|
اريد ان اطرح موضوعا قد تستصعبه اخي الكريم و لكن هذا رايي.
ترك الاطفال بيد امرأة اخرى سيتعبهم و يعتبك معهم و برأيي بني ادم خطاء و من منا لايخطئ؟ طليقتك خسرت زوجها,عائلتها و بعثتها و هي محبطة الان, و بناءا على كلامك انكما عشتما حياة رغيدة لا تشوبها المشاكل, فما رأيك ان تسترجعها بشروطك الخاصة, ارى انها ستكون زوجة صالحة و اما طيبة مع اطفالها و ستقدر صنيعك ما حييت ارجو لك من الله التوفيق ايها الاخ الرحيم |
الحمدلله الذي عافانا مما ابتلا به بعض الناس وفضلنا على كثير ممن خلق تفضيلاً كثيرا
|
اخويه بوصيك على هالدعاء.. بما انه الاخت جمانه تكرمت وطرحت دعاء ولاالعم القصد في موضعك منه
اللهم ياموضع كل شكوى ياشاهد كل نجوى وياعالم كل خفية، وياكاشف كل بلية ويامنجي موسى ومحمد وإبراهيم الخليل صلوات الله عليهم أدعوك يا إلهي دعاء من اشتدت فاقته وضعفت قوته وقلت حيلته دعاء الغريق الملهوف المكروب المشغوف الذى لا يجد لكشف مانزل به إلا أنت ولا إله إلا أنت فارحمنا ياأرحم الراحمين واكشف عنا مانزل بنا عدونا وعدوك الشيطان الرجيم ومن هؤلاء القوم الظالمين الباغين أو من فلان الظالم (إن كان واحدا من الخلق) يارب العالمين إنك على كل شئ قدير واغوثاه ثلاثا يالله ثلاثا اللهم يابارئ لاشريك لك يادائم لا نفاد لك ياحي يامحي الموتى ياقائما على كل نفس بما كسبت إلهي إنك أنت العزيز الجبار. اللهم رد كيد من ارادني بسوء الى نحره واجعل تدبيرة تدميرة .. حسبى الله ونعم الوكيل على من ظلمنى وعلى كل من ساعد على ظلمي |
لاعادي اخويه افا عليك نحن اخوان وحاضرين باللي يسرك
اقتباس:
1: ناس من الأقارب تألموا جدا لما حدث لي وقالوا تعال خذ فلانة زوجة تكمل معك مشوار حياتك والحقيقة أن الأب والأسرة ممتازين لكن البنت حالمة جدا جدا ومتوقعة إني بأجلس أدلع فيها باقي عمري لأجل تقهر هذيك(أم العيال سابقا) لأنها تكرها جدا جدا / طبعا غيرهم من الأقارب نفس الشيء والسبب علاقتي الجيدة بالمحيطين بي وأني اوليهم مطلق الاحترام وكذلك شايفين البيت والسيارة والعمل وكل شيء جاهز بس زوجة تكمل المشوار مايناسبك ابدن ... السبب.. لانك متزوج عشان تترتاح موب عشان وحده تصفي حسابتها القديمه على حسابك وحساب بيتك وحياتك وعيالك .. وماادارك ربما تقون قاسيه على الابناء لمحاوله قهر امهم فتجنبها ولاتحاول ان تفكر بها لمجرد التفكير وهذي احذرها الف مرة وشلها من بالك 2: موظفة (معها آي فون وآي باد و2 بي بي أسود وأحمر وجالكسي تاب مكسور)لكن أكثر الموظفات في المحيط اللي اعرفه بس همهم يحرقون قلوب اللي مو موظفات فتلاقين عقلياتهم صغيرهم جدا جدا وهما بالعمل تشتكي من الخدامة وتشتكي من النعم الزائدة عن الحد(النوع اللي يردد: الحمد لله والشكر باللهجة الكويتية طبعا): يتوفر من هذه الفئة: مشرفة تربوية/ أكاديمية/ طبيبة. () ماتناسبك .. هذا اللي كنت بقولك لك بطريقه غير مباشره تحصل ناس همهم وشغلهم الشاغل الثرثره ونقل الكلام من فلانه وعلانه وهذا هو اساس خراب البيوت مايكون هدفها الحفاظ على راحه زوجها وعيالها .. وبالنسبه لموآكبتها العصر من الاجهزة وغيره هذي كماليات البعض يسعى لها والبعض لايتقبلها .. ويراها امور عاديه لكن السبب انها ماتناسبك هالفئه .. لانها حياتها كلها منحطه على لسانها .. ابتعد عن هالفئه لانك بتحصلها تبيع اي شي لمجرد انها تتباهى بالجديد. 3: بنت عرب من الرعيل الأول تقريبا راسبة في سنة سادس ابتدائي أو حاصلة على الابتدائية بصعوبة وقائمة ببيت أهلها ولو تاخذها لمكة عمره كانها دخلت الجنة 10 مرات المستوى التعليمي ليس بعائق والفشل بالدراسه ليس بالضروره انها ستفشل في بيتها الاهم من كل هذا انها تخاف الله بالفعل وليس الكلام مثل مانجوف بعض العينات عباء على راس قنوات محافظه ودينيه واخرتها ويحفظن القران بس في الاخر تحصلها فلانه قالت وفلانه سوت وزوجي وزوجي ومن هالامور اللي لازم تكون شريكه حياتك واضحه معاك من البدايه اذا انها من النوع اللي ماتحرم خصوصيه زوجها وخصويتها في البيت وحرمه بيتهم وتفشي اسراهم في هالحال ابتعد عنها وانت عطها كلمتك ... وقولها بالحرف الواحد . فلانه.. انا اخترتج شريكه حياتي واباج تسمعيني لاخر وتحطين هالكلام بيني وبينج ومايعرف فيه الا الله .. انا اباج من خاطري واتمنى الشي اللي بينا مستقبلن مايطلع عند اي مخلوق واذا تضايجتي بيوم بتحصلني بقربج اسمعج وان تضايجت اباج تقونيني بقربي تسمعيني .. امورنا وحياتنا الشخصيه واللي يصير في البيت لاسمح الله من زعل وخلافات بسيط اتمنى انها تبقى مدفونه بينا لانه لو تدخل ثالثا راح يكبر ويضخم الامور ووالنت هذا ماباج تستخدمينه من فراغ واللي يصير بينا ماباج تنشرينه للعالم وانا متاكد وبتعشم فيج تكونين اكبر من جي بوايد .. لاتلوميني .. مريت بتجربه فاشله طلعت بثلاث جواهر الله يخليهم لي ولج ان شالله واتامل باخوان لهم منج .. وان احتجتي لشي واقدر اجيبه مايردج الا لسانه انا منوه عندي غيرج وعيالي بالدنيا .. انتي مستقبلي اللي اجوفه جدامي .. واذا حد سالج عن حياتج مع ريلج لاتجاوبينه وتقوليله دلعني وسوالي وغيره ترى العين حق والناس ضعيفه الايام تحسدك على اي شي والرسول صلى الله عليه وسلم حذرنا من العين والحسد .. ولا سمح لو زعلتي مني بيوم وسرتي بيت اهلج خلينا نعالج مشاكلنا بروحنا بعيد عن طرف ثالث لا من صوبي ولا من صوبج .. اذا اجوفين انج تقدرين على كل اللي قلته .. فانا بكمل معاج يالغاليه .. وخذي وقتج عزيزتي وفكري .. ولاانسان يمر بحالات زعل وفرح وضيج بس مايعيش عمره كله بهم وضيج وتكشيره اللي مالها معنى .. يعني اخوي حاول تحتويها من هالكلام لانه راح يحسسها بأنك تبا حياه هاديه بعيد عن القيل والقال .. وقولها اخوي العزيز ..فهذي النوعيه اتوقع تبيع نفسها عشان تشتري رضااك عنها.. مابا اكرر تجربتي الفاشله وخلك قاسي بكلمتك عطتها كلمه تعرف انها ماراح ترد فيها .. قولها اجوف فيج مستقبلي واتمنى اكون كذالك .. ..اهم شي تسمع كلامك وتحترم رغبتك بوجة الحياه وان تطابق نظرتها نظرتك في حياتكم بعيد كل البعد عن الثرثره ونقل الكلام واسرار البيت لخارجه .. المهم تكون واضح معاها لانه هذا حق وزواج وعشره عمر .. لاتخلي موضوع المستوى الدراسي يشكل عائق .. واذا خطبتها في فتره الخطوبه حاول تكون واضح من غير لاتستحي النقاش في مجرى الحياه مافيها مستحى .. فهمها الدنيا اخذ وعطا .. ونبه عليه الشي بيني وبينج ماباه يطلع من بينا وان شالله تكون فهمت قصدي |
الأخت لينة العريكة
شكرا لك ومتفهم رأيك وقلت لك من قبل أنا ضد أي طلاق في كوكب الأرض إذا كان هناك فرصة للاستمرار لكن المشكلة في شخصيتها التي لاتزول طبيعتها مهما حاولت: شخصية نفسي نفسي يعني مثلا تهتم بتغذيتها ونومها وبشرتها وكل شيء يخصها ولاتهتم بأحد آخر/أنانية جدا حتى مع أطفالها/بالإضافة إلى الحقد الشديد على الآخرين وانتهاز أي فرصة لإذلالهم والتغطرس عليهم/ويشهد الله تعاملت معها كحالة مرضية(وقد تكون)/وقد أساءت لي جدا جدا جدا وبهتتني بأمور ليست في من قبل وحين جلست معها جلسة صادمة قامت تحضن وتقول غيرتي عليك وحبي لك خلاني مجنونة/بجد شيء لايطاق |
أختي روضة بوظبي
جالس الآن أعيد قراءة كلامك كامل مرة ومرتين وثلاث بس حبيت أقاطع دقيقة وأقول لك أحيانا المستوى التعليمي المتواضع أنظر له ميزة مو عيب يعني أتخيل هالبنت مثلا فيها عرق من نيوتن وأديسون(ذولاك اللي تركوا المدارس وهربوا للعلم خارج الأسوار الضيقة) وبالعكس مكانة الإنسان عندي في أسلوبه مثل ما قالت ( كوكو تشانيل) مالكة ومؤسسة الماركة الشهيرة: الموضة هي الأسلوب بمعنى أنا اتفق معك حد التطابق |
أكيد اخويه الغالي البنت لازم تهتم بشكلها واستايلها وبنفس الوقت ماتهمل بيتها وعيالها ..
حلوة الوحده تسعى ورى الموضه المقبوله وتهتم باستايلها واناقتها وانت بدورك علمها تجدد اناقتها وكل يوم تفجاك بستايل معين واحلى من اللي قبله .. وفي ناس الله يهداها تهتم بالاناقه والشكل وغيره على حساب عيالها وزوجها و تحصل وحده تتلبس وتكشخ موب لزوجها لبيت لعزايمها مع صديقاتها واهلها .. واذا يت عندك بتجابلك مقنعه بقناع طين وداهنه شعرها وغيره .. يعني هالنوعيه اللي يبعدك عنها ويرزقك بوحده ذويقه وراعيه معنى توازن بين الاناقه اللي بالحدود المعقوله وبحدود يتقبله العقل وبنفس الوقت تحافظ على دورها كزوجه تصون زوجها.. فأذا انت طحت على وحده موب متعلمه .. انت بطبيعتك فجأها بنصيحه حلوة موب عيب ولاغلط انك تنصحها تهتم بلبسها تهتم بتجديد اناقتها بينك وبينها .. ويمكن تكون ذووق باللبس بس ماتكون ذوق بالكلام واتمنى ماتصادفك هالفئه لانك ماتتعب معاها .. والله يرزقك بوحده من تفكيرك ان شالله عشان تقدر تستمر بحياتكم كل يوم احلى من اللي بعده .. من غير لاتقعد تعلم فيها .. والرجل بطبيعته يحب المراه الرومانسيه والحساسه .. والذربه الثقيله والانيقه .. واتمنى تكون فهمت عليا .. لاني ابصراحه مااقدر اتعمق اكثر بس تجنباً... لبعض التعليقات الغير مرغوبه والمحببه من قبل بعض العضوات ... فأن شالله ي تكون الفكر وضحتلك بس اخوي ملاحظه .. واعتبرها همسه من اخت لاخوها .. لو انك صادفت مطلقه او ارمله وعارف سبب طلاقها .. وتأكدت منه .. وماعندها عيال .. شو المانع تفكر فيها شوي ؟؟؟ ترى موب كل مطلقه شينه وبشرط انه ناويه تبتدي حياتها موب علشان تغيض طليقها وغيره .. يعني من هالمنطلق فكر فيها في حال لقيت وحده واعيه وفاهمة ومطلقه .. تكون معاها على المكشوف اذا في نيتها ترتبط فيك لمجرد تقهر طليقها ابتعد عنها او انها تبا تعيش صح استخير الله .. واسمحلي اذا تجاوزت حدودي معاك صحيح انه المطلقه كلمه تخوف بس كل وحده وضروفها وهذا مايمنع انه نحن ناخذ بالاسباب... |
كلمة في لساني
يتغير رأي الفتاة في كل شيء بعد الزواج والإنجاب ومسؤولية الأطفال التي ليست هينة بالتأكيد ولي عودة |
نور فلسطين........لن تكون الحياة إيجيابية ومنتجة ومباركة إذا كانت مجاملة بين الزوجين باقي العمر عشان الأطفال..........العمر مرة واحدة فلماذا يعيش الأطفال في بيئة مرضية ؟!!! حتى لو الوالدين بعيدين عنهم بس بيئة نقية أشوف احسن
|
أعتقد أن أطفالنا يستحقوا أن نضحي من أجلهم أخي
نعم فهم أيضاً يعيشون مرة واحدة ومن حقهم أن يعيشوا في حضن أمهم وأبوهم كباقي الأطفال أما أنت فتستطيع أن ترجعها لأجل أطفالها وتتزوج عليها أما الأطفال حرام افعل المستحيل افعل المستحيل وأسأل من تربى تحت سطوة زوجة الأب وزوج الأم اسأل واستفسر وشوف النفسيات المتدمرة لا يحب الطفل أي أحد آخر في العالم مثل أمه الحقيقية |
| الساعة الآن 06:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©