|
اقتباس:
بسبب كرهه لها لبخلها الشديد |
أستغرب إلي يقولون لاتدفع ممكن الرجال ماطلب تدفع وتصرف لكن كل شي بالمعقول
المثال إلي عندي علي زوجه البخيله هاذي وحده تقرب لي بخيله وأهي موظفه نفس حالة الأخ أهي موظفه وزوجها راتبه عالي وموظف أقولكم حالها بصراحه الله يهديها ويعافينا مماأبتلاها لبسها أشين لبس وعادي يعني مو كأنها موظفه وزوجها موظف وعيالها بصراحه أرحمهم لبسهم شين مرررره مع أني حالة ألوم الأب ليه مايشتري لهم لكن حالات أعذره ينقهر منها ليه أهي ماتهتم وممكن ماتطلب وشغالتها مسكينه لو تغلط غلطه ينخصم من راتبها وأنواع الشتم والسب عليها وبيتها محد يدخله ولاتبي أحد يجي عشان الخساير انا قلت لكم مثال لبخل الحرمه وبصراحه أنا إلي عندي أرحم زوجها ولا راح أستغرب منه أي تصرف وحتي قصه هالرجال كذالك ينرحم ولا ينلام لو يكرها وإلي يقولون الموظفه لاتدفع ماعليش مو تصرف لكن لو تهدي زوجها بين فتره والثانيه اممم مثلا اهل الزوج تهدي لهم والعيال عادي لو تشتري لهم بعض الاشياء بالله وش تسوي في فلوسها أجل تجمعها ليش وبعدين الرجال يضحي إذا زوجته موظفه يكفي بعضهم هو يجيبها ويوديها بصراحه أشوف تحيز من النساء أنا أكثر وحده أرعي حقوق المرأة لكن في هالجانب غلط وأكبر غلط البخل ولايبرر |
:* بخلها الشديد على من. . .؟!! عليِه..؟! هو رجل ليس مُحتاجاً لـ امرأة لِتصرفَ عليه :* فليرتفع بنفسه قليلاً عَن النظر لأموال النساء فليس من الرجولة أن يمد الرجل يده لزوجته طالباً من مالها مايدعي أنه حق له و هو بالأساس ليس حقاً له وأمر من الواجب أن تأنفه نفس الرجل وترفضه تماشياً مع مبدأ القوامة الذي أكده الدين كواجب أساسي على الزوج حتى لو كانت زوجته ثرية :* أما الوظيفة فهو كما فهمنا تزوج بها وهي موظفة وأكيد أن وظيفتها كانت شيئاً مسلماً به وراضياً عنه عند أقترانه بها وإلا كان بحث منذ البداية عن فتاة غير موظفة لهذا لايحق له الآن التذمر من أمر كان راضياً به بل لربما لم يتزوج بها إلا وهو قد جعل شرط "الموظفة " شرطاً مهماً وصفة مرجحة في كفة مواصفاته لزوجة المستقبل :* صديقك : كان يحلم بالدجاجة التي تبيض ذهباً وبالثراء السريع وبذلك الفائض المالي الذي سيتوفر معه بعد زواجه وصُدم بأن الدجاجة كانت صقراً لايُضحك عليه :* أما علاقاته الغرامية فهي دليل على صحة قرار تلك الزوجة بعدم أعطاءه شيئاً وحذرها من الوثوق به فصاحب العلاقات لايستحق فلساً واحداً :* كلمة أخيرة لصديقك "إذا كُنت تشكو زوجتك لأصدقائك الرجال في مجلس سمركم فماذا تركت للنساء . .؟!! :* |
[SIZE="4[FONT="Simplified Arbaic[COLOR="Teal"]"]"]
ملامح القمر ما قد سمعتي بزوجة أهدت لزوجها وبنت العمارة هي واياه COLOR][/[/FONT]SIZE]وآخرتها أهداها عروسة بنفس العمارة ؟؟؟ الموظفة اللي تتكلمي عنها تقولي زوجها راتبه عالي وينه ما يشتري لأولاده ؟ ممكن يبغاها هي تدفع وهو يكنز الأموال المسألة مش مسأإلة تحيز يا ملامح المسألة مسألة حقوق وواجبات ، حقها أن يصرف عليها وحقه أن يُقام بواجباته وواجبات منزله ، واجباتها أن تداري بيتها وزوجها وأولادها ، واجبه أن يُوفر لهم حاجياتهم ومتطلباتهم .. هو لا يريدها أن تترك الوظيفه ولا يريدها أن تقوم بالمنزل هو يريد مالها .... إن أعطته فلسًا أو فلسين سيصمت عن التقصير في المنزل فلا يتحجج بالتقصير في المنزل بحجة الوظيفة أختي ملامح احكمي على هذه القضية منفصلة ولا تحكمي من واقع حادثة مقاربة وليست متطابقة .. ::[/ |
