السلام عليكم ورحمة الله تعالى وبركاته وكل عام وأهلي وأحبتي وإخوتي في المنتدى بخير وصحة وعافية بقدر ما استمتعت في إجازة العيد بين أهلي وإخواني واحبابي في ديرتي بقدر ما أشتقت لكم في المنتدى وبصراحة كانت إجازة سعيدة جدا بالنسبة لي ولأولادي وتمنينا إن الإجازة تتمدد اسبوع كمان كانت الديرة أجوائها خلابه وممطره يوميا والأرض خضراء والجو غائم دائما والأودية تجري سيولها بإستمرار ما اجمل أن تقضي العيد بين أهلك وأحبتك في مراتع طفولتك بعد غياب دام سنين سافرت وأنا متعبه نفسيا وجسديا وبعد رؤيتي لأهلي وأحبتي وديرتي زال عن نفسي التعب والهم والحزن وتمنيت إني ما أرجع للغربة ولاكنها ظروف الحياة تسيرنا ولا تخيرنا وكل إنسان ينربط بعمله والحمدالله بفضل الله رجعت لبيتي من السفر لاكن لا أخفيكم إني حزينة جدا علا فراق الأهل والديرة حتى أولادي حزنانين علا فراق خوالهم وأعمامهم وماكان نفسهم نسافر من الديرة بس سافرنا غصبا عنا لدواعي الدراسه والعمل وجينا لما وصلنامن السفر دخلنا لبيتنا كأنه فريزر ثلاجة بارد جدا وشغلنا السخانات والدفايات والمكيفات على الحار آخر شئ ولعت الفرن 5عيون علشان حرارة البيت ترتفع بس يخسارة كل ما أتذكر الجنوب أحزن على طقسها واجوائها وأشتاق لرؤية السحب في السماء وصوت الرعد وحبات المطر تتساقط وإلارؤية الجبال الشاهقة بعد هطول المطر نشوفها بكل وضو ح بعدها تتغطى بالضباب تناظر للأرض كلها مكسوة باللون الأخضر كل شئ لونه أخضر المزارع الأودية الطرق ياالله ما اجمل الجنوب وأرض الجنوب فديت ترابها وانا حاليا رجعت للشمال بس باقي عايشه في جو الجنوب بالأحلام فقط وأنا بجوار المدفأة معليش أناطولت عليكم بالكلام شوي فأعذروني ياإخوتي غصب عني جالسة أتكلم وأنا أشكركم جميعا من أعماق قلبي على مشاعركم الطيبه وأخوتكم الصادقة تجاهي وبدون ما أخصص أحد بعينه ولكل من سأل عني وعن صحتي أقول جزاه الله خير وبارك الله فيكم جميعا أنا في خير وعافية ويشهد الله إني مانسيتكم من دعواتي وأنا مسافرة سوى في الروحة أو الرجعة دعيت لكم جميعا بالتوفيق والسداد في جميع أمور حياتكم فأنتم إخوتي وأخواتي وأنا ما أنساكم ابد لا في رحلي ولا ترحالي فطالما وجدتكم في جانبي في أفراحي واحزاني اسأل الله أن يحرم وجيهكم عن النار وأن يجمعني بصحبتكم في جنات النعيم وأسأل الله أن يرزقكم بالمال الحلال والذرية الصالحة والسعادة الدائمة في حياتكم ويسهل لكم جميع أموركم ويحقق لكم مبتغاكم ويجعل التوفيق حليفكم أين ماوجهتم اللهم آمين يارب أسعد قلوب إخوتي وأشرح صدورهم ويسر أمورهم أين ماكانوا يارب اسعدهم كما اسعدتني أخوتهم ودعواتهم لي إنك وحدك القادر. على ذلك يارب

