وؤعليكم السلام ورحمة الله وبركاته

مشكلة اعتبرها صغيرة هو بدأ فيها والأكيد كان معتبرني غلطانة
رحت أزور أهلي وما جاء يأخذني
وهذي ثالث مرة يزعل ويتركني لما اعتذر عشان يرجعني
والوالد قال هالمرة أبيه يجي اكلمه حتى يتأدب. ويصلح بينا
ولأن الوالد تدخل هو انتكس ورفض رفض تام أي تدخل
من أي شخص مهما كان

ولو أنه كان يحترم أهلي كلهم بدرجة كبيرة

الشكر لك أخوئ

راجعت ردودوك بس ما ذكرتي سبب المشكله..الرئيسي ..وكل الي قلتيه انه سبب المشكله الي خلته يهجرك سنه انه رافض اي احد يتدخل هذا مو سبب يااختي...اذكري المشكله نفسها والموقف الي خلاه يزعل كل هذا الزعل,,,عشان نعرف من فيكم الغلطان..يعني قبل لاتروحين بيت اهلك وش الي حصل بينكم ؟؟ ياليت توضحين لان مشكلتك مش واضحه..

افهم من كلامك ان زعلان عشان رحتي تزورين اهلك؟؟؟ طيب هو ماكان عنده خبر انك رايحه تزروينهم..ماادري قصدك كذا ولاشو؟ وانا صراحه اشك انه متزوج...

عموما.مهما كانت المشكله وكان هو الغلطان . ليش ماتجربين تروحين بيت بنفسك..يعني خلي ابوك يوديك بيتك وقبلها ارسليله رساله وخبريه انك جايه البيت..معليش تعالي على نفسك شوي ..عشان الطفل الي بينكم حرام كبر ولدك وهو مايعرف ابوه...
واذا اتكررت المشكله مره ثانيه وقتها قرري القرار المناسب..

والله مشكلة انحرج أقولها لشدة صغرها

هو يبيني مثل كل مره اعتذر له عشان يرجعني
لكن الوالد قال أبي اكلمه واتفاهم معه حتى أصلح بينكم

وصار أبوي يتصل عليه ويرسل وزوجي مايرد. عليه
وشافه مرتين وسلم عليه وطلبه يجي نتفاهم أو يطلق
لكن زوجي قال خير أن شاءالله وراح وترك أبوي

سبحان الله
هذا وانتي ما حبيتي تطلعين بدون رد
اجل لو كنتي ناويه تردين رد معتبر كان وش بيكون
الله المستعان
تحياتي

استغرب انك ماتبين تذكرين المشكله الي صارت ولو انها صغيره..بس انا اشك انك غلطانه بدليل انك تنحرجين تذكرين الموقف الي حصل بينكم ومستحيل زوجك يزعل اكثر من سنه من لاشيء يااختي مو معقوله ..وغير كذاا ابوك واقف معك...ومشجعك..المفروض كل زوجه تحل مشاكلها في بيتها ولاتروح بيت اهلها كل مره زعلانه تزعل في بيتها افضل لها وماتطلع من بيتها زعلانه الا في حالات مثل..خيانه متكرره..او ضرب..او زوج معيشها عيشة مساجين..هذا انتي رحتي بيت اهلك زعلانه مع ان المشكله تافهه وصغيره على حد قولك وشوفي كيف كبرت المشكله بسبب خروجك من بيتك..لو انك مسكتي بيتك كان انحلت مشكلتكم من دون محد يدري

انصحك اذا كنتي غلطانه تعتذرين منه تروحين لبيتك بنفسك وتفتحين صفحه جديده. مو عشان زوجك ولاعشانك.عشان ولدك..

ليه الغرور
أنا ماطلعت من البيت زعلانة. لأن المشكلة بدت تهدأ
لكن هو كان طالع وبيتأخر وكان يوم خميس
قلت له إذا بتتأخر أروح لأهلي قال روحي
وبعدها أرسلت رسائل مايرد علي لأن شكله زعلان
وهو إذا زعل يكتم ومايكلمني أبدا لما أجي أقوله أسفه
كنت أقدر اعتذر وأرجع لكن لأن هذي مو أول مره يتركني عند أهلي وهو زعلان
قال الوالد هالمره بتفاهم معه

لكن الان بعد سنه ونص. وبعد كل هالتطنيش لي ولابوي
هل هو شخص يستحق أني أروح له واعتذر وأرجع ؟؟

أشكرررر لك تفاعلك معي