اقتباس:
:* ملامح قمر فديت قلبك هل تعتقدين هذا هو نوع الكرم الذي يبحث عنه بعض الرجال..؟! ياعزيزتي معظم الموظفات يصرفن على ملبسهن ويدفعن حق الخادمة ويدفعن لأولادهن لكن هؤلاء الرجال لايريدون هذا الصنف من الكرم فهذا بنظرهم واجب لانقاش به لكن يريدون تعويضاً بيدهم عن خروجها للعمل كمبلغ من المال شهرياً أو الصرافه بيده /أو تتقسط له سيارة أو تدفع الإيجار أو تأخذ له قرض بأسمها أو تشارك ببيت العمر وياويلها تقول أكتب لي نصفه :* هكذا كرم هو مايملىء عين بعض الرجال عافانا الله وأزواجنا مما أبتلاهم :* |
الانطباع العام
رجل متوسط في في عمر الزاوج وحدث له الملل من زوجته ( ازمه منتصف العمر ) وهي ازمه تحدث بين الزوجين كثير بعد مرور عقد من عمر الزوجيه او اقل ..... واراد التجديد بالعلاقات العاطفيه فصار ( بخل الزوجه ) تبرير وحيلة نفسيه من اجل (شرعنه ) العلاقات العاطفيه الدخيله الخلاصه ( رجل في نصف العمر الزوجي يبرر الهروب الزوجي بما يستساغ عرفا ) تحليل المشكله من خلال سطورك - الزوج يعاني من ازمة منتصف العمر وهي عباره عن بروده العلاقه الزوجيه وجفافها ووصولها الى التصحر العاطفي ويحاول ان يجد مبرر ببخل الزوجه بدليل انك تقول ( عنده اولاد ولايريد الطلاق وابغض زوجته وله علاقات عاطفيه محرمه ) - يغيب مفهوم قوله تعالي ( وإن امرأة خافت من بعلها نشوزا او عرضا فلا جناح عليهما ان يصلحا بينهما صلحا ) فالايه تدل على ان الزوجه اذا لاحظت صدود الزوج او نشوزه فعليها التعويض( العطائي..... او التنازلي ) ولو كانت الزوجه حكيمه لفرقت بين( امساك الزوج ...... واوجب الزوجيه ) امساك الزوج / معناه محاولة الزوجه اكرام زوجها حتى لا يذهب الى غيرها او يعرض عنها او ينشغل بغيرها ويسمي هذا ( سياسه الزوج ) واجب الزوجيه / هو التعامل بواجبات الزوجيه من ناحيه النفقه والمبيت ونحوها قاعده ( الحقوق والوجبات ) - مقولة الزمن تغير صحيحه في الحرص على عدم تصدع العش الزوجي فهناك فرق بين استقرار الحياه الزوجيه ولوكان هناك بعض التنازلات من ( الطرفين ) وبين الاخذ بالحقوق والوجبات الحل - توبه الزوج من العلاقات المحرمه - ان لا يشرعن العلاقات العاطفيه المحرمه - ان يتفاهم مع زوجته حول مفهوم المشاركه الروحيه والجسديه والماليه بين الزوجين ( العصريين ) - ان تتنازل الزوجه في ( منتصف ) العمر عن بعض الامور لاجل ان تحافظ على بيتها وزوجها .. - ان يعرف ان الكمال في النساء عزيز ونادر وفقكم الله لكل خير .... |
اقتباس:
ليش الله يهديك لابد أحفظ فلوسي :24:بعض الرجال يخزي العين عليهم فيهم شهامه ونخوه ماينزل نفسه لفلوس حرمه وبعض الرجال الله يهديهم نفوسهم وعينهم على فلوس حرمته وان معطته دور له على عقاب يعاقبها فيه واكبر دليل أنه بدء صديق صاحب الموضوع يدور على علاقات غراميه وأرجع وأقول لو معي خير من السماء للأرض ماااااعطيه ررررريال واحد خليه يدور لقمة عيشه بنفسه اجل ليش صار هو رجال بس علشان يفرد عضلاته والله حاله :24: |
