|
رد : دعواتكم الصادقة لأختكم في الله
كلنا في فلك الكلمه ندور والانسان بطبعه عاطفي ممكن كلمه تودي وكلمه تجيبه..
لكن كل ما تفهمتي المشكله اكثر ونظرتي لها على انها سحابة صيف ستهون.. لو قارنتي نفسك بأسواء الناس حال ح تقولي الحمد لله على ماخفف عني.. واوافقك في كلامك لما تقولي طعنة القريب مره..صحيح مره لكن نصيحه لحمك ودمك مالك مجال غير تستحمليه بالمعروف ..وتدعيله .. وفي نفس الوقت ماتسمحي بالاهانه .. والظالم غالبا ما يكون سوداوي يشوف كل اموره بعيون الماضي واخطائه ويسقط فشله على اللي حولينه...ومايعطي نفسه فرصه يشوف تصرفاته.. مااقول الا حسبك الله ونعم الوكيل..وكوني قوية بالله ودوام الحال من المحال...واي سهم جارح يصيبك اسحبي السهم بسرعه وارميه بمعنى انك ما تعمقي احساس الاهانه او الظلم في نفسك عشان تقدري تفكري باريحيه... تحياتي العاطره لك[/COLOR] |
رد : دعواتكم الصادقة لأختكم في الله
الله يكشف ضرك و ينصرك ..
اختي الحبيبه كلنا معك .. وباذن واحد احد بيكون الي تمرين فيه خيره وتيسير لك باذن الله .. لولا ظلمة الليل ماانتظرنا نور الصباح .. وتاكدي حبيبتي هذي المصايب تخلينا اقوى وتكسبنا من الخبرات و التجارب مالله به عليم .. |
رد : دعواتكم الصادقة لأختكم في الله
الله يهدي قريبك و يبين الحق و يكون معاك و ترجع المياه لمجريها انشاء الله لحظة شيطان و يروح لحاله و كل واحد يعرف الي ليه و الي عاليه
|
رد : دعواتكم الصادقة لأختكم في الله
الله يفرج همك
ويظهر الحق عاجلا غير اجل |
رد : دعواتكم الصادقة لأختكم في الله
أم سلطاان يلبى قلبك والله ,جعل ربي يفك ضيقتك ويهدي اللي ظلمك ويرده للحق ,لي5 شهور مادخلت ولما قريت موضوعك ضااق صدري من جد وحااسة فيك , بس صدقيني بتقرج بإذن الله ربي كريم أحسني الظن بالله . ايوه الظلم صعب ومر ومؤلم خااصة لمن تكون من شخص غاالي وقريب جدا ومن شخص ماتوقعتيه منه . والله شووفي عاارفة مشكلتي بدخل السنة التااسعة وأنا في هالدوامة والله من الظلم اللي تعرضت له وكل شووي وأبو الشبااب الله يهديه ظالمني بشي آخرها الاسبوع المااضي , بس مايطاوعني قلبي أدعي عليه ولا أشيل في قلبي مع أني ماانسى التجريح اللي يصير لي , وعاذرته يمكن خاارج عن إرادته لأن اللي يصير له فوق طااقته غير إتهاامي بالتقصير مع أني أشوف نفسي مثاالية عنده ومستحيل أقدم أحد عليه . تعرفين أنا أنظلمت من شخص ماعرفه بس الله حسيبه كان يرسل على جواالي مسجاات وصور رجاال ويكتب لي ياافلانة أسمي ردي على جوالك الثاني مع العلم أني مااعندي جوال ويقول وشراايك في صورتي , الفترة هذيك كاانت حيااتي مع زوجي على محك وطلقني مرتين وجواللي معاه , وش ذا دليله أنه عارفنا زيين وعارف أن رسايلي رااح يقرااها زوجي مو أنا اللي رااح أقرااها .وزوجي مسحور وبينا تفريق يعني تخيلي ردة فعله . طيب كيف تجاوزت الأزماات اللي مرت علي بإحسان الظن بالله والدعاء والإستغفار وممكن عمل صالح بيني وبين الله مااحب أذكره . لاتنسين أن اللي تمرين فيه هو إبتلاء من الله ويحب يسمع صووتك وأنتي تدعينه , ام سلطاان تذكري أنك دعيتي لنا ولنااس كثير وبظهر الغيب , وياما وااسيتي وخففتي وشاركتي في حل مشااكل أخواات وأخوان هنا في المنتدى , وهذي من أعظم القراباات عند الله , وربي رااح يظهر الحق ويصلح الحاال ويرد لك الإحسان بالإحساان . أنا مرة مريت بعد بمشكلة والله مو عاارفة سببها بس كلها من قبل ابو الشباب , نمت وكأن أحد صحااني قبل الفجر بسااعة وصليت قياام بسورة البقرة , وبعد الفجر جا زوجي وكلمني عاادي ولا كأن فيه شي , عااد أنا قلبي مساامحه . حتى الوالدة توفت قبل 3 شهور والله ماشفتها من أكثر من سنة لأني مااقدر أسافر ولا حتى أطلع من البيت الا للضرورة وحتى لو طلعت يجلس قلبي يدور مثل الأسطووانة من كثر القلق , الحمدلله على كل حاال , والله يعين على الدنيا ومااجات به . رددي في كل سجوود . (رب أني لما أنزلت إلي من خير فقير ) (لاإله إلانت سبحاانك أني كنت من الظالمين ) الله يطمن قلبك ويطمن قلبي عليك , من جد لك معزة في قلبي ماتتصورينها . |
رد : دعواتكم الصادقة لأختكم في الله
ياعمري في رجا الله يأمطول الغيبات ياجايب الغنايم وحشتيني يالغاليه والله أفكر فيك وماتروحين من بالي. عسى ربي يفرج همك ويشفي زوجك ويحفظك من الأشرار ويرد كل كايد في نحره
اسأل الله إن يكشف الضر عنك عاجلا غير أجل ويشفي زوجك. شفاءا لايغادر سقما والله قلقتيني عليك عسى ربي يريح بالك ويحفظك من كل سوء طمنينا عليك ولاتغيبين كثير |
رد : دعواتكم الصادقة لأختكم في الله
فديتك يام سلطان
ربي يفرح همك و يفك كربتك ويرفع عنك كل هم و حزن و ابتلاء ويحفظ و اولادك و زوجك و اسرتك يارب حبيبتي التجئي لرب العباد ناصر المظلوم و باذن الله تبشرينا بزوال الغمة |
رد : دعواتكم الصادقة لأختكم في الله
اسئل الله الكريم رب العرش العظيم ان يحق الحق ويبطل الباطل...
اللهم اربط على قلبها واكرمها بصلاح حالها... اللهم امين |
رد : دعواتكم الصادقة لأختكم في الله
اسأل الله ان يفرج همك ويظهر الحق عاجلا غير آجل
|
رد : دعواتكم الصادقة لأختكم في الله
اختي الفاضله
اسأل الله العظيم ان يفرج همك ويرفع عنك من هم وحزن وظلم وان يجعل مااصابك رفعة لك في الدرجات. |
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©