رد : عند اهلي شهرين هل هذا طبيعي؟؟
 

كل ماتذكر حياتي وأنا بنت اقول عزاه فرق السماعن الارض
سبحان الله كيف ربك يغير الحياه من حال الى حال احس اني عايشه في سجن كل شي ممنوع كل شي لا كل شي خساره
رتابه ملل كابه ظلم هضم قهر
حسبي الله ونعم الوكيل
شبابي بيروح مع واحد مايستاهل
الله يعين ويفرج الهم

رد : عند اهلي شهرين هل هذا طبيعي؟؟
 

صدق الرسول يوم وصفنا بالأسيرات
مالنا لاحول ولاقوه
اذا نبي شي بكيناوترجينا وماعندنا الا هالدموع

رد : عند اهلي شهرين هل هذا طبيعي؟؟
 

قولي الحمد الله على كل حال

الدنيا ماكملت لأحد

بيدك تخلين حياتك جنة وبيدك تخلينها جهنم

أنتي لا تربطين حياتك فيه / اطلعي وروحي كل شيء نفسك به سويه

بكرة سوي فطور واعزميه / أرسلي له رسالة دعاء أو ذكر / لا تفرطين في زوجك

ورجعي لربك / أكيد مقصرة في عبادتك / ادعي أن الله يجعل همك الاخرة / تجيك الدنيا رغمة

أنتي تقدرين تخلين زوجك بعينك ملك / كل إنسان فيه عيوب

سوي مثل ما يقول أبونا البليغ / أكتبي إيجابيات وسلبيات زوجك / وركزي على إيجابيات وعززيها فيه وسلبياته حاول تغيرنها

رد : عند اهلي شهرين هل هذا طبيعي؟؟
 

سلبياته
يحب نفسه
كسلان كسل مميت
يحب التمشيه اذا كان عند اهله يعني اذا كان عندي مانخرج من البيت الا في السنه حسنه
مايحب التسوق ابدا
جاني اكتئاب
بخيل جدا
لازم كلمته تمشي صح غلط ظالم مظلوم
يضرب ماعنده مشكله
يحب يعاقب دايم لو اخطيت
كل مشاويرنا الضروريه يحب يرميها على اهلي واخواني
ولده مستحيل ياخذه اذا كان فيه شي ضروري ولازم هوشات الين مايمسكه
ماعنده ذرة حنان
كالح
ايجابياته
اجتماعي
يحب يسولف طول الوقت
يحترم اهلي

رد : عند اهلي شهرين هل هذا طبيعي؟؟
 

والله انك صادقه
ماأربط حياتي فيه
هذا هو مربط الفرس أعلق قلبي برب العالمين هو من يسمعني وهو من اناجيه وأشكيله وأبكيله كل ليله

رد : عند اهلي شهرين هل هذا طبيعي؟؟
 

وهو الله حسيبه

رد : عند اهلي شهرين هل هذا طبيعي؟؟
 

تبغين ابصم لك بالعشرة أن ثلاث أرباع سلبيات زوجك يشترك فيه أغلبية الرجال

منو رجال يحب يتسوق / البقالة وتخب عليه

أم ناحية الضرب / الله يعينك أنتي السبب كيف تسكتين على ضربه / عندك ألف طريقة وطريقة تقدرين تخلينه يحرم يرفع يده


هو بس معك بخيل ولا مع الكل / يبخل على نفسه

وش كالح / مافهمت

رد : عند اهلي شهرين هل هذا طبيعي؟؟
 

بخيل مع الجميع
كالح يعني مايستحي من تصرفاته

رد : عند اهلي شهرين هل هذا طبيعي؟؟
 

^^^^^

أما البخل داء ليس له دواء /إلا أن يرفع الله مابه

بعض الأحيان يكون وراثة أو تطبع /

أو يمكن تعود انه مايعطي / الناس أجناس /

مستحيل يكون زي أبوك ولا أنتي تكون زي أمه
وش أكثر شيء يضايقك تبغين تغيرينه فيه /

لا تستسلمين

والله أن خبرتي بالحياة ضيئلة جدا / بس حابة أنك تفضفضين يمكن ترتاحين

رد : عند اهلي شهرين هل هذا طبيعي؟؟
 

ربي يسعدك
هذا هو وصفته لك اغير ايش ولا ايش؟؟
انا افكر اني اترك غرفة النوم وانام لوحدي ماني طايقته والله ليش اجامل على حساب نفسي
اصلا وش جاني من الاهتمام فيه وفي طلباته اللي ماتنتهي ولاشي يعني اهتميت او اهملت مافي شي احصل عليه زياده مافيه مكافئه هو نفسه نفسه يمكن هو شايف نفسه متكرم ونتفضل بأشياء هي اصلا من ابسط حقوقي هو يشوف نفسه انه كرم منه ومن طيبته الزايده احصل عليها
احيان اقول يارب اتطلق وارتاح لكن يوم فكرت احنا اصلا متطلقين بس بشكل غير مباشر
اليوم جلست اصيح براسي كله في البيت البيت فاضي وبكيت الين قلت بس وجلست ارمي بالاشياء واحذف احس اني أغلي من جوه رحت تحممت وهديت شوي ورجعت لنفس وضعي
يارب بس تغنيني عنه ويرحمني ويرحم ضعفي
اختي مههها الله يجزاك خير فيك الخير والبركه لكن ليش ماتبغيني استسلم
على فكره انا مستسلمه ويائسه منه من زمان بس احيان بنفجر اقوم افتح موضوع الله بس يريحني ويقنعني ويرضيني ويجزيك كل خير يارب