رد : فرفشات ..!!
 

كل شي حقنا
زوجتي : اليوم أحترقت حديقتنا ؟؟
أنا : منيلكم حديقة انتم ؟؟
زوجتي : الحديقة اللي في منطقتنا
أنا : ليش تقولين حديقتنا خوفتيني قولي حديقة المنطقة.

زوجتي : يقولي ابوي ان مسجدنا غيروا أثاثة ماشفتة !!
أنا : ماشاءالله عندكم مسجد ؟؟ من متى محد قالي واكيد ماشفت الاثاث لاني مادري ان عندكم مسجد
زوجتي : لا أقصد مسجد منطقتنا
أنا : أبعرف انا .. منو مسجل الكرة الأرضية بأسم أهلج ؟؟؟



هههههههههه عجبتني


يسعدك ربي

رد : فرفشات ..!!
 

مفكرة
الله لايجيبلك العبس وانشوفك على طول مستانسة ومرتاحة وبأحسن صحة
الله يجزاج خير على هالدعوة الطيبة ودوم الضحك يارب.

راعية الوفاء
شكراً جزيلاً على لطفك ، ممتن لوجودك.

قلبي حنون
الشيف يقطعون له ناس مهرة وعلى مستوى عالي من الكفائة
وبعدين شنو فايدة الاكل من ايد الزوجة اذا ماكان فيه من روحها وريحتها ونفسها من بداية الطبخة لأخرها؟؟
بس ماتجوزون عن حركاتكم هاذي يالحريم عليكم كلام يخدر ومناورات عجيبة!!
سعيد جداً بتواجدك ، وعسى هالمتعة دوم.

فجر الأعياد
لو تبحثين من محرك "بحث" عن مواضيعي بتلقين كثير من نفس روح هالمواضيع.
عسى هالضحك دوم يارب العالمين.

صاخب جداً
الأجمل هو وجودك يالطيب ، وكلة من الواقع والله ، ممتن لوجودك.

فتاة ناجحة
ههههههههههههههههه جبتي أغلب الرجال والله ههههههههههههههههه
اما سالفة الكرة الارضية والله عانيت منها لما عرفت اتعامل معاها "الخبلة"
عسى هالضحك دوم يارب مع وافر كبير من الصحة وراحة البال.

ناني
انتي بعد كل شي مسجل بأسمكم هههههههههههههههه
والله العظيم انا ماتعودت على هالكلام وزوجتي من كثر ماصار كل شي حقهم بعض المرات اتخوفني لان اغلب الاخبار اللي تجيبها تخوف ، الله يسعدج يارب العالمين.

خواطر
مشاغبة المنتدى ، جوزي عني انا بالذات عن موضوع الكذب ههههههههههه
متعقد من الكذب اللي يجي من الحريم لما حسيت ان الكذب (ميد إن حريم) صناعة نسائية.
بس صحيح والله فيه ارجال تكذب بس مو كثركم ( والله اللي تحاول تثير مشكلة من هالنقطة اخلي ابو عبدالله ياكلها)

بيتا 2
هههههههههههههههه الله يسعدك يارب
اغلب الحريم اثناء تعليم القيادة يودون المدرب بداهية ههههههههههه
اتصدقين لما اروح اشتري سيارة مستعملة ويقولون لي استعمال حرمة .. انحاش
لاني ادري انكم تحبون المطبات والارصفة هههههههههههه
ممتن لوجودك.

رد : فرفشات ..!!
 

ماشاء الله تنفع تكتب استاند اب كوميدي :)
اسعدتنا الله يسعدك..

رد : فرفشات ..!!
 

ماشاءالله شكلك ماتخلي أحد لازم تمسك عليه شيء مثل أخوي
ما أحب أتكلم معه لازم يحجر لي " فيه كلمه ماكنت ملاحظه اني أبدا كلامي بها
إذا جيت بقول سالفه أقول تخيل صار كذا وكذا فجاءة ألقاه يسكتني لحظه وقفي
أقول وش فيه يقول بتخيل ، ولا فاتح فمه و يفنجل عيونه يخرغني يقول جالس استوعب
ماحد يغلط عنده ولا يكذب عليه زوجته من النوع تبهر شوي بالسوالف ياويلها قاعد لها على الحبه.

رد : فرفشات ..!!
 

بنت الحكمي
ههههههههههههه اولدج يصلحلي شكلة خبل مثلي ههههههههههههه
الله يحفظة لج يارب العالمين ويصلحة هو واخوانة وخواتة. ممتن لوجودك.

التائبة لله
دوم الضحك يارب ، ومشكورة على الدعوة الطيبة.

آآآآآه
الله يسعدك يارب ويريح بالك ويذهب غمك وهمك.

ابو خليفة
هلا بالغالي ، كل شي حقنا عقدني هذا ههههههههههههه
الله يسعدك يارب.

ام محمد
الله يجزاكِ خير على الدعوة الطيبة ، الله يخليلك محمد يارب.

رجل اهبل
ههههههههههههههه تخيلت الموقف قعدت اضحك (عاد انا بالخيال عجيب)
بس انا ماني عارف ليه لحد الحين مجتمعنا اي مرض عندهم علاجة يا (مرة او فكس او بنادول) !!

مفكرة
ههههههههههههه عدت على خير ، بس صدق حنا فاشلين بالمطبخ !! الله يخليكم لنا ههههههه

مارد الجنوب
الاجمل هو وجودك يالعاقل ياللي ماتضحك ..!! ورنا كشرتك ههههههه

عصفورة
دوم الضحك يارب ، ودوم الوناسة
ممتن لوجودك.

عبيق الزهور
يارب الوناسة على طول والضحك والصحة وراحة البال

رد : فرفشات ..!!
 

miss%nutrition
جزاج الله خير ودوم الضحك يارب.

أعماق
ممتن جداً لشعورك الطيب ، وأستاند أب كوميدي أنفع بس ابيتنا وبالمنتدى بس
لان برى أصير عاقل هههههههههههه

هل ترانا نلتقي
هههههههههه اتصدقين شخصية اخوج فيها من شخصيتي
الله يسعدج دنيا واخرة على هالمداخلة الطيبة.

رد : فرفشات ..!!
 

ماشالله عليك
منجد منجد خفيف دمممممممممممممم
لا .. كله كووم و الردود كوم ثاااااني :d
الله يسعدك .. ضحكتني
بس بقولك شغلة .. يعني حتى انتم يالرجاجيل عندكم حقنا و حقنا
لا تعترضون .. بس حنا أكثر منكم ششوي
متفائل ... خلك كذا دايم :28:

رد : فرفشات ..!!
 

:d...لا لا
مو معقول .. التي تحكين عنه ذا موجود عندنا بالبيت وقسم

وزوجته ضعيفة ماهي حقت تبهير و برضو مستقعد

الله يحفظهم بس

رد : فرفشات ..!!
 

الفردوس غايتي
هلا بخالتي .. دوم الضحك يارب والسعادة
وعسى ربي يفرح قلبج ، مشكورة ع الإطراء.

رد : فرفشات ..!!
 

الله يسعدك فعلا المنتدى بحاجه لروح الضحك والابتسامه محتاجينها والله
بس كذب الرجال هو ملحهم مع انهم ساعات تصير كبيره ماتحتمل بس نسلك لهم
والثاني اللي بياكل من المطاعم بياكل من الشغاله بس يضل طبخ الزوجه لها نكهه واحساس حلو تعيشه الزوجه مع اسرتها
الله يسعدك ويدخل السرور عليك وجميع اعضاء المنتدى*