|
لاتظلمونه
بروح ادور هالكتاب ابووه رافض فكره المستشفي لانه كان عنده ولد وتوفي الله يرحمه يقول ان ولدي طالع عليه وان ولده اللي ماات كان كذا وقالهم الدكتور عنده شحنات كهربائيه وفرط حركه الله يحفظ لك ولدك اخوي بس انا لو انه كبير كان ممكن احرمه من شي يحبه او اعاقبه بيفهم علي بس مشكلته صغير مره ولايعرف يتكلم ودوبه ماشي من شهر الله يعين عليه |
أعتذر إن كان كلامي لم يكن في محله.. ربما الأمر فوق ما أتصور..! دعواتي له بالشفاء ودعواتي لكِ بالصبر في هذا الإبتلاء ..! اصبري واحتسبي الأجر من الله . |
الله يعينك يا أختي
من كلامك واضح أن فيه شبه كبير بين أبنك وأبني رغم أختلاف السن الغريب أن ولدي عنده نقص عجيب في النوم تخيلي يوميآ ينام الساعة 11 مساء ويصحي الساعه 3 - 4 الفجر ويفتح التلفزيون أبو الشباب ويحط رجل علي رجل ويتفرج علي أفلام كرتون :25: واذا سكرنا عنه التلفزيون ما خلانا ننام يعني معدل نومه 5 - 6 ساعات !؟ |
هذا اللي انا خايفه منه انه يكبر ويكبر طبعه معه
المصيبه ان المجتمع اللي انا فيه كل اطفالهم هاادين يعني شيطنه بس بدون خراب او تدمير وولدي اصغرهم واعبطهم والله ان نومه عذاب نفسي لي يقوم عشرين مره وهو ناايم ومااينام الا لين يبكي لكن عمره مانام بذوق لازم يزعل وعقب ينام ارحمه يضيق خلقي عليه كلا يطفش منه الشغالات والبزران واهلي واهل زوجي ودي القى وسيله يفرغ طاقته فيها بس مااعرفت يحب يلعب يعني لو العب معه يوم كامل ماايشبع يبي احد يلحقه ويلاعبه ماايحب يرتاااح ولايجلس الله يصلحه ويهدي باله |
هاتي له العاب تهد حيله..
العاب فيها رفع وشد وجذب ليـــــــــــــــــــــــــــــــــــــــــــــــم ن يهجد |
|
اختي الكريمه
واضح جدا جدا ان نقص الوعي والادراك بمسؤولية التربية للطفل في سلوكك وسلوك زوجك فاسمعيني يا اختي هناك فروق فردية بين الاطفال كما تعلمين وفرط النشاط ينصح بتشخيصه بعد 3 سنوات لان كثرة الحركه من سن 1الى3 من طبيعتهم وايضا من طبيعتهم شد وسحب وسكب الاشياء بقصد الاستكشاف وليس الازعاج لكن ضعيه تحت ملاحظتك الدقيقه فلو كان هناك مجموعة اعراض اشكلتك فاستشيري مختص ولو بالهاتف ثانيا تقول الحكمه( من زرع حصد) فمن المستحيل ان يكون ابنك مؤذ وضارب مالم يتعلم ذلك من امه و ابيه فارجوا ان تراجعي طريقة تعاملك معه واول خطوه هو ان تتحلي انت بالنفس المنفتحه المطمئنه فلتفهمي نقاط القوة والضعف عندك للتتعايشي وتقبلي نفسك وايضا تثقيفك لنفسك بمفردات التربية لانها حقا مسؤولية اعانك الله عليها ثم علاقتك بزوجك من المهم ان يكون اتفاق على مباديء صحيحه متعاونه في التربيه حاولي ولا تستسلمي لنقاط ضعف زوجك لاني ارجوا منك ان تقدري وضع الثقافه عندنا في التربية فالعالم العربي يعاني من هذا العيب ولنستفيد من غيرنا ممن طور اساليب التربيه وطريقة تفهمها اخيرا عليك بالدعاء وهو ميسر الاسباب والصبر لانك مجاهده وسيكتب الله لك الاجر وعن تجربة فابني مثل ابنك لكن فضل الله علي ان الهمني بسماع اشرطه تربوية استفدت منها كثيرا فاحيانا يهدف الطفل للازعاج للفت الانظار واستجداء الحب والاهتمام تحياتي |
