اول شيء اسأل الله انه يعوضك خير .. واللي سويتيه عين العقل وكويس انك انسحبتي من الآن .. وما سويتي زيي..


في زواجي الأول حسيت بعدم راحة من فترة الخطوبة.. وكنت ودي أتراجع بس خفت أفشل أبوي بعد ما أعطى الرجال كلمة.. وتملكت وزاد إحساسي بعدم الراحة.. لكن هالمرة زيك خفت من كلام الناس وان تقل فرصي في الزواج لو صرت مطلقة قبل الدخول.. ضغطت ع نفسي وكملت وتزوجت.. لكن صارت مشاكل كثير بيننا زعزت علاقتنا وأدت للانفصال..يمكن اللي ساعد ان هالمشاكل تكبر عدم التقبل اللي في داخلي له.. ويوم طلقني انهرت لأني حبيته لكن هو خلاص حس يمكن اني ماكنت أبغاه من الأول وطلق..

وبعد طلاقي وع الرغم انه كان بعد الدخول إلا أني وجدت ان فرصي ما قلت ولا شئ بالعكس من بعد العدة خطبوني اثنين ورفضت لعدم مناسبتهم لي .. وانخطبت بعدها ووافقت بس بعد تأني وتدقيق وعدم استعجال وما وافقت إلا وأنا مقتنعة 100٪ عشان ما أكرر المعاناة .. والحمد لله ربي عوضني وهالمرة مرتاحة..

ومسألة الزواج بالذات.. ما نقدر نجزم فيها .. او نضع افتراضات.. لأنها أرزاق وحظوظ ونصيب.. وياما مطلقات بعيالهم تزوجوا عزاب .. وبنات تزوجوا معددين ومطلقين وبأطفال بعد..

والسعادة في النهاية تكمن في داخلنا بغض النظر عن الظروف .. والزواج من اعزب مؤ ضمان اني بكون مبسوطة .. والخيرة في اللي يجيبه الله.. والرضا والقناعة هي سر السعادة..

بس اهم شئ حبيبيتي لا تنفصلين إلا بعد الاستخارة...

وترا رح تجيك فترات ندم وجلد للذات وتنضغطين شوي... هذا الموضوع طبيعي جداً .. بس خليك قوية قدام الناس .. وتقربي لربك وخلي الدنيا ورا ظهرك..

وبالتوفيق يا عسل ..


...