|
مشكلتي زوجتي ..
هذي مشكلتنم تتزوجون بنات عارفين كيف تربيتهم .. دلع و رفاهيه ووو .. و تبغون تجبرونهم على حياتكم و تغيير اطباعهم .. او الطلاق ...؟!! وهذا ظلم لهم والله ظلم كبيييير .. بسبب اختياركم الخاطي من البداية .. و اللي كانت ضحيته انتم و بنات الناس و الاطفال ... المفروض البنت ما تقبل بواحد الا بينهم تكافؤ من جميع النواحي او من اغلب النواحي وخاصة الحياة الاجتماعية و الفكرية ... و لا تتزوج وهي صغيرة .. يجي الواحد يخطب بنت مراهقة بحجج انه يربيها او اي سبب ثاني .. و تبدا دوامة المشاكل وعدم الاستقرار .. و تنظلم البنت و تحمل لقب مطلقة وهي صغيرة و تبقي تجربة مرة .. و السبب برضوه الاختيار الخاطي .. - و نقطة ثانية .. اغلب البنات الان يحملون فكرة ان الزوج اذا اكرمتيه أهانك .. و اذا حبيتيه زيادة و تعلقتي فيه تلاعب فيك .. و العكس صحيح و صراحة انتم تأكدوا هذي النظرية .. فكل زوجة حنونة خدومة تلقي انواع الإهمال من زوجها و الادهي ان البعض يتزوج عليها و العكس الزوجة المهمله و الأنانية تلقي زوجها يدور رضاها بكل طريقة حتي زواج ما يبغي يتزوج عليها و يرضي منها بأقل القليل .. و أكيد الأخوات هنا شافوا المجتمع النسائي حولنا كيف ..؟' و هو اكبر دليل علي صحة هذي النظرية .. أكيد كلكم تتذكرون قصة عضوه هنا كيف تعشق زوجها و تخدمة و مريحته و راح تزوج عليها بنت عمه و انهارت نفسيا .. و الكل يقول لها معه حق و ما غلط ؟!! لدرجة قفلوا موضوعها و لا عدنا نعرف ايش أخبارها .. لكن لو زوجة مهمله الكل يدرو لها حلول .. ! الرجال بمجتمعنا ما يستحقوا احترام و لا حب .. العلاقة اعطي ما عليك و خذ مالك فقط .. و الأصح اهمل في ما عليك .. * |
اقتباس:
:* ياعزيزتي "التعميم" أمر سيء ومجحف للجميع هل كل هؤلاء الرجال متزوجين زوجات صغار ومراهقات..؟!! يا أختي فيه نساء في الثلاثين وعقولهم عقول العصافير وهبالهم وقذارة بيوتهن وأهمالهن سمع بها القاصي والداني وبعدين الرجال راح وخطب وقالوا له الناس لما سأل الشيء الظاهر له والناس وش بيدريهم عن فلانه هل هي شغيله ببيت أهلها أو لا إذا أهلها بنفسهم غشوا فيها ولد الناس وإذا هي مسوية مسلسل سنع قدام العالم وماخفي أعظم عندنا الشاب يتم السؤال عنه والبحث والتحري ويراقبونه مراقبة دقيقة ويمحصونه ويجيبون أوله وتاليه ويالله يالله يزوجونه بنتهم وتلاقين أهل البنت يحلفون كل من شافوا ويقولون له ترى بذمتك لو غشيتونا فيه حتى أخوات الرجال تلاقين البنات يقولون لهم مانسامحكم ولانحللكم لو غشتينا بأخوك وحرااام عليك تخبين أنه عصبي وإلا فيه عيب لو كبر النملة حتى العيوب الطفيفة يعدونها جرائم في مقابل أن الواحد يتدبس ببلوة مالها علاج والبنت أهلها يمدحونها ويثنون عليها وهم عارفين أنها راعية نوم وقليلة أحترام لهم وماتدبر شيء بالبيت بس يبغون إلي يفكهم منها ويخلصهم والقرايب والناس ياعيوني لو بتسأليهم ماراح يكذبون بيقولون الواقع إلي أمام أعينهم وإلي يشوفوه فقط وأنتِ عارفة فيه نوع من البنات تبدأ بمسلسلات السنع والذرابة قدام الناس والتدين والإلتزام حتى تضمن لها عريس وبعد الزواج ينتهي المسلسل بدخول الشاب في القفص الذهي قصدي السجن الأسود وترجع حليمة لعادتها القديمة خلونا شوي حقانيين مثل مافي حريم أنغشوا بأزواجهم فيه رجال أنغشوا بزوجات مايستاهلن مسمى زوجه فلاداعي للتعميم كلهم في الهوا سوا ومثل مافي رجال أنظلمو ا كذلك فيه حريم أنظلمن :* وموضوع الأخت إلي زوجها تزوج عليها هذا كلنا رافضين لموقفة ونقدر نصنف زوجها من الصنف إلي يقال عنه (دبور ودور على خراب عشه) وهي من النساء إلي قمة وربي راح يعوضها خير ومو كل الرجال كافرين نعمة فيه رجال إذا خذو الزوجة السنعة المحترمة حطوها بعيونهم وغمضوا عليها ولايطيق يشوف دمعتها أو يتسبب لها بجرح لأنه صاحب معدن أصيل وهي أصيلة وياكثرهم فياليت نتفائل شوي ومانخلي موقف أو موقفين يخلونا نغض الطرف عن بيوت كثيرة فيها توافق وطرفين رائعيين :* |
يا اختي ما عممنا بس الأغلب كذا ..
