|
رد : حاسة بخوف وندم .. ختان ولدي
اقتباس:
غاليتي الشتاء النظام عندنا ممنوع دخول الام مادري لو وحدة اصرت عليهم يمنععوها ولا لا بس الغالبية ماتدخل لان المستشفيات نظامها كذا عن نفسي ماتحمل اشوف شي من جسمه ينقطع امامي |
رد : حاسة بخوف وندم .. ختان ولدي
الله يحفظه لك يا فكوهة
انا طهرت ولدي بعمر سنتين لكن مش بتخدير كامل :/ والحمد ما عذبني كثير يعني لحظه انتهاء التخدير وقام يصرخ عطيته دوا عشان ينوم فعلا نام ولما قام ولا كأنه صار له شي بس الحين معذبني بدخول الحمام كل ما اغير له ملابسه او احميه يبكي عشان ألبسه ويقول ماما عيب تجيب دم ههههههههههههههههه للحين متذكر الموقف حكيت قصه حياتي :) المهم حبيبتي مثل ما قالو البنات توكلي وطهريه بعد العيد وان شاء الله ما فيه إلا العافيه على فكره حتى انا وابو محمد خونه هههههههههههههه الله يحفظه ويحميه لك من كل شر |
رد : حاسة بخوف وندم .. ختان ولدي
وتستمر فاكهة الشتاء بتلقي الرودوح المستنكرة لجريمتها النكراء
هههههههه يﻵ بعد العيد بشرينا طيب |
رد : حاسة بخوف وندم .. ختان ولدي
اقتباس:
الله يحميه ويفرحك فيه طمنينا عنه ارجوك حبيناه بدون نشوفه |
رد : حاسة بخوف وندم .. ختان ولدي
لاتصيرين مثل أختي أجلت الطهر ..لان صار عمر الولد 10 سنين وتوهقت
شكلهم بيطهرونه لما يتزوج..هههههه والغريبه |إن طفلها الثاني طهرته ونست الكبير أنا ولدي طهرته على 6 أشهر وبتخدير كامل كنت خايفه من التخدير..بس الدكتور قال لي لابد منه علشان حركة الطفل اللي ممكن تزعجه وقت العملية أذكر ذاك اليوم كنت بس أبجي ودموعي تهل..الله يصبر قلبج ويطمنج عليه |
رد : حاسة بخوف وندم .. ختان ولدي
أنا ماعندي خبرة ولو الأمر انترك علي كان ماطهرت ولدي من خوفي عليه
لكن الحمدلله ابوه أصر يطهرونه بدري وانتي تذكرين قصة تطعيمه تذكرت تطعيم ولدي أنا دخلت فيه على الدكتورة لحالي وكان يلعب ويطالعني ومبسوط المصيبة أنا الأم لحد الان اخاف من الابرة واتهرب من التحاليل بسببها فلما عطته الابرة وبكى أكثر شي عور قلبي انه ماكان يطالع مكان الالم أو جهة الممرضة لا ظل مثل ماهو يبكي ويصارخ ويطالع عيوني يمكن الي يعور القلب وقت الختان نفسه لكن بعدها خلاص في مسكنات ودام انهم قالو لك في تخدير يعني خلاص مارح تضطرين تسمعين صراخه وقت التختين |
رد : حاسة بخوف وندم .. ختان ولدي
السلام عليكم ورحمة الله وبركاته
اخواتي الحمدلله تمت عملية الختان اليوم وكنسلت موعد المستشفى اللي بتخدره تخدير كامل ورجعت لمستشفى اللي ولد فيها اللي اصلا عنده موعد فيها طبعا عطوه مسكن موضعي وابرة مسكنة وحطوه على سرير صغير وربطوا رجليه ويديه وامروني بالخروج كانت لحظة صعبة جدا بكيت وخرجت تقريبا استغرقت العملية 7 دقايق اول ما دخلت وناديته التفت بسرعة تجاهي وعيونه دموع رجعنا البيت وبكى كثير والان نايم ادعولي اخواتي ان ربي يخفف عنه ويشفى سريعا Unlimited ردك كثير اضحكني وسلاني الله يبارك في الجميع سؤال يا بنات كيف اعتني به؟ المستشفى عطتني تعليمات ولكن مايمنع استفيد منكم |
رد : حاسة بخوف وندم .. ختان ولدي
مبرووك وعقبال الزواج يارب
انا والله ما عملت شي غير تعليمات الطبيب ولبسته البامبرز من عندي لأنه كان كثير الحركه خفت كثير من الزيت يقولو يسوو عليه زيت زيتون بس خفت وما سويت شي الله يعينك حبيبتي ويحفظه لك موفقه |
رد : حاسة بخوف وندم .. ختان ولدي
حمدلله على سلامته فديته.
خمس شهور يالظالمة ! :d شخصياً كنت أبا أختن سلطان ثاني يوم الولادة .. وكنت على وشك أعبي الورقة .. بس ما أذكر شو صار بالضبط وزوجي ما رضا يختنه عندهم! طلعت من المستشفى بس حالتي ما كانت تساعد كثير اني اطلع أو أتحرك براحتي .. فأجلنا الختان شوي .. لكن لما قرب سلطان يكمل ثلاث أسابيع قلت خلاص لازم نختنه. وفعلاً توكلنا على الله .. بس رحنا مستشفى ثاني غير اللي ولدت فيه. والتخدير كان موضعي .. بس للأمانة لو كان الدكتور طلب تخدير كامل ما كنت بارفض .. صراحة ما كنت متخيلة يقصون قطعة من جسم ولدي وهو صاحي!!!!!! زوجي دخل معاه بروحه .. وفي الحقيقة لا أنا كنت مستعدة أدخل وياه ولا زوجي كان بيوافق لأنه يعرف إني ما باتحمل .. وحتى في تطعيماته الأولى كان هو اللي يوقف على راس سلطان .. وأنا أتم بعيد. طبعاً كنت أم مستجدة وقلبي رهيف :d .. بس بعدين خلاص قلبي صار قوي وصرت أقدر أجابه هالمواقف بروحي. المهم .. تمت عملية الختان ورجعنا البيت .. وما أذكر إن سلطان تألم كثير أو إن الألم طوّل وياه .. وكنت بس أستخدم له مطهر. |
رد : حاسة بخوف وندم .. ختان ولدي
يا ستي صدقيني في بلدنا يعملون الختام في السنتين و الثلاث و حتى اربع
اعرف انه خلافا للسنه و لكن امر و حدث لماذا تتالمين على عمل ولى خلص المسالة خلصت و الحمد لله اربعه اشهر اقل بكثير من سنوات البعض يعملوا الختان بدون تخدير كامل فاكهة لا تندمي على شئ لا تستطيعين اصلاحه و لنستعمل كلمة كيف بدل لماذا فهي لن تحل شيئا تقبلي حبي واحترامي |
| الساعة الآن 02:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©