|
هههههههههه
اما انتي ام سلطان عجيبة راعيه عزايم ماشالله وتقومين بالواجب والله اذا كانو قرايب ما فيها شي اتوقع وهي تروح وتجي ع حسب التعود فيه ناس ما يحبون السهر ويتجمعون الظهر او يفطرون الصباح سوا ورجالهم في الدوامات اذكر جارتي بالرياض كنا نلتقي الصبحية ونقطع بامية الغدا هههه واحيانا يتخربط النوم ونلتقي بالليل تدق علي وأكون صاحية ع 3 او 2 وتجي ولا رحت لها يعني حسب الترتيبات وبرضو حسب العلاقات يعني اذا زوجك نظامي وما يحب السهر ف ما يناسبه واذا عادي اهم شي سعة صدرك ووناستك بيقولك روحي قطعي وقت عندها وانا مشغول يعني مو مشكلة ولا قضية الله يذكر أيامها بالخير |
اقتباس:
والله حبيبتي ماانت ملزومة تجاملي أمة محمد هذي كلها لايكلف الله نفسا إلا وسعها بجد حاولي تسحبي نفسك منهم شوي شوي .. لاعادها الله من سهرات اللي تخلي الرجال ينام في سيارته من الإزعاج .:29: |
حسب طبيعة الناس
فيه نساء يحبون السهر بالنسبة لي احس بملل من الجلسات الطويلة خاصة في البيت حدها الزيارات ساعتين ثلاث اما برا البيت ممكن يعني في عزيمه كبيره او زواج وعموما صايره ما احب اسهر واطول برا البيت |
اقتباس:
انا نتجمع مرة بالشهر او كل شهرين يعني اعتبرهم ضيوف عندي مو زيارة عادية مثل كل الزيارات وترى هما في الأصل من عائلة واحدة بس إنهم متفرعين يعني ام وحريم اولادها ثلاث وبناتها اربع بنات وحدة منهم متزوجة وعندها اربع عيال وزوجات اخو زوجها ثلاث وعندهم بنات وعيال وكمان جارتين اضافيتين مع بناتهم اللي بالجامعة اربع وبالنسبة لأولادهم الصغار اللي ينام منهم عندي غرفتين في البيت مفروشه وجاهزه والطفل اللي ينام نسحبه لوحدة من الغرفتين ونغطيه ونخليه ينام براحته يعني حضانه بالنسبة لزوجي والله اني انا ما ني راضيتها له بس هو يرفض ويقول عيب ذولا كانوا جاراتك وبيننا حنا وهم عشرة عمروعيش وملح ولهم معانا مواقف طيبه ومشرفة وماتنتسي وعيب علينا إنا نجافيهم ونقاطعهم وهيه مرة وحدة بالشهر هاذي الزيارة ماراح تكسر روسنا ولا راح تنقص مننا شئ وانا لما شفته يعاتب ويرفض إني اعتذر لهم وافقت على زياراتهم والتواصل معهم بالرغم من إني لو اعتذرت منهم شئ عادي عندهم مايزعلون ولا يحطون بأنفسهم يعني عادي جدا هاذا الشئ بيننا بالنسبة لتواصلنا في اوقات الصباح او العصر بصراحة مايمدينا لأنهم هم بعيدين عني بشويات وكمان ماعندنا احد يوصلنا لبعضنا وعيالنا وازواجنا بالمدارس والدوامات وكلن مشغولة في بيتها فما نفضى إلا ايام العطلة الأسبوعية طبعا انا ما ازورهم إلا مرة واحدة بالشهر واحيان كثيرة تمتد لشهرين ولو رحت زيارة اروح لبيت صديقتي المقربة منهم وهناك التقي بالشلة كلها الباقين ارو ح لهم بس زيارات خفيفة وقت العصرية او بين فترة بعد صلاة المغرب الين يأذن صلاة العشاء وارو ح من عندها لبيتي ولو طولت اصلي عندها واطلع وهم كذلك بس ما اروح لزيارتهم الا اذا كانت تعبانه او جاها مولود اوجائها احد من اهلها مثل امها او اختها من منطقة بعيدة ارو ح اسلم عليهم فترة بسيطة ماتزيد عن ساعة وارجع لبيتي والحقيقة تبادل الزيارات بين الأهل والأقارب والجيران شئ واجب ولازم منه ان تصل اهلك وناسك ومحبينك بين كل وقت والآخر طبعا كلن حسب ظروفه اللي تسمح له وكل شخص له وجهة نظر مختلفة في هاذا الموضو ع وكل واحد يعمل الشئ اللي يقتنع فيه ويريحه وعادي يالغالية كلامك يعجبني لأنه كلام جميل ورائع وكل كلمة قلتيها صحيحة وماعليها خلاف بس حنا خلاص تأقلمنا مع هاذا الوضع وتعودنا عليه . |
أنا أسكن في الشرق و أهلي في الغرب وبيننا أكثر من 1000 كلم
> نص مغتربة ههه و جاراتي مثلي و دوامات أزواجنا شفتات فـ طبيعي أحيانًا نسهر من 10 للفجر مع بعض و أحيانًا أكون طفشانة وزوجي دوامه 12 ساعة > دوام > نوم > دوام > نوم فإذا كان نايم و الجارات مجتمعات أستأذنه من قبل و أسهر معهم بعد ما أرتب بيتي و أعشيه و ينام هنا محد عندي لا أهل و أخوات و صديقات جاراتي أخواتي حتى في سهراتنا مافي تكاليف .. أبد بالبجايم وملابس البيت الله لا يحرمني منهم والله إنهم أخواتي |
يسعدكم ربي انتم ونقاشكم
جزيتم خيرا وكلن له حياته ورئيه ونظامه انا من ناحيتي مااتقبل هالشيء افضل المغرب العصر ساعه ساعتين وانتهينا احس لو طالت السالفه بنمل والسسسسهر متعب وبينعكس وقتي نهاري ليل وليلي نهااار والوقت بيصير غلط ببيتي والاخت بنت حكمي من خلال الي ذكرتيه وبلاخص عن نظام زوجك ونومه بالسياره انا كذا انححححححرج جدا من صاحب المنزل فمااطول ابدا وزوجها برررررا والاخت ليلاه جاراتي نفسك ازواجهم عسكر واستلامات ولكن مو كلهم بنفس الوقت استلاماتهم فلاجل كذا استغربت وانا زوجي لا اغلب يومه وليله بالبيت فصعب يمشي هالنظام معي اسعدني وجودكم جزيتم خيرا . |
اقتباس:
اللي تزورني صديقتي وغالية علية وكمان ولدي سلطان سمي ولدها وهيه جايبه بنت ومسميتها على إسمي وانا وهية مثل الأ خوات بل والله اشد من الأخوات ابوح لها باللي ما اقدر ابوح فيه لأخواتي وهي نفس الشئ تعرفت عليها من 15 سنة ويشهد الله ماوجدت جارة ملتزمه و محبة وطيبة ومتواضعة مثلها فحبينا بعض وارتبطنا ببعض اكثر من الأخوات وانا لما ازورها كل قرايبها يجون لبيتها وكذلك هي لما تزورني كلهم يجون معاها لو عرفوا انها بتزورني في بيتي فيتجمعوا مع بعض ويجون لزيارتي بالنسبة لنومة ابو سلطان في السيارة ترى هو كذا متعود ينام بالسيارة مرة رحنا زيارة للجنوب وهو ماكان عنده اجازه ودانا ورجع لمنطقة عمله والله اني رجعت لقيت غرفة نومنا مثل ماهيه ماتغير فيها شئ على ترتيبي وكل شئ مثل ماهو على حطة يدي فاستغربت سألته وين كنت انت تنام قال لي بالسيارة طيب ليش مانمت في البيت قال ماقدرت انام او اجلس في البيت لحالي اتخيل اصواتكم وحركاتكم في البيت انتي والأولاد وماقدرت استحمل ففضلت انام بالسيارةحتى ترجعون وبعدها هونا نسافر لحالنا يعني هو متعود وبعدين والله انا ماجبرته واني انا بنفسي مو عاجبني الوضع بس وش السواة هو يقول لي وش تبغين الحريم يقولون عنك لو كل مابغوا يجون عندك تعتذري منهن عيب وذبحني بالعيب وهاذا مو طبع زين ولا هو من الشهامة والكرم يحسسني إني اسوء إمرأة ماتستقبل ضيوفها ولاتهتم فيهم طيب وش اسوي انا وبعدين لو مارحت لهم يمكن يفهموني غلط ويقولوا هاذي ماتبغى احد يزورها في بيتها بصراحة هاذي صعبة شوية لاكن مرة وحدة بالشهر حياهم الله جميع وحياكم انتم بعد معاهم ان ماشالكم البيت تشيلكم عيوني . |
اقتباس:
وايدي على قلبي انك راح تزعلي بس قلت لازم اعبر علي بخاطري لانه الامر خلاني استعجب ..كثير وعارفك يا غاليه عقلك كبير وراح تتقبلي لكن الخوف ظل موجود وماراح اخبي عليكي .. بس بالنسبه لما علمته بالاحمر بكلامك والله غريبه انه الكل مطاوع للفكرة يعني .. ومتقبل ..!! زي الحرمه وبناتها او كناينها يعني الكل موافق .. وهنا زاد التعجب ..:d طيب حلو الوضع يكون بالنهار للي يحبو الجمعات .. ولا عشان الاولاد ينامو وتاخذو راحتكم .. ماشالله عليكي مجمعه كل شجرة العيله :d الله يديم المحبه بينكم ويزيد العشرة شكلك طيوبه .. وتنحبي .. فالكل يحب يحضر الاجتماع عندك .. وبالنسبه لزوجك ديري بالك عليه والله بعقليته مافي منه ... متقبل كل الحوسة والدوشه ..:14:<<< يعني كانه فرح في بيتكم الله يهدي بالكم .. |
انا بصراحه اسهر عند اهلي يوم الاربعاء فقط مع اخواتي وامي وحريم اخواني بس مع جيران او صديقات لا حدهم زياره من المغرب للعشا فقط ما فيه سهر اصلا زوجي بالقوه اقتنع بالسهر مع اهلي من قريب والا انا دايم اول وحده تخرج من عندهم واحيان بدون عشا الان سرت اسهر عندهم لكن مكرها اخاك لا بطل ولدي يتأخر علي بعد مايغلق سهرته يجيني |
انا بصراحه ماقد جربت
لكن احس عادي لو كان بشكل دوري كل شهـر مثلاً الزوج والاطفال ماراح يموتون باليوم هذا تستاهل الزوجه يوم off تنبسط فيه مع صديقاتها لو كان يوم بالشهر او بالشهرين |
| الساعة الآن 05:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©