هو اولا

الحمد لله على السلامه واشتقنا لك كثيرااااااااااا

ثانيا وين الصور او فقط تشويق بالكلام

بدنا صور المطر وصوت الرعد والجبال الخضرااااااااا

نور بوجودك المنتدى

هلا بالعزيزة والغالية على قلبي ام حسن الحبوبه والمنتدى منور فيكم انتم يالحبايب والله يسلمك ويحفظك يالغالية بالنسبه لصور عندي صور للجبال والأودية والخضرة وعندي مقاطع فديو حتى خروف العيد صورته وزوجي يذبحه وسلخناه وقطعناه أنا وياه وطبخناه على نار الحطب وكله عندي موثق صوت وصوره والله يا أم حسن برغم إن أولادي بالديرة تعبوا وولدي المريض تعب بالمرة ودخل للمستشفى وجلس فيها24 ساعة وأعطوه محاليل بالوريد كان يستفرغ بإستمرار والله يكرمك جاه إسهال والسبب إختلاف الجو عليه وعلى إخوانه لأن لنا فترة طويلة ماسافرنا لديرتنا والعيال أصيبوا بنزلات معوية وأنفلونزا وأختك في الله أول اسبوع فن الإجازة قضته في المستشفى رايحة بالولد جاية بالبنت والدور جاء على العيال كلهم وآخر شئ جاء دوري أنا أصبت بالأنفلونزا وحنا مسافرين وداعية حلوة وبرغم من كل الظروف إللي صارت إلا إني تمنيت إني أبقى مدة أطول أنبسطت بلمة الأهل والإخوة وجلستهم وناسه وتوسع الصدر وتزيل عنك التعب النفسي والجسدي وقدومنا لهم كان مفاجأة كبيرة ماكانوا يتوقعونها هما أتصلوا علينا وسألونا إنا بنسافر للعيد عندهم وإلا لا حنا قلنا لهم إن ابو سلطان ماأعطوه إجازة ومافيه أمل نجيهم زيارة في العيد هما خلاص تحطموا وأيقنوا إنا ماحنا بجايين للعيد وماشافونا إلا وحناندق الباب عليهم ماصدقوا إنا حنا جينا طبعا أنا وأولادي لناتقريبا 3 سنوات من الديرة سافرت بعد وفاة الوالد الله يرحمه وتأزمت نفسيتي وكرهت السفر لديرة بالأول يوم كان الوالد والوالدة عايشين كنت أسافر بالسنة لهم مرتين بس بعدماربنا أخذ أمانته نفسيتي تعبت وماعاد قدرت اسافر وما الاقيهم قدامي وما أسمع صوتهم ومن بيستقبلني بدعواته وإبتسامته غيرهم أمي وأبي أسأل الله عز وجل لهم الرحمة والمغفرة وأسأله عز وجل بأن يجمعني بوالدي وبمن أحببت منكم في جنات النعيم بالنسبه لزوجي يسافر بعض الأوقات لحاله علشان يشوف أهله وأنا ما أقطعهم لا أهلي ولا أهله دائما أتصل فيهم وأسأل عن احوالهم وأرسل لأهلو صور الأولاد ويكلموهم بالهاتف والحين سافرنا لهم وشافوهم وانبسطوا بشوفتنا ولما ودعناهم كل البيت طاحوا يبكون قبل مانسافر بيوم ولدي الكبير سلطان دخلت عليه الغرفه عندجدته وجده أهل ابوه جالسين وهو محتضن جدته ويبكي والجده تبكي معاه جالسين يبكون وبقوه عاد أنا ماقصرت كملت معاهم بكي وابو سلطان جاء وساعدنا هو كمان ماقصر وكل من دخل علينا بكى بجهده والبيت صار مناحه وتعالي شاهدي ياأم حسن سلطان سافرنا وصلنا مدينةجدة وباقي يبكي على فراق جدته متعلق فيها بشكل كبير جدا وهي تحبه ومتعلقه فيه المهم ياأم حسن فتحتي على نفسك باب قرقرت عليك حتى قلبت راسك تستاهلين من قال لك تردين عليه أول رد أنتي ترى أنا رايقه ومشتاقة للهذرة ومالقيت غيرك أهذر عليها والصور والله إنها روعة ونفسي انزلها بس وأنا أختك صورتها بالجوال ومعظمها فديو وأنا ما أعرف أنزل صور في المنتدى لاكن بشوف أخوي إذا ارسلتها له يقدر ينزلها لي بالمنتدى أبشري وتكرم عيونك ياأم حسن وتقبلي تحياتي يالغالية .ياهلا ومرحبا بالحلوين الطيبين والغالين وأنتم بعد وحشتونا أكثر والله يسلمك ويحفظك ويخليك لمن تحبين وأبشرك أنبسطتا وفرفشنا وتمشينا حتى تعبنا تدرين ياروح إن حنا ساكنين في تبوك ومانشوف المطر بالسنة إلا مرة واحدة وفي عز البرد كمان وسبحان الله في الجنوب طول عطلة العيد والأمطار تهطل بين غزيرة ومتوسطه وخفيفة وهاذا طقسها دائما امطار وتتساقط معاها أحيانا حبات البرد من السماء وأختك في الله تموت في الأجواء الممطرة وتعشق طلعات المطر لحد الثماله مرة جلسنا 3 ساعات ننتظر حتى يخف السيل من الوادي علشان نقطع الطريق ونروح عند أعمامي تشوف الماء يتدفق قدام عيونك في بطن الوادي بصراحة جو خيالي يشر ح الصدر ويسر الخاطر الله يسر خاطرك بما تتمنين ياروح المساء .
ياهلا بأحلى حنين للأمل حبيبة قلبي أنتي المنتدى منور بوجودك يالغالية والله يسلمك أشتقنا لكم والله يحبايبنا وتسلمين يالغلا .

الله يسلمك يالغالية وأنا بعد أشتقت لكم يامهوووره أخبارك أنت والعيال وأخبار البييبي إللي في بطنك ويارب تكونوا بخير وأخبار بناء بيتكم إن شاء الله قرب يخلص بناء البيت ومشكوره حبيبتي على السؤال وما تفقدي غالي بارك الله فيك وحفظك الله أنت وأسرتك من كل شر يارب .