|
اقتباس:
وضعت الرابك بالطريقه الصحيحه اضغطي عليه ومعلومات التواصل موجودة ورقم طوارئ النساء والأطفال ببرنامج حماية المجتمع 1919 بأي جوال او تلفون ثابت وبيجوكم ومركز الأمان حيعطيها الدعم النفسي والمادي و الطبي بإذن الله وحماية المجتمع بتوقف معاها وتجيب رجله |
والله ياجماعه الخير للاسف نحن في بلد اكثر مايهمه الماديات يعني مباني وكاتب بلا نظام وبلا خدمات ,,,
آآآآآآخ لو كنا في بلد يحترم آدميتنا باتصال واحد من هذه المراه جميع الادارت الحكوميه تحضر عندها لكن لاحياة لمن تنادي ,,, المرا طلباتها كالتالي 1) الانفصال عن الزوج وهذا سهل وقد اجاب عنه اخونا البليغ تقدم طلب (فسخ نكاح ) وتذكر جميع الاسباب التي جعلتها تقدم على هذا الطلب ,,, اهمها المخدرات يرسلونه للمستشفى ويكشفون عليه فاذا ظهرت النتيجه ايجابيه مباشرة يفسخون النكاح ,,, او يكون لديه سوابق او سمعه سيئه ولديها شهود سواءا كانو رجالا او نساءا 2) تطلب الرعايه والامان هذا اما عن طريق مركز امان ( مع اني غاسل يدي ) من يوم فتحت الموقع وشفت الدعوى حريم بحريم ,,, او عن طريق شكوى للشرطه وياخذون عليه تعهد + تطلب احالتها للمحكمه ليعاقب على ذلك واذا لم تحال فلها ان تذهب للمحكمه الجزئية وتقدم دعوى ضده انه هددها بالقتل ,,, اذا لم ينفع هذا وذاك لها الذهاب للاماره ,,, ماقلت لكم بلد المرمطه ,,,, 3) ترفع قضية عقوق ( ان احبت) ضد ابنها الذي يؤذيها عند المحكمه الجزئية وسينتفون ريشه لان النظام ينص على زيادة عقوبة العقوق ,,, لي عوده باذن الله ,,,, |
اقتباس:
وليه ترفع قضيه اول ما يجي ولدها ثاني اتصلي برقم 112 وهم 5 دقايق واصلين اذا مسكوه ارفعي عليه شكوى بقضية عقوق والدين .. عندنا اخ مريض بالفصام وكان يهدد بقتل الوالد اول الطوارئ كانت زفت الحين والله 5 دقايق وهم واصلين المملكة ما تستهين بقضايا العقوق والله ان الرجال اللي يعصون والديهم لأي سبب كان بعد اللي يلقوه من التأديب يبوسون يد اهالهم يطلبون السماح بعدها .. |
اقتباس:
لكن قلت لها اشتكي اول على زوجك عند الشرطة من اجل تهديد القتل لكي يساعدك البلاغ في قضية الخلع لكن هل يلزم الشكوى في القسم الحي الي ساكن فيه زوجها او قسم الحي الي ساكنة فيه والله ياخوي انا عارفة ان قضيتها بطول ويمكن ماتلقى احد ينصفها وخايفه عليها اكثر ترجع له يطلبها لبيت الطاعة او تضعف من كثر الضغط عليها بناتها الان هاجرينها يبغونها ترجع للمذلة وهي منهمة منهم |
اقتباس:
|
تخيلوا امس الظهرتقول المرأة يوم صحيت لقيت 20 مكالمة من وحدة من بناتها تقول دقيت عليها قالت جينا بيتك ماحصلناك قالت نايمة هي اتوقع تستخدم ادوية تجعل نومها ثقيل قالت لها من الي جابك قالت اخوي تقول استغربت لاني مشتكيته يوم العيد يوم تهددها كلمتها اختها بعدين قالت زوجك جاء لنا هو بنتك الضحى يسألون عنك يقولون ماهي في البيت لكن مافتحنا لهم لان بنتها راعية مشاكل والناس يبتعدون عنها
تقول يعني بنتي متفقة مع ابوها تبغى تلعب علي من اجل اني افتح الباب وادخل ابوها اما انه بيقتلني او انه بيسحبني بالقوة لبيته ولا راحوا لاختها يبينون لهم انها ترى ماهي نايمة في بيتها يعني شكوا فيها ترى ماهي منضبطة لكن رحمة الله فوق كل شي غطا على قلبها تنام ذيك النومة ولاكان هي الحين في خبر كان |
لا حول ولا قوة إلا بالله العلي العظيم حسبنا الله ونعم الوكيل |
حسبي الله ونعم الوكيل
الله يفرج كربتها يارب ويستر عليها دنيا وآخره |
الله يعينها ويفتح لها ابواب الخير... هذا هو الانكسار في الحياة الدنيا امل من الله ان يعوضها خير في الاخره... المخدرات نكبة اليمة الله لا يبلانا ويشفي من ابتلي فيها...
كنت اقول وما زلت.. في قناعتي ان المرأة الطيبة يرزقها الله بانسان عربيد يحول حياتها لجحيم للاسف.. وكذلك الرجل الطيب يرزقه الله بامرأة هي سخط من عند الله يختبره في صبره وايمانها بها... لاحول ولا قوة الا بالله |
وش المستجدات ؟؟؟؟؟؟
|
| الساعة الآن 10:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©