رد : شاركوني همي مع أزمة الشغالات :-D
 

الصراحة ، أهلي استقدموا حبشية ..
بس برضو كسولة ..

و إذا بتاخدي حبشية ، لا تخليها تختلط بأي وحدة ..
لإنهم يشردوا بعض ..

و أنا ما أنصحك بهم ..

.
.

و كل اللي أعرفهم ، يمدحوا بالكينيات ..
ما عمري سمعت أحد يذم فيهم ..

.
.

لكن بشكل عام ، الشغالة اللي تجيك بفيزا و استقدام أرحم مليون مرة من اللي يشتغلوا هنا
اللي هنا تتشرط و تتأمر و تطول لسانها و تقل أدبها و مو عاجبها شي و تبغى تاكل و تشرب و تنام و بس

رد : شاركوني همي مع أزمة الشغالات :-D
 

و عندهم إجازات يطلعوها من عيونك :(

رد : شاركوني همي مع أزمة الشغالات :-D
 

إيوة ، أنا أقصد الأثيوبية ..

الفلبينيات أكيييييييييييييييييييييد مافيش مثلهم ..
بس أنا ما أقدر استقدم إلا بإسم زوجي .. و زوجي ما يقدر يستقدم و ليله طويييييل :(

.
.

أقصد الحبشيات اللي جالسين بدون إقامة ..

نفسي ألاقي طريقة تطيرهم من السعودية ..

رد : شاركوني همي مع أزمة الشغالات :-D
 

قلبي حنوووووووووووووووووووووووووووووووووووووووووووووووو وووووووووون ..

و الله عبرتي عن معاناتي بالمللللللللي ..

يعني مو بس أنا ، بالله تعالي ارجعي و احكي لنا ..
لإني خلاص مرة تعبت منهم ..

قلت يا يكون البلا مني أو منهم ؟

رواتبهم عالية و ما يعملوا شي ،، و زي ما قلتي ..
أختي بالمستشفى تقولك ، فيه عزا ، زوجي مادري إيش ... إلخ

رد : شاركوني همي مع أزمة الشغالات :-D
 

صادقة ، هذا اللي بالضبط صرت أعمله معاهم و تعلمته في الأخير ..
و طبقته مع آخر وحدة جبتها ..

و قالت لي بعد ما اشتغلت 5 أيام عندي ، أنا عندي ظروف ..
أجيك في اليوم من العصر للمغرب و بعدين أرجع تاني يوم لحد اخر الشهر ..

قلتلها لو تغيبي يوم ، أخصم لك .. لإنها هلكتني كل مرة تغيب و تورطني ..
قالت لو تخصمي ، ما اشتغل عندك ..

المهم ،، ما أعطيتها فلوسها حقة الخمس أيام ..
زمان كنت أعطيهم حقهم بالمللي ..

هذه هي أخلت بالشروط .. لو تبغى فلوسها تجي تكمل الشهر و تمشي ..

رد : شاركوني همي مع أزمة الشغالات :-D
 

سيدة الموقف ..

إذا عندك حل - يا أم الحلول ماشاء الله :22: - اسعفيني ..

أمي ميتة الله يرحمها ، و ماحد فيه يمسك أولادي وقت الدوام ، و أهل زوجي ما يمسكوا أحد ..
و الحضانة طبعا أي كلام و كل مرة الموظفات يتغيروا ، و ولدي الصغير مرة صعب ..
و لازم يتعود عالأشكال ، و مرة أخدته للحضانة و والله كل شوي يدقوا علي
( ولدك مو راضي يسكت و لا ياكل شي و بس يبكييييييييييييييييييييييييييي ) ..

رحت لهم ، قالولي ما عمرنا شفنا طفل مثله ، و أول ما شافني سكت و جلس يضحك ..
اضطريت أغيب عن العمل و أجلس معاهم .. مصلحة أولادي أهم ..
و حتى لو بدينا الدوام ، و اضطريت مرة .. راح أحاول أسأل عن أي إجازة أقدر أخدها ..

.
.

و موضوع الإستقدام مستحيل حاليا ، لازم بإسم زوجي و زوجي عليه مخالفات ساهر مبلغ ضخم
و لازم يسدده أول شي .. و ياليل ما أطولك ..

و ما راح أسدد له ساهر ، لإنه يسوق بشكل جنوني ..
و أنا مبسوطة إنهم طلعوا لنا ساهر ، عشان بجد أخاف عليه وقت يسوق و أخاف أركب معاه ..

.
.

المهم ..

تصدقي ، إني جبت تقريبا 5 شغالات ،، و كل مرة أدعي بالدعاء هذا
( اللهم أكفني شرها ) ما تكمل أسبوع إلا و أكتشف شي و أمشيها ؟؟؟

حتى اخر وحدة جبتها ، أولادي ارتاحوا لها .. و أنا نسيت أدعي بالدعاء هذا ..
فقبل 3 أيام أقول لزوجي ، دايما كل شغالة أجيبها أقول الدعاء هذا ..
بس سبحان الله ما يكملوا معاي ، أنا أمشيهم و أعطيهم فلوسهم ..

بعدين افتكرت إنه هذه اللي عندي ، ما قلت الدعاء إنه ربي يكفيني شرها ..
المهم ، أصلي العشاء ،، و أدعي يارب اكفيني شرها و أعطيني خيرها ..

و الله ما يعدي يومين ، إلا و نختلف و أمشيها ..

.
.

اليوم كنت جالسة أفكر مع نفسي بالدعاء هذا ( اللهم أكفني شر الشغالة - فلانة - ... إلخ )
بأقول في داخلي ، كل ما دعيت به ،، الشغالة أشوف منها شي و أمشيها ..

إيش ممكن الشر اللي ربي صرفه عني ؟
سبحان الله بجد ..

رد : شاركوني همي مع أزمة الشغالات :-D
 

رد : شاركوني همي مع أزمة الشغالات :-D
 

آنــــme ــآ مدري ليه مقفلين الاستقدام من اندونيسيا
شغالتي تكلم أهلها تقول مافيه شغل وكانت تبغى تسافر وتروح الامارات عشان جارتها راحت تقول أحسن
لكن بعد 3 شهور رجوعها ماتبغاها المدام
وشغالتي كانت بتسافر ورفعت راتبها ل 1000 ريال وطلبت جوال وجبت لها
و دائما تقول اخوها يقول اجلسي في السعودية مافيه شغل
رغم انها مصره انها تسافر تقول نفسي اشوف أطفالي

و بصراحه آنــــme ــآ ماحب الشغالة الا عن طريق الاستقدام بالرغم انها تقيد حريتك
بس تعلميها على نظامك لكن اللي كل يوم في بيت تخوف بصراحة

رد : شاركوني همي مع أزمة الشغالات :-D
 

رد : شاركوني همي مع أزمة الشغالات :-D