|
اكيد يحق لك تنقهرين لانه انفصل بدون سبب يذكر......لكن بسالك اكيد قبل الملكه صليتي صلاة الاستخاره صح ؟؟ومن خلالها تتمنين ان بكون زوج بنفس المواصفات اللي تريدينها من اخلاق ودين ووووو.....
طبعا الله عزوجل اختار لك الخيرووضح لك امره امكن هو يكمنه بداخله وربما اذا تزوجتيه تنصدمين فيه ....فكان الانفصال خيره من رب العالمين .....وممكن نقول مايكون من نصيبك ..ع كل حال ر ....ثقي ان الله عزوجل سيختار لك الافضل باذن الله ....اسال الله ان يعوضك باحسن منه |
سبحان الله واحد مايبغاني ليه باقي افكر فيه ؟؟؟؟
وين كرامتي ؟؟؟ واحد راح وخلاني ليه ابكي عليه ؟؟؟؟ ليه باقي أفكر فيه ؟؟؟؟؟ شوفي حبيبتي أستخيري الله بالثاني ووافقي وأستفيدي من أخطائك مع الأول ,, لاتكونين سهله يشك فيك .. ولا تكونين مقفله مرره ويمل منك ,, تعلمي كيف تكونين جذابه في حكيك في مسجاتك ,, أعرفي متى تقولين الكلمه الحلوهـ .. يعني لا افراط ولاتفريط حلي لسانك شويات .. أقري مواضيع بالنت تثقفي .. ترى الرجال سهليييييييييين مررررهـ .. ينجذبون للأنثى الذكيه اللي تعرف كيف تملى قلبه وعينه .. أهتمي بالتفاصيل الصغيره مثل تواريخ مهمه مواعيد خاصه فيه تذكرينه فيها أسأليه وش يحب وقوليله عشان أتعلمها عشانك ومن هالحكي والله يوفقك .. |
السلام عليكم ورحمة الله وبركاته
اختي الكريمة تذكري قول الله تعالي ( وعسى ان تكرهوا شياً وهو خير لكم وعسى ان تحبوا شي وهو شرا لكم والله يعلم وانتم لاتعلمون ) صدق الله العظيم يعني الله اللي يدري مو انتي ممكن ربي ابعدك عنه ولو تزوجتوا كان حصل مكروه لك او له ممكن ربي ابعدك علشان يختبر ايمانك ممكن ربي ابعدك ليعظم اجرك انتبهي اخيتي والارزاق مقسمه عند رب الارزاق والحب بدون التعامل لايعتبر حب بل اعتبره كالغشية تذهب مع الزمن وتذهب بعد التفكير الصحيح ما بال نسائنا ان تزوجن تطلقن وان انفصلن قبل الدخول تعذبن سبحان الله وبحمدة سبحان الله العظيم |
أول شيء غاليتي تشجعي وامسحي رسائله كلها صدقيني معظم همك لأنك بتستحضري هذه الرسائل وحتى لو كان عندك بعض صوره امسحيها أما بالنسبة للخطيب المتقدم لك .. فأنا أقسم لك أنك ستحبيه كهذا وأكثر الموضوع وما فيه أن قبلك كان عندما خطبك أخضراً خصباً لم يدخله أحد ثم جاء هو بعبارات رقيقة فامتلك هذا القلب .. فقط هو انبهار لا أكثر ولا أقل .. صدقيني لا تكونين أنت المظلومة وأنت من ستندمين أنت الآن مظلومة بتخليه عنك بدون سبب لكن .. إن رفضت هذا الخاطب ستندمين والغالب أنه سينسى ويخطب من جديد |
جزاكم الله خير والله يسمع منكم ان شاءالله احاول انساه
|
اللهم آتنا في الدنيا حسنه وفي الآخرة حسنة وقنا عذاب النار
|
نعم الله على الانسان كثيره ومنها نعمة النسيان وما اجملها من نعمه صدقيني انه مو خير لك لوخير رب العالمين ماصرفه عنك بس مالك الا تبدين صفحه جديده والمااضي قفلي عليه بقولك قصه صارت لاختي كانت ممخطوبه لولد جارناا وكنت تموت فيه لدرجه كانت تقولنا المهم فلان لي انا وبعد سنه تركها فك الخطوبه وقامت تصيح وكرهت الرجال كل ابوهم ولما صار عمرها 28 سنه تزوجت قسمن بالله ياختي السعاده واضحه من عيونها معيشها ملكه انتي وكلي امرك لله
والله يوفقك ويهون عليك يارب |
من باعك بيعه يابنت الحلال
|
آلخيره فيمآ آختآره الله
من بآعنآ نبيعه ياقلبي آنتي بعدين يمكن ربي يحبك ويبي لك الافضل .. قولي آللهم لك الحمد كمآ ينبغي لجلآل وجهك وعظيم سلطآنك وكثري آستغفار .. وكثري من قراءة القران .. وصدقيني رآح تنسينه وتحبين خطيبك الجديد وخلي ثقتك بالله قويه .. موفقه يارب |
امسحي بمنديل الصبر دمعة اليأس واسخري من احداث الزمن بابتسامه ولا تشتكي همك وحزنك على الناس ادفني خيال الحزن وادفني عذابه والي يعزك حطي قدره على الراس والي نساك انسيه وانسي وصاله واضحكي لليوم ولا تبكي على امس |
| الساعة الآن 09:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©