|
رد : علاقة حب , وانفصلنا بسبب ..
معليش اخوي انا ضد ان الزواج يبنى على علاقة قبل الزواج
انا ضده تماماً اتطلق مرة ومرتين وثلاث جعلي ما تزوجت وجلست في بيت ابوي ولا امشي بطريق الخطأ يا اخي اذا كان ابليس لم يستطع ان يغوي برصيصا العابد عبد ربه 70 عاما ولم يخطئ بخطيئة واحدة حتى عجز عنه الطواغيت والجن والشياطين ان يغووه حتى ابليس نفسه من اغوى آدم عليه السلام واخرجه من الجنة لم يقدر على اغوائه اغواه الشيطان عن طريق امرأه مثله عابده تعتكف بمحرابها تتعبد فزنا بها وحملت فقتل وليدها ثم قتلها ثم فضح وقتل وصلب أمام الأشهاد الشيطان لا يوسوس مباشرة ويقول لك كانت على علاقة بك فستكون على علاقة بغيرك لا طرقه مختلفه وهو يفكر كما تفكر انت ويخطط كما تخطط انت ان قلت لن اكون همجياً وان رأيت مايريب سأكلمها فهو سيكون اشطر منك سيأتيك بأسلوب لاتكن ديوثاً وكن على فطرة الاسلام وكن غيوراً على عرضك فهي امرأه ضعيفة تزل فعقلها ناقص وعاطفتها جياشة فكر زين لأن المشاكل اللي بتتعرض لها تحتاج رجل يحكم عقله ويوزن الأامور بمكيال لا يحيد |
رد : علاقة حب , وانفصلنا بسبب ..
اقتباس:
لأنه مو وآقعي نهـآئيا شوفي قد أيش عمره 17 يعني لسى في الثآنوي وقدآمه جـآمعة وكم سنة عشآن يتوظف تقريبا مـآتقل عن خمس سنين !! لو يخطبها الحين حيجلس معلقها كل هالسنوات !! أمـآ حكـآية الإنشغال بالدنيـآ ..هذا مو اسمه إنشغال هـذا من أسآسيات الحياة هو رجـل ضروري يأسس مستقبله ويحصل دخل لأسرته مـآفي بنت حتوافق على وآحد مـآعندهـ وظيفة وإذا وافقت أهلها مستحيل يرضو يرمو بنتهم عنده مـرآهــق إنتا مستوعب إن السـآلفة مو بالبساطة اللي متخيلهـآ حب و زوآج وأنتهى بعد مـآ تتزوج فيه أطفــآل ورآح تتحمل مسوؤلية زوجتك والأطفـآل لقمة العيش إنتا اللي حيوفرهـآ ولقمة العيش يبغآلهـآ درآســة حتى تعيش وتعيشهم معززين أغلبنـآ مر باللي مريت فيه وكنـآ نحسب إن الحياة توقف على هذا الشخص وبعد مـآكبرنا أكتشفنا إننا ماكنا مؤهلين لزواج من اي ناحيه وكنا نحسبها حب ورومنسيات ويمكن لو حصل كان كلل بالفشل لأنه مجرد اعجاب وينتهي المستقبل قدآمـك جـآهد فيه حتى ترتاح طول العمر ..الله يوفقك |
رد : علاقة حب , وانفصلنا بسبب ..
اقتباس:
وكل اللي تقوله كلام لكن صدقني الواقع يختلف ومع زحمة المسووليات تزيد الضغوطات فكر انت بعقل ومنطق ايهم افضل تكون مع زوجه مرتاح البال ولا تعرف عن ماضيك اي شي و ولا تعيش لاقدر الله مع زوجه راح يدخل الشك في قلبها وتنكد عليك عيشتك انا جاتني لحظات وجلست افكر فيها بعقل لانه الحب والتعلق كان عاميني صح واقول الحمدلله اني ماخطبت الادميه هذه لانه الشك راح يدخل باي طريقه وماراح يهدا وماراح اعيش سعيداو مرتاح شي اخر ممكن مافكرت فيها النظره الشرعيه تلعب دور في قبول النفس ممكن الاوصاف اللي اعطتك ياها تجعلك تتخيل امور محببه عندك لكن لعلك بشي اخر او ترا فيها عيب فتصد نفسك عنها كل هذه الامور وارده ولاتقلي انا ماهتم بالشكليات ... انت رجل مفطور ان تكون زوجتك جميله حتا تشبع ناظريك ولا تنظر لغيرها والاهم انها تكون من ناس طيبين وعشان تنهي الموضوع بسلام وهذه نصيحه اخوك واشرح لها بكل ادب برساله اخيره انا مقدر اكمل معاكي يابنت الناس لاني صغير وابا اكمل جامعتي ولا معي مصرروف عشان اصرف وادبر اموري واهلي على قد حالهم ولا ابا اخطبك واعلقك معي سنين الله يوفقك واتمنالك كل خير .. تزعل يوم يومين او ممكن تشرد منك لانك ماعندك دراهم :) وصدقني الرجال قلبه فندق بعده غرف تتسع لجميع النساء فان تركتها فصدقني راح تنساها وقد تخطب وحده مستقبلا وتنسيك الدنيا وما فيها وهذا ماتعلمته ايضا بالطريقه الصعبه فكر انت الان وش من تخصص راح ادخل في الجامعه حتى ترفع من رصيدك العلمي والله العظيم شباب سعوديين من حولي بثانويه يشتكون من ضعف لرواتب ويتندمون ليش مادرست بجامعه ففيه منهم ماشاء الله اللي كن عنده همه وهو بعمر ال 30 وكمل جامعتها وفيه اللي مكانك سر وهو متندم انت الان في عمر موهل للحفظ والاستيعاب فاستغل هذه الفرصه وفكر فيها اكثر من الزواج 5 سنوات الا وانت متخرج بالمناسبه انا انصحك تلتحق بكليه الهندسه فالسوق متعطش للمهندسين الله يوفقك |
رد : علاقة حب , وانفصلنا بسبب ..
اقتباس:
اقتباس:
البلا مب هنا البلا بعد الملكة والزواج الحياة الزوجية كيف وضعها .. رآح يدخل الشك .. مثل ما قالت ريحانه ابليس له الف مدخل ومدخل غير الشك عشان يخرب الحيآآة شآكر لك على التوضيح والرد الجميل اقتباس:
واحس اني زلابه اذا ارسلت لها هالرسالة لاني كنت اهايط فوق رآسها كانت تقول اخاف اهلي يرفضونك وانا اقول ماعليك يآبنت ازهلي كانت تقول ماتقدر تصرف وانا اهايط اكثر واقول ازهلي تقول كيف واشرح لها خططي واطمنها وتتطمن وتفرح بتفكيري فجأة بعد هذآ اقول لها ماقدر اصرف عليك مامعي درآهم بتقول كيف ؟ وين رآح تخطيطك؟ وين رآحت افكآرك مستحيل اكيد بنت لاعبه عليك ومن هالكلام انا ماهمني نفسي كثر ماهمني نفسية البنت لانها حسآسه وقسم بالله ما استبعد انها يصير فيهآ شي واخاف تحقد علي وتدعي علي لين تشيب الزواج ما راح يتم وهذا الي اتفقنا عليه كلنا ..والحمدلله على كل حال الان كيف اقدر اكنسل الي بيننا ؟ طريقتك يآ حنون صعبه جداً ورآح يبآن من كلامي انها ( البنت ) كانت تصبيره اخذ منها واصبر نفسي لين اوصل للي بعدها عندك طريقة ثآنيه ؟ وشكراً على ردودك وحمآسك معي الله يجزاك الف خير. |
رد : علاقة حب , وانفصلنا بسبب ..
مٍْْـٍْْ♡̷̴̬̩̃̊ـٍْْنٍْْ اسلوبك
مبين توك موناضج!! فياخي - ابتعد عن هالطريق ولاتقول ملتزمه ومدري شنو!! يعني الواحد كل يوم يرسل مسجات دينيه صار مطوع او داعيه لا!! طبعا اترك عنك الحريم وفكر بنفسك ومستقبلك - لاحق عالزواج وخل عنك خرفنتها وخرفنتني مادري مٍْْـٍْْ♡̷̴̬̩̃̊ـٍْْنٍْْ مخرفن الثاني!! |
رد : علاقة حب , وانفصلنا بسبب ..
اقتباس:
وش فيك مطنقر يآخي اقر اخر رد لي عزمت اني انهي هالطريق بس كيف ؟! |
رد : علاقة حب , وانفصلنا بسبب ..
اقتباس:
طيب انتم سكتم عن بعض وعدم الزواج طيب وش الخطوة اللي بعدها اللي كنت تفكر فيها.??? شوف زي ما قرارها بيد اهلها قرارك بيد اهلك الان لانك لسع صغير من ناحيه العمر قلها انك كلمت اهلك وعرضت عليهم الموضوع وعارضوك بشده انك ماتتزوج الا بعد تغلق دراسه وتتوظف يعني يكون عمرك طق 27 وانا يابنت الناس زعلان بصراحه وحزين لكن هدا قدر الله ولاقدر اعلقك معايا اكثر من كدا وانتي ممكن يجيكي النصيب في اي وقت وقبلي بكثير فان جا النصيب الطيب اقبلي فيه ولاتفكري فيا واتمنا لكي التوفيق وبس وقفل علا كدا وقفل الموضوع وامسح الرقم يكون انهيت الموضوع بشوي من الذوق والدبلوماسيه |
رد : علاقة حب , وانفصلنا بسبب ..
اقتباس:
ماكلمتها ولا قلت شيء ويوم كنت اهايط كنت جاد وقراري ما كان بيتغير لو اني ماكتبت هالموضوع انا الحين كنسلت فكرة الزواج بها وهي ماتدري ..~ فكرت كثير وكلامك حلو وواقعي وبقوله لها بس مب الحين بعد ماتتخرج هي السنة الجآيه عشآن نفسيتها تبقى حلوة وتشد حيلها وتجيب درجات وانا بعد ..~ تكون الاجآزة فرصة للتلائم مع الوضع والنسياااان ..~ |
رد : علاقة حب , وانفصلنا بسبب ..
اقتباس:
لاتوهم نفسك انه البنت رح تمرض وتموت اذا تركتها !! ه̷̷َـَْـُذآ شي في نفسك تتمنى تعيشه!! المراهقه وماتسوي!! احذف رقمها وخلاص كان اللـْـْْ♡ـْْـَِـٍْْهُِ غفور رحيم |
رد : علاقة حب , وانفصلنا بسبب ..
جميلة هي العودة إلى طريق الحق
والتائب من الذنب كمن لا ذنب له استمر في التقرب من الله والتزود في العبادات وكن ذلك الشاب الذي نشأ في طاعة الله فيظله الله بظله يوم لا ظل إلا ظله قرارك الأخير بصرف النظر عن هذه الفتاة هو الأفضل مازلت صغير واحتياجاتك العاطفية متقلبة وما تضعه الآن من صفات للأنثى ستتغير مع النضج العقلي والخبرة المتزايدة فلا تظلم نفسك و من ثم تظلمها معك وطالما أنك في حيرة في كيفية قطع علاقتك بها أخشى عليك من الشيطان وحبائله فها هو عدو الله زرع في رأسك أن الفتاة حساسة وقد يحدث لها أمر ما صدقني لن يحدث شيء انسى امرها فقط وفر إلى ربك و ادعو لها بالتوفيق والثبات ثم انساها تماماً وغير رقم هاتفك الجوال وانطلق في حياتك وابني لك مجداً وصرحاً من العلم ولا تنسى العلم الشرعي كذلك فإن الله إذا أراد بعبدٍ خيراً فقهه في الدين وفقك الله وهدى جميع شباب وشابات المسلمين |
| الساعة الآن 02:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©