منتدى عالم الأسرة والمجتمع - لماذا يطلق الاباء الابناء مع زوجاتهم؟

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - لماذا يطلق الاباء الابناء مع زوجاتهم؟ (http://www.66n.com/forums/showthread.php?t=224639)

اقتباس:

المشاركة الأصلية كتبت بواسطة الماضي الدفين (المشاركة 2634452)

كلنا في الهوى سوى

سيم سيم ما يسأل عن بنته ولا يدري عن دارها ولا ينفق عليها

عادي فكة :D

مابغاه يناشبني عليها لا أعرست

وانت يا صاحبة الموضوع أختي اذا جاط معرس طيب تزوجي بالذات يوم ولدك صغير

انا بعد مايهمني وتبغين الصراحه مو قادره اقرر احيانا اقول وجوده مهم لابنه بالذات انه ولد واحيانا اقول فكه منه :14:

لكن الزواج انا رافضته لان الرجال ماراح يحب ولدي واخاف ابوه لاسمع اني تزوجت يجي وياخذه اللي بدون اخلاق توقعي منه اي شي انا مستغربه انك واثقه انه مابياخذها
طيب سؤالي لسالتك بنتك عن ابوها شنو تجاوبينها؟
والله يخليلك بنتك ويكفيك شر كل من به شر

اقتباس:

المشاركة الأصلية كتبت بواسطة ذكريات لاتغيب (المشاركة 2634465)

بالنسبة لي لا أحمل أي مشاعر تجاهه إطلاقاً
لأني مقتنعه جداً بالطلاق أو بالخلع إن صح التعبير
فلست احمل أي مشاعر حسره أو أسف ولله الحمد..
وإني والله اتعجب من عدم احساسي بأي ندم تجاه الطلاق..
فلا خوف من نقل هذه المشاعر لابني

بالنسبة لطفلي..
الخمس السنوات الأولى لم يراه أصلاً
ولم يكن يهمني
لأسباب:
-وجود والدي رحمه الله عوضه كثيراً ووجودي ببيت أهلي فكان الجو عائلي ومحبب لطفلي بشكل عام..
-كان يدرس الروضه والتمهيدي والمدرسات كما تعرفين نساء
فما يحتاج لأبوه بأي شيء
-وجوده مع أمه أهم من وجوده مع أبيه

لكن الآن تغير الوضع تماماً:
-زواجي وانتقال طفلي لبيت غير بيت جده وفقدانه لأهلي
-مدرسته رجال طبعاً .. والسنه هذي أول سنه اتجرأ واضطر اكلم مرشده الطلابي لسبب ما
- الولد في هذا السن يحتاج لرجل يربيه ويزرع فيه معاني الرجوله
لكن كيف اعوض ابني عن هذا(لا اعرف ان كان وصل ما بنفسي)
لكن أكيد أن الرجال يفهمون ما أقصد

وحتى لو حاولت أن أدخله في حلقات تحفيظ أو أدمجه مع رجال

أولاً الموضوع صعب علي وصعب اسأل عن مين يروح معاه
وكيف اضمن المجموعات الي بيروح معاها

يمكن تخوفي زائد..

لكن هذا الي اشوفه
اخاف عليه واخليه عندي احسن من يشترك مع مجموعات لا اعرفها

صادقه انا احيانا افكر اني ادعي عليه بالموت علشان يرتاح ولدي بس اندم واقول ادعيله بالهدايه احسن بعد علشان ولدي لان الاب عز

وانا زيك المشاعر بعد الطلاق صفر لاحب ولا كره لكن احيانا اكرهه وادعي عليه لمن اشوف اللي قاعد يسويه بولده والا انا اهلي وولدي معوضيني وفراقه راحه وسعاده :17:

انا ولدي عمره 5 شهور يعني للحين مايعرف وانا واهلي مو مقصرين عليه بشي
لكن اذا كبر وسال عن ابوه ايش اجاوبه هذا اللي محيرني؟
انتي ايش كنتي تجاوبين ولدك لمن يسال عن ابوه؟
طيب لمن تزوجتي ماقال باخذه ؟
كيف ولدك عايش معاك قصدي علاقة ولدك بزوجك الحالي ؟
اذا فيه خصوصيه بالسؤالين اللي فوق فانا اعتذر اختي

لا ياحلوه لاتدخلينه اماكن انتي مو عارفه الناس اللي فيها كويس الزمن صار يخوف اخاف لاشافوا ماوراه رجال يطمعون فيه ودائما استودعيه الله
والله يخليه لك ويصلحه ولا يحرمك منه

اقتباس:

المشاركة الأصلية كتبت بواسطة جراح الماضي1 (المشاركة 2635186)

اختي طيبتي خانتني
لا اؤيدك في رفضك الزواج بالعكس يمكن يرزقك الله بزوج صالح يساعدك في تربية ابنك وتعيشين حياتك
اما طلاق الاباء للابناء فسوف اذكر قصة والدتي مع والدي
والدي طلق والدتي وانا عمري تقريباً سنتين
والدتي تزوجت وكان رجل فاضل والله مااذكر انه يوماً اساء لي بكلمه
والدي لم ينفق علي ولم يسأل يوماً عني ولا احمل غير اسمه في البطاقه
حرمني من اكمال تعليمي بعد ماتخرجت من سادس سلم مديرة المدرسه خطاب بمنعي اكمال تعليمي
زوجني غصب عني وجعل حرماني من والدتي سيف مسلط على رقابنا
ومع ذلك والله مااذكر والدتي ذكرته بسوء قط بل دائماً تمدحه امامي
وقد عوضتني عن حنان ابي ولم اشعر يوماً اني ناقصني شئ
كانت ترفع معنوياتي دائماًوتزرع الثقه في نفسي لاخوض غمار الحياه بكل ثقة
ماعرفت ظلم ابي الا لما كبرت
اسأل الله ان لايحرمني والدتي وان يطول في عمرها
والله اني كل ماتذكرت ماكانت تفعله والدتي من اجلي الا بكيت

الله يهدي ابوك ويطول بعمر الوالده
انا ولدي صغير لكن ان شاء الله مايجي اليوم اللي اسب ابوه قدامه مو لسواد عيونه بس علشان ولدي مايلومني ...

اغلب اللي ردوا علي الحريم طيب وين الرجال اكيد قابلتم رجال زي كذا دام مو بس ولدي الي ابوه مايسال عنه يعني الحاله منتشره
اتمنى اسمع راي الرجال ؟