سمعت عن الحلقه انا ما تفرج على التلفزيون يقولو الام اذا تبغى اثبات طليقها يدفعها 5000 يارب طليقي ما يكون شاف الحلقه راح افلس :eek: الله يكفيني اشر

شافها او ماشافها
لا تنتظرين احد ياخذ حقك لو القاضي ما انصفك و ما اخذ حقك في القانون
جيبي كم مجرم واعطيهم فلوس يدخلون بيته ويهددونه و ياخذون الاوراق اللي تبغيها
الى متى بيفضل وضعنا في المحاكم كذا
اذا القانون في المملكة مايحمينا من اشباه الرجال في عقولنا و فلوسنا تحمينا
اتكلم جد لانو الوضع اصبح لايطاق
نحمل و نتعب و نولد و في النهاية يجي رجل مريض نفسي مايعرف يخاف من خالقه و القانون ضدنا
و او لادنا يتعذبون و ينحرقون و الامهات يتهمون في شرفهم ليه نسكت
اخذي حقك في يدك

مو هذا اسلوبي في النصح
بس عارفه انتي 4 في ذا الاسبوع اسمع القصة ونفس التفاصيل تنعاد اولاد يتعذبون واباء حرام ينقال عنهم اباء بعد اشبه باليهود
و لا احد داري عنا لاقضاة و لاغيرهم
و الله اذا شفت حقوق النساء في العالم الغربي اموت حرقه على حالنا في الوطن العربي
و القهر احنا المسلمين و هم الكفار

لا ياختي الله يهديكي مو لهذة الدرجه ترى انا مسالمه ماحب المشاكل واذا وجهتني مشكله الجاء الي ربي ويفرجها لي واحتسب تعبي وتربيتي لاولاد عند رب العالمين شكلك قذافيه وشعاركز(0الشعب يريد تغير النظام)

لا قذافيه و لاشي و انا بعد مسالمة بس و الله جالسه ابكي على حكايتك
هذا مو بشر ليه ايش ذنب بناتك يحرقهم و يعذبهم هذا مجنون مدري كيف تحملتيه و مع هذا الى الان جالس يطفش الاطفال المساكين

الحمد لله على كل حال والله مرة دخلت الغرفه على بنتي الكبيره وهي تبكي وانا اقول ايش فيه يا ماما من زعلك قليلي وهي بس تبكي حلفتها انها تقولي قالتي اذكرت بابا لمن كان يضربنا ويحرقنا بالنار وان ا واخوني نصرخ وناديكي نقول ياماما تعالي يا ماما بنموت والله يماما قلت يمكن ما عاد اشوفك اخذت بنتي وحظتنتها وقلتلها خلاص يا ماما انسي وسامحي ابوك وقالت كيف انسى وجسمي مشوهه كيف انسى وانا دايما اذكر الي صار قلت ربنا يسامح انت ماتسامحي مهما كان هذا ابوكي ولازم تسمعي كلامه وتكوني باره فيه بس مايرضو يكلمه حتى لمن نجحو قلت اتصلو على بابا وقوللو انكم ناجحين مارضيو الله يهديهم

من اصعب الاشياء في القضاء التنبؤ بما يمكن ان يحصل والسبب ان القضية فيها طرفين ونحن لانعرف ردة فعل الطرف الاآخر ,,,
بالنسبة للعمر الذي تنتهي به حضانة الام للبنت فهو سبع سنوات بعدها جانب الاب في الحضانة يكون اقوى ولكن هذا لا يمنع ان يكون هناك سبب يجعل القاضي يحكم بالحضانة للام ,,,
بالنسبة للزواج النبي صلى الله عليه وسلم قال ( انت احق به مالم تنكحي ) فاذا تزوجت فالحضانة له حتى لو لم تكمل البنت سبع سنوات ,,, ورايي انك ماتجعلين البنت مانع من زواجك بالكفؤ مصيرها تتزوج وتندمين على الايام اللي فاتتك وانت صغيره والخطاب كثير ...
بالنسبة للنفقه لابد انك تنوين الرجوع عليه بها ( يعني تقولين انا انفق عليها الان حتى اذا تيسر له يرجعها لي )
من رايي انه اذا جاء ياخذها تطالبينه بالنفقه للسنوات الماضية وتقولين كيف اربيها وانفق عليها ويجي ياخذها وقتها المبلغ بيكون كبير وممكن يتنازل عن الحضانه حتى مايدفع ,,,
عادة البنت نفقتها لمن هو في مثل وضعه من 400 الى 600 ريال ناخذ الوسط 500 كل سنه 6000 ريال يعني في سبع سنوات 42 الف ريال ,,,,,
لكن السؤال هل كنت تنفقين عليها وانت ناوية تاخذين منه ؟ وهل كان يصرف عليها ؟

يالله الله يعينك عالمواعيد ... انت في اي مدينه ... للاسف بلد متخلف اجل 3 قضاه لكل مائة الف شخص
الله يعينهم ,,, الذي اريد معرفته ماذا حصل في اخر جلسه ؟؟؟ وهل وافق على راي الخبراء ؟؟
طيب القاضي ليش بس حكم ب 11 شهر ؟؟

انا من جدة
اخر جلسه ماحصل شي كان القاضي عنده موعد في المستشفى وبس كااثبات اننا حضرنا واخدت موعد للجلسه الثالثه
القاضي حكم 11 الف هذه النفقه الفائته وكتب يبقى الزوج يصرف على الزوجه الى انهاء الوضع بالنسبه لي
انا ما اذكر الكلام بصراحه لكن هذا الي صار وبعدين انا رفعت قضية اثبات طلاق لان صرت مثل المعلقه لا مزوجه ولامطلقه والقاضي الثبت الطلقه بس ما استلمت الصك وبصراحه طفشت من المحاكم
وبالنسبه لموقف طليقي ما اعترض على النفقه وقع الاوراق وخرج وقال تبغى بيتها ترجع بيتها مفتوح لها لكن ما تشتغل ولا تروح المدرسه هذا الي صار عند الخبراء

نفقه الاحدى شهر هذه نفقتي انا مو نفقه الاولاد الاولاد نفقتهم حسبها الشيخ من تاريخ وقوع الطلاق من شهر محرم