|
خلاص ما دام انت ما يرضيك الا تقديم اعتذار منه وشفاهة واجهيه عندما يتصل واطلبي منه يعتذرلك شوفي آيه ردة فعله.
|
سيده المواقف ي ريت تعطيني امثله ل ارد اعتباري
انا والله مافكرت ب الماده كل همي معنوي ابي احساس فقطط على ان لو فكرت ب الماده زوجي مايضررره ابد فلوسه تتعدى شعر راسه بس انا مو تفكيري مادي وقسما ب الله لان لو انا حاسه ب نقص من ناحيه الماده ممكن اعوض ب حاله الزعل واقول اشتغل الموقف وارضي طموحي اللي هو الماده بس انا كيذا و الا كيذا ماخذه حقي و زياده لله الحمد ابي فقط احساس معنوووووي ابي احس انه متضايق عشاني بررب ارجع لكم بعد ساعه ب اذن ربي و اذا فيه مستجدات عطيتكم |
اقتباس:
طلبتي رأيي صدقيني إلا يرجع يعتذر منك بطريقة أخرى ... هو قاعد يحاول يعتذر ويمكن تقدري تظلي مو راضيه ((مثل ما هو يظل معاك لما تراضينه)) إلى أن يعتذر لك بالطريقة اللي تناسبك . كل إاللي أقوله انك تحبين زوجك وراضيه عنه بأمور كثيرة .. وهو يحبك وغالية عنده كثير وما غليتي بقلبه لهالدرجة إلا بسبب طريقتك الحلوة معاه ولأنك بنت أصول وتطيبي خاطره فلا تتغيري عليه الحين . لا تكبريها حبيبتي كثير .. أخاف تسوي شرخ بحياتكم ماله داعي . |
مع رأي عزيزتي بيتا ..
خلاص ؛؛ تركك لبيتك بحد ذاته تأديب لزوجك .. وش تبغين اكثر من كذا .. واوصيك ؛؛ اذا زوجك غالي عندك ؛؛ فلا تكسرين رجولته بالاعتذار عند احد .. حتى لو كان اهلك ! تعوذي من ابليس وادعي الله اليوم بالوتر ان الله يذهب مافي قلبك اصلح الله ما بينكم و سخركم لبعض.. وصدقيني ؛؛ لو كان زوجك في غير هالظروف من مرض الوالده الذي كاسر ظهره ؛؛ اكثر مما تتصورين !! فهو اشد عليه من الموت نفسه .. لكان لنا كلام اخر .. وما شكا وما عتب وما حكى الا حاجته الماسه لك .. فلا تزيدي همه وهمك .. |
أختي... ما شاء الله... رجاحة عقل... و تخطيط سليم... زوجك وصلت له المعلومه بأنه أخطأ خطأ جسيما... نعم والده في المستشفى... نقدر هذا... ولكن أن يخطأ و يتهمك في شرفك... فلا و ألف لا... وصوله إلى منزل أهلك و إعتذاره بشكل غير مباشر جيد... إذا أرسل مرة أخرى... اطلبي منه ان يتصل... و تفاهمي معه بالهدوء... أدرك أنكِ تحتاجين ان تحسي باعتذاره الحقيقي عما بدر منه.... أدرك ان رسالة منه لا تكفيكِ... فكلمته خرجت من فمه.. و لم يرسلها لك على الجوال... تحدثي معه بهدوء... و كونكِ زوجته ستعلمين حتما صدق اعتذاره من نبرته....و أرى ان لا تزيدي العتاب بعدها...أرى أن ترجعي بعدها الى البيت و لكن نبهيه أنك مازلتِ مكسورة من كلمته و أن يصبر عليك حتى يشفى الجرح الذي اقترفه لسانه... وفقكِ الله...
|
الله يهديكم ويصلح حالكم |
مع راي الاخت بيتا
ولاتزيدي وتكبري القصه .. كلام زوجك وتودده لك يعتبر اعتذار ويدل على ندمه على ما بدر منه .. خليكي عاقله ... ولاتنسي انه زوجك يعيش بضغوط من ناحيه الاهل وانتي حساسه بسبب حملك .. لاتدققي بكل الامور .. اما بالنبسه لكلمه زوجك لك زي ما قالت شقر55ديه خروجك من بيتك تاديب له .. وهذا كافي .. |
:*
رد مكرر :* |
اقتباس:
:* أبغاكِ تكوني ذكية جداً وتطبقي الآتي: *إذا أتصل زوجك ردي عليه وخذي نفسك بمكان هادي بدون محد يقاطعك نهائي وقولي له مايشبه مايلي: تعلم يافلان أنك نور عيني وجزء من كياني فتخيل لما أعز إنسان عندك بالكون يجرحك وياليته جرحك بشيء هين لاجرحك بأعز ماتملك (شرفك) والله والله ماتوقعتها منك وإلى الآن ماني مستوعبة أنها طلعت منك أنت..!! أنت إلي أعرفك أكثر من نفسي زوجي وأبو عيالي إلي العيبة ماتطلع منه..!! أنت إلي تعرف أخلاقي زين ومعاشرني وتعرف أنا مين وكيف تربيتي..؟! وأنا ما أطلب منك إلا شيء واحد ترد أعتباري لأني مجروحة حييييييل منك وإلى الآن جرحي ينزف وأنتِ تكلمي بهدوء وصوت متزن ولاتنفعلي أو تعصبي أو تظهري الغضب بس عاتبيه عتاب المحب لحبيبة وأنتِ فاهمتني لاتخلين له فرصة يقلب الموقف لصالحة لأن أي شدة منك أو غضب أو أنفعال بتخلينه يعاند ويركب رأسه ويسيء لك خليك قمة بالهدوء ونبرة صوتك هادية :* طبعاً لحظتها أسمعي منه ولاتقاطعيه لحد مايخلص كلامه وأستشفي منه كيف يقدر يرد أعتبارك وأرمي الكرة بملعبه وأبغاكِ تحطي ببالك: أنك تبغين تعطينه درس لا أكثر حتى مايكررها ومايحسبها سهلة وليس الغرض تفاقم المشكلة أو تكبيرها وعلى هذه النقطة أشتغلي يعني خليك فاهمه كيف تتصرفين بدون تهور وإذا شد أرخي وإذا شفتي أن الأمور ممكن تفلت منك تداركي الوضع وأهم شيء التصرف بحكمة :* الله يوفقكم ويسعدكم وبإذن الله بتنحل على خير :* |
مع رد الاخوات العزيزات بيتـــا وشقرديـــة وسيدة الموقف ولا ازيد على كلامهن كلام الا نصيحه لك غاليتي حاولي تحلين مشاكلك مع زوجك بهدوء وبدون عناد لان حرام تحرقين قلب والديك عليك خاصة امك .. مو معقوله يتحملونكم ويحاتونكم ويتعبون معاكم وانتوا صغار .. بعد يستمر التوتر والحزن والتعب والقلق وهم كبار ؟؟ ريحيهم الله يريحك دنيا وآخره ..والله قلبي متقطع على امك مسكينه يمكن النوم ما تتهنى فيه من التفكير .. ولا تطلبين من زوجك يكون مثل ما انتي تبينه يكون .. الاعتذار بطريقتك .. الحب بطريقتك .. الزعل بطريقتك الشوق والحنان بطريقتك ... الناس تختلف حبيبتي بطبيعتها وتصرفاتها وشخصياتها .. ربي يفرج همك ويشفي ولدك ويسهل حملك ويسعدك مع زوجك يارب |
| الساعة الآن 03:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©