك تحبها ونيتك صافية إن شاء الله ربنا يفرجها.. اخي الكريم.. انصحك ان تفتح الموضوع معاها بشكل لطيف ورومانسي.. (مافي زي المصارحة) تبدأ انت في المغازلة والتقرب منها.. وبعدين تفتح الموضوع.. مثلا تكون حاضنها وتقول ياسلام لو كل يوم تحضنيني كدا .. وتبدأ .. تقولها طلباتك .. حبة حبة.. وقولها أنا ابغى كدا كل يوم.. وأسالها عن طلباتها أيضا.. (هذا كله وانت لاصق فيها وقاعد تدلعها) وممكن تفهمها .. انه صحيح التربية تأثر .. بس انت زوجها حبيبها ونبغى تجديد.. وتغيير في حياتنا للأفضل.. الله يجمعكم على خير ان شاء الله.. |
أخي الفاضل
لدي اقتراح جربه لعل وعسى يفيد مع زوجتك المرأة بطبعها تتعاطف مع أي مرأة يعدد زوجها قل لزوجتك إنك معزوم على زواج أحد أصدقائك الذي سيتزوج زوجة ثانيه جهز نفسك كأنك ذاهب لزواج , واترك البيت تلك الليلة واذهب لأي مكان ثم عد لبيتك وأنت سعيد ومبتسم , ولا تتحدث معها عن الزواج ( لأنك تحترم مشاعرها كمرأه ) بالتأكيد ستسألك زوجتك , لماذا زميلك سيتزوج بأخرى ؟ قل لها : تخيلي ... متزوج منذ خمس سنوات فقط , وغير مرتاح مع زوجته ولا تهتم به كما ينبغي وأنه نبهها عدة مرات لتقصيرها ولم تستجب ستسألك زوجتك بعد ذلك : وبماذا قصرت زوجته ؟ قل : استحيت أن أسأله وليس من حقي أن أتدخل بتفاصيل حياته إكتفي بهذه الإجابه وتوقف عن الكلام . إذا دخلت زوجتك معك بحوار عن التعدد وضح لها أنك تؤيده إذا كانت المرأة مقصرة بحق زوجها , أو جافة معه وروتينيه ولمح لها بشكل غير مباشر لعيوبها , لعلها تنتبه لنفسها . بعد ذلك وفي الأيام التالية , لا تذكر شيئاً عن صديقك الوهمي أو أنه سعيد بزواجه , لكي لا تشعر زوجتك أنك تقصدها ولكن إذا سألتك ما هي أخبار زميلك بعد زواجه قل : الحمدلله إنه سعيد بزواجه ويشجع على التعدد , الله يهديه ويصلحه :d ويهنيه إذا لم تجدي هذه الخطه , تعال مرة ثانيه للمنتدى أخترع لك كذبة أخرى من أجل صلاح زوجتك :30: |
الله يهدي لك زوجتك ويجعلها قرة عين لك ... |
أخوي فيه كثير من الزوجات رغم حبهم الشديد لأزواجهم ما يعبرون لهم عن حبهم الا في المناسبة ويمكن عن طريق رسالة وذلك من الحياء اللي ما يقدرون يتخلصون منه
لكن أزواجهم هم عمرهم وحياتهم ومافيه أحد يساويهم حتى أبناءهم..... وزوجتك من هذا النوع والله أعلم وتلاقيها ودها تحضنك كل شوي بس الحياء يمنعها .... |
سبحان الله كنت افكر فيك وانا اقرا موضوع التلامس الجسدي ..
واتوقع كان سبب لكتابتك المشكله من جديد .. جرب مثلا اذا طلبت مكان معين .. او مثلا مصروف او اي شئ قول اوكي بس هاتي ضمه اول ( قولها بطريقه مداعبه ) اكيد بترفض بالاول لكن انت اصرر على كلامك .. واستمر كذا ..بين فتره وفتره .. يعني مره ضمه مره بوسه ( يالله العشاا قول هاتي بوسه اول ) بس لا تغث الادميه .. يعني مره اطلب ومره لا .. بعدين بوقت صافي اذكر لها كيف ذيك اللحظات حلوه وتحرمين نفسك منها .. -------- فكره ثانيه ... انت ابدا دائما .. جاي من برا ضمها وقبلها .. قبل النوم ضمها وقبلها وقربها جنبك .. استمر اسبوع .. وشوف ترى تبدا هي ولالا ... بتفقدك ولالا .... وان شاء الله يهدي زوجتك وتغرقك رومانسيه .. بالتوفيق يارب .. |
مافيه افضل من المواجهه لو برساله عبر فيها عن كل الي تبغاه
مع اني افضل وجها لوجه حتى اذا كنت انت المتحدث الوحيد فيها اختر مايناسبك واتركها بين نفسها فتره تفكر ومثل عليها دور الحزين وانتظر النتائج اتوقع زوجتك تربت على كذا وتحسب الحياه كذا ربيها على يدينك مره ثانيه وربي يوفقكم |
ماأعتقد إن اللي عند زوجته نقدر نصنفه على إنه حياء خصوصا وإن الزوجين في علاقتهم الحميمه يصير بينهم اشياء تتطلب جرأه تفوق الجرأه المطلوبه لعمل مثل هذه الرومانسيات أعتقد إن هذه طبيعة في زوجته يعني شخصيتها كذا عمليه او ماتحب تعبر عن عاطفتها لمن حولها او إنها تتصرف وفق قناعات سابقه عندها لأنني في جلسه لي مع صديقات كنا نتكلم عن الزوج والزوجة ومن منهم يحب الثاني اكثر لقيت وحده منهم تقول ان الأفضل ان الزوجه ماتعبر لزوجها عن حبها لأنه بيشوف حاله عليها واستغربت منها هذه العباره خصوصا انها بنت في العشرينات يعني صغيرة وبعقلية منفتحة ومالها غير 3 سنوات متزوجة إن شاء الله إن شفتها مره ثانيه بحاول استفسر منها اكثر عن الأسباب لأنني بصراحه اختلطت عليا الأمور وماصرت اعرف ايه الصح من الغلط خصوصا وأنني اسوي عكسها تماما :24: |
السلام عليكم ورحمة الله وبركاته
اشكر جميع الاعضاء على تجاوبهم وافكارهم انا في بعض الافكار عجبتني وناوي اطبقها مع العلم انو عملت تحليل لها قبل يومين وطلعت حامل هل اطبق الافكار الان وانتظر بعد الولاده افضل مع العلم اني ملاحظ انها مكتمه من بعد الحمل وسالتها تقول تعبانه |
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©