|
رد : زوجي تخلى عني
:*
تتحدثين وزوجك عن أجراء عملية الإجهاض وكأنها مسموح بها وتجرى في المستشفيات بكل سهولة ياعزيزتي الإجهاض ممنوع إلا في حالات طبية معينة يشكل فيها الجنين خطر على الأم أو يكون به خلل ما يضطر لإجراء أجهاض وغير مسموح به نهائياً حتى في الدول الأخرى التي لادين بها يمنع الإجهاض في الشهور المتأخرة كالرابع والخامس لأنه أمر لا إنساني وأكيد زوجك يعلم هذا الشيء لكنه يخوفك به |
رد : زوجي تخلى عني
لاتحزني. تلك الروح التي بداخلك الله من وهبها الحياه. فلايستطيع احد إزهاقها !
حتى انت ! وان اقدمت بالرغم من ان هذا. لايقبل المرور على عقلي حتى. لانك في الشهر الخامس ولصعوبة ذلك ولإستحالته طبيا حسب الاجراءات ولانه. شهر واحد فقط ويتحرك. هذا. الجسد الصغير وسط احشائك فيداعب امومتك من جديد لاتفكري في الصغير. لان الله يحفه برعايته ! ولاتراسلي اباه لان الوقت ليس مناسبا فهو لازال. مشحونا. جراء الرساله التي قرأها فدعيه يمارس الغياب والاختلاء حتى تستقر افكاره ونفسيته بعدها ستأتيك بادره منه تخبرك بانه الوقت المناسب انا لا الوم ليقيني ان اللوم يجعل الشخص مكتئبا نادما حد التبلد ينشعل عن الحل في التفكير في خطأه وذاته لذا انت تعين خطأك. فلاتكرريه وتعين ماسببه من تبعات فتقبلي النتائج خصوصا لطبيعة زوجك وشكه ماعليك سوى الالتفات لصحتك وطفلك وجنينك الذي يتغذى روحيا من ام اضناها الهم فينشأ متأثرا بذلك اعتبري زوجك مسافرا فبإرسالك له او محاولة الاصلتح بالإلحاح تزيدين استيائه وعناده كوني من الله اقرب واقرئي القرآن لتعين كما اكبر من الحياه والامور وليستكين قلبك بذكر الله فلو اجتمعت الحشود على ايذائك فلن يستطيعوا مادمت في امان الله |
رد : زوجي تخلى عني
يا اختي لو بيطلق .. ما يحتاج يرسل ويهدد .. وما كان خلاك دقيقة وحده لو انه شاك فيك
او بأخلاقك .. أولا : أنتي أخطأتي ما فيها كلام .. لكن ترى الموضوع ما هو كبير مزح وصحيح انه مزح بايخ منك لكن بالاخير مجرد كلام ثانياً :يبيك تنزلين الجنين ( رغم اني ما اعرف كيف يبغاك تنزلين الجنين ومدري بأي مستشفى موجود فيه هالكلام مثل ما قالت الاخت سيدة الموقف ) كل الي يفعله رفع ضغط وتأديب لك + طبع زوجك كل ما تهاوشتو وداك لبيت أهلك .. فهذي طريقته في حل المشاكل انا متفهمه لوضعك كمطلقه مره وما تبغين الطلاق لكن زوجك لا بد يشوف منك زعل حقيقي لاتهامه وشكوكه يمكن هو فعلاً شخص شكاك او يحاول يضغطك نفسياً لاسباب تتعلق فيه وبنفسيته وبشخصيته مو انتي السبب فيها ( وهالمسج الي قرأه أعطاه الفرصه ) الآن اتمنى منك انك تقطعين كل تواصل معه فتره شهر شهرين المدة الي تحسين فيها ان نفسيته هدت بعدين تدخلين شخص عاقل بينكم من أهلك او اهله هو وان شاء الله ينتهي الموضوع على خير اما هو لا عاد ترسلين ولا تعتذرين كلمة وقلتيها وغلطتي وانتهت اما يطلق والا يمسك لسانه اما نزلي الجنين والسخافات هذي إذا أرسلها لك ردي عليه برد واحد تعال ودني لأي مستشفى وبأي وقت لأن حضور الزوج لازم وخليه هو يتصرف وانا متأكده انه مجرد ضغط نفسي منه أصلاً الجنين الآن ما عاد يجهض وهو عارف هالكلام يمدحون التطنيش لين الواحد يركد الله يفرج همك |
رد : زوجي تخلى عني
اقتباس:
اتوقع والله اعلم مجرد تأديب وماهو مطلق حاليا حاولي تستعطفينه ببنتكم ( مدري ولدكم معليش نسيت وش عندك:21: ) الله يحفظه لك من كل مكروه ولاتنسين كثرة الدعاء والاستغفار والصدقه والله يهدي زوجك ويردكم لبعض ردا جميلا |
رد : زوجي تخلى عني
اخر رد لتحليل وابل الندى صحيح ..
