منتدى عالم الأسرة والمجتمع - الشوفه الشرعيه والاسئله

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - الشوفه الشرعيه والاسئله (http://www.66n.com/forums/showthread.php?t=236230)

رد : الشوفه الشرعيه والاسئله

صح لا تقدم على خطوة إلا و أنت مرتاح لها.
هذا زواج مافيه مجاملات. سبحان الله من أول نظرة
الواحد يرتاح أو العكس. الله يعين أمك و أختك مو ذنبهم انهم شافوها بغير نظرتك
نصيحه إلي يتشرطون واجد آخرتها يرضى بالقليل انتبه تكون من هالنوعيه.
الله يرزقك بالزوجه الصالحه إلي تقر عينك بها.

رد : الشوفه الشرعيه والاسئله

ماتصيرين امي شهرين الين اتزوج بس وارجعك
امين وياك ويتمم على ولدك ويوفقه ويرزقه من حيث لايحتسب

ماعندي مانع واخطب لك اخت خطيبة ولدي ماشاء الله عليها:d
بس اتخذ قرارك مع خطيبتك والله يرشدك للصواب
ولاتنسى الاستخاره قبل ماتتخذ القرار حتى ماتندم
وترى الجمال مو كل شي ياما نساء ماعندهم جمال لكن معيشه زوجها احلى عيشه
بالتوفيق ان شاءالله

رد : الشوفه الشرعيه والاسئله

اقتباس:

المشاركة الأصلية كتبت بواسطة jomana3 (المشاركة 2803104)

أقول يا أخوي لاتفكر بغير نفسك ولاتجامل على حساب حياتك هذي زواجة وحياة عمر ووحدة بتجلس وجهك بوجهها العمر كله إذا الله راد

فإذا البنت ماعجبتك خلاص انتهى والشوفة ماوضعت إلا لهذا الغرض وإلا وش فايدتها..؟!!

وبعدين السؤال أولاً عن الشاب ثم تليه الشوفة مو معقول كل من طق بابكم يخطب أختك خليتوه يشوفها
بدون ماتعرفون عنه شيء أو سلوكياته أو تربيته فيه ناس ترى ما تنئمن وينخاف منهم فالسؤال لازم

إذا ثقة وولد عالم وناس ومتربي ويخاف الله يشوف البنت

وأهلك الله يهديهم ماهم مأخذين الموضوع جد
وصهم المرة الجاية ينتبهون وعطهم مواصفاتك إلي تبغاها وأكد عليها وإلي تكرهه في البنت وماتحبه
نبه عليه وخلهم يركزون في النظر

قلهم مثلاً أنا أبغاها عيونها كذا وجسمها كذا وماحب إلي كذا وإلي كذا وحاول تقرب لهم الفكرة
وريهم مثلاً ذوقك في الحريم

لأن فيه إلي يحب النحيفة وفيه إلي يحب المليانه وفيه إلي يهمه الشعر وفيه إلي تجذبه العيون
وفيه إلي يفضل البيضاء وفيه إلي يفضل القمحيه وفيه إلي يفضل السمراء وفيه إلي يبغاها طويله وفيه إلي يبغاها قصيرة أو متوسطة كل رجل وميوله وتطلعاته

وبالأخير أبحث عن وحدة تكافئك يعني التكافىء بينك وبينها معقول من جميع النواحي
وأهم شيء الدين قبل كل شيء ولو تلاحظ أنا شرحت لك عن الشكل لأني واثقة أن الشكل مهم لإعفاف الرجل بعد الدين ولما تكتحل عينه بما يرغبه يرتاح نفسياً مع شريكة حياته وحتى البنت لازم تهتم بكل النواحي في الرجل حتى شكله

وعلى فكرة بعض الناس يعتقد أن الشكل = الجمال الخارق
لا الشكل = أرتياح العين للشريك وياما شفنا ناس متزوجين نساء عاديات وشايفينهم ملكات جمال
وياما نساء متزوجين شيون وشايفينهم حلوين والدعوة ترجع للإرتياح لشكل هالشريك ومايكتبه الله للإنسان
بقلب شريكه من حب

