|
رد : زوجي المتشدد
فاسقة ؟ الحين هالكلمة مو تعتبر قذف ولاكيف ؟
مو عيب عليه ينادي زوجته بهاللفظ مايستحي على وجهه الحين هذا متدين !! وييينه وين التدين هذي الأشكال اللي تكره الناس بالدين لازم أحد حكيم من أهلك يتفاهم معاه خصوصا هذي الألفاظ السوقية لإنه ماينفع جد أنا وقريت هاللفظ واقشعر بدني منها شلون أجل وانتي سامعتها أحد يناديك فيها لازم ينحط له حد وخطوط حمرا مايتجاوزها كل شي بالرواق والأسلوب الطيب يمشي أما أسلوبه منفر جدااا يعني يمكن عنادا فيه ممكن تسوي الغلط أبسألك إيش نوع الصحبة اللي يماشيها ؟ هو كان كذا من أول الزواج ولا من جديد ؟ هو كذا مع أهلك ولابس معاك ؟ |
رد : زوجي المتشدد
سنا
شيلي الطلاق من راسك وفكري بحل عقلاني ومفيد لك كزوجة وأم أنا مثلا أشوف هناك أمور حلوة مثل حرصه على حجابك وبعض الاأمور مشدد فيها اللي تشوفينه صح افعليه لله سبحانه وتعالى واعتبريها فرصة ومعين جاك من الله يحثك على الخير هو كل ما حس انك لنتي راح يخف ان شاء الله |
رد : زوجي المتشدد
اهلين سنا ..
ذكرتيني بواحد من اخواني , مثل كذا متشدد مرة بس يختلف شوي عن زوجك حارم اولاده من التلفزيون بس ممتعهم بألعاب ثانية يعني كل وقته كلهم بس بدون محرمات ماشالله بس زوجته مو عاجبها أول ما تروح بيت اهلها تفتح التلفزيون وتتفرج هناك البنت حست بتناقض .. تبين رايي .. احمدي ربك زوجك صح متشدد بس والله انها مرحله معينة و حيهدي صدقيني بيصير ليين بس انتبهي تشدين معه , ادعي الله يهديه لك ويسخره لعياله اطفالك يا عمري مو حاسين بنقص , هم ما يدرون الدنيا وشفيها لانهم باقي صغار انتي كبيرة وعارفة وعلى بالك مقهورين و محرومين .. لا تشيلين هم من الناحية ذي ابوهم حنون صدقيني ويحبهم .. مشكلتك تظل صغيره وتنحل بجنب غيرك ., و شيلي الطلاق من راسك بالمرة لان اللي قريب من ربنا أمره سهل جدا الله يهديه لك و يسخره لكم يارب |
رد : زوجي المتشدد
الأخت الغالية سنا يا اختي صلي على النبي عليه افضل الصلاة والسلام وهدي اعصابك شوية وفكري بعقلك يا اختي الغالية الطلاق ليس بحل لمشكلتك نهائيا ولا تخلين الشيطان يوزك وتخربين بيتك وتشتتين بنياتك انا بقول لك كلام والله عن تجربة زوجك على بداية التزام وشئ طبيعي بتلاقينه متشدد لهاذي الدرجة فسايريه واصبري عليه وتحمليه واكسبي ثقته ومع الوقت راح يخف بعون الله خليك الحين مثل ما هو يبغى هو بياخذ معاك وقت طويل على بيل ما يخف عن تصرفاته شوفي اي شخص يلتزم بالبداية تلاحظين عليه كثير من تصرفات زوجك لي صديقة مقربة زوجها كان في بداية إلتزامه وتزوج ببنت وقام يتصرف معاها من البداية تصرفات مثل تصرفات زوجك البنت طفشت وكرهت عيشتها وقالت له طلقني ما اريدك ولا اريد اعيش معاك حياتك كلها خنقة وتشدد وكل شئ ممنوع وحرام وكأني عايشة بسجن المهم طلقها وعندها منه بنت شالها من امها وعمرها 4 سنوات وتزوج بزوجة مرة ثانية وتركت دراستها كانت بالثانوية تركتها علشان تجلس تربي وتهتم ببنته الصغيرة المهم قام يمارس معاها نفس الدور اللي مارسه على الأولى وكانت تتضايق واخت زوجها ماتقصر كانت طيبة وتصبرها وتقول لها امسكي بيتك وان شاء الله يتعدل مع الوقت ومسكينة صبرت عليه واهتمت بتربية البنت وانجبت اولاد وبنات وكان التلفزيون حرام عليهم والدباديب والعرايس هاذي ممنوع يشوفها في البيت والله ليسلخهم سلخ لو شافها طبعا الببسي والكولا حرام تدخل للبيت لأنها صناعة امريكية الصور في ملابس اولاده كان اما انه يطمسها او اذا كانت مطروزة بخيط يشيلها بالخيط زوجته ممنوع تروح السوق هي واطفالها هو يجيب لهم الأغراض اللي يحتاجونها من ملابس وخلافه طلعة السوق والتنزه ممنوعة بس جلسة في البيت او في حوش طبعا استمروا فترة على هالمنوال وزوجته صابرة وتسايره وكل مايقول لها شئ تقول حاضر وتم وسبحان الله ربنا غيره مع الوقت جاب لهم بالبداية فديو وتلفزيون وكان يجيب لهم اشرطة فديو عن محاضرات وعن الغزوات مثل محمد الفاتح وكمان اشرطة رسوم متحركة للأطفال باللغة العربية ولما جاءت قنوات المجد اشترك لهم فيها وللحين موجودة معاهم يشتركون فيها سنويا وكمان جاب لهم جهاز حاسب آلي وصار يطلعهم ويمشيهم يوديهم الملاهي والمنتزهات والأسواق وفي الأوانه الأخيرة جاب لأولاده جهاز بلاي ستيشن وسمح لهم بالجوالات وصار ماعاد يعترض عليهم وعلى لبسهم وحتى زوجته وبناته يلبسون لبس حلو وصار يوديهم لسوق يشترون لهم اللي يلزمهم وسبحان الله تغير بشكل كبير صح تغيره ماجاء إلا متأخر عقب ما اولاده وصلوا لثانوية لاكن الحمدالله صبروا وظفروا وزوجته جاهدت وصبرت والحين الحمدالله والله انهم من اسعد الأسر ماشاء الله تبارك الله الأم والأب واولادهم ثلاثة كلهم حافظين لكتاب الله الكريم والأبناء الصغار مواصلين حفظ والبنت اللي ربتها بنت زوجها كبرت ودرست وتخرجت من الجامعة وتزوجت والحين عندها بنت وماشاء الله تبارك الله الحين حياتهم حلوة ومستقرة
وانتي يلزمك الصبر واهم شئ الحين هي الفاظه معاك لازم انك تناقشينه في الموضوع وتحطون بينكم احد من اخوانك حكم بينكم بإن زوجك يحترم نفسه وما يتلفظ عليك بأي لفظ سيئ وربنا يهديه ويصلحةويحنن قلبه عليك وعلى بناتك يارب وربنا يسخره لكم يارب . |
رد : زوجي المتشدد
اسمعي يااختي صح زوجك متشدد بس صدقيني فترة وتعدي ويعتدل
ارجعي وأصبري وجاريه ولك الأجر وترى افضل علشان بناتك ينحرمون من القنوات بس ما ينحرمون امهم واشغلي بناتك عن التفكير بالقنوات ترى من الفضاوة يدورونها جيبي لهم العاب بناتية ذكائية اي شيء بذكائك ما يدورون التلفزيون بعدين اذاشافك معاه على الخط بيسمح لك بالنت لانه وقتها بيثق فيك وتذكري ان الله مع الصابرين |
رد : زوجي المتشدد
أختي الكريمة
ليس العبرة أن نقول على أي إنسان هذا متشدد أو وسطي أو متساهل ..!! بل العبرة بالفعل وحكمه الشرعي بمعنى أننا ننظر ... هل فعلنا صحيح وموافق للشرع أم لا ولكن أكثر ما يزعج الناس هو الأسلوب وطريقة الإنكار فأنتِ أختي الكريمة عليكِ أن تُحكّمي شرع الله أولاً وتنظري هل مايأمرك به زوجك صحيح ومطلوب منك شرعاً أم لا فإن كان مايطلبه منك صحيح فالتحمدي الله سبحانه وتعالى أن هناك من ينصحك ويحثك ويوجهك لتطبيق أوامر الله سبحانه وتعالى وإن كان ما يطلبه منك غير موافق للشرع أو على رأي يخالف أقوال العلماء .. فلكِ أن تتناقشي معه حول رأيه وأنه غير مُلزم لكِ وفي كلتا الحالتين .. يبدو أن طريقة زوجك هي التي تنفرك ولتعلمي أختي الكريمة أن زوجك إن شاء الله على خير ولكن يبدو أنه لا يحسن طريقة الدعوة إلى الله بالحسني وتنزيل كل حكم فقهي على واقع المسألة كلاً بذاتها . أعانك الله |
رد : زوجي المتشدد
زوجي غيور
ولكن كم اتمنى ان يكون مثل زوجك صدقيني انتِ في نعمة كبييييييييييييييييره يفتقدها الكثير لن ازيد على من قبلي فقط استعيذي بالله من الشيطان واقرئي ردود الاعضاء بتأني وفقكِ الله |
رد : زوجي المتشدد
اللي قبلي ما قصروا
علئ فكره من يتشدد بفتره قصيره وفجاه ويمنع كل شي وينكر بعنف ويشتم ويتغير 180 درجه بنفس القوه يتغير ويترك ما تمسك به ستجدينه فجاه ترك كل ما يفعله لانه دخل بقوه وسيخرج بنفس القوه اذا هذه البدايه النهايه معروفه هكذا كان اخي ولكن بعد فتره وجدناه انسان اخر |
رد : زوجي المتشدد
اذا منعك من شي ..قولي له ..هات البديل ..
منعك من قنوات الاطفال ..خليه يفتح اشترك بالمجد ..والقناوت الاسلاميه .. منعك من البناطيل ..البسيها بغرفتك .. منعك تكلمين رجال ..الشكوى لله ..قولي له بغير صوتي واتكلم زي العجايز وسوي له بروفه .. الشنطه البسيها من جوا العباة ..زي اختي الكبيره كذا ملتزمه ..ولاتبي شنطتها تبان .. بس كلمة ...... لاتسمحين له يقول لك ..كذا ..قولي انا بتقبل منك بما يرضي الله .. لكن بدون شتيمه .. ولو قذفتني مره ثانيه ..بيكووووون لي تصرف ووقفه قويه ..ومع الوالد ..واخواني .. |
رد : زوجي المتشدد
يافاسقة ؟
يقولك يافاسقة؟ تدرين وش معنى فاسقة؟ على فكرة هذا قذف , لو عندك شهود عليه وبايعته ارفعي عليه قضية قذف خليه يجي يحب رجلينك يترجاك تشطبينها قال فاسقة قال استغرب بعض الحريم شلون كرامتهم وتربيتهم تسمحلهم بالتغاضي على مثل هالكلمات |
| الساعة الآن 07:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©