|
رد : العـــفــــــو ؟!
اقتباس:
أختي انتي شكلك مثلي قلبك طيب ويسامح لكن ماتقدرين تنسين .. وهذا اللي صاير معي لما اشوف الشخص او اتذكره احس بشعور داخلي مقدر أوصفه !! هذا ما يسمونه حقد لكن من حقك لانك مريتي بالتجربه هذي مرات كثيره لكن اختي لما شفت الحلقه هذي ومن بعد كلام الاعضاء وحتى لما شفت بتويتر ردود الناس على هذي الحلقه حسيت اني ابي اسامح وانسى .. مو عشانهم .. لا عشان نفسي ولاني راح يجيني يوم اوقف فيه قدام ربي .. واحتااااااج أنه يعفو عني ومن فينا ما غلط ولا سوا شيء مثل ما قالت الغاليه فردوس .. نعطي الله عشان الله يعطينا يوم القيامه انا ما اقول لك اني راح اقدر اكييد .. لكني بحااااول وأهم خطوه اني انسسسى الشي ابدا وما اذكره وبظل ادعي ربي يقدرني انسى واتجاوز واسامح وانتي اختي حاااولي .. وانا عارفه قلبك الطيب وشوفي ردود الاعضاء والله بتريحك الله يسعدك ويريحك اختي ويتقبل منك صالح اعمالك يارب |
رد : العـــفــــــو ؟!
السلام عليكم ورحمة الله وبركاته
حبيت أقول لكل من يمر أو مر بموضوعي أني جلست مع نفسي وفكرت .. وقررت ان الدنيا ما تسوى شي أهم شيء الاخره واحنا بشهر رمضان ماعندي فرصه ثانيه اعوض فيها ومافي شيء يستاهل أضايق نفسي او افكر فيه انا قررت اتخلص من الماضي بكل تبعاته وأملي كله بالله يصرف عني كل شر ويغفر لي اللي راح عشان ربي يغفر لي ويسامحني .. لازم انا اسوي بعد شيء في الدنيا وأعطي ربي عشان يعطيني (هذي كلمة حبيبتي الفردوس غايتي ترن بأذني من يوم قريتها) قررت أسامحها لوجه الله وأنسى اللي صار وأدعي لها بالهدايه والحمدلله ارتحت .. الحين ما احس بأي شعور ناحيتها ما عدت أتمنى اني انتقم منها .. لها رب فوقها والحمدلله على كل حال انا بدأت صفحه جديده مع نفسي ومعها .. والله يهديها ما اقول اني برجع اكلمها او اتواصل معها او أرجع علاقتي معها مثل قبل لاني ما بسوي هذا الشيء مجرد التهنئة في المناسبات او اذا لقيتها بمكان اكلمها عادي المهم ما يبقى بقلبي ذاك الشعور .. والله مدري اذا برجع احس اتجاهها بذاك الشعور مرة ثانية بس اتمنى اني ما افكر بالماضي ابدا الله يتقبل مني يارب ويعفو عني ويسامحني وانصح الجميييع ان ياخذون نفس هذي الخطوه .. والله بترتاحووون شكرا لكل من أبدى رأي او نصح نصيحه .. الكل بدون استثناء وأخص الاخت الفردوس غايتي والله كلامها وموقفها اثر فيني حيل الله يسعدها ويوفقها |
رد : العـــفــــــو ؟!((مستجدات في الرد 22))
نسال الله لك الثبات والزيادة في الحسنات والبعد عن السيئات وجنة الخلد بعد الممات
|
رد : العـــفــــــو ؟!((مستجدات في الرد 22))
اقتباس:
وياك اخوي مارد .. شكرا لك |
رد : العـــفــــــو ؟!((مستجدات في الرد 22))
ماقدرت اسامحه وربي ماقدرت : (
|
| الساعة الآن 04:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©