مشكورة على مداخلتكِ
بنحاول إن اللي تأخذ البطاقت عند الباب تمنع دخولهم ولا تنادينا لأن أغلب الإحراج لو مسكتني الأم وترجتني
أنا قريباتي مو لهذه الدرجة بالعكس يعرفون الذوق لو عليهم ما جابوا أطفالهم :15:

بس سبق شفت في زواج قدامي أم جاية وتنادي على أم العريس بس طلعت أخته بوجهها وانحرجت ونادت أمها

المشكلة إنها جايبة معها زوجة ولدها ما هي معزومة وتقول دخليها وبيدها رضيع وترجتها تدخلها وش سوت أم العريس انحرجت ودخلتها يعني فوق إن زوجة ولدها ما هي معزومة جايبة ولدها معها :15:

بس قهرتني هالمعزومة وين الذوق ؟؟؟؟؟:29:

كنا نتمنى تكون بالبيت بس ما يكفي الكل وقلنا نسويها بقاعة أوسع ويجون كل حبايبنا

تصدقي في زواج قريبتي وحدة اتصلت تبغى بطاقة لطفلة طبعاً اعتذروا إن العدد محدود وبعدين الطفلة اللي يبغون لها بطاقة بعيدة ما تقرب لهم مثلنا المهم صار فيها زعل ليه أخوات نبرات حاضرات :29:
طيب هذه عرس قريبتي من الدرجة الأولى ما في مجال مقارنة :30:

تخيلي اللي طلبت البطاقة ما حضرت ( من طرف أم الطفلة ) تقول ليه أهانوني وما أعطوني لها :15: أخذت الموضوع من جانب شخصي ما قدرت إن البطاقات من العريس ومانقدر نطلب أكثر

وأم الطفلة حضرت وكأنه العيد أصلاً ما كانت ما تبغى تجيبها :15:
خالة الطفلة قالت لأهلها بعد هذا الموقف ( أول ناس ما أعزمهم بعرسي بناتكم :15: ) يعني بنات أختها لأنها عارفة إن معهم حق ما يعطون للكل
تقول ناس متخسرة وأنتم تبغون عيالكم يدمرون ( أعجبني موقفها ) ما كانت راضية إنهم يطلبون بطاقة لبنت أختها

الله يبارك فيكِ وأضحك الله سنكِ موتيني ضحك

طيب خلاص اللي أوله شرط آخره نور
ما دامت الدعوة مفتوحة بأعتبر نفسي معزومة من الآن وأخذت الـ ok

بأجيب كل عيالنا أولاد وبنات :15:
وبنطلع لك أحلى عرس لا صار ولا استوى :24:

بس الله يعينكِ أنا مو مسؤولة عن أي عمليات انتحارية :30: ولا تقولين سحبوا طرحتى ترى أنا سوابق في هالحركة صارت لي وسويت أحلى أكشن هذيك الليلة :29:

ولا يزعلون شيابنا أولهم أبوي وش رأيكِ ؟؟؟؟؟؟ :17:

بأقولكِ موقف أبوي مطوع ما توقعته يدخل بزفتي :14: المهم دخلوه غصب مسكين تخيلي بنص الجسر حاول يطلع :30: يقول هذا اللي باقي دخلتوني على حريم :29: مسكين قالوا له تعال ادخل شوف نبرات يحسب بيدخل علي بغرفة العروس تفاجأ بالحريم بوجهه وحاول يرجع بس ما قدر خلاص طاح في المصيدة وطول وقته معصب على الحركة :29:


الله لا يحرمكِ هالأمنية بس لا تنسيني ترى فستاني جاهز أمس اشتريته:17:

أشكر مروركِ عزيزتي بموضوعي

فعلاً السهر يضرهم وحضورهم لا يزيد المناسبة إلا قلقاً من جانب الأم الحريصة

والله بعضهم مزعجين الله يصلحهم بالمشاغبة وكثرة الحركة :29:
فما نقدر نقول يا فلانة عيالكِ مشاغبين :30: لا تجيبينهم
ويا فلانة عيالكِ مؤدبين :15: حياهم الله
كذا ما فيها عدل

هنا الإشكال اللي نعاني منه فمن باب أولى نمنع الكل وهذا اللي حصل

والأمر الآخر عددهم كبير وما في مجال نؤمن لهم مكان بنفس القاعة يعني ابتلشنا ما ندري نرضي مين وإلا مين ؟

بس الحمد لله بعض المعزومات متفهمات الوضع حتى لو دعينا أطفالها ما تجيبهم من نفسها وأحييها على رقيها في التعامل

أنا لو بناتي صغار ما يفهمون سنة أو سنتين :15: ممكن أخليهم عند والدهم ولا يحضرون بس هم كبار على الأقل ينبسطون ومو من كثر مناسباتنا
والله يعينني بعد

الله يبارك فيكِ

الأطفال اللي حولهم الخلاف غير مقربين بس من باب المجاملات كنا بنقولهم :30:
لو كانوا عيال أخوي أو أختي أطفال طبعاً بنقول لهم وأمرنا لله لو ما في مخرج
بس الحمد لله كلهم كبار والله يعينا في المناسبات الجايات لو خلفوا أطفال :15:

المقربين فقط أطفالي و أطفال الطرف الثاني ( المجموع 5 ) أطفال
وبنتغاضى لو أم حضرت بمولودها بشرط يكون ما يمشي يعني باللفة :15:

وكفى الله المؤمنين شر القتال