و الشاب مين يخطب له ؟! و على اي اساس يتم الإختيار ؟! خلينا صريحين يا سيدة .. و شوفي المجتمع حولك ، شوفوا كيف يتم اختيار الزوجة و خاصة بالاعراس ..؟!! الكتاب يبان من عنوانه ، و شوفي اخر استبان للشباب و اسالي اي واحد .. هل المهم الجمال او الأخلاق ؟! الأغلب اتفق الجمال و بعدها يبدا مسلسل التربية والضغط على البنت و الممنووع ..! و تنشا المشكلات .. و شوفي بالاعراس العجايز وهو عجايز كيف اعجابهم بالتفسخ و الرقص و قلة الحياء و طولة اللسان .. شوفي لك بنت مودبة و الله ماحد حولها و يقولوا لك عنها مسكينة ... واتفق معك مو كل الرجال جاحدين نعمة ؟! لكن ما يتبطر على النعمة الا اللي عايشها و ما يحس فيها الا اللي فاقدها .. شوفي اغلب المعددين الآن .. و شوفي زوجاتهم .. ضعف الشخصية للمراة ما ينفع ابدا و شوفي كيف شخصيات الزوجات المستقرات .. و للأسف حسن الخلق الآن يعتبر ضعف للشخصية .. و موضوع الأخت اللي ذكرته .. مو الكل كان رافض موقف زوجها ، و للأسف فيه اخوات هنا كان كلامهم قاسي و اخوان بعد .. و قفلت موضوعها وحده من الأخوات ...! و اغلب المجتمع كان ضدها مستشارين وغيره .. و رجال طبعاً .. وهذا يوكد ان الرجل اذا بالغتي في اكرامه انت من تدفعين الثمن .. |
:* معك حق لا أفراط ولاتفريط يعني إذا بتعطين لاتجبين إلي وراك ودونك فيه شيء أسمه أعتدال وأنا ضد التفريط بالحقوق أو العطاء المبالغ فيه لأن كثرة العطاء تعلم النكران والجحود وحلو الوحدة تكون متزنه في حياتها ولها شخصيتها وتحب نفسها قبل تحب الآخر وتحترم نفسها قبل تحترم الآخر وصدقيني : هي أقدار مهما فعلنا لنتجنب الألم والجرح إذا مقدر لنا ننصدم ونجرح راح يصير بس المهم ما نسمح لأي كان أنه يكسرنا أو أنه ينزع الأمل بداخلنا ومدام ربي موجود مو مهم لو كل هالبشر يغضبون أو يجرحون أو يتنكرون لنا ياغالية كلامك صح وما أنكره وأشجع أن الوحدة تكون حذرة بس فيه مظاليم من صنف الرجال مثل صنف النساء :* وفيه نقطة تثار كثير ونفسي أعلق عليها نقطة الجمال ليه دائماً يتم ربط الفتاة الجميلة بكل صفة سيئة..؟! هل كل وحدة ربي خلقها جميلة خلاص أخلاقها شينه..؟! وفتاة سيئة وماهي راعية بيت ولاهي سنعة وعقلها صغير..؟!! ياما بنات على قدر عظيم من الجمال ومحترمات ومكملهم ربي يعني إلي يدور الجمال من حقه حتى يعف نفسه بس المهم يبحث معه عن الأخلاق والدين والمنبت الحسن والتربية الجيدة وحتى أرى كثير يقرنون وسامة الرجل بالخراب والضياع وأنعدام الرجولة وهذا غلط كبير وياكثرهم الوسيمين إلي ينشد فيهم الظهر ورجال وحافظين بيوتهم وأهل دين وصلاح وطاعة تعرفين مشكلة مجتمعنا أنه ينظر بعين وحدة ويصدر الأحكام من خلال مواقف فردية وحالات شاذة فليس كل جميلة سيئة أو لاتصلح زوجة وليس كل وسيم سيء ولايصلح زوج :* والغريب أن إلي يخطب للرجل امرأة يعني من أختار له مو أمه وإلا أخته يعني في النهاية المتسبب بالمشكلة هي امرأة مثلنا :* الشفاء سعدت بالتحاور معك والله يسعدك وليعذرنا صاحب الموضوع لأننا أستخدمنا موضوعه في مناقشاتنا :* |
سيدة الموقف.. قليل في حقك قلم مبدع
انتي فكر مبدع منطق مبدع طرح سلس وتحاور اكثر ابداعاً. انجذب كثيراً لما تكتبين.. ويعجبني اسلوب طرحك المميز تتعبين من بعدك في طرح مايريد لانك لم تبقي له مجالاً للطرح فسعة اطلاعك ورجاحة رأيك تفيض من بين الحروف واروقة المعاني ماشاء الله تبارك الله ولاقوة الا بالله انتي حيث الكفاية مما كنت انوي قوله وباسلوبك الرائع التسلسل ازداد الرد ابداعاً وفقك الله وجعلك من حسن لاحسنه منه فانت جديرة بالتفوق |
اقتباس:
الزوجة بشر تحب تكره تخطيء تصيب المشكلة عند بعض الازواج يريد زوجة مثالية وتلك المثالية آنطبعت عنده من خلال كلمات قرأها لزوجة في النت كيف تعامل زوجها أو من خلال عشيقته السابقة وكلتا الحالتين غير حقيقية فالزوجة التي أسهبت كيف تدلل زوجها و تتفن بالتزين له سمعنا منها ولم نسمع زوجها أما العشيقة فهو يراها سويعات لهذا يراها متزينة وتضحك وفرفوشة فليس هناك آحتكاك دائم فهل يعقل هناك زوجة تكره أن يدللها زوجها أن يحضنها أي نعم قد تكون شخصيتها قوية ولا تبدي تأثر لكن كن على يقين أن أي أنثى تحب أن تدلل زوجها ويدللها فهذه فطرة الله فينا إلا أن المشاكل سامحها الله من تبعد الزوجين عن الفطرة لكن وأضع ألف سطر عليها إن كانت هناك الرحمة بينهما فسيحاول كل منهما إرضاء الآخر وتطيب خاطره ولاتنسى أن الفتاة قبل أن تتزوج كانت تعتمد على والدتها فقط تساعد فعندما تتزوج تصبح مسؤولة على كل شيء فلا بأس إن صبر عليها زوجها حتى تتعلم طبعا مش طول عمرها تتعلم |
بصرااحه موضوعك بيطلع المستخبي ههههههه على قولتهم طيب شوف طال عمرك أنت تدري من أول مافي أحد يشتكي من زوجته والله أقصد من سنة جدي وجدك تخيل أي وحده مااتطيع زوجها على طول يطق عليها الثانيه ولا طلقها ماافي أروح أشتكي عليها عند أهلها ولا أصبر لا مافي هذي الكلام وانا أعرف ناس كثير من جمعتنا وحتى جدتي تقول هذى الكلام بس تقول الجيل هذى من الشباب عندكم قلوب رهيفه على طول تحبون حررريمكم ماتقدرون تقسون عليهم هههههههههههه هنا صدقت شوف طال عمرك والله العظيم أنا وأنت السبب في الي يحصل لنا من الزوجه والله حتى مع عيالك مايحترمونك إلا إذا شديت عليهم والله مستحيل تصير طيب مع عيالك وملبي جميع طلباتهم وتبي يحترمونك مستحيل الاقليل منهم الان الزوجه تبي منها شي . لاااازم تعلمها من النظره أنت وش تبي متى يجي هذى الكلاام إنها تفهم منك من أول نظره هذى بعد تعليمك لها لااازم تكون حازم في كل إمورك ترى الرجل الضعيف مايمشي مع الحريم والله العظيم اقولها ترى عالم الحرمه عالم غررريب ولا يرضيها شي أبد إذا صرت قاااسي معها وحازم رايح ـاخذ حقك منها وبكل سهوله وإذا قلت يااارجل أبي أخاف الله فيها وبصير طيب قسم بالله رايح تجيك الامراض وتصير رجال شكاي عند كل واحد ولاعاد ترتاح في بيتك ولا تحصل الاحترام لا من الصغير ولا من الكبير في بيتك إمسك العصى من النص لاتظلم ولاتظُلم أبد وقسم بالله العظيم أغلب الزوجات الان مااايمشن معك الا بلعين الحمراء والله وقليل الي تمشي معك بطيب أعلمك بقصه صارت مع ولد عمي هذى طال عمرك ولد عمي تزوج بنت عمي ممرضه في المستشفى العسكري في الرياض والرجل دوامه في سلاح الحدود في الشرقيه طبعا شرطو عليه من البدايه ان البنت تبقى في الرياض بحكم وظيفتها قال طيب المهم جاب منها ثلاثه عيال والرجل كل خميس وجمعه وهو في الرياض في الاخير تعب من الخطوط كلم زوجته بطيب قال لها أنا تركتك عند أهلك ماشاء الله 6سنوات والان والله إني تعبت من الخطوط بدبر لكي واسطه وأنقلك معي لشرقيه قالت والله لو تحلم ماني ناقله لشرقيه أنا شارطه عليك وبعدين كل صديقاتي هنا ماأقدر أفرط فيهن قال طيب إنتي المسئيه لنفسك راح الرجل وخطب من جمعتنا من جده وتزوج يوم الجمعه الماضيه قسم بالله العظيم زوجته الاولى قالت ياافلان تكفى خلاااص أنا ابروح معك لشرقيه خلاااص أهم شي ماتبعد عني طيب ليش ماقلتي هذى الكلام من البدايه شفت كيف الحريم مايجن الا بلعين الحمراء طبعا مو كلهن الا الاغلب كذى بصرااحه مخلوق عجيب ماااتعرف كيف تكسب زوجها مااااتعرف والله وصدقني والله العظيم مااتذووق طعم الراحه في بيتك وإنت رجل تحمل القلب الطيب مستحيل تدري متى تركب القلب الطيب بعد ماتملك البيت والزوجه والعيال خليك مثلك مثل الحاكم في بداية يذبح ويفجر علشان يملك الحكم وبعدها خلاااص يكون طيب جداً ههههههههههه |
اخي طارق66
كثير مما ذكرت صحيح للاسف الطيبة لا تعني التنازل عن الحقوق او حتى اهمال واجباتك اتجاه زوجتك بس ترى الطيب له اثر جيد حين يكون بذكاء وحين يكون لدرء سوء تبتغي فيه وجه رب العالمين قولتك العين الحمراء يبي لها حسن استخدام.. :d :d يعني لو مشت معك تمام خلك تمام لو بدت هيك وهيك.. خلك اهيك منها.. :22::22: يعني انا اعيب على الرجل الذي يسوي من الحبة قبة على توافه الامور ولكن كذكاء اسري لازم تسوي من الحبة قبة في بعض الامور الهامة بحيث تعيد توجيه الاعتقاد لمن هم لديك نحو بر الامان.. كانت تربطني علاقة جيدة مع شخص جيد لاحظت فيه انه في لحظات يشطح بمواعيد وافعال متناقضة ولعلمي باخلاقه كنت استنكر بعضها بالذات اذا كلم اهله بالجوال وعندما حانت الفرصة وواجهته.. تعلمت منه اسلوب مراوغة ناجح مع هذه النوعيات من الزوجات.. خلاصته انك ماتخليها تعرف لك سكة او تمسك معك سالفة لتعيش هي في دوامة التفكير وتنشغل عنك وبك.. يعني تحفز فيها جانب الغيرة وكأنك ماتدري.. واتركها تغلي وتنشغل عنك.. :17: :17: * |
اقتباس:
تكفي مره وحده كل ثلاثه شهور |
ياسيدة ..
كل شي نقدر مثل ما قلتي .. لكن لكل شي سبب ...! يعني مو واحد يذبح نفسه و يقول قدر .. لا سا سيدة ياخذ بالأسباب و بعدها اذا حصل خلاف مراده يقول قدر .. و شوفي حلول الاخوان هنا أتمني توصل لك فكرتي .. سبحان الله اللي يعطون حلول ظالمة تلقينهم دائماً غارقين بالمشاكل مع زوجاتهم و لا هم عارفين يحلوها ..؟!!! شوفي الاخ اللي وافق على شرط زوجته و بعدها اخل فيه و ظلمها بعد ما ورطها بالعيال و مسوي فيها رجال ..!! مثله مثل كثييييير يوافقون علي الشروط و بعدها يلفون و يدورون عشان يخالفونها و هذا حرام .. و اللي يكذب علي زوجته بحجة انه ذكي ..!! ما عرف ان الشخصيات مو مثل بعض .. بعض الزوجات اذا راوغ معها زوجها راح تكون اكثر مراوغة منه و راح تلعب ببيته لعب ...! و بعضهم تفقد الأمان و تبتعد عاطفيا و تسعي جاهده لتامين نفسها باي طريقة ..! و غيرها من النتائج ... أتمني و صل لك مقصدي سيدة .. و شاكرة لك رحابة صدرك .. |
| الساعة الآن 04:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©