اقتباس:
اقتباس:
لكن بصراحه وواقعيه صح أنها قريبتي لكن الحق يقال أول شي صح في زوجات يجون مدرعمات ومسويه حاتم الطائي وتعطي زوجها هذا أعتبره سذاجه لكن الواقعيه زينه هل يعقل وحده موظفه تكون هالبخل ولهاالدرجه وعلي فكره المثال إلي ضربته زوجها كريم جدا لكن تأثيرها عليه أصبح بخيل ويحاسب علي الريال والزوجه تأثر علي زوجها ولا أحد ينكر هالشي وهل تتوقعين الرجل إلي مطروحه مشكلته أو زوج قريبتي ماراح يجيبون زوجات ثانيه أتحدا يصبر سنه سنتين بالكثير ويتزوج إلا إذا ربي راحمها ومسخره بالنسبه لقريبتي بصراحه أنتظر في أي لحظه خبر زواجه وننصح فيها لكن مايفيد شوفي عزيزتي الرجال لما يشوف الزوجه مقصره في نفسها أتحدا يكون كريم معها وهذا الواقع وشفته بعيني وبالعكس بيبخل معها زياده وبعدين الذكاء في التعامل أساس ماقلت تعطي عماره ولاتقسط وتحط راتبها لها لكن ماتقصر في نفسها وإضافه لكذا وش المانع بين الشهر والثاني تعطي زوجها هديه مثلا ساعه ثمينه أو تتكفل بطلعه أو سفره زوجها يحس فيها وتسد عينه وحتي العيال يااختي عيالي ليه أقصر عليهم ولو الزوج شاف زوجته مهتمه في عيالها وتطلب عشانهم مااتوقع يقصر معهم أو تحط حدود لهالشي وتطلب لعيالها مو تخلي عيالها أقل من غيرهم بهالطريقه بصراحه أشوف الحريم صنفين وحده تعطي ببذخ وبدون حساب وتكون أهي رجل البيت وتهايط علي حساب نفسها والثانيه بخيله جدا وتقصر في نفسها عشان هالزوج وممكن طبع البخل فيها مثل مافيه رجال بخيل فيه حرمه بخيله والوسط قليل ونرجع للواقع مافيه رجال راح يرضي زوجته موظفه ولاتدفع ريال إلا نادر لكن سددو وقاربو وبعدين أصلا تنكح المرأة لأربع لمالها ولحسبها ولجمالها ودينها يعني المرأة مالها ينشاف مو هالمثاليات حتي في النكاح وسبب للرغبه في المرأة المال وبعدين ماشاءالله فيه زوجات ذكيات بصراحه وتشوفينها ماخلت المسؤليه عليها وزوجها يعطيها وأهي موظفه بسبب أنها ممكن ماتعطي الرجال ريال لكن ماتقصر معه من ناحيه العواطف والتقدير وفي بيتها لكن وحده بخيله وأهي موظفه ولسان سليط وعده إهتمام وأنانيه في التعامل بصراحه تنكرهه والله يعين زوجها أحترم وجهت نظركم لكن الواقع عندي شي ثاني |
اقتباس:
اخ عمران الاية تنطبق على من تزوج على زوجته فخافت الاولى اعراض زوجها او نشوزه عنها .. وتعني انه لاباس بان تتنازل عن حقها وليس من الواجب بكل تاكيد .. |
غاليتي ملامح القمر
تكرم عيالها بينها وبين نفسها بعيد عن عين الزوج تكون بخيله في فلوسها وتعوضه بالحب والحنان والموده والرحمه :d ولكن لو شفت أن أحواله المااااديه في الأرض يعني مامعه ولاريال وحافي ومنتف وشفته سعى ويبحث عن لقمة عيشه ودنيا مسكره بوجه وشفت قلبي هز ورحمه قلبي ذيك ساعه اعطيه ولكن بإعتدال :d الدنيا ماراح نخاف منها لأنه مافيها أمان لكن هالحين نخاف مين اللي بين أيدينا ونعطيه ونكرمه وبالأخير نشوف نتيجه غير مرضيه :( ولاحد يحسبني بخيله بالعكس أنا أنسااااانه كريمه لأبعد درجه ولكن أحفظ فلوسي أبرك لي من زوج مادري وش تاليتها معه :) |
| الساعة الآن 11:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©