الله يجزاااكم الف خير
انا اسااسا ماسألت عن التربيه الا لاني ضاايعه في هذا الجاانب مااني عارفه اتعامل معه قريت كثير وسمعت كثير وطبقت اكثر اللي يقول خليه بكيفه واللي يقول هاوشيه واللي طقيه بيده واللي اربطي رجله كلا يحكي لي تجربته وانا تعذبت نفسي اربيه تربيه صاالحه نفسي يكون مؤدب وخلوق عندي هااجس وخوف من بكره لاني بتحمل تربيته لوحدي ابوي عمره فوق الخمسين ومشغول بعمله وتجارته يعني تربيه الاطفال بتكون كلها علي وماابي احد يقول بزر وماعرفت تربي وماابي اطفالي يكونون اقل من احد نفسي يكون ذكي ولماح وهاادي وخلوق ابيه يعكس صوره ايجابيه عني ويكون سند وفخر لي شاايله هم من كل قلبي مشكلتي حنووووونه جدااا ودمي حاار يعني ازعل منه واهاوش وارجع اضمه ولدي عنده طااقه هاالاياام صار يجيب لي جزمته(وانتم بكرامه)ويشد يدي للباب عشان نطلع بالحوش ويجلس يراقب الانوار والقطاوه ويضحك اذا سمع صوت السيارات يحط راسه علي باب الشارع وانواع الانسجاام واذا شاف اخوانه من ابوه يلعبون كوره يصيح يبي يجلس معاهم وهم زهقانين منه لانه مزعج يبي يااخذ كورتهم ويحوس عليهم الناااس مااتقدر ولاترحم امس رحت بيت عمه وتركته مع الشغاله وانا نفسي اخذه معاي بس يحرجني يسحب البيالات والفناجيل وماايخلي شي مشكلته طمااع مهما يملى يده مايشبع ويموت بالحوسه يحب كل شي بالغرفه طايح بالارض وانا نظااميه لدرجه توتر اللي يقعد معاي استغرب من وين اكتسب صفاته ابوه هادي وانا زي كذا بس لما كنت حاامل كنت سااكنه بشقه بلحاالي وكان بيتي ع الشارع وكله محلات وعمال ويعرفون ان زوجي متزوج غيري ومايجي الا نادرا وكنت اموووووت من الخوف طوول الوقت ابكي ومرتبكه واي صوت يفجعني ودايم متوتره انام وانا خايفه اصحى اتلفت ماادري اذا هذا الشي اثر عليه او لا |
انا اسااسا ماسألت عن التربيه الا لاني ضاايعه في هذا الجاانب
مااني عارفه اتعامل معه قريت كثير وسمعت كثير وطبقت اكثر سامحيني حبيبتي تطبيقك يحتاج تدقيق اكثر اللي يقول خليه بكيفه واللي يقول هاوشيه واللي طقيه بيده واللي اربطي رجله كلا يحكي لي تجربته وانا تعذبت نفسي اربيه تربيه صاالحه نفسي يكون مؤدب وخلوق عندي هااجس وخوف من بكره لاني بتحمل تربيته لوحدي ابوي عمره فوق الخمسين ومشغول بعمله وتجارته يعني تربيه الاطفال بتكون كلها علي وماابي احد يقول بزر وماعرفت تربي ان شالله يكون مؤدب وخلوق اذا كسبتي قلبه واكتسابه يعني تفهمه وعدم تعنيفه طويلا ومكافئته ايجابيا لكل سلوك صالح يعمله وماابي اطفالي يكونون اقل من احد نفسي يكون ذكي ولماح وهاادي وخلوق ابيه يعكس صوره ايجابيه عني ويكون سند وفخر لي يعكس صورة عنك ام عن نفسه ؟؟ (من زرع حصد) شاايله هم من كل قلبي مشكلتي حنووووونه جدااا ودمي حاار يعني ازعل منه واهاوش وارجع اضمه الم تقرائي ان هذا اسلوب ليس صحيح حيث يساعد على تنشات طفل متردد عنده لبس بين العقاب والثواب فارجوك كوني حازمه الخطأ خطأ ولاصلاح الخطأ علمية كيف يعتذر ومتى لكن ابنك صغير جدا ومبدئيا اغلب اخطئه مقبوله لكن توجيهك له لابد ان يكون لفظيا فقط بطريقه حازمه وليس عصبيه ولدي عنده طااقه هاالاياام صار يجيب لي جزمته(وانتم بكرامه)ويشد يدي للباب عشان نطلع بالحوش ويجلس يراقب الانوار والقطاوه ويضحك اذا سمع صوت السيارات يحط راسه علي باب الشارع وانواع الانسجاام واذا شاف اخوانه من ابوه يلعبون كوره يصيح يبي يجلس معاهم وهم زهقانين منه لانه مزعج يبي يااخذ كورتهم ويحوس عليهم طبيعي جدا في الاطفال والمفترض ان يتعلم اخوته كيف يعاملونه وكذلك مراعاته والا فادخلية للمنزل واعملي له اغراءات مسلية بالعابه الناااس مااتقدر ولاترحم امس رحت بيت عمه وتركته مع الشغاله وانا نفسي اخذه معاي بس يحرجني يسحب البيالات والفناجيل وماايخلي شي مشكلته طمااع مهما يملى يده مايشبع ويموت بالحوسه يحب كل شي بالغرفه طايح بالارض وانا نظااميه لدرجه توتر اللي يقعد معاي عزيزتي انت ذات شخصية قلقه ومتوتره خففي قلقك من اجل توازنك واعتقد انك تحتاجين نصيحة مختص نفسي وطفلك المسكين طبيعي يكون طماع فهو طفل ويسحب ويركل كل ذلك طبيعي ابنك له 12 شهر تقريا على وجه الارض هل تريدينه رجلا كامل من هذا السن ؟؟ مشوارك التربوي طويل استغرب من وين اكتسب صفاته ابوه هادي وانا زي كذا بس لما كنت حاامل كنت سااكنه بشقه بلحاالي وكان بيتي ع الشارع وكله محلات وعمال ويعرفون ان زوجي متزوج غيري ومايجي الا نادرا وكنت اموووووت من الخوف طوول الوقت ابكي ومرتبكه واي صوت يفجعني ودايم متوتره انام وانا خايفه اصحى اتلفت ماادري اذا هذا الشي اثر عليه او لا عزيزتي ربما تكون تربيتك فيها شيء من التوتر والقلق فنشات نفسيتك بذلك فوااااضح انك تعاني من وعكه نفسيه ان شالله بسيطه وتحتاجي تشخيص دقيق فاذهبي لعياده نفسية فهو ليس عيبا بل هو من وعيك باهمية سلامتك وربما وجدتي موقع للاستشرات النفسية فابحثي واوقف لوم ابنك واتهامه فهو بريء وفقك الله |
الله يجزاااك الف خير وشاااكره اهتماااامك ونصيحتك القيمه
صحيح اني مظطربه نفسياا وجدا واعترف بالشي هذاا انااا خاايفه من بكره بشكل كبير جداا وافكر بولدي طول الوقت ودايم احطه تحت المجهر صرت جدا عصبيه وقلقه من شدة تركيزي عليه لااحد يلومني لسه صغيره واول طفل وحامل ومرهقه وزوجي رامي الحمل كله علي واذا شافه يغلط يحط اللوم علي اخاف تطلع تربيتي فاشله اخاف يطلعون عيالي طماعين او قليلين ادب انا حريصه كل الحرص اني اربيهم علي العلم والدين والاخلاق نفسي ازرع فيهم قبم ومبادئ ابي احس اني ملخسزت بزواجي من شخص كبير |
| الساعة الآن 04:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©