الله يهديك ماكان ناوي يوديك ،، لكن هنا ارجعي اتصلي عليه واتركي عنك الكرامة وجيبي سيرة الولد والنونو وماذنبهم استعطفيه .. كثير رجعو لزوجاتهم بسبب الأولاد .. هو الآن يفكر ومتردد واستغلي الشيء هذا .. وسيبي حركات النص كم مع البنات كثير يستهبلن وهن نظيفات للأسف .. |
رد : زوجي تخلى عني
حبيبتي زوجك ارتاحي واطمني ما راح يطلق لانه يحبك ومتمسك فيك وبالبيبي وببنتك
انا صارلي 14 سنة متزوجة ومريت بمشاكل وخيانات وبلاوي سودا من زوجي وعمري ما فكرت اترك البيت لكن بما انك طلعتي خليكي في بيت اهلك لحتى بعد الولادة ومن هنا لين اربع شهور يعني بعد ولادتك صدقيني راح يهدا ويرجع لعقله ويرجعك باذن الله بما انك وضحتي وجهة نظرك واعتذرتي ووبررتي موقفك ما فيه داعي كل شوي ترسلي له مسجات اعتذار زوجك نمطه شمالي شرقي يعني عصبي وحقود وما يرضى بسهولة كل اللي عليك التزمي على الاستخارة بالبقاء معاه او لا من هنا لين الولادة وصدقيني الله راح يحلها من عنده واذا بقائك خير معاه راح يرجعلك واذا شر الله راح يصرفه كل مشاكلنا اذا رجعناها لله وانها قضاء وقدر والخيرة فيما يختارة الله ترتاح نفسيتنا وتهداء حاليا ارتاحي وجهزي حالك للولادة ولا تفكري بالمشكلة واقرئي كثير عن الولادة وتجهيزات البيبي وان شاء الله تقومي بالسلامة واتركي زوجك لا تتصلي ولا ترسلي ولا شي ولا تتابعي اخباره اتركيه شهر شهرين وحتى سنة لين يجي لحاله ويرجعك خلي عندك كرامة وحبي نفسك وذاتك ولا تجري ورا واحد مجرد كلمة شك فيك وبالبيبي اللي في بطنك زوجك مو طبيعي ولو كان رجل عنده اخلاق وحكمة وصبر كان جلس معاك وتفاهم لكنه عصبي ويفتقد للحكمة واخلاق الرجال معليش تحملي شوي واظغطي على اعصابك وقولي يارب واستمري هذي الفترة على الاستغفار 1000 مرة باليوم راح تهدء نفسيتك حاولي اعملي تمارين الاسترخاء من اليوتيوب واعملي طريقة التامل بالطبيعة راح ترتاحين شوي لا تضلي تفكري فيه صدقيني الموضوع موضوع وقت هو زعلان وماخذ على خاطره اتركيه لين يهدء لحاله ويرجع يكلمك طبيعي اصبري اصبري اصبري ولا ترمي حالك عليه والجنين اوعي تنزليه ولا تسمعي كلامه مثل ما قلت لك هو الحين اخذته العزة بالاثم ومو شايف غير الشياطين اللي معاه اتركيه لين يهدء حتى لو طول الموضوع لسنة وبعد السنة دخلي اهله بالموضوع يعني اعطي حالك اقصى مدة انه ان شاء الله بعد الولادة راح يتغير ويرجعلك لكن اذا طال الموضوع للسنة دخلي اهله بالموضوع واعرفي راسك من رجليك انتبهي خليكي في بيت اهلك ولا تتصرفي أي تصرف الا بعد ما تيجي هنا وتشاورينا او تشاوري ابوك او امك او اخت كبيرة لك متزوجة وعندها خبرة الصبر الصبر الصبر والاستعانة بالله حل مشكلتك استمري على الاستخارة هذي الفترة هو معصب وزعلان وماخذ على خاطره اتركيه لين يهداأ وهو لحاله راح يرجع |