وسبحان الله مسخر القلوب

والله يرزقك بوحده يحبها قلبك وتعجبك وتعجبها وتنسجمون مع بعض

الله يجزاك خير وماقصرت شرحك وافي وكافي وانا يمكن مثل ماتفضلت شكلها ماارتحت له واحس انها كانت حايسه عمرها بزياده ماادري وشلون صراحه بس الله ييسر لها واحد يعشقها ويعطيها روحه
والله يهدي ذا اللي عندي لانهم طلعوا لي بتقليعه جديده يقولون اكيد انك مازلت تحب زوجتك الاولى عشان كذا ماعجبتك :11:

رد : الشوفه الشرعيه والاسئله

اقتباس:

المشاركة الأصلية كتبت بواسطة بنت اطيب انسان (المشاركة 2803122)

ضاق صدري يوم قلت انها حاسة انها ماعجبتك خنقتن العبرة وانا مالي دخل
ياقلبي عليها الله يجبر كسرها ويعوضها ويعوضك با احسن من ماتتمنى

قوي قلبك وقل مافيه نصيب استخرت وماارتحت طبعاً قبل اي خطوة استخر وربي بيعينك وبيرضيك باي شي تسوية
و لاتتضايق من اللي صار ربي بيختبر صبرك
الحمدلله على كل حال
ولاتشيل هم البنت ربي بيرزقهاالله مايضيع احد

*

اول شي الله يرزقك ويجعلك زوجه صالحه ويرزقك بالذريه الصالحه ويجيك ولد وتسمينه هريدي

ووالله حتى انا ضاق صدري حيل عليها وضاق صدري زياده يوم قالت لي امي اليوم انهم اتصلوا ثانيه عليها يقولون نبغاه وصراحه مااودي اني اجامل احد خصوصا فهالموضوع
الحمدلله اني قوي ولامتحزبين علي :(
الله يكتب لها الخير مااتمنى لها الا كل خير

رد : الشوفه الشرعيه والاسئله

اقتباس:

المشاركة الأصلية كتبت بواسطة نيوتيلا (المشاركة 2803137)

الله يجبر بخاطرها وبخاطرك ويعوضكم خير
اتخذ قرارك بناء على قناعة وربي يرزقك ماتتمنى ويفرحنا فيك ياعتريس :)

امين الله يجزاك خير ويرزقك بس حلو عتريس شكلي بااسمي ولدي عتريس انشالله اذا جا ولقيت الكنز المفقود اللي هو امه
والثاني هريدي
والثالث قندل يعني جندل :22:

اقتباس:

المشاركة الأصلية كتبت بواسطة توفي وفيصل (المشاركة 2803188)

عندي احساس ان امك واختك

من النوع الخجول الي مايحط عينه بعين الي قدامه لو وش مايصير

ويخافون لو دققو بالنظر ..تجيهم النقده ..

اووف تقوله صادق انت
والله اني مميزات حبوب وامي من النوع البارد يعني اللي بتتزوجني ماراح تحصل مشاكل :d
بس امرالله اقوى

اقتباس:

المشاركة الأصلية كتبت بواسطة هل ترانا نلتقي (المشاركة 2803261)

أكيد السؤال قبل كل شيء و إذا مناسب لهم تتم الشوفه.
الوالد الله يحفظه إذا جاء أحد يخطب يجيب خبره طبعاً من حرصه علينا
ثم يشرح له كل شيء وافق على شروطه كان بها ماوافق الله يستر عليه
لوكان غريب مايعرف عنا يخليه يدخل ويكلم الوالده تستلمه بالأسئلة.
الأغلبيه صح مايعجبهم كذا؛ لكن هذا الصح عشان يعرف انه وراها أهل حريصين
مو همهم يزوجون بناتهم وبس.
عندي أخ من نوعيتك أحس ذوقه صعب ' فاقترحت عليه يخطب لنفسه ويشوف وبعده يقول لنا نبارك له يريحنا ويرتاح. .

