|
ااااااه ياحرة قلبي
ليش حرام عليك تعيش المسكينه مخدوعه!! سنتين وهي عبالها انها الزوجه المثاليه اللي مومقصره مع زوجها حبيبها ومومنكده عليه ولاتساله وين رايح ومن وين جاي!! تتفنن في اشباع زوجها والمحافظه عليه وعلى بيتها وعيالها وكل ماطلع من البيت يقولها عندي شغل او عندي دوره من الدوام او عند واحد من الربع واخر شي يطلع متزوج والوقت اللي يغيبه عني يقضيه مع الثانيه قسما بالله ظلم وغبن يجرح الروح والقلب الله يعين زوجتك على الخدعه اللي عاشتها!! يارجال اللي يبي يتزوج لاززززم يشاور الاولى ولها حررية القرار اما البقاء او الرحيل |
إذا أخبرتها راح تتعب أكثر من تعبك الآن ...
لإنه بجد راح تخسرها وتهدم بيتك وتشتت عيالك .. كمل حياتك مثل ما بدأتها , وحاول أنك تعدل وعوضها بالكثير وربي ييسر لك . |
لاتخبرها ابدا وخل الوضع زي ماهو عليه لانها راح تنصدم صدمة العمر وانا اتكلم من واقع تجربه مريت فيها
|
انت اقدمت وتزوجت عليها صح
اجل خلاص دامك سويتها خلك قدها وتحمل اللي بيجي وما الومها وخلونا واقعيين كلكم ياللي قلتو لا يعلمها من فيكم ترضا زوجها يستغفلها ويتزوج من وراها وبدون علمها اكره ما عندي في الحياه احد يستغفلني وما اتوقع احد يرضاها على نفسه لييه هذا ظلم ايه ظلم تعطيك وماهي مقصره وموفره لك كل سبل الراحه وضحت وانت تسوي من وراها شي ما يرضيها وتخليها تكمل عطائها بالله وش رايكم ولا تحسب انك بتقعد مخبي زواجك الثاني على طول افرض لا قدر الله مت واكتشفت لا تحسب ان كل واحد بيقول الله يرحمه ويحلله مات الناس تختلف والله لو يجي احد يظلمني ولا يقهرني وحتى لو ما عرفت الشي ذا الا بعد موته ياشيخ لا اقول الله لا يسامحه ولا يحلله وخله كل واحد يتحمل اللي يسويه >>وصللللللت حدي عصبت ومقهوره صدق اصعب شي في الحياه توقف مع انسان بكل مافيك وتعطيه وتحرص على راحته وبالاخر سحب عليك عشان راحته قلها خلها تعرف واذا تبي تكمل تكمل واذا ما تبي هي حره ومن حقها تختار اللي تبيه زي ما اخترت اول مره تنحرق اعصابي من موضوع زي ذا |
يا اخى ارجع الى شرع الله الزوجة تمنع الرجل من الزواج لحب الامتلاك علما انها تبحث عن مصلحتها دائما انا لو مكانك لفعلت مثلك يا اخى المهم الا اغضب ربى ولا اخسر دينى وآخرتى الزوجة انانية ثم اناينة لا تريد الا نفسها انا اعتقد انه اليوم لا يمكن لرجل ان يعف نفسه ويتقى الله عز وجل مع زوجة واحدة والسبب كما ذكرت انت من كثرة الفتن ولا تنسى ان الزواج من اسباب زيادة وسعت الرزق بعون الله |
اولا يجب ان تغير عنوان الموضوع من ( متورط ) الى ( متـنـعم )
انت في نعمة يحسدك عليها الكثيرون لكن الخطأ الذي قمت به انك لم تخبرك زوجتك بزواجك ولا تخف من ذلك .. ستزعل يوم او شهر او سنه ثم سترضى بالأمر الواقع ونادرا ما تطلب المرأة الطلاق الا في ردود المنتديات كنوع من الفضفضة لاغير |
أعتذر .. ما قرأت كل الردود لاني مستعجلة
وأقولك رأيي وانا متزوجة من 32 سنة ... صحيح انها بتحس بالخديعة وبتزعل منك لما تعرف بزواجك لأننا النساء ما نقدر نستوعب كيف يسع قلب لحبين .. لأنه قلوبنا لا تتسع الا لحب واحد لحكمة من رب العالمين وبما انه ما في مجال تعرف الزوجة الأولى بدون ما تخبرها أنت أشوف انه ما لا تعرفه لا يحزنك . وبما أنك غير مقصر بحقوق زوجتك الثانية تحت ظروفكم الحالية وهي راضيه وبالتالي لا تقصير شرعي عليك وبالنهاية زوجتك الأولى بتنصدم سواء الان أو بعد وفاتك بعد عمر طويل فأشوف انها تنصدم بعد الوفاة لسببين أنت ما تكون موجود وبالتالي راح توقف معاناتها عند الخبر ولن تستمر المعاناة بكل لحظة بعد معرفتها الخبر وتبدأ تنكوي بنار الغيرة كلما تخيلت بأنك مع الزوجة الثانية . والسبب الثاني انه هذا الخبر ممكن يهون عليها حزنها بوفاتك اسفة جدا وأعتذر بقوة على اتياني لذكر الوفاة ... لكن هذا رأيي الجاد . |
ابو مريم
مع احترامي الشديد لك ولرائيك لكن ماهي الزوجه اللي انانيه بس حتى الرجل فيه انانيه كثيير ومن حق اي انسان سواء صغير او كبير انه يدور مصلحة نفسه وهذا شي طبيعي لكن في مثل هالحاله تعتبر انانيه ليه ما يقول لها ويحق لها القرار بعد كذا حنا ما نحرم شرع ربي ولا نعترض وياما حريم كثير صبرو عشان عيالهم فاي انانيه هنا بالرغم من صعوبة الموقف لكن ان تبحث انت عن راحتك على حساب شخص يقدم لك كل شيء وباخلاص وتقول المراءه انانيه ما تشوف ان يطول رائيكم كثير من الانانيه!!!!!!!!!! |
الصراحة موضوعك اوجع قلبي
زوجة مخدوعة منك وانت تتلذ مااصعب الموقف ربي لاتجعلي اقف موقفها واعنها على تجاوز محنتها |
إنتآ تزوجت وخلآص ..انتهينــآ
.. دآم إني رآح انصدم كذا ولا كذا فاحسن اعيش على اسآس إني الوحيده في حيآته وتعامله معي كأني الوحيدة وآنآم مرتآحة واصحى مرتاحه ارحـــــم من إني اعيش و أنآآآ عآرفة إنه في وحدة تشآركني زوجني.. وجه نظر |
| الساعة الآن 03:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©