رد : زوجي تخلى عني
اقتباس:
أؤكد على ان لا تستمري بإرسال اعتذارات .. أخطأت واعترفتي بخطئك واعتذرتي ... لو كان نوع الخطأ لا يمس الشرف وشك زوجك لكنت ربما قلت لك استمري بالاعتذار .. لكن وبما أنه الموضوع يمس شرفك فاحذري كثرة الاعتذار بهذه الحالة وكأنك تأكدين شكوكه فيكي .. لازم يكون لك وقفة حازمه على قدفه لكِ .. الرزق على الله مو على عبيده .. لو لك نصيب بترجعي .. لكن اصبري وتوجههي لمقلب القلوب الله يبرد قلبك ويخفف عنك ويرزقك بر ذريتك ويفرحك فيهم |
رد : زوجي تخلى عني
والله العظيم انا لو مكانك لاقلبها عليه
اصلا هو مريض نفسي يدورها طلعتك من البيت يبغى يروق شوي مع صحباته و انتي خبله عطيتيه فرصه انتي مزحتي مزحه صحيح انها سامجه و قليله ادب لكن تروح و تجي اسمها ( مزحه ) لحد يضحك عليك و يقولك غلطتيو مدري ايش والدليل شوفي ما يبغا يدخل احد فالمشكله عارف انهم بيلومونه .. كيف تطلق على شي ما صار و اصلا هو عارفك و عارف انك نظيفه و تأكدي لو كان شاك فيك لو عشرة بالميه ما عطاك مجال للتفاهم اصلا تعلميني فيهم الرجال ... و حركاتهم الملتويه يا شيخه قفلي جوالك عنه و ريحي رااااااسك خليه يتنقع زعلان .. هذا يتمحوص عليك ، و تشوفين اذا ما رجع من نفسه |
رد : زوجي تخلى عني
أختي غلطتي غلطة كبيرة .. خصوصاً بعد مشكلتك الاولى ..
ولو فكرنا بعقلانية وبعيداً عن العواطف .. إنتي الان بين خيارين أحلاهما مررررر .. أولاً أن تنظري أنه يجيب زوجك ورقة الطلاق وينتهي كل شي .. وبكذا تضمني لنفسك وبنتك على الاقل حياة كريمة . والثاني .. إنك تترجيه وتوضحي له إنك غلطانه وحتى لو وصل الامر تذلي نفسك عنده .. لان اللي سويتيه مو هين .. كله من أجل إنه يرجعك .. ولكن بعد مايرجعك كيف راح تكون حياتك ؟!! لاقيمة لكِ في البيت .. راح يتغير تعامله لكِ 180 درجة .. راح يكون دائماً نظره لكِ نظرة شك .. يعني بصراحة .. حياتك ماراح ترجع زي أول أبداً .. عليكِ بالدعاء .. وأسأل الله أن يفرج همك وييسر أمرك ويكتب لكِ الخير حيثما كان . |
رد : زوجي تخلى عني
جيت بكتب رد لقيت الفردوس كاتبه اللي ببالي ....
ياختي هو الغلطان هو اللي المفروض ينزعل عليه ويطنش ...اجل يسوي خيانات ومحادثات لاترضي الرحمن وانتي مزحه مزحتيها صرتي الغلطانه الحمد لله ان الحساب بيد لله مو بيد البشر ارسلي له رساله تذكير ووعظ لخياناته وذكريه ان الله يبلاه بذنوبه قولي انا انسانه عفيفه طاهره سواء صدقت او ماصدقت يكفي ربي اعلم بي وبلاش ترجي وتودد ولا عاد تدقين عليه |
| الساعة الآن 09:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©