GAME OVER جزاك الله خيرا .
انا ارى ان الخادمة ينبغي ان تكون لشغل البيت والذي( لا ينتهي ) ، وليس لأجل العناية بالاطفال .

الاندنوسية المسلمة أفضل ،، ضعيفات ولا يهشون ولا ينشون ... ويسمعون الكلام ونظيفات .

شكرا حبيبتي بتول
انا محتاره زيك وطلعت بمايلي

الاغلبيه السيرلانكيه
وسبق سويت استفتاء في عالم حواء وطلعت بنفس النتيجه
وزوجي قدم على سيرلانكيه لكن الله يهديه صاحب المكتب اقنعه بغير المسلمه
والخيره فيما يختاره الله لعل وعسى تسلم على ايدينا
بالتوفيق

اهلا اختي الحبيبة ( دبدوبة ) ممكن اعرف ما عيب السيريلانكية المسلمة ؟ ما دام صاحب المكتب اقنع زوجك بغير المسلمة بماذا اقنعه ؟
وشكرا لك

يقول والعهده على الراوي انهم في سيرنكا لايهتمون بالمسلمين
من حيث التعليم والوظائف
لذلك اغلب المسلمين عندهم جهل
والله ماودي اقول هالكلام لاني ماودي اشجع غير المسلمات
لكن بتول طلبت وماقدر اردها
وانا مو راضيه عن غير المسلمه لكن ماسال عني
اتمنى لك الخيره المباركه

تسلمين يا حبيبتي دبدوبة.

لم اذكر لك انني وجدت عند خدامتي الاندنوسيه صورتي انا وزوجي في يوم زواجنا وكان في ظرف تبي توديه لاهلها وكان مكتوب بالاندنيسي والله تعبت علي اكثر من 30 اندوسيه ابيها تترجمه ولا وحده راضيه مع انها تقراه وتقول ان مافيه شي بس سلام لاهلها وبعدين وديته لمترجم وطلعت ناويه تعملنا سحر ومكتوب مرض مرض مرض وعوار في الارجل الي الممات هذا الكلام من 3 سنين الي حرمت اجيبهم مره ثانيه؟؟

ومن شهرين جبت الي فلبينيه تجنن شاطره ومسلمه وعاجبتني وامنتها علي بنتي لما اروح للدوام وبعدين والحمدلله اتهاوشت ويا فلبينيه امي وفلبينيتي اهي الي غلطانه وجت واصدمتني بقولها انها ميته علي زوجي وكل يوم تتكلم عنه والله يا اختي ماكان باين عليها من حرصي الزايد وديتها المكتب بدون ما تدري ولا معاها ولا شي من اغراضها ولما رديت البيت وفتشت اغراضها ولا القي كيس فيه شعر وبودر نوعين كانت ناويه اتسويه بس الحمدلله ماسوته الله يحفضنا وياك وجميه المسلمين يارب.

تبين النصيحة : خذيها مني

يقول المثل الحي يحيك والميت يزيدك غبن

اقصد بكلامي الاندونيسية انشط وتتعلم بسرعة وذكية ومايعلى عليها

وطبعا" الحرص واجب سواء اندونيسية ولا غيرها

وكلامي هذا من واقع خبرة جبت لحد الحين ثنتين وكلهم تمام

اشكرك اختي( مها الكويت )، الحمد لله الذي حماك من كيد تلك الساحرة الشريرة .


شكرا اخت (عطر المحبة )على مرورك .