|
تلقينه في سوق العطاره الساعديه وفي صيدليات النهدي بجدة
سميه ..بالطفل ولا بالطين ولا الغاسول وان شاالله يعرفونه.. |
فعلا سمعت دكتوور يصفها
فهي تزيد من هرمونات الانوثه لذلك فهي تقلل الشعر وتنظم الدوره الشهريه فهي تنظم الهرمونات وبالطبع تأخذين اللي في الصيدليه لم أجربها بعد بسبب الرضاعه ولكني سأجربها بعد ذلك ولكنني جربت حبوب الخميره فعلا مفيده لتساقط الشعر وتعويض نقص فيتامين ب |
اقتباس:
تسلمي حبيبتي سيلا .. جزاك الله خير انتِ وبنت عمك .. إن شاء الله حاروح وأسأل عنه.. صيدليات النهدي في كل شارع هنا.. الله يعطيكِ الصحة يارب |
اقتباس:
عزيزتي mayooyaaz يا هلا فيكِ.. صحيح كلامك .. أن لمست هذا الشيء من أول اسبوع وفعلا حسيت شعر جسمي مايطلع بسرعة وهذا أحلى شي.. وأكيد الإستمرار عليها لكم شهر حيكون أفضل.. وإن شاء الله تجريبها ياقلبي .. أسعدتني مشاركتك :22: |
بالنسبه لحبوب زهرة الربيع
صراحه عن نفسي جربتها مو من نفسي لا الدكتوره صرفتها لي طبعا أشتريتها من الصيدليه ولها كم نوع نتائجها حلوه خاصة أنها تصفي البشره بس أنتبهي لنقطه هامه جدا ترى تسبب لخبطه بالهرمونات عند بعض البنات أختي استخدمتها وماناسبت لها يعني ضروري تآخذي إستشارة الدكتور وعموما هي نتائجها ممتازه |
انا كمان استخدمها صرفتها لي اخصائية التغذية لضعفي وقالت استخدميها 3 مرات باليوم وماشية عليها كل مايخلص الكرتون تقولي اشتري ومامنها ضرر ان شاء الله
تحياااتي |
اختي قلبي حنون وش اخذتي للجرثومة لان انا عندي جرثومة استخدمت العلاج ولما رحت حللت لقيتها لسى موجودة وكمان استخدمت عسل طبيعي بس لازالت الله يشفيك ويشفنا يارب
تحياااتي |
أهلاً .. عزيزتي جروحي كثيرة أنا سمعت عن الحبوب من زمان وقرأت عنها كتير.. وقررت اني استخدمها بعد ماسألت الصيدلي هل هي دكتورة نساء وولادة الي صرفتلك الحبوب؟؟ و هل لسبب معيين؟ أو مجرد مكمل غذائي أنا أستخدمت علبة إلى الآن و الحمدلله ما شفت سلبيات.. يعني إن شاء الله مناسبة أسعدتني مشاركتك القيمة يا قمر.. |
اقتباس:
يا هلا والله بأميرة مكة وأهل مكة كلهم.. شوفي يا قلبي ..أنا حكايتي مع أزمة المعدة طويلة.. :29: بس الحمدلله اتعافيت منها في البداية قالو جرثومة.. وأنا وقتها كنت استخدم فلفل تباسكو الأخضر مع الأكل ومعدتي صارت ملتهبة وصفولي مضادين ودوا للحموضة ..:20: هذا كورس العلاج جربتها يومين بس مع الإلتهاب زادت حالتي لانه الادوية قوية وكان يجيني ارتجاع كل يوم في الصباح.. دمرلي صحتي فالدكتور قالي وقفي الأدوية واستخدمي أدوية تانية للإلتهاب لمدة أسبوع وبعد أسبوع نفس الشي قالي لا لسة.. لازملك اسبوع تاني وغيير الأدوية والإرتجاع مستمر لاني كنت متوترة مرة وقتها .. أول مرة في حياتي يصيرلي كدا :rolleyes: قعدت شهرين في دوامة المعدة وآلامها ونزل وزني 7 كيلو.. الحمدلله على كل حال آخر شي سويت منظار وقالي الدكتور مافي الجرثومة الحمدلله شكله من تشكيلة الأدوية الي اخدتها.. ووصفولي دوا للقولون العصبي وبعدها وقف الإرتجاع اللهم لك الحمد.. ترى العامل النفسي له دور كبير في الموضوع اهم شي تكوني مرتاحة.. بالنسبة للعسل ترى مرة مفيد .. وهو من العلاج ..أنا كنت أخده مع موية دافية أكيد هو سبب شفائي.. بعد إرادة الله .. حتى قوقل كاتبين انه يقضي عليها بس انشاء الله ماتكوني تعبانة من الجرثومة؟؟ والأعراض لسة موجودة قدامك العافية يارب.. وتسلمي على مشاركتك اللطيفة |
اول مره اسمع فيها بصراحه بس اش السبب انها ماتنفع للمرضعات دامها مكمل غذائي ؟؟؟؟؟
انا استخدمت فايتمين هيردال كمكمل ونتايجه حلوه خصوصا انه مازاد وزني ان شاء الله تنفعك الحبوب وتسعدك النتيجه :) |
| الساعة الآن 10:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©