|
رد : ساعدوني الله يخليكم خايفة من خطيبي
ياحياتي أهم مافي الأمر الراحة والقبول وإذا أنت استخرتي الله وحسيتي براحة وقبول وهو كذلك فوكلي أمرك (وماخاب من استشار)بعدين عزيزتي بعد الزواج والعشرة حتصيري أذكى منه وتفهمينه من تعابير وجهه ومن دون مايتكلم والمرأة بطبيعتها أذكى من الرجل في جانب العلاقة الزوجية..وبعدين أنت لاتلتفي لمداخل الشيطان يعني ماشاءالله شاب طيب وذكي وخلوق وعملي وله مستقبل وش تبي أكثر من كذا..أقول بس لاتجعلي للشيطان عليك سبيل وأنشغلي في كيف تأسري قلب زوجك وكيف تحافظي عليه وتطوري مني حتى يصير رئيس هيئة التحقيق والإدعاء..خلي عندك هدف بحياتك مع زوجك وانشغلو في تحقيقه وماعليك من خرابيط الشيطان..موفقة أختي ودعواتك ملكتي الخميس الجاي
|
رد : ساعدوني الله يخليكم خايفة من خطيبي
اول شي مبرووووك عليك المحقق وعقبال ماتجيبين له عساكر صغار
وبالنسبه انه يعرف الكذبه قبل ماتقولينها هذا مجرد خوف والانسان حوله هالات طاقه اذا جلس يفكر بحاجه في نفسه تتغير الهالات وتتبدل وتقوى وفيه اشخاص يقدرون يحسون في الطاقه هاذي ويطورون انفسهم على فهمها مع لغة الجسد ولغة الجسد ماتقدرين تسيطرين عليها واذا حاولتي ماتبين عليك تزيد ويعني اذا بتكذبين عليه لاتفكرين في الموضوع اللي مكذبه فيه انسيه ولاراح يدري حتى لو سألك وتبين تكذبين لاتتعمقين في التفكير بالاجابه يعني جاوبي بدون ضمير يعني لاتخافين لان الروح مكانها وسط القفص الصدري المكان اللي اذا خفنا نحس فيه يكمش ومن هناك تطلع الطاقه قلبتها درس علم نفس :) |
رد : ساعدوني الله يخليكم خايفة من خطيبي
اقتباس:
ما فهمت شي غير العسكر:d |
رد : ساعدوني الله يخليكم خايفة من خطيبي
اختي .. فستان منفوش
مدري اضحك على الأسم <<<< فستان منفوش او على الموضوع خطيبي محقق خخخخ تعوذي من ابليس وكل الوظائف فيها نسبة خطر والاعمار بيد الله وفيه ناس اذكياء حتى لو ما كانو محققين . موفقه يارب |
رد : ساعدوني الله يخليكم خايفة من خطيبي
حبيبتي يعني كمان الي زوجها طبيب تنفصل منه (لانه بيقعد يدقق في صحتها و شكواها ويطلع لها امراض و يتزوج عليها
ولو سوى عملية لمريض و توفى ممكن اهله يجو ينتقموا منه (وتراها حصلت كثير) وللي زوجها طبيب اسنان تخلعه الحين عشان مايضل 24 ساعة يقول لها فرشتي اسنانك وريني تعالي اشوف :) مو منطق حبيبتي .. صح وظيفة الانسان له تاثير عليه لكن مو التاثير الي يغيره 180 درجة اهم شي اخلاقه طيبة و دينه كويس وكم من رجال غيورين و شكااكين وهم معلميين و اطباء و مهندسين وطالما انه الي براسك كله اوهام و ماشفتي منه شي (مثلا تحقيق . و نازل اسئله عليك وغيرة شديدة و شك ) اذن الحمدلله ,,, اطردي وساوس الشيطان و ربي يوفقك اما موضوع الكذب على الزوج .. فهذا اصلا المفروض ماتفكري فيه و مايكون موجود بين الزوجين من اصله المفروض الطرفين يكون صفحة بيضاء لبعض و اذا في شي صعب يقوله للشريك فالصراحة راحة تبيني لزوجك انك ماتقدري تقولي له و خلاص و هو بيحترم رايك لكن الكذب حبله قصير الله يوفقك و يتمم لك على خييييييير |
رد : ساعدوني الله يخليكم خايفة من خطيبي
هو محقق مع المجرمين والمفترض إلي يخافوا منه الناس المذنبة إلي مرتكبة جرائم
لكن أنت ليه تخافي منه؟ إلي يخاف ياغالية هم الأشخاص إلي عندهم شيء ناوين يخبونه وأنت بإذن الله ماعندك شيء يخليك تخافي وتقلقي وتخبي عزيزتي المفترض تشعري بالفخر والسعادة لأنك بتكوني زوجة رجل مهم وناجح وليس رجل فاشل والمفترض من الآن تجهزي نفسك لهذا الدور القيادي وتشجعيه يستمر في طريق تألقه مو من الآن تشحني نفسك بأفكار سلبية وتتجهزي لدور الإنسانة الغير واثقة من نفسها والخوافة وإلي ناوية تبدأ حياتها بكلمة (خايفه يحقق معي) وإذا بيحقق خليه يحقق مدام أنت صح ومرضيه ربك وناوية تبدأين حياتك بوضوح وشفافية مع شريك حياتك فليش حاطه برأسك مبدأ راح يكتشفني وراح يقرأني وراح يعرف إلي بداخلي المفترض باطنك مثل خارجك فأتركي التخوف عنك ومن الآن عززي ثقتك بنفسك وحكاية يكون عليه تهديد هذه نادرة وقليلة فلاتتأثري بالأفلام وبالعكس ماعليهم أي خوف والناس يحسبون لهم ألف حساب |
رد : ساعدوني الله يخليكم خايفة من خطيبي
الرسول صلى الله عليه وسلم أمرنا بالتفاؤل
ونهانا عن التشاؤم انظري للحياة بفرح وتفاؤل |
رد : ساعدوني الله يخليكم خايفة من خطيبي
ماشاءلله عليها الاخت نورا كفت ووفت
انتي لا تشيلي هم عشان لا تتعبي ولو تعبتي انتي راح تتعبي محد بيتعب غيرك وغير تفكيرك ان شاءلله مايصير لكم اي شيئ سيئ والله يبعد عنكم كل شر ومكرووه يآآرب الله يتمم لك على خير |
رد : ساعدوني الله يخليكم خايفة من خطيبي
وعليكم السلام....اختي ان قليل ارد على مواضيع لكن شفت موضوعك ولأني ابخص هالشغله شوي قلت ارد ....عايلتنا فيها اربع محققين منهم القديم ومنهم الجديد ماشاء الله عليهم ما ضرتهم الوظيفه ولا شي بالعكس مستانسين فيها ولافيها مضايقات. ...لكن انصحك انك تقولين له اذا طلعت من عملك انسى كل شي في عملك الى ما ترجع بكرى....(يعني لا يفكر بالعمل ) اذا صار في البيت.......وبعدين وظيفة محقق كلن يتمناه ....الله يكتب لك الخير اين ما كنتي
|
رد : ساعدوني الله يخليكم خايفة من خطيبي
بس بلا هبل
وظيفته حلوه ومرموقه لااحد يلعب بعقلك |
| الساعة الآن 04:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©