سبحان الله فيه تقارب بين اعماركم واعمارانا انا وزوجي لما تزوجت بس انا كنت اصغر من زوجتك بسنة كمان.
والحمد لله كان ولازال بيننا انسجاام تام
والسبب زي ما قالت سيدة الموقف انه عمره ما استصغرني ومعطيني الثقة والصلاحيات لكل شئ. ..والحمد لله في شهر 7 اكملنا 9 سنوات ودخلنا على العاشرة.وبفضل ربي ما حصل بيننا اي اختلاف إلا مرات ما تتعدى عدد اصابع اليد الوحدة.

شغل البيت بتتعلمه حبه حبه والطبخ والنفخ كمان بس انت طول بالك وادخل معاها المطبخ وجمعوا وصفات من النت وطبقوها مع بعض. بهذا الاسلوب علمني زوجي فما كنت اطفش من الطبخ بالعكس كانت لحظات حلوة ولازال طبعا يدخل معي المطبخ بس هالمره مو معلم لا متعلم ;)

أهلا ليش كذا

مبروك مبروك :14:

منك المال ومنها العيال :15:

نصيحتي لك :

لا تستعجل باطلاق أي أحكام مسبقة , ابدأ معها من الصفر واكتشف شخصية البنت بركادة وبهداوة , وبناء على تعرفك عليها تعامل معها وافعل ماهو مناسب مع شخصيتها ..

في نقطة أنت ذكرتها

اقتباس:

الان افكر اني اعطي حب بالقطاره

هذا هو الصح , شوي شوي حبة حبة , هذه نصيحة الشيخ علي الطنطاوي للمقبلين على الزواج , لا تنجرفون بالحب وما يمر شهر الا وكل ماهو جديد في الحب خلصتوه !

اذا تحب أخي الكريم افتح سلسلة محاضرات المشكلات بين الزوجين للشيخ خالد السبت ويتكلم عن أغلب مراحل الزواج , من بينها الخطبة وطريقة التعامل مع الزوجة من أول الأيام , ويحكي لنا في الدرس عن الشيخ علي الطنطاوي كيف نجح زواجه وعلى أي أساس اختار زوجته , وكيف علمها وكيف بدأ عمره معاها ..

فارق العمر بينكم ممتاز في ظل وجود رجل حكيم واعي وفاهم , وصغر سنها يجعل نسب نجاح الزواج ممتازة اذا كانت من البداية اختيار صحيح , وتجربتك اللي مضت زادتك توازن لأن الاندفاع غير مجدي أبدا ..

فترة الملكة ابدأ علمها ما تحب وما تكره وما تريده منها ..

بالنسبة للسكن

لا تسكن مع أهلك وتعالوا بين فترات باتوا عند أمك تأمرها فيها تتعلم من أمك بعض الامور الاساسية من قهوة وشاهي وغيرها

وأخيرا:

بارك الله لكما وبارك عليكما وجمع بينكما في خير

الف الف الف مبروووك
ربي يتمم على خيير و يجعل حياتكم سعادة وهنا


حابة افيدك من تجربتي .. لما خطبني زوجي كان بعمرك و انا كنت بعمرها بالضبط
والحمدلله عمره من اول يوم خطوبة ماحسسني اني صغيرة
بالعكس كان دايما يشاركني بقرارته و يستشيرني (حتى لو ما نفذ رايي :d)
وزرع فيني مبادئه و احلامه.. النتيجة الحمدلله زاد التفاهم بيننا و زي قوالب الله يبارك لها
لنا الان 9 سنوات مع بعض ماعمرنا تزاعلنا او تخاصمنا ماشاء الله.
ربي يخليه لي

فا زي ماقالت سيدة الموقف الله يجزاها الخير .. ابدا ابدا ابددددا لا تحسسها انها طفلة
وصغيرة .ز بالعكس شاركها معك ..و حسسها انت بالمسؤلية شوي شوي
ايضا اتقن فن التقاضي في صغائر الامور .. واذا صدر منها شي زعلك ..فهمها باللين
واذا زعلت خلي زعلك خفيف مش منفر
حببها فيك .. اعطها الرومانسية عشان تعطيك ياها .. اتواصل معاها وخلي ايام ملكتكم
احلى الايام .. لانها بتضل احلى ذكريات العمر ...
للان عندي صور و رسايل ورقية ورسائل ايميل من ايام الملكة محتفظين فيهم
نتذكرهم و نضحك :)

بالنسبة لشغل البيت .. دام امها سنعة لا تخاف عليها .. لحالها دام انخطبت بتتعلم
واهم شي بعد الزواج اتحمل طبخها اول الايام :) و امدحها حتى لو الاكل مش حلو
عشان تزيد ثقتها بنفسها و تتعلم و تبدع و بعد فترة بتحصلها ست بيت و لا احسن
:dاتذكر اول زواجي ماكنت اعرف اسوي الا الكبسة
مسكين هريته كلللل يوم كل يوم وهو مسكين ياكل و مبسوط و يمدح :22:
لغاية ما اتعلمت و الحين ماشاء الله عليه يقول وقفي طبخ عشان ينحف :25:

وبالنسبة للبيت طبعا لو عندك اماكنية سكن منفصل يكون احسن ..
مافي احلى من الاستقلالية ..وحلو لو يكون قريب اهلك
تتسلى معاهم لما تكون مش موجود و بعدين تروح لهناك تتغدوا مع الاهل
وتروحوا بيتكم ترتاحو .. المهم المهم من البداية تبين لها ان والدتك هي اغلى شي عندك
بالتالي هي بتحاول دايما تكسبها عشان تحببك فيها ...

ربي يوفقكم و يسعدكم و يبعد عنكم كل سؤ

الله يبارك لك ويجمع بينكم بخير
الأخوان والأخوات ما قصروا ما أبغى أزيد عنهم بشي .... لا تنسى تقوي إيمانها باالله أولاً وأخيراً علشااااان ربي يبارك لك في كل شي .

الله يجزاكم خير جميعا والله ردود تثلج الصدر >> لهالدرجه تحبوني اخذ مقلب الولد
فعلا كنت متخوف وكنت حاس انها طفله بس كلامكم طمني اتوقع السبب اللي يخليني افكر كذا هو كلام الناس عنها يقولون براءة الاطفال في عيونها وانا لما اشوف اللي بعمرها من الشباب اشوفهم عقول اطفال لكن سبحان الله المراه تركد اسرع من الرجل ..
جروحي كثيره ,,LYESLYESSE , فدراليه , انفاس العطور , احب ربي ,المتفائلة

شكرا لكم والله يجزاكم خير اللي بارك واللي شارك برايه ,,,

الله يفرحك بالجنه حقيقة لا اخفيك فرحت بردك كثيرا
طريقة حلوه ان شاء الله اطبقها


الماضي الدفين الله يبارك فيك ,,,
استفدت من ردك كثيرا خصوصا اشرطة الشيخ السبت اثق كثيرا في عقله
باذن الله العصر باشتريها
واما الحب فانا لاحظت من خلال طليقتي ومن خلال بعض الاعضاء ان الذي يعطي الحب دفعه واحده ياتي وقت وقد نفد مايعطيه لذا ساحاول ان اعطيها شيئا فشيئا اضافة الى ان من يعطي كثيرا يندم كثيرا لانه ينتظر مقابل لعطائه
فاذا وجد تقصيرا ساءه ذلك ,,,

NOORA
اشكرك على الرد الماتع والله يوفقك في حياتك الزوجيه ...

مسالة الطبخ وانتهينا الى اني المح لها اني احب اكل البيت واحب المراه الفنانه بالطبخ وساتواصل مع امها وابيها بهذا الخصوص لانهم متعلمون مثقفون ,,,
وبداية الزواج باذن الله ستكمل امي واختي المسيره وانا ساكون معها ونتعلم سويا ,,,

السكن سنكون لوحدنا >>>>>
بقي مسالة الحب فيه خلاف بين الاعضاء اللي يقول اغرقها واللي يقول لا حبه حبه ...
انا اميل انه يكون حبه حبه ولكني لا استطيع ان اترك راي الاغلبيه فياليت كل عضو يدعم رايه اما بحقيقه علميه او مثال واقعي
للعلم انا حتى لو مااحب زوجتي مره مااعرف اترك عبارات الحب فالاغراق عندي اعنيه بكل قوه ,,,
مع طليقتي كنت احيانا اشعر اني كذاب رقم واحد >> كذب مباح مشاعر وهيك شغلات
مثلا لو مانمت تقول لي ايش فيك اسكت شوي وبعدين واتنهد هههههه وبعدين اقول مشتاق لك حبيتي خلاص مااقدر
وكنت بمدينه ثانيه اول لها وش رايك ابي اجي اشوفك هلحين مااقدر استحمل ومن هيك سواليف
طبعا احبها بس مبالغات خرافيه ,,,
يعني عادي يوم الملكه ابقول لها تصدقين من يوم شفتك مااقدر انام بالليل واذا نمت بالنهار اتحلم فيك
ويوم ابوك اجل الملكه قعدت بالمستشفى 3 ايام بس اهلي مااحد دري خخخخخخخ

الله يبارك فيك والله لفته جميله جدااااااا

بارك الله لكما و عليكما و جمع بينكما بخير
السنة الأولى مهمة في حياة الزوجين كثيرا
كن قريبا منها
أشعرها بالأمان
و الله يوفقكما لسعادة الدارين و يصرف عنكما السوء

أخي ( ليش كذا ):
هذا هو رابط الموضوع :http://www.66n.com/forums/showthread.php?t=227973