|
رد : الاكزيما والاكل
نورة حبيبتي
باذن الله بسأل لج أختي , لان ابنها كان عنده أكزيما بنفس عمر بنتج .. وراحت ولله الحمد بعد ذهابها لدكتور الجلدية .. نورة بالنسبة أنك أكلتِ بنتك في وقت مبكر فحابة أذكر لك تجربتي مع بنتي حبيبتي .. أنا كنت متحمسة كثير أأكلها وكان عندي كتاب أجنبي عن الأمومة والطفولة كان رائع جد ومعلوماته ثرية جدا .. المهم في الكتاب ما حطوا موانع من تأكيل الطفل في الشهر الرابع .. ولكن هناك طريقة معبنة .. لما بدأت أأكلها في الشهر الرابع صادف ان جاها مرض في بلاعيمها بسيط أنا مت خوف وخفت لا يكون من الأكل وطرت فيها على المستشفى وقالي الدكتور ماله دخل بس نصحني أأجل شوي الأكل .. وفعلا أجلته الى الشهر الخامس .. نجي الآن لطريقة الأكل اللي هي أنك تبدئي بالأطعمة نوع نوع وبشكل منفرد .. ولازم تكون الهريسة اللي بتأكلي طفلك منها أقرب للعصير منها للطعام .. مثلا أنا بدأت معاها بالجزر .. تطبخيه على نار لحد ما يستوي , او اذا عندك جهاز البخار أفضل .. وبعدين اهرسه بالخلاط واضيف له ماي يصير كانه عصير جزر مو هريسة جزر .. علشان بطنها ما يمسك .. تضلي على نفس النوع لمدة 3 أيام متواصلة وما تخلطي معاه شي ثاني .. وتراقبي الطفل هل تطلع له اي اعراض او اي حساسية .. اذا مشت الأمور تمام , خذي يوم اجازة من الأكل ثم انتقلي لنوع الأكل الثاني مثلا تفاح مطبوخ (عصير ) وهكذا مع كل الأنواع المناسبة لسنهم لحد ما تتأكدي ان مافي اي اشكالية مع طفلك مع اي نوعية من الأكل .. وكل ما تكبر كل ما تجمدي لها الأكل (يعني تخففي منه الماي لما تهرسينه ) والحمدلله مشت أمور البنت تماما , وتأثرت صحتها بشكل ايجابي .. . . . . نورة أنت متأكدة أن سبب الوحيد للأكزيما هو من الغذاء ؟ ماشاء الله البنت كانت صحتها ممتازة فليش هالتغير المفاجئ .. ممكن الحليب فقط مادري بديتي بالحمية ولا لا ؟ وايش نتايجها ؟ بالنسبة للدم والجروح المفتوحة فأنصحك بالنشاء والماي . بنتي من فترة طلعت لها حساسية تحت شفتيها تشبه الأكزيما عافانا الله واياكم فقريت في النت .. اعملي لها عجين النشاء والماء وهي نايمة ادهنيها .. لما تصحى ان شاء الله راح تلقين الجروح تسكرت وتبقى أثار الاحمرار فقط .. حاولي قد ما تقدرين تخففين الجفاف عن البنت وان الجروح ما تكثر حتى لو كان علاج خارجي فقط , لحد ما تلقي السبب الرئيسي للأكزيما تحياتي |
رد : الاكزيما والاكل
فحص الحساسية ما يسوونه عادة لأطفال دون عمر آل2 .. وغالبا النتائج تطلع false positive .. وكمان طبيعة الجسم تتغير .. ممكن يتحسس من اكله معينه وبعد سنه تصير عادي .. وهذا الموضوع أصلا controversial أتوقع عشان كذا ما يعملوا هالفحوصات كثير ..
الحين إنتي ما استخدمتيلها كورتيزون؟. إذا الدكتور قال لك عليه استخدميه ما عليه إن شاءالله ما تضطري له مرة ثانيه لكن الحين حرام لازم تخف ؤبعد كذا خليكي على الترطيب 24 ساعه نسيت أسألك عندك ماء زمزم؟ إذا موجود عندك اشربي وادعي وشربي بنتك كمان واقري عليه وغسليها به .. ؤلا تلومي نفسك السبب مو انك أكلتيها بدري .. الاكزيما صارت شائعة هالأيام وكثير ينولدون بها .. الجرح اللي وراء أذنها متأكده مو هي؟ لأنه أنا ابني كان عنده شهرين و المنطقة اللي وراء أذونه حمراء وخشنة شوي ،، الدكتور قال اكزيما .. بس بشكل عام أنا مثلك ما أشجع الاستعجال في موضوع التغذيه .. و اسمحيلي أذكر تجربتي لعفراء .. أنا اعتمدت على الرضاعه الطبيعيه 6 شهور وبعدها بدأت ادخل له عصير تفاح .. كنت أعطيه شوي بس وبعد أسبوع دخلت له عصير برتقال .. كنت أضيف له ماء وما احط له سكر وبعدين شوي شوي بدأت بالأكلات .. أما غذاء الأطفال اللي في الصيدليات .. ما عطيته أبدا .. ما حسيت له داعي .. يعني بدأ يأكل على السبع شهور .. واي شيء مو ضروري ما عطيته .. وألاشياء المضرة اللي أقدر أتحكم فيها منعتها عشان بدل ما يتعود عليها يصير يكرهها ويرفضها من عنده .. مثل المشروبات الغازيه ... |
رد : الاكزيما والاكل
اقتباس:
هذا الي اقصده من البداية اني اعمل بالاسباب و احاول اعمل الي عليا من ناحية الاكل والبيئة المحيطة فيها و الترطيب و اكيد اجتهد بالدعاء وربي كريم .. على الاقل ما الوم نفسي بسم الله ماشاء الله الف الف مبرووك ياغالية ربي يقومك بالسلامة و تسعدي بضمها صحيحة و معافاة و يجعلها من الذرية الصالحة البارة .. ايوة حبيبتي قصدي ماتستعجلي ابدا باطعامه .. خلي الاكل للشهر السادس .. اسلم و اضمن .. وان شاء الله بنوتك ماتشوف اي شر ياارب |
رد : الاكزيما والاكل
اقتباس:
اقتباس:
زقعد يكلمني و قالي احمدي ربك الحمدلله الاكزيما صح مزعجة لكنها مرض عادي و يروح باذن الله وصار عندك خبرة من بعد ابنك :) وقعد يكلمني على الاطفال الي يجو للمستشفى .. اخر مرة من فترة بسيطة جاه طفل فيه سرطان الرئة وهو عمره سنتين ربي يعافيه و يشفيه ويصبر امه و يعافينا واطفالنا ويعافي كل طفل ويحقظه لامه فالحمدلله رب العالمين .. اقتباس:
وابني كان في اكزيما .. فالمفروض .كنت اعتبر ومااكلها بسرعة .. لكن قدر الله وماشاء فعل اقتباس:
اقتباس:
اقتباس:
ونفس الشي بعد السنة مع الاجبان و البيض و الحليب .. بس الحمدلله على كل حال اقتباس:
تسلمي حبيبتي وربي يسعدك و يصلح لك ذريتك |
رد : الاكزيما والاكل
اقتباس:
ربي يعينيك و يسهل عليك .. ربي يشفي لك ابنك حبيبتي اسوي كل الي قلت لك عليه .. بس زي ماقلت مانفع معاها بالعكس المووضوع يزيد... الحين بس باستمر موضوع الترطيب ومستنية افحص ويارب خييير |
رد : الاكزيما والاكل
اقتباس:
اسوي لها برضو زيت زيتون مقري عليه بالاضافة الى زيت اللوز والكريمات المرطبة .. كل شوي ادهنها بشي .. بس بالفعل مااشوف تحسن مرات البقع الي بوجهه تهدا شوي .. بس ماتقعد كم من ساعة الا وترجع تهيج |
رد : الاكزيما والاكل
السلام عليكم نورة
تصدقي دخلت ادور عموضوع جديد الك عشان اسلم عليكي :) لي 3 شهور غايبة المهم سلامة بنتك وماعندي خبرة لكن انا عندي في ايدي اليمين باطن الوسطى والسبابة اكزيما تحسسية تلامسية من مواد تنظيف نسيت يومها البس جوانتي هل ينفع معاها هادا النظام في الاكل مثلا ؟ ام انها مش اكزيما الاكل له دخل فيها ؟ موفقة نورة ... ولازلت احب اليمن واشتاق لها فوق متتصوري |
رد : الاكزيما والاكل
اقتباس:
اهلين بمراقبتنا الحلوة .. اشتقنالك حبيبتي .. ربي يبعد عنك الاكزيما يارب المرهم الي حطيتيه.. فيه نسبة كورتيزون وعندي منه (شرطة ادوية ثانية بس نفس المواد الفعالة) وهو فعلا زي السحر .. اعمله وتختفي البقع اكن بس اوقفه يرجع كل شي زي ماكان وزي ماتفضلتي مااقدر استخدمه لفترات طويلة فامضاره اكثر من فوايده بالنسبة للاكل .. والله مادري ياشقردية .. ساعات اقول خلاص بمنع عنها كل شي وساعات اقول حرام امنعها من شي و انا اصلا مش متاكدة ان كانت هالاشياء بتزودها ولا لا ؟؟ البنت بمرحلة بناء جسم وحرمانها من اشياء ضرورية زي الحليب والبيض والفاكهه قد يكون مضاره اكثر .. على قولة زوجي عشان تشفي البنت من الاكزيما تجيبي لها سوؤ تغذية :) الحين باستنى للفحص و بعدها باذن الله احدد خطوتي الجاية حاليا مانعة عنها البيض من فترة .. والحليب استبدلته بالصويا و مانعه عنها الفراولة و الشكولاته والحمضيات با1ن الله اشوف الطبيب و اقولكم ... |
رد : الاكزيما والاكل
اقتباس:
تسلمي لي يافوفو ربي يقومك بالسلامة و يفرحك بضمة ابنك بصحة و عافية على فكرة .. لاقيت موقع تابع لوزارة الصحة االبريطانية جدا رهيب يتكلم عن الرضاعة الطبيعية و عن الشفط و في معلومات كثيرة وفيديوهات توريك الطريقة الصحيحة للترضيع و للشفط بس ادري انه ممنوع وضع الروابط هنا... هل ممكن ارسالها لك عالخاص ؟؟؟ اول ماشفت الموقع تذكرتك انتي و روح ... |
رد : الاكزيما والاكل
اقتباس:
|
| الساعة الآن 05:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©