|
رد : * كل يوم درس *
unlimited
صادقة بكل ما ذكرتيه .. . . مش ضايعة و ربي و أنا اشتقت لك .. تسعدني إضافاتك .. و لا تترددي بها .. . . |
رد : * كل يوم درس *
كريستالة قلبي ..
أثق كثيراً ، بأرائك و أفكارك .. و انتظرها دوماً منك .. لعلمي بصراحتك التامة ، و بموازنتك للأمور دوماً .. و بالنسبة لولدي .. فلا أخفي عليك ، بأني كنت أركز دائماً معه على ما ذكرتيه .. و حتى في طريقة تعامله مع الخادمة .. و مرة لما رحنا المطعم ، يقول لأبوه ( بابا لا تنسى تطلب أكل للشغالة كمان ) من يوم كان عمره 3 سنوات زرعت هذه الأمور فيه .. و صادقة بكل ما ذكرتيه .. و نبهتيني لنقطة كنت غافلة عنها ( علميه يتواصل مع ربنا ويتكلم معاه هذا حيسهل عليه بعد كذا التعلق بالصلاة ) . . أنا للأسف ، مقصرة مع ولدي من ناحية العبادات .. و حاسة إنه الفترة هذه ، لازم أعلمه ( إيش هو الجنة ) عالأقل .. مرة سألني ( ماما .. فين - ستي / جدتي - راحت ؟؟؟ ) قلت له : هي راحت مكان اسمه - الجنة - .. هناك فيه كل شي ،. و فيه حلويات و ألعاب و ايسكريم و فيه و فيه و فيه .. زعل و قال لي : ماما ، أبغى أروح أنا كمان للجنة .. أبغى أروووووح معاها .. قلت له : لما تصير مرررررررررررررررة كبير زي ( جدة ) ، و تصلي .. بعدين تروح هناك .. و دحين ما تقدر تروح .. قال : ماما ، طيب اشتري لها جوال ،، و أعطيه لها عشان تكلمنا .. . . و نصيحتك بأهتم بها بالتأكيد .. |
رد : * كل يوم درس *
طبعا الدرس الثاني ..
فشلت فيه ، زوجي مجرد ما سمع .. إني أقرأ معاه ( صفحة من القران يومياً ) .. حسيته تغير .. و بالمجاملة قال لي ( طيب ) . . مع إنه قبل لا أقولها له .. قال ( إيش تبغي ، قولي و اسويه لك ) فما راح أطلب منه شي ، عشان لا تهبط عزيمتي و أرجع أتكاسل .. هو مسئول عن نفسه .. يكفي إني مراعية حق الله فيه .. و خلاص ، أبدأ أسعى للحصول على ( رضا الله ) .. |
رد : * كل يوم درس *
موضوع قمة في الروعة ، ثبتك الله عزيزتي وجعل هذا العام عام سعيد عليك
سأتابعه الان حبيت في البداية ان اهنيك برجوعك لنا من جديد بمعرفك الاصلي لانه اجمل بكثير من الثاني |
رد : * كل يوم درس *
حبيبتي نور الايمان
الف شكر لتشجيعك .. وجودك شرف لي .. و يدفعني للامام .. كنت محبطة قبل قليل .. |
رد : * كل يوم درس *
* الدرس الثالث *
متضايقة اليوم كنت شوي ، و مالي نفس أكلم زوجي .. و ما بغى أكلمه و لا أقول له أي شي .. و مقررة مع نفسي ، إني ما أقول له - أي كلمة - .. . . من باب ( كظم الغيظ ) . . تعلمت ، بإنه الضيق اللي بقلبي .. مو سببه - زوجي - .. لكن سببه ( البعد عن الله ) .. . . - تأتيني وساوس شيطانية ، حتى أبدأ معه حرب البسوس و بمجرد دخوله للمنزل .. لكن أحارب هذه الوساوس .. - بالإستغفار .. - بالإنشغال بإنهاء أعمالي الوظيفية .. - باللعب مع ولدي الصغير ، و التحدث مع الكبير .. - بالتحدث مع زميلاتي بالواتس و المزاح معاهم .. - بالأفكار ، بمواقف ايجابية لزوجي معي .. . . و ها أنا ، استمع لمقاطع باليوتيوب بعنوان ( كظم الغيظ ) اخترت منها ما يلي : |
رد : * كل يوم درس *
سبحان الله ..
قبل شوي ، بأنسخ رابط اليوتيوب .. و ألصقه هنا .. . . يجيني اتصال من زوجي ، رديت عليه ببرود .. قال لي : إيش بتعملي ووو إلخ .. بعدين قال : أنا آسف ، عشان اليوم زعلتك و أنا خارج من البيت .. و ما كنت أقصد ، بس كنت معصب من صاحبي و تخاصمت معاه في الصبح و متضايق كنت .. قلت له : كنت عارفة إنك متضايق و باين عليك .. قال لي : إنه دحين و بعد ما تكلم مع صاحبه و تفاهموا و كذا ( فيه شغل بينهم ) .. راح صلى زوجي إمام بالمسجد ( أمّهم .. في صلاة المغرب و صلاة العشاء ) .. و بعدين قال لي : قلت خليني أعتذر لزوجتي .. . . قلت له : سبحان الله ، قبل شوي بأكتب عنك بالمنتدى .. و أسمع للشيخ باليوتيوب .. قال لي : شكله مافي أحد بالمنتدى ، إلا و صار يعرفني .. :D . . قلت له : الحمد لله إنك ارتحت ، هذا لإنك صليت المغرب و العشاء بالمسجد .. قال لي : إيوة صح ، يارب على طول .. قلت له : إن شاء الله ،. و أنا كمان وضحت له وجهة نظري عن موضوع كنت أكلمه عنه وقتها ، و إيش كنت أقصد به .. . . هذا الرابط اللي كنت بأسمع له .. مرة رهيب : http://www.youtube.com/watch?v=2SZhGJoj8J8 |
رد : * كل يوم درس *
ينقل للقسم الأنسب
|
رد : * كل يوم درس *
الله يوفقك عزيزتي و يحقق لك كل امانيك
متابعة معاك |
رد : * كل يوم درس *
|
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©