|
اقتباس:
والله لما اتنرفز اكيد لكل فعل ردة فعل وهي تطلعني من طوري لما اتلفظ عليها انا اكلمك الحين وانا جاي من الدوام الساعة 5 العصر والاخت في سابع نومه وش الحل معها هاذي |
اقتباس:
هون على نفسك.. عندنا وعندك خير.. اقتباس:
انا شدني الموضوع لاني اعاني كثيراً مما ذكرته انت.. ولكن الفرق اني حاولت اعدل واصبر لمدة عشر سنوات.. ولكن لا حياة لمن تنادي... انصحك ان تأخذ برد الاخ البليغ عليك لانه عقلاني ومحايد قبل ان يضع رده.. فهو من خيرة الناس هنا..وبشهادة كل من يرتاد منتدانا هذا>> وابشرك ان موضوعك رح يحقق اعلى موضوع في المشاهدات والرد لان البيوت تغلي وليس من منصف بيننا..واتمنى الا تأخذ صاحب الصلاحية شدة الوهج ويقفل الموضوع او يحوره.. للتذكير فقط http://www.66n.com/forums/showthread...84#post2674184 بالنسبة لي >>واكرر بالنسبة لي>> لو رجع الزمان بي 7-8 سنوات للخلف .. سوف اتركها في بيت اهلها الين يتحول البحر الى طحينه>> وساعتها أفكر أرجعها أو لا.. بس طلاق لأ. وفقك الله |
اقتباس:
|
اقتباس:
بس للاسف لا استطيع الدخول على رابط الاخ البليغ لعدم وجود صلاحية لدي لكن شوقتوني من هو البليغ لعل الحل عنده ؟ |
اقتباس:
يسعدني مرورك اخوي وردك العطر الله يكون في العون الحين اكتشفت ان امي جاية عندها واستغربت انها ماراحت الجامعة وانا متأكد انها قالت لها رغم ان والدي سبق وان حذر والدتي بعدم التدخل في حياتنا لعنصريتها لان قال لها عشان تقرب لك تخربي حياة الولد عشان ترضين اهلك وتغطين عيوبها !!! وكالعادة اعرف وش قالت امي اكيد راحت تدعي علينا وكلنا انا واهلي ابوي ماندلع البنت وسبت بما فيه الكفاية لان امي الله يصلحها عندها ان اهل ابوي وبما فيهم انا حثالة مجتمع وهم افضل الخلق صبراً جميل والله المستعان |
اعوذ بالله منها
والله اني انقهرت و لو اني محلك كان مسحت بها الارض ماشاء الله على صبرك وهذي وحدة استغفر الله ماتصلي وش تبي في وحدة ماتصلي و اخلاقها زي اللي برجلها الله يعينك ويوفقك بالزوجة اللي تسعدك |
مع كامل احترامي لك .. مسلسل الشكوى من الزوجات والله ياخوي يمكن انت سابع واحد ونفس الشكوى
(ماتعرف تطبخ ولاتنظف قلة سناعة وطولة لسان) بسبب واحد وهو الدلال والتربية على عدم احترام الزوج وعدم المسؤولية والله العظيم مافي غيره ..اخوي والله لو تسوي ماسويته زي هذي الاشكال والله مافي امل تنصلح لان امها وامك واهلها كلهم يرقعون لها مستحيل تحس بالغلط الله يعينك ويفتح بصيرتك وبس.المرة الماضية لما قلنا الجواب قالوا تصطادين بالموية العكرة وووو الله المستعان ويارب يسخر لكم زوجاتكم ويهديهن لكم .. |
اخواني ازيدكم من الشعر بيت واعطيكم تطورات الموقف حتى الساعة الان 6:50 مساءً
جاني تهديد شديد اللهجة منها:d ,,,,,,,,,,,,,,,,,,,,,,,,,,,,,,,,,,,, اختر يالجامعة ياتوديني اهلي،،، طبعاً ردي بكل برود مافيه اهلك ولا فيه جامعة.. الاخت بالله قالت شوف توديني غصب عليك ولا والله لا اخذ السواق واروح الجامعة غصب عليك طبعاً صحت من النوم ولا صلت كالعادة وانا ساكت ولا قلت شي يعني جامعة ولا ودني اهلي ما أخفيكم ياجماعة الخير قلت لأبوي على الي صاير وقال ياولدي هاذي عوبا واهلها مازوجها الا عوبا خل لولدك لين يكبر وعطها اشكل هي قلت لكم الاخت مبتعثة من عند اهلها للدراسة والتمشية حسبي الله ونعم الوكيل فيها |
اقتباس:
واللـه مدري وش أقولك الله يعينك عليهـا ! بعدهـا عن الله له دور كبير وعليك أن تبدأ الحل فيه أولآ طلقتهآ مرتان بآقي طلقه أخيره لا تستعجل بقرآر يهدم بيتك حط في بآلك ( صغيرك ) والله يهدي الماما |
اخوي
زوجتك لا زالت تمر بمرحلة انتقالية ... لا زالت مراهقة راح تدخل مرحلة التوازن والاستقرار اذا خلصت 22 او 23 بمعنى بهالعمر راح تكون تصرفاتها اقل تهور .. معروف الانسان كل ما تقدم بالعمر قل تهوره وجموحه .. لكن ! هل انت مستعد تصبر عليها سنتين او 3 ؟؟ وتشوف بعدها كيف تصير ؟؟ وسؤال ثاني : جربت تبعد عنها معنويا ؟ جربت انك توفر طلباتها لكن معنويا ما تكون معها ؟؟ |
| الساعة الآن 04:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©