زوجك غبي...مع احترامي لك....كيف يكلمك عن خطيبته السابقه وحبه لها ويبكي عندك من اجلها؟؟


ناسي انك زوجته..ولا على باله صديقه بيكلمها ساعه يفضفض لها وانتهى الامر؟؟؟سبحان الله

وانتي كيف قدرتي تكملي مع واحد اعترفلك انه مستحيل يحب غيرها..وتوك فقتي وانتبهتي انه يحب غيرك بعد ماجبتي بنت وتبين الطلاق ..وينك من ثاني اسبوع في الملكه يوم اعترفلك..ليش ماتخذتي قرار الانفصال من ساعتها..


وبالنسبه لام زوجتك واخته...انا بصراحه استغرب من اللي يزوجون ولدهم ويضلون يلاحقونه بعد الزواج...على بالهم بيرتاح لا والله ماراح يريحونه لو يتمنون له السعاده ماينكدون عليه عيشته ..ويحيرونه بينهم وبين زوجته..لاهو قادر يسعد زوجته ولاهو يبي يزعل امه. ولازم ينفذ كلامها حتى لو كان غلط..في الاخير بيصير انسان عصبي ويكره الحريم..

صراحه مشكلتك مالها حل.

لكن الافضل..تصبرين عشان بنتك..(......)..واخته بيجيها نصيبها وتروح في حالها..
وإن شاء الله يتحسن وضعك مع زوجك..

انا مدري ليش انتي زعلانه من صراحة زوجك بخطيبته السابقة
هو يفضفض لك ومعناه انه ارتاح لك واحمدي ربك انها زوجته مي خويته
وانت اللي تزوجتيه وكسبتيه خليه يقول اللي يقول

اذا على اهله ترى كل اهل الزوج يغارون بدايه زواجه ويشاركونه معك
بس مع الايام تكسبينه انت ويهملهم
بس تحتاجين وقت وطوله بال وهدوء وهدووووووووووووووووووووووء بالذات
واذا جا البيت لاتنكدين عليه واذا خرجتوا بعد
حسسيه بالراحه والوناسه والكلام الحلو عشان لايهرب منك لاهله

أختي صاحبه الموضوع ماقول الا الله يعييييييين زوجك بجد الله يعينه عليك وعلى امه وأخته
اما هو لإكان يحب المفروض بتصرفك وعملك وثقتك بنفسك تنسيه مع الوقت حبيبته موتزيده وعقبها تهاوشيه هذا قلبه وش يسوي فيه
اناقلت امرآن ٣امورلانستطيع تغير الزوج الا ان يشاء الله
تعلقه وحبه سابقالفتاه
الزوج السكران
الخايييييين
لاتناقشيه وكل شوي اهلي ومدري كيف زوجك باين انو عسل بس امه وانتي وأخته وذكرياته من جهه
اماأمه وأخته مالومهن أكيد ولدهن ويمكن هو الصغير بعد فإثبتي أنك عكس زوجات ابنائها
وتقربي لأاخته طلب مني تكفييييين يكفي عمرها الكبير الله يرظقها عاجل غير آجل تكفين لاتدقيها بأي كلمه مهماصار منها فلربمادعوة منها عليك تفقدك سعادتك وتششتت شملك
بعدين أشتغلي خطابه لحماتك وامدحيها عند اي ام تبحث لولدها زوجه وأخبريها هي وامها وانك مهتمه صدقيني بتفرح ويمكن هذا الشي يقربك لهم وقولي انو في ناس تسأل عن البنت وانامدحتها لهم
زوجه أعرفها دايم مشاكل مع حماته آخرته دورت وفكرت تزوجها لاحد معارفهم عشان تفتك منها وزوجتها والحين تقول من تزوجت وأناحياتي تمام أكيد طبيعي بتغار منك خصوصا انو انتي صغيره ومتزوجه وعندك بنت فأنتي املكيها وقولي يافلانه وش رأيك نحضر زواجات ونستانس مع بعض وهكذا
الله يوفقك
وكاااااان الله في عون زوجك تعاطفت معه من جد ؟

سنا نجمه....لا مو كل اهل زوج يغارون ويتدخلون بين ولدهم وزوجته في بداية الزواج ...من فين جبتي هاالكلام..وبعدين هي لها سنه وشوي يعني مو حديثة زواج...

لااهل زوجي كذا ولااهلي كذا مع اخوي وزوجته...خلاص تزوج الله يوفقه ويسعده..في حياته..ان شاء الله يروحون المريخ محد له شغل فيهم..

والله فيه اهل زوجي كانوا كذا وكانت اخته الكبيره متعلقه فيه بجنون حتى ليلة زواجنا كانت تبكي
واذا رحنا مكان تقعد تتصل على جواله باستمرار تبي تعرف احنا وين والله كانها زوجة ثانيه
ومره ارسلت لجواله ( رايح جده ولا تقولي اخس عليك ) والله هذا اول زواجي
ومره ارسلت اخر الليل بكره تعال افطر عندي وياليت المدام ماتعرف
وكل مانجي نطلع يقول بمر امي اوديها مكان

ما اقول اني تصرفت بحكمة لكن حلفت عليه انه مايرد على اخته ابداااااااااااا
بس كان يكلمها لما يطلع برا البيت
ومره امي قابلتها خربتها معها وهزأتها وقالت وش تبغين من الرجال خليه عند مرته

والحين انتهت الخرابيط توه يقوم بامور بيته وبناته ويزور اهله كل فتره وامه صرفت عنه نظر وسارت تطلب اخوانه اللي اصغر منه

ماحبيت اقول هذا الكلام بس انتي اجبرتيني :29:

صديقيني هو يبغاكي

ويحبك


وماشعر بالراحه بسبب التدخلات من امه واخته .!!!

صحيح الوحده تقهر من اسلوبه لخطيبته السابقه ولكن لازم تعرفي الأسباب

خليكي مسايسه واعطيه فرصه لرااااااااااااحه ولفضفضه واللللللللللللللللللخ

اشبعيه بذكائك وعلى حسب مايناسب هو وليس انتي

حسيت منك ماعندك سعة الصدر الله اعلم

لابد من سعة البال والحكمه والصبر والدعاء وانتظري من الله القااااااااادر على كل شي سبحانه وليس من احد


واما من ناحية اخته وش رايك تقولي لها بوقت الزياره في عرض الكلام

تقولي لها ان شاء الله تنخطبين وتتزوجين وماتشوفين احد يتدخل من امه او اخته

المهم سوي اي طريقه باادب اي طريقه بتلميح لها عشان تفهم

والأم حاولي تكسيبينها واصبري واصبري واصبري

بإذن الله راح تعرف غلطها وتخجل شوي

عليكي بالدعاااااااااااااء قبل آذان الفجر خلال ساعتين

قولي اللهم لا اسألك الا رضالك من قلبك وبصدق >> من كلام الشيخ د عبدالمحسن الأحمد

ولاتنسين تدعين الهدايه لأمه واخته واللللللللللللللخ

وبإذن الله راح يسسير خاتم بااصبعك


صدقيني اي شي بتسوينه اجعلي عملك لله وادعي ان ربي يتقبلها

وراح تشوفي القبول في الأرض من ناحية زوجك واهله وغيرهم


ولاتنسين الإستغفاااااااااااااااااااااار اغلب وقتك

والله يفعل افاعيل ان استغفرنا بصدق وخصوصا قول استغفر الله العظيم الذي لا اله الا هو الحي القيوم واتوب اليك



اللهم سخر لها زوجها واهدي امه واخته من التدخلات اللهم آميييييييييييييييييييين

ليست زوجتة ولا حتى ملك عليهاااا
هي كانت تبي تكلمه بشتى الطرق بس هو كان رافض
فتعرفت على واحد وتزوجت منه
على حسب كلام زوجي

قررت اني اروح اصيف مع اهلي
وقلت له فقال خلينا نروح سوا فعتذر منه
قلت ما اضمن انك توديني ...
وبصراحه ما اعتقد انه يوديني عشان امه مثل كل مره يتحجج فيهاا
ويمكن لما ابتعد عنه يعرف غلطه ويصححه


اشكر الجميع على نصحهم ومشاركتي مشكلتي

مثل ما قلت لكم اني قررت اني اسافر مع اهلي اصيف
وزوجي وافق وقبل قليل على الفطور قال لي
ان امه رافضه اني اروح
سكت وجلست ااكل بنتي
كان ودي اقول له انا متزوجتك ولا متزوجه امك
ايش الحل
انا اتفقت مع اهلي وقلت للولد يقطع لي تذكره
حسبي الله ونعم الوكيل

كان قلتيها انا متزوجتك ولا متزجة امك ونزلتي دمعتين
صدقيني راح يقول روووحي