منتدى عالم الأسرة والمجتمع - ارشدوني خذو بيدي

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - ارشدوني خذو بيدي (http://www.66n.com/forums/showthread.php?t=232382)

واحمدي ربك انهم طيبين معك

اعرف وحده نفس وضعك

لكن الزياده ان خواته ملوسنات وحشريات وقليلات ادب

واذا قالت لهن كلمه وحده

دخلت في دوامة مشاكل وقيل وقال. وصلت لتهديدهن لها انهن يزوجن اخوهم !!

اقتباس:

المشاركة الأصلية كتبت بواسطة حلم الواقع (المشاركة 2756764)

مشكلتك ليس مع اهلة
مشكلتك انه قليل الاهتمام فيك

بالضبط هذا اللي اقصده قلة الأهتمام والاعضاء اهتموا من هالناحيه ولا اهتموا من
ناحية المصروف والأحترام

نصيحة قيمة وعن تجربة
انتي حديثة زواج ومن الطبيعي انه لم ينفصل من اهلة بعد متعلق فيهم لانه عاش معهم اكثر ما عاش معك واي مقارنة بينك وبينهم ستكونين انتي الخسرررررررررررررانه بدون شك
طيب نجي للحل
اولا انا اقر انة يجب ان يبر بوالدية ولا يرفض لهم طلب نهائيا ولو على حساب نفسة
اكيد وبكون عون له بالعكس احياناً اقوله اهله وش ناقصهم في البيت
ولا راح امنعه ابد بس مابي منه يساويني فيهم يعني يقول اهلي ماعندهم ليه اجيبلك

وايضا اخوانة يجب ان يعاملهم بعطف وحنان حتى ولو كانو ذو 5 سنوات فما بالك بـ 16 سنه
الحل
1_ بيني انك مهتمة في اهلة مثله واهتمي فيهم كان تعملي حلى قهوه وتنزلي تتقهوي معاهم.................
2_ اتفقي معه يوم واحد في الاسبوع للخروج سويا من دون اهلة وهذا تدريجيا الى ان يشعر انكم لكم حياتكم الخاصة المستقلة

نطلع لحالنا كثثير مو شرط يكونون معنا بس تصرفاتهم بالسؤال على وين
بنروح معكم يركبون صح نطلع بس اتنرفز من السؤال وين وين واتصالاتهم وين رايحين

3_ في الوقت المخصص لك حاولي ان يكون اليوم مميز اما بلعبة او مسابقه على حسب اهتمامات زوجك
تجنبي

ماجت على بالي بس بجربها في الايام القادمه ان شاء الله
وربي ماجيت اشكي هينا الا من الوحده اللي ذبحتني مافيه احد اتكلم معاه
هو على طول صامت مايتكلم كثير

منازعته كثيرا في اهلة فوالله سيصل مع الوقت الى قناعة انك تكرهين اهلة وسيبدا من النفور ومن ثم لا يقبل اي شيء منك

وربي خوفتيني مابي هالشي يصير بس بإذن الله بنفذ كلامكم خطوه بخطوه
وان شاء الله تتغير حياتي للإفضل

جزاك الله الف خير واشكرك لك تواجدك

اقتباس:

المشاركة الأصلية كتبت بواسطة najeeb_S_2011 (المشاركة 2756666)

الله يعينك وأسال الله لك التوفيق

امين يارب وياك

اقتباس:

المشاركة الأصلية كتبت بواسطة (غدوية) (المشاركة 2756768)

حبيبتى لوقدرتو تسكننون بعيد من اهله احسن لك يمكن متعلق فى اهله زياده عن اللزوم وخلى عندك شخصيه يعنى لو ماتبى تروحى معاهم لاتروحين ولاتزنى عليه طنشى شويه بعض الرجال لوتزنى عليهم مايسوى الشئ اللى تبيه يمكن من الرجال اللى تمدحينه بعدين يسويلك اللى تيى حاولى معاه شوفى زوجك اى نوع من الرجال كل رجال عنده مدخل
وربى يصبرك

سكن بعيد عن اهله مستبعده هالشي ماتوقع ابداً
وعندي شخصيه بس احيانا يطلق اني اروح طبيعي اروح يعني صعبه اعاند على شي تافه
والزنه بحاول اخف منها مع اني ما اذكر اني ازن بالعكس اطلبه با اسلوب حلو

امين يارب
الله يجزاك خير
مشكوره على مرورك ياعسل

اقتباس:

المشاركة الأصلية كتبت بواسطة انثى من حديد (المشاركة 2757016)

اختي الحل الوحيد قدامك

اعتبري اهله هم اهلك.

دامني محترمه معهم ولا اذيتهم لابلساني ولاتصرفاتي
اعتبرهم اهلي اكيد

انتي لو اهلك ساكنين تحت ،، تخيلي بالله ؟!!

اكيد راح تفلينها معهم صح؟

اي بفلها بس بحدود مو اخلي زوجي يتضايق منهم
على حساب وناستهم
اهلي كلن بيتزوج من اخواني وخواتي وبيعش حياته
يعني بنطلع مشوار بضايقه بنسافر اضايقه اركب خواتي معه
اكتم حريته بالسياره وبالبيت وطبيعي سياسة المراءه تخلف عن الرجل
والنظر في الامور بعد يختلف

وسالفة شرينا كذا واكلنا كذا و و. بالله ماتقوليها لاهلك ؟؟

ابداً يعني بالله قلة السوالف اروح انزل لأمي يمه رحنا المطعم الفلاني
يمه شرايك زوجي يبيني اشتري كذا جيبه ولا ماله لزمه
يعني صح اتكلم عن ااشياء بس بالمعقول يعني اذا هالامور البسيطه الحين اقولها
بكره بقول الاعظم احسن شي الواحد يسكت لا حد يدري وش سوينا ولا وش شرينا
بعدين اهله يروحون ويجون ويطلعون ماعمرهم قالوا لي وين او وروني اغراضهم او قالوا امشي
معنا ولا عمري سالتهم ولا فكرت لأن هذي اسمها لقافه وقلة ذوق

تاقلمي مع الوضع ، وساعدي زوجك على بره لاهله

الحمد الله مساعدتة
والنتيجه بر ابناءك به

اذا قدر الله وجبنا ابناء كل شي بعلم الغيب

مافي مانع تحطي خطوط حمراء. مثل مايركب اخوك جنبي. وانا ما توقعت انك ترضاها لي

تكلمت فيها تضايق حيل وقال انتي مريضه نفسياً
تبيني اشك با اخلاقياتكم اشوفكم ترا كلنا بسيارة وحده

والله يوووفقك

امين يارب وياك

جزاك الله الف خير
ماقصرتي ياقلبي

اقتباس:

المشاركة الأصلية كتبت بواسطة انثى من حديد (المشاركة 2757017)

واحمدي ربك انهم طيبين معك
الحمد الله يارب والله ما اضلم امه جدا بوجهي محترمه لأبعد حد

اعرف وحده نفس وضعك

لكن الزياده ان خواته ملوسنات وحشريات وقليلات ادب

واذا قالت لهن كلمه وحده

دخلت في دوامة مشاكل وقيل وقال. وصلت لتهديدهن لها انهن يزوجن اخوهم !!

والله اذا هالنوعيه لهم لسان لي لسان
واذا قليلات ادب اقل ادبي ماعندي مشكله
بس على حسب زوجي اذا ضامنه بيوقف معي والله بوقفهم عند حدهم
بس اذا مافيه امل يعطيني وجه والله وش ابي فيه لا اخلاق فيه ولا في خواته

اساساً الشي الغلط عندنا وعند اغلب الناس ان الواحد يتزوج يعيش جنب او فوق او تحت او مع اهله
هذي بحد ذاته مشكله انت جايب حرمه من بيئتها وتربيتها واخلاقها لبيئه اهلك واخلاقهم وتربيتهم وعادتهم
يعني تبون تفرضون شي على انسانه تعدت سن المراهقه تبونها تغير من كل شي
على حساب تتأقلم مع اهلك وان ماعجبتكم ولا تأقلمت معكم سبيتوها وطلعتوا فيها مليون عيب
والله اني اقول لامي وخواتي مانبي شي اذا بيتزوجون خواتي الشرط الوحيد اشرطوا لها بيت مستقل بعيد عن اهله
وربي اكثر المشاكل يامن الحرمه يا من اهل الزوج الواحد وش له بعوار الراس

جزاك الله الف خير اختي
ماقصرتي يالغلا