رد : »حياتي على وشك الإنهيار«
 

كان الله في عونك.. هوني عليك وعليك باللجوء للحي القيوم..
ازدياد السلبية مؤلم واكثر من سيتعب من هذه السلبيه هو انتي
فحاولي تخففين عن نفسك واسأل الله لك التوفيق

الاخت رذاذ
قناعات الناس تختلف من شخص لاخر
ومالا ترضينه على نفسك غيرك ترتضيه من باب الغاية تبرر الوسيله
انا ماقلت انك مجبوره او شي انتي المفروض تتصرفين حسب ظروفك وقناعاتك وما كتبته هو محاولة استشفاف وليس قواعد كي يمشي عليها الناس بحذافيرها .. اشكر تفاعلك وسعة بالك وتفهمك وقلمك الرائع

رد : »حياتي على وشك الإنهيار«
 

اجل جمانه العزيزة انا هي .. انا هنا .. ومازال هذا المنتدى بيتي الثاني ... ومازلتم انتم اهلي
شكرا على السؤال عني حبيبتي

رد : »حياتي على وشك الإنهيار«
 

السلام عليكم
اخواني اخواتي استجد شي بمشكلتي واتمنى تعطوني رايكم
زوجي دق على خالي عشان يبي يشوف إعياله إهو كان يدق على بيت اهلي إذا يبي يشوفهم بس ما دري ليش هالمره داق على خالي يمكن عشان آخر مره إهو كان لاحقنا ويهدد وابوي عصب وقاله ترى عيب عليك إللي تسويه شكله كرامته ماتسمح له أحد يكلمه او يوقفه عند حده المهم خالي قاله نبي نجتمع عمامها وابوها وانت تجي ونتفاهم إهو رفض وقال إذا الاجتماع في بيت اهلها ماراح أحضر وإذا في بيت عمها بحضر ابوي واخوي تضايقوا وقالوا تصرفه هذا يدل على عدم احترام لنا وابوي يقول المفروض يجي هنا عندنا البيت لان اهو ماخذني من بيت ابوي واي شي مفروض يكون هنا مو إهو إللي يختار وين الاجتماع وقبل شوي خالي دق على ابوي وقاله ان زوجي رسل رساله إذا الاجتماع بيكون بخصوص سكن وشقه خارجيه ماراح نوصل لنتيجه لاني ماراح اغير سكني وخالي دق وقالنا هالكلام واخوي يقول ماراح يحضر وابوي بعد يقول هذي إهانه مايبي يحضر في بيتنا وبعدين يتحكم في الكلام إللي بنقوله ويحدد لنا المواضيع إللي يبيها وإللي مايبيها
وابوي يقولي زوجك ماراح يسوي الأشياء إللي تبينها بس بتنهانين قدام عمامك وخوالك لأن بيسوي مثل كل مره وبيطلع نفسه على حق ويذم فيني ويألف سوالف علي ويجيب مواضيع خاصه ويتكلم فيها ويغير محور الكلام وتصير الجلسه بس اهو يتكلم ويذم فيني وإهي سوت وإهي قالت وأنا ماقصدت وامي ماقالت
وأنا محتاره ألحين هل أروح الاجتماع بكره واحضره في بيت عمي مع خالي وابوي واخوي ماراح يحضرون ولا أرفض هالاجتماع ..
لأن الأشياء إللي ابيها منه وإهي السكن ذكر برسالته انه مايقدر ماديا ولا راح يطلع من بيت اهله
فأيش رايكم.

رد : »حياتي على وشك الإنهيار«((مستجدات في الرد 23))
 

رد : »حياتي على وشك الإنهيار«((مستجدات في الرد 23))
 

هل زوجك مواظب على الصلاة واخلاقه كويسه
وهل هو كريم معك

رد : »حياتي على وشك الإنهيار«((مستجدات في الرد 23))
 

الله يفرجها عليك
طيب السكن الي كنت فيه ليش مايعزله نهائيا عن بيت اهله
يعني يكون مدخله خاص ولايمر بهم ولااحد يقدر يدخل بيتك

رد : »حياتي على وشك الإنهيار«((مستجدات في الرد 23))
 

حاسه بكل كلمه قلتيها وهذي مو اول مره يتصرف هالتصرفات يهيني ويذلني ولما الموضوع يوصل لاهلي يرفض
يتفاهم معهم ويصير تدخل من اخوانه ويجون بيت اهلي ويقولون إهو إللي طالب منا نحضر ونرجعها ويقنعون ابوي انه مايبي يحضر عشان لاتطلع منه كلمه بالغلط وتكبر المشكله لانه إنسان عصبي وما يقدر يمسك نفسه ويترجون ابوي ويقولون له على ضمانتنا إن خلاص ماراح تشوفون إللي يسركم وعشان خاطر الاولاد لايضيعون وارجع ويرجع كل شي مثل ماكان

رد : »حياتي على وشك الإنهيار«((مستجدات في الرد 23))
 

والله موضوع الصلاه أشوفه اسبوع يصلي الصلاه بوقتها وكل الفروض وسبوع تفوته فروض ومايقبل إني اقوله قوم صل لازم يسوي مشكله ويقول لايكون معتبره نفسك شيخ وماعليك إلا من نفسك ووو...
وأخلاقه مزفته معاي والدليل تصرفاته
والمصاريف بس من كم شهر صار يعطيني شهريا 200ريال ويشتري مؤنه البيت وانا اي شي احتاجه من مكافئتي
حقت الجامعه

رد : »حياتي على وشك الإنهيار«((مستجدات في الرد 23))
 

معقول ولا مره اتصل على جوالك او ارسل لكي رساله!!!!!!!!!

رد : »حياتي على وشك الإنهيار«((مستجدات في الرد 23))
 

هذا الموضوع كلمته فيه بداية زواجنا وقالي إنه مايصير لأن تصميم البيت كذا