ممكن اسال وش الشروط اللي يقولها ابوك يعني كذا فكره عامه ووش الاسئله اللي تسالها امك
وكيف بيخطب اخوك لعمره ماادري اذا انت من بلد محافظ ولالا
يعني يقدر يشوف البنت قبل مايصير اي شي ولا خذني جيتك مثلنا
الله يجزاك خير على اهتمامك واسف كثرت عليك الاسئله

رد : الشوفه الشرعيه والاسئله

اقتباس:

المشاركة الأصلية كتبت بواسطة هل ترانا نلتقي (المشاركة 2803265)

الله يجزاك خير وهذا اللي حصل ماجاملتهم وحتى اليوم متصله علي امي تحاول قلت لها اسف بس هاذا مشروع خاص فيني وانا اللي بعيش معها وبقابلها
وطلعوا يتكلمون وراي يقولون يحب زوجته الاولى عشان كذا ماعجبته
بس لاتوصي حريص قعدت لهم :29:

اقتباس:

المشاركة الأصلية كتبت بواسطة Nourh (المشاركة 2803269)

ماتصيرين امي شهرين الين اتزوج بس وارجعك
امين وياك ويتمم على ولدك ويوفقه ويرزقه من حيث لايحتسب

يااامي انت :d الله يوفقك قولي امين ويوفق ولدك وزوجته واختها وابشرك انشالله اموري في السليم وفيه مشروع جديد بس هالمره ماراح اتكلم الين يتم يعني لاتعلمون احد :22:

الثالثه ثابته ان تمت ولاببطل صراحه كنت مليان مشاعر واحاسيس ...... وشعنده الفرنسي
بس الحين صار هم الزواج ماعادهو وناسه
والله يخلي لي اميمتي حبيبتي والله لو يحطون نساء العالم في كفه وامي بكفه لاخترتها حلوة اللبن ماابدلها لو بنجوم السماء
الله يخليها لي ويحفضها حبيبتي :15:

رد : الشوفه الشرعيه والاسئله

أخوي الكريم ,,

ماراح أزيد عن اللي قالوه الأعضاء بس عندي إقتراح

هالمره ان شاء الله خلي الوالده واختك ياخذون احد معاهم شوف في العائله مين عندكم من النوع الا يدقق وجريئ شوي يقدر ياخذ ويعطي مع البنت ..
عماتك او خالاتك او بناتهم يعني يكون في طرف ثالث في الموضوع يحكم ويوضحلك الصوره ,,

وبالنسبه للمشاعر والأحاسيس ترى اللي تمر فيه طبيعي ..
لكن صدقني لو جات بنت الحلال جمال ودلال وأسلوب وأخلاق بيطير عقلك فيها ..
وبتفجر مشاعرك كلها وبتصير روميو زمانك لاتستعجل على رزقك ,,

ربنا يوفقك ويكتبلك مافيه الخير ..
بشرنا ايش يصير معاك

رد : الشوفه الشرعيه والاسئله

تبيني اروح مع الوالده المره الجايه ؟؟

انا اخطب لاخواني من يومي بالثانوي ..

اقز قز مووو طبيعي ..

ومااسكت هذره من ادخل لين اطلع ..

كني اسولف وانا اتقصى ..

واذا طلعت من هنا تخطبني ام البنت من هنا ...

رد : الشوفه الشرعيه والاسئله

اقتباس:

المشاركة الأصلية كتبت بواسطة توفي وفيصل (المشاركة 2803545)

بعد إذن صاحب الموضوع ،،،
تكفين يا اختي ساعدينا ،،، اخوي له سنتين يبينا نخطب له وحنا الله يخلف علينا عليميات أنا وخواتي ،،،
ممكن تحطين لنا خطوات تتبعينها دائماً في الخطبة ،،، خصوصا اذا كانوا من برى العائلة وودنا نعرف معدنهم وأخلاقهم اللقاء الاول ما يكفي ،،،
تكسبين أجرنا والله ،،، لأننا ندور في حلقة مفرغة
بالأخير اخوي مل وقال والله ما تدرون الا أنا داخل فيها عليكم ،،، مشكلتنا انه اول اخ ،، ( والله انها مهمة صعبة ما توقعتها كذا )

رد : الشوفه الشرعيه والاسئله

اقتباس:

المشاركة الأصلية كتبت بواسطة ملائكية (المشاركة 2803513)

امين واياك وشكلي مابتزوج لين افرق العائله كلها لان هالمره كانت من طرف خالتي وشكلهازعلت :25:
والمرهاللي راحت من طرف عمامي واكيد زعلوا طبعا ماهمني بكيفهم يصطفلوا
شكلي بافرق العائله واخر شي بتزوج من برا